تشريد الاسايطة مسابقة المشاركات

[طبيب الهوى]

يوم في أسيوط
جلست استعيد ذكريات الماضي
فتذكرت دعوات أخي شاعر الإحساس
وأختي مروة فداء وابنتي منة قيثارة الصمت
وابني أحمد الماجيك
لزيارتهم في أسيوط
فقررت افاجئهم بزيارتي لهم
وصلت أسيوط وبدأت بزيارة ابنتي منة
ولما فتحت الباب اتسمرت مكانها وقالت بابا
كان خلفها زوجها عليوة صاحب المهر الغالي
وصرخ بوجهي الحقني يا عمي بنتك تعباني خالص
هو في ست بتتوحم على غزل البنات
ضحكت وقلتله عشان تعرف وتتأكد
انك تزوجت أنثى استثنائية ��
وتركتهم لزيارة أخي وحبيبي شاعر الإحساس
وأول ما فتح الباب صرخ وقال
إيه اللي جابك يا أبو عصام مفيش غدا
بخيل بخيل
رديت عليه بعنف
أين أشيائي ��
وذهبت لزيارة أختي الحبيبة مروة
فتحت الباب ولما شافتني زغردت وقالت
نورت يا أبو عصام
تعالى الحق الغدا عشان تلحق ترجع القاهرة
وخلي بالك الغدا بقسماطة وزيتونة ������
وسمعت عندها صوت الخروف اللي سرقته
من منة دمعه حائره
ولما سألتها ايه الصوت ده قالت
مااااااااااااااءعرفش
قلت أروح أطمن على ابني أحمد الماجيك
سلم علي بحرارة شديدة وقالي
نورت يا عم أبو عصام
يلا تعال اوصلك للمحطة عشان مشغول
وبجهز للسفر
قلتله فطرني يا بخيل
قالي أوعدك يا عمي
أول ما اوصل السعودية
هصورلك الفطار وابعتهولك على الواتس
ولما أكتب عن الاسايطة انهم بخلاااااااااااء بيزعلوا
احكموا انتوا بقا
هذيان قلمي المجنون
أبو عصام

[الملكة كيلوباترا]

هههههههههههههههه لا ازاى كدة المفروض ان اهل اسيوط كرماء وتسلم يااستاذنا

[M e s k]

قلتله فطرني يا بخيل
قالي أوعدك يا عمي
أول ما اوصل السعودية
هصورلك الفطار وابعتهولك على الواتس
______

هههههه فصلت ضحك
جامده وربنا

تسلم استاذنا وعاوزين حلقه تانيه الاسايطه كتير

[العاشق الذى لم يتب]

كده انا زعلت اوى
اولا اهل اسيوط كلهم كرماء
وتانى حاجة وهى الاهم انك زرت الجميع وماهنش عليك تيجى تزورنى
ولاحتى تسال عليا
الله يسامحك
ولما توصل اسيوط تانى تعالى زورنى
وهتشوف الكرم
منور اسيوط ياابو عصام
تسلم

[ساحر الأحزان]

وحشنا نهفاتك الحلوه أبوعصام

والصعايده أهل الكرم

بس تعويم الجنيه عمل أزمه

والحمد لله تعدي علي خير

وتشوف حبايبك كلهم

من جديد

احسنت طبيبنا

صاحب القلم الجميل

تحياتي ووردي

[طبيب الهوى]

اقتباس المشاركة الأصلية كتبت بواسطة الملكة كيلوباترا هههههههههههههههه لا ازاى كدة المفروض ان اهل اسيوط كرماء وتسلم يااستاذنا

المفروض حاجة والحقيقة حاجة تاني يا بتي
أنا أعرفهم من زمااااااااان
ال كرماء ال هع
نورتيني يا كليوباترا
تحياتي وودي وورودي
أبو عصام

[طبيب الهوى]

اقتباس المشاركة الأصلية كتبت بواسطة m e s k قلتله فطرني يا بخيل قالي أوعدك يا عمي أول ما اوصل السعودية هصورلك الفطار وابعتهولك على الواتس ______ هههههه فصلت ضحك جامده وربنا تسلم استاذنا وعاوزين حلقه تانيه الاسايطه كتير

الحمد لله الذي جعلني سببا في اسعادك ابنتي
الاسايطة اللي أعرفهم مش كتير
مش فاضل غير ابني محمود الفيلسوف
بس هو اتجوز واستقر في موزمبيق
ولما عزمته على أسبوع في شرم الشيخ
رفض عشان قولتله المواصلات عليك هع
نورتيني يا مسك
تحياتي وودي وورودي
أبو عصام

[طبيب الهوى]

اقتباس المشاركة الأصلية كتبت بواسطة العاشق الذى لم يتب كده انا زعلت اوى اولا اهل اسيوط كلهم كرماء وتانى حاجة وهى الاهم انك زرت الجميع وماهنش عليك تيجى تزورنى ولاحتى تسال عليا الله يسامحك ولما توصل اسيوط تانى تعالى زورنى وهتشوف الكرم منور اسيوط ياابو عصام تسلم

أهل أسيوط كرماء بأمارة إيه يا رفعت
وأنت منهم إزاي حسب ذاكرتي
انك أخبرتني بأنك هواري مثلي
وأهل هوارة متواجدين في قنا
دشنا ونجع حمادي
واللي أعرفه برده انك ابخل البخلاء
لدرجة ان لما حد يصبح عليك ويقولك
صباح الخير يا رفعت ترد وتقول نور
اختصار لصباح النور
يبقا أجي أزورك إزاي
نورتني يا رفعت
تحياتي وودي وورودي
أبو عصام

[أمير عسكر]

ههههههههههه
والله مش هقدر ادافع بعد اللي حصل معاك
بس معايه اصحابي في الشغل اسايطه فيهم وفيهم
تسلم ابو عصام ادخلت البسمة علينا
فتحية تليق بك مع الود

[طبيب الهوى]

اقتباس المشاركة الأصلية كتبت بواسطة ساحر الأحزان وحشنا نهفاتك الحلوه أبوعصام والصعايده أهل الكرم بس تعويم الجنيه عمل أزمه والحمد لله تعدي علي خير وتشوف حبايبك كلهم من جديد احسنت طبيبنا صاحب القلم الجميل تحياتي ووردي

أكيد الصعايدة أهل الكرم
وأهل أسيوط كانوا كرماء
أيام شيخ العرب همام الهواري
لكن بعد الاستعمار الإنجليزي لمصر
أصبحت أسيوط أهل البخل ومعقل البخلاء
واسأل توفيق الحكيم
أوعى تكون من أسيوط يا أمجد ازعل اوي
والله يا أمجد وجودكم معي هو اللي بيطلع النفهات دي
سعدت بتواجدك يا أمجد
تحياتي وودي وورودي
أبو عصام