حد يطمني عليا

[شاعر الحب الحزين]

حد يطمني عليا

حد يقوللي انا عامل ايه

ممكن حد يحس بيا

يتكرم ويقول انا عايش ليه

أنا اللي حزن الدنيا فيا

وكنت أكبر حزن بدوس عليه

اختارني غدرهم ضحية

بعد ما عشانهم عمري ضحيت فيه




حد يسأل عني

يشوف انا رحت فين

حد ياخدني مني

وعادي يرجعني بعدين




أنا مجروحة روحي

وبقول اني بخير لما يسألوني

سؤالهم بيفتح جروحي

بضحك والدمع مالي عيوني

ما انا عايش بدون روحي

والفضل يرجع للي خانوني




حد يطمني عليا

دي مش أيامي ولا أحلامي

حد يطمني عليا

أنا بالعافية بقى يطلع كلامي

حد يرجعني ليا

يا إما ياخدني مني ومن حطامي




ش . ح

[نجاة حسام]

كل واحد فينا جواه جزءضلمه وجزء بسيط من النور
رجلنا وعقلنا وقلبنا بياخدنا لواحد منهم
اعمل عكس اللى انت عوزو
هتلقى طريق نجاه من الحزن حتى لو فتره بسيطه
اتمرد على الامر الواقع حياتنا لو حزن هنعشها وهتعدي
ولو فرح بردو هنعشها وهتعدى
اختار انت الطريق المهم انك تفرح وتضحك حتى لو من بره
ربنا يحفظك ويسعدك ويبعد عنك اى شر
اخى الغالى خالد

[ساحر الأحزان]

حد يطمنا عليك انت

لان ليك وحشه كبيره

شاعرنا الجميل

نحن في شوق الي جميل تواجدك

وجميل مواضيعك

وجميل تشجيعك

وروحك الحلوه

تحياتي ووردي لك شاعرنا الجميل

[أمير عسكر]

الغالي والعزيز شاعرنا حمدلله ع السلامة أولا
ثانايا كلمات بلسان الأنثي المتألمة
تسلسل للمعاناة الهجر والغدر والخيانة
وبكل تأكيد أتقنت الحالة وكنت فياض المشاعر

وكأنها أغنية شجن ، تحية تليق بك شاعرنا
مع خالص ودي

[فــــــــــرح]

بتمر علينا لحظات فعلا بنحس بيها بوحده شدددديده
وبنلاقي نفسنا فغربة حتى وسط اهالينا
ومحتاجين بس ( حد يطمن علينا)..
لوم كبير جوانا بنفرغه في اللي حوالينا عشان نقولهم
احنا هنا حسو بينا ..
وكل يوم بتاكد ان الغربه الحقيقيه جوانا احنا
مش غربة. وطن وبعد جسد ..
الروح بتوحع اكتر ..


كلام كبير استاذ شاعر
ويارب يكون مجرد كلام مش مشاعر بجد
لان الوجع فيها ( مُعدي)

[دمعه حائره]

احساس عالي في وصف الحاله
ربنا يسعدك ويروق بالك

[M e s k]

ساعات بنمر بالحاله دى
احساس عالى
تسلم كتير بجد
يدوم نبضك

[شاعر الحب الحزين]

اقتباس المشاركة الأصلية كتبت بواسطة نجاة حسام كل واحد فينا جواه جزءضلمه وجزء بسيط من النور رجلنا وعقلنا وقلبنا بياخدنا لواحد منهم اعمل عكس اللى انت عوزو هتلقى طريق نجاه من الحزن حتى لو فتره بسيطه اتمرد على الامر الواقع حياتنا لو حزن هنعشها وهتعدي ولو فرح بردو هنعشها وهتعدى اختار انت الطريق المهم انك تفرح وتضحك حتى لو من بره ربنا يحفظك ويسعدك ويبعد عنك اى شر اخى الغالى خالد

عندك حق يا نجاة
الحياة محتاجة تمرد عشان تمشي
مفيش حد بيختار طريقه بمزاجه
ساعات الطريق هو اللي بيختار صاحبه
بس كلامك دوا ونابع من إحساسك الطيب

تسلمي ويسلم نبض قلبك الطيب نجاة
أسعدتيني بحضورك وتفاعلك القلبي النقي
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة ساحر الأحزان حد يطمنا عليك انت لان ليك وحشه كبيره شاعرنا الجميل نحن في شوق الي جميل تواجدك وجميل مواضيعك وجميل تشجيعك وروحك الحلوه تحياتي ووردي لك شاعرنا الجميل

تسلملي أمجد الغالي
أنا بتطمن على نفسي بحضورك وكلامك
ان شاءالله اللي جاي احلى وأحسن

تسلم ويسلم نبض قلبك الطيب
أسعدتني حضوراً وقولا أخي الغالي أمجد
شكري وتقديري وامتناني ❤️

[شاعر الحب الحزين]

اقتباس المشاركة الأصلية كتبت بواسطة أمير عسكر الغالي والعزيز شاعرنا حمدلله ع السلامة أولا ثانايا كلمات بلسان الأنثي المتألمة تسلسل للمعاناة الهجر والغدر والخيانة وبكل تأكيد أتقنت الحالة وكنت فياض المشاعر وكأنها أغنية شجن ، تحية تليق بك شاعرنا مع خالص ودي

الله يسلمك ويسعد قلبك سمو الأمير
بعض مما عندكم يا نقي القلب والحضور

سلمت وسلم نبض قلبك الطيب
أسعدتني حضوراً وقولا سمو الأمير
شكري وتقديري وامتناني ❤️