ذهبت لأمير المؤمنين أشكو شدة عشققى فأهدانى أربعين .... الجزء الثانى

[العاشق الذى لم يتب]

السلام عليكم واهلا بيكم ووحشتونى ومنورين
كنت حكيتلكم زيارتى لأمير المؤمنين طول الله عمره
بسبب معشوقتى وابوها اللى طلب منى مهر ذهب مثل جبل احد
والتفاصيل فى الجزء الاول وده الرابط بتاعه
علشان تشوفو الحكاية من الاول



https://forums.banatmasr.net/msryat608056/


واسمحولى اكمل باقى الحكاية
أمير المؤمنين طول الله عمره بعد ماسمع منى شدة عشقى لمعشوقتى
وعرف طلب ابوها الغريب
ارسل الحاجب واستدعى ابو معشوقتى ومعشوقتى
ثم قال الأمير لمعشوقتى


أيتها الأنثى أءنت معشوقة العاشق ؟


قالت نعم ياامير المؤمنين انا معشوقة العاشق


ثم قال الامير لوالدة معشوقتى
وأنت أيها الرجل والد المفعوصة دى ..قصدى المعشوقة
قال والدها نعم ياامير المؤمنين انا والدها وياليتنى ماكنت ولدتها


قال الامير فى غضب واستغراب
أيها الرجل اتعدل فى كلامك لحسن والله اعوجك
تقولى ياليتنى ماكنت ولدتها أيها الابله هو فيه راجل بيولد
ياامير المؤمنين مش قصدى ولدتها قصدى انى ابوها


قال الأمير لمعشوقتى ايه حكايتك يامفعوصة انت وايه حكاية
انك معشوقة وحبيبك معشوق هو مافيش لكم اسماء واشمعنى يعنى
معشوقة ومعشوق


قالت معشوقتى : عفوا ياامير المؤمنين مش دى المشكلة
المشكلة انى بعشقه اوى وبموت فيه ولو ماتزوجته هنتحر أمامك
وأنت المسئول امام الله وأمام كل المملكة




قال الامير اذن لازم تتزوجيه وحالا وفى التو واللحظة


أسرع والد معشوقتى صارخا ياامير لم ولن يتزوجها الابعد
مايجيب مثل جبل احد ذهب وهذا شرطى الوحيد




قال الامير ابنتك تعشق المعشوق وقالت انها هتنتحر
وانا لايمكن ارد طلب احد من الرعية وقد جائنى باكيا وشاكيا
هذا المسمى عاشق


أسرعت معشوقتى إلىّ ثم ضمتنى وأخذت تقبلنى وهى تزغرد وترقص


وتصرخ بأعلى صوتها عاش الامير عاش الامير


أما أنا من هول الصدمة قصدى الفرحة رحت فى غيببوبة وفقدت الوعى


ثم افقت ووجدتى اجلس وماسك يد عروستى وأمامى أبوها والمؤذون يقول
له قل زوجتك موكلتى على سنة منتدى بنات مصر
وقلت أنا وأنا رضيت بزواجى من موكلتك لكن سنة منتدى بنات مصر
ماأتكلش عيش ولاتنفع معايا ابدا




قال امير المؤمنين يطلع ايه منتدى بنات مصر ده
وعلشان انت ياعاشق مش راضى بسنة المنتدى
قررت أنا أن أهبك 39 وثلاثون جارية لتكمل بهم الأربعون
وتعلم أن أمير المؤمنين كريم ولايوجد مثيله حتى ولو فى منتدى بنات مصر


فشكرت الامير وقلت له لايوجد معى دار يعيشو فيها الجوارى
فاعذرنى ياامير المؤمنين ويكفينى معشوقتى


فقال الأمير عليك بتنفيذ الأمر وإنى والله لم ولن أرد عطيتى
فخذ الجوارى ومعشوقتك وإياك أن تغضب احداهن




وجاء حراس الامير بالجوارى الـــ 39 وقد تزينّ ولبسنّ أفخر الثياب
وتعطرنّ وماشاء الله عليهم العين عليهم باردة



ورأت معشوقتى الجوارى فصرخت



والله لم اذهب معك ابدا من اولها تجيب عليا 39 مرة وحدة
دا انت ماطلعتش عاشق

دا انت طلعت طماع وعينك زايغة اربعين عروسة تتزوجهم فى ليلة وحدة




قعدت انا فى الحيرة ومش عارف اعمل ايه
وحد منكم يقولى وايش اسوى فى المشكلة دى








بس كده خلصت الحكاية
واستنونى فى خزعبلات كتيرة بحول الله
كان معكم العاشق رفعت

[ساحر الأحزان]

طيب خدني معك لأمير المؤمنين


حتي أطلب منه أن يهب لي معك

عشره جواري من الحور العين

أحسنت يا صاحب القلم الجميل

التعبير

تحياتي لك

[طبيب الهوى]

خزعبلاية جميلة وقيمة يا رفعت
أنا دلوقتي اتأكدت انك اسيوطي مش هواري
عشان طلبت ١٠ جواري حور عين لنفسك بس
ونسيت إخوانك هنا وأولهم أبو عصام
تحياتي وودي وورودي
أبو عصام

[M e s k]

هههههه
نايس خزعبلايه

[أمير عسكر]

يا جميل القلب أنت
سعدنا بهذا الزخم من فيض قلمك\
تحية تليق بك حببنا

[العاشق الذى لم يتب]

اقتباس المشاركة الأصلية كتبت بواسطة ساحر الأحزان طيب خدني معك لأمير المؤمنين حتي أطلب منه أن يهب لي معك عشره جواري من الحور العين أحسنت يا صاحب القلم الجميل التعبير تحياتي لك

طلعت طماع اوى ياسعادة المدير
عاوز عشرة جوارى مرة وحدة
لو كنت طلبت وحدة بس كنت اناوهبتهالك من الاربعين بتوعى
منور يامدير
تحياتى

[العاشق الذى لم يتب]

اقتباس المشاركة الأصلية كتبت بواسطة طبيب الهوى خزعبلاية جميلة وقيمة يا رفعت أنا دلوقتي اتأكدت انك اسيوطي مش هواري عشان طلبت ١٠ جواري حور عين لنفسك بس ونسيت إخوانك هنا وأولهم أبو عصام تحياتي وودي وورودي أبو عصام

اناياعم ابوعصام مانسيتش حد ابدا
الحمدلله معاناارعين
واللى عاوز وحدة يبعتلى ع الخاص بالمواصفات المطلوبة
يلا فاتحين مزاج
منورابوعصام

[العاشق الذى لم يتب]

اقتباس المشاركة الأصلية كتبت بواسطة M e s k هههههه نايس خزعبلايه

ونايس مرورك الغالى

[العاشق الذى لم يتب]

اقتباس المشاركة الأصلية كتبت بواسطة أمير عسكر يا جميل القلب أنت سعدنا بهذا الزخم من فيض قلمك\ تحية تليق بك حببنا

اشكرك ياكل الذوق

[طبيب الهوى]

اقتباس المشاركة الأصلية كتبت بواسطة العاشق الذى لم يتب اناياعم ابوعصام مانسيتش حد ابدا الحمدلله معاناارعين واللى عاوز وحدة يبعتلى ع الخاص بالمواصفات المطلوبة يلا فاتحين مزاج منورابوعصام

صدقت بقا إنك بخيل يا رفعت
اقولك عاوز ١٠ حور عين
تقول خدلك واحدة يا بخيل
دول العشرة يا دوب على اد أيام الأسبوع
يا بخيل