الزى المدرسي

[M e s k]

السلام عليكم
فى مدرسه اعداديه بنات
فى بلد اسمها نشا
تابعه لمحافظة الدقهليه
كل البنات بلا استثناء لابسين اسدال كزى مدرسي.

قام عمرو اديب فى برنامجه الحكايه
استنكر الوضع ده جدا وقال ازاى يلبسوا اسدال
وفين الزى المدرسي اللى فرضته الوزاره
واشمعنى المدرسه دى
وطبعا انتقد المدير والقائمين ع المدرسه

والمدير قال انو استلم المدرسه والبنات بالزى ده.

......
السؤال المطروح للنقاش

هل فعلا المدرسه كده تعتبر مخالفه لانها مش التزمت بالزى المدرسي وماشيه ع مزاجها

ام المدرسه لها الحق تختار الزى اللى شايفاه صح من وجهة نظرها.

[طبيب الهوى]

كل مدرسة حكومية تتبع الزي المفروض من
الإدارة التعليمية التابعة لها
وكل إدارة تعليمية تتبع تقاليد المكان
الذي تتواجد فيه
أما المدارس الخاصة هي من تحدد
الزي الخاص لها
وفي كلا الحالتين أصبح الزي تجارة مربحة
للطرفين
أما على أيامي في السبعينات والثمانيات
كان الزي موحد على كل المدارس الحكومية
في جميع أنحاء الجمهورية
الله يكون في عون الأهالي
ابنتي مسك
طرح قيم لمشكلة واقعية لكل أسرة في مصر
راق لي أسلوبك في النقاش
تحياتي لفكرك القيم وقلمك المميز
أبو عصام

[شاعر الحب الحزين]

ده زي موحد من ٢٠١٥ في مدرسة نشا
وياريت لو كل المدارس تلبس الزي المدرسي ده
بصراحة الإسدال الأسود جميل وفيه عفة في اللباس
طالما لباسهم موحد يبقى مفيش مشكلة ومفيش مخالفة

طرح قيم منك مسك
ربي يعطيكي العافية

[أمير عسكر]

الزي المدرسي حاجة كويسه عشان الفرقات
والمستوي المادي بين الطلبة
لكن ما دام تحقق الشرط بالإسدال فيكفي
لكن الطبال زعلان عشان دا سمت إسلامي وزي محتشم

طرح قيم تحياتي أكيد

[Aya 7ekaya]

هم مش مشكلتهم الزى لكن مشكلتهم الحجاب لأن لو الزى دى كان بنطلون ضيق مقطع من كل حته مفيش حد كان هيعترض
الحرب ف الأصل ضد الحجاب
موضوع قيم مسك

[ساحر الأحزان]

مهو عمرو اديب قاعد يصطاد في الميه العكره

ان الناس تاكل وتشرب وتلبس علي مزاجه ونسي أن أهم شيء هو التنشأه الصحيحه السليمه
للجيل القادم الي حيتحمل المسؤليه كامله

دول طلبه وليس فناني مهرجانات الجونه والقاهره الدولي حتظهر ما يثار منها
الدكتور عبدالله رشدي نزل عن الزي ده موضوع ومساند للزي لأنه حشمه ووقار

موضوع قيم مسك أحسنتي

تحياتي وتقديري

[فــــــــــرح]

ببساطة طالما المدرسة حكومي فالزي الرسمي هو المتبع من ادارة التعليم
ممكن تلبس نفس اللون الرسمي وتعمله فضفاض وملتزمه بحجابها
لكن دا شيء رسمي وزاري .. الا اذا المدرسه تحفيظ قران يمكن ليهم في مصر نظام تاني

احنا في السعوديه نفس ماقال استاذ ابو عصام الحكومي زي موحد والاهلي زي خاص

[دمعه حائره]

بعيدا عن عمرو اديب لان ممكن هدفه من الاعتراض حاجه تانيه والله اعلم
شايفه ان الاسدال زي مش مناسب للمدرسه ومفروض المدرسه تلتزم
بالزي المدرسي العام مع اضافه تعديل لو عايزينه واسع وحجاب
من غير مايفرضوه علي حد
فيه معاهد زي الازهر مثلا بيلبسو زي موحد وواسع
مش شرط يكون اسدال عشان يكون داعم لفكره التدين
تسلمي علي الموضوع

[M e s k]

اقتباس المشاركة الأصلية كتبت بواسطة طبيب الهوى كل مدرسة حكومية تتبع الزي المفروض من الإدارة التعليمية التابعة لها وكل إدارة تعليمية تتبع تقاليد المكان الذي تتواجد فيه أما المدارس الخاصة هي من تحدد الزي الخاص لها وفي كلا الحالتين أصبح الزي تجارة مربحة للطرفين أما على أيامي في السبعينات والثمانيات كان الزي موحد على كل المدارس الحكومية في جميع أنحاء الجمهورية الله يكون في عون الأهالي ابنتي مسك طرح قيم لمشكلة واقعية لكل أسرة في مصر راق لي أسلوبك في النقاش تحياتي لفكرك القيم وقلمك المميز أبو عصام

فعلا الله يكون ف عون الاهالى
يمكن هما بردو راعوا الحاله الماديه
للاهالى بجانب الاحتشام
ميرسي كتير لرأيك القيم استاذنا
نورت

[يحيى الفضلي السودان]

اتمني كل المدارس حكومي وخاص ان يلتزموا بالزي الغير فاصح
زي يكون ساتر وغير شفاف
اما الاوان تفرض الحكومة زي موحد عشات تفرز الطالب من غيره
اما الخاص لكل مدرسة تختاز زيها عشان تراقب طلابها اينما وجدتهم