لما كنا صغيرين

[M e s k]

السلام عليكم
.......


أما كنا صغيرين وتحتها يندرج كل حاجه جميله بكل المعانى

كنا اسره صغيره سعيده وكانت مامتى محور سعادتنا كنا بنستمد منها الطاقه اللى تخلينا نعيش حلو كانت معانا فى كل تفاصيل حياتنا بداية من تصحينا الصبح نفطر لازم ونشرب اللبن وتجهيز اللانش بوكس ونودعها ببوسه ع ايدها ونروح الكى جى بكل فرحه مشوبه بحزن بسيط اننا نمشي سايبين ماما.....

ونرجع نلاقيها مجهزه الغدا وبعدين تقعد معانا تذاكر لنا وقبل المذاكره تسالنا عملنا اى
وبعد المذاكره ننام وتقوم هى تكمل شغل البيت

وكان يوم الجمعه عندنا كأنه عيد نروح كلنا ل تيته مامة مامتى
ونروح هناك الاقى مامتى ف قمة سعادتها وتقعد مع تيته جمبها وتستمع لها ويفضلو يحكوا ف كل حاجه واحس ان مامتى مبسوطه جدا جدا ونقعد نلعب كلنا كبير وصغير ونقضى يومنا كاحلى ما يكون


....
والجمعه اللى بعدها نخرج بره البيت نروح النادى ومامتى تلعب معانا ومش تسيبنا لحظه نلعب ونتبسط ونروح وكلنا طاقه ايجابيه تكفينا لغاية ما نجددها
فعلا عيشنا ايام حلوه ف طفولتنا وسعدنا بها.
وهكذا مرت الايام بكل سعاده وسرور ومش كنا نبطل ضحك......
ولكن فى وسط الفرحه والضحك حصل دروب غير حياتنا للنقيض تماما
هو وفاة التيته واصبحت بوفاتها كتبت شهادة وفاة الفرحه عندنا
مامتى اصبحت الدموع لا تفارها ولا لحظه
حتى يوم فرح اختى من اول دقيقه ف الفرح دموعها منهمره بصوره ملحوظه


حاولت كتير تداريها عننا ولكنها تغلبها ف النهايه...

اصبح كل ذكرياتنا اننا نقول فاكرين اما كنا صغيرين ودى العباره اصبحت لازمه لينا وعايشين عليها نستمد منها لحظات افتقدناها بشده.....

[العاشق الذى لم يتب]

الله يرحم تيتا وامواتناجميعا
وربنايخلى ماما وكل اسرتك
هكذاالدنيا
وسبحان من له الدوام
تحياتى

[طبيب الهوى]

هكذا هي الحياة ابنتي الحبيبة
لقاء وفراق وجيل يسلم جيل
نسعد بها حتى نفارقها
ويجب الا ندع الحزن يسيطر علينا
وأنتي لسه صغننة يا مستكة
تقييمي البسيط + 5 ***** + التثبيت
لبراءة الحرف ومشاعرك النقية
تحياتي لفكرك القيم وقلمك المبدع
أبو عصام

[شاعر الحب الحزين]

لا الفرح بيدوم ولا الحزن بيدوم
وأسوأ ما بالذكريات إنها ذكريات
خصوصاً ذكريات فيها أشخاص فارقونا

الله يرحم جدتك ويجعل مثواها الجنة
ويصبركم ويصبر والدتك على فراقها
وترجع السعادة تملا حياتكم يارب

والدتك معذورة لأن مش سهل
الواحد يستوعب فراق أمه دي أم
ربنا يحفظكم ويسعدكم يارب ��

[fanaa]

ايام زمان كان في كمية دفا وخير وبركة مش طبيعية
الجدة دة وجودها عظيم وفراقها كأن حتى راحت منك
لحد دلوقت مبننسهاش بنفتكر كلامها وضحكها ولمتها للعيلة
وحنيتها..
هى الدنيا كدة كل فترة بحال

[أمير عسكر]

الله يرحمها ويحسن إليها
الجدة نبع ينهل منه الأحفاد ورحمه ربنا زرعها فيها
اذكر لما كنت مشاكس واعمل العمايل وابهدل الدنيا
امي تلف البيت ورايه عشان تعاقبني وتضربني لاتجد الا جدتي رادع لها
وامي تحلف لتضربني لما تيته تمشي لكن تيته تحلف هي كمان
لو ضربتيه منا دخلالك بيت ههههههههه وانا ما اصدق
الله يرحمهم برحمته الواسعه
تسلمي مسك وربنا يسعدك

[ساحر الأحزان]

كلماتك رجعت بيا الزمن للوراء عشرات السنين وذلك الارتباط الاسري الجميل مسك

وذلك الدفيء في العلاقات الاسريه من تزاور ومحبه كنت بروح مع امي رحمه الله عليها لجدتي وانا صغير والعب
ونلعب مع اولاد اخوالي وخالتي ويمر بينا الوقت الجميل والحياه الجميله من دون ضغوط ومشاغل وضغط عصبي
ونفسي الام بركه وخير كبير من الله والجده والجد نعمه من الله
رحم الله جدتك

وبارك بوالدتك مسك

واشكر لكي تلك الفضفضه التي عادت بنا للزمن الجميل
دمتي بامان الله

[saif.m]

شكرا لك على الموضوع

[كريم عاصم]

ديما بنقول الكلمة ده لما كنا صغيرين

لان زكرة الطفوله بتفضل معانا لخد مانكبر

ونقول ياريتنا كنا لسه صغيرين

ديما بنقول الكلمة ده لما كنا صغيرين

ان اتطلعتوا على الغيب لأخترتم الواقع
تحياتى لكِ
كريم