أول مره ف حياتي

[Şα3Đ..♥]

اول مره ف حياتي
أقع ماعرفش اقوم
عشان فكرت ف زكرياتي
زياده عن اللزوم
و ازاي كنت يوماتي
مبسوط انا كل يوم

الدمع مالي عنيا
من كتر الانهيار
وانا صعبان عليا
ضعفي و الانكسار
زي ما أكون في مايه
ومش عاااارف اعوم

انا عمري ما كنت أتصور
اني أكون ضعيف
مش عارف أعيش و افكر
ونومي كمان خفيف
لازم أقوم واقرر
يا أكون او لا أكون

يارب خد بيدي
وقويني ف غربتي
عشان اقدر اعدي
الصعب ف دنيتي
ما اقدرش أعيش لوحدي
محتاج لونس يدوم

[واد حبيب]

مفيش احسن من الذكريات الحلوه اللي كنا عايشنها
كلمات جميله منك ياغالي
نورت المنتدي بوجودك

[أمير عسكر]

لكل منا إنكساراته ولحظات ضعف يشعر كأن روحه أصبحت رماد
لكن يختبر الرجال بالشدائد وتظهر العزائم في المحن
ولابد من بريق أمل يشع يخرجنا من اليأس ويعيد لنا نضرة الحياة
ووقفه مع الذات وقول لازم |أكون وسوف أكون ويظهر المعدن الحقيقي ويتجلا الفارق واضح
بين من تهزمهم إنكسارتهم ومن يجعلون من المحنة رداء يقويهم ولكل محنه منحه من رب العباد

كلمات معبره متناسقة رشيقة التنقل بين القوافي
دمت بكل خير وسعادة من الرحمن
مع خالص الود والتقدير

[العاشق الذى لم يتب]

سلامتك صديقى الفاضل من كل سوء وضر
كلمات ومشاعر راقية
سلمت والنبض
تحياتى

[ساحر الأحزان]

عوده جميله

من صاحب جميل الاحساس

بجميل الاحرف والمعاني العذبه

احسنت محمد جميل بوحك

تحياتي وتقديري لك

[حـيـــــآة ❤]

ربنا يقويك يسعد
تسلم ايدك ❤️❤️
ربنا يسعدك

[fanaa]

عودة جميلة صاحب الصوت الجميل
عاش ع الكلمات تحسها متلحنه وبتتغنى لوحدها كدة

[Şα3Đ..♥]

اقتباس المشاركة الأصلية كتبت بواسطة واد حبيب مفيش احسن من الذكريات الحلوه اللي كنا عايشنها كلمات جميله منك ياغالي نورت المنتدي بوجودك

حبيبي ده نورك
تسلم

[Şα3Đ..♥]

اقتباس المشاركة الأصلية كتبت بواسطة العاشق الذى لم يتب سلامتك صديقى الفاضل من كل سوء وضر كلمات ومشاعر راقية سلمت والنبض تحياتى

الله يسلمك يا غالي
تسلم لرقيك و زوقك

[Şα3Đ..♥]

اقتباس المشاركة الأصلية كتبت بواسطة ساحر الأحزان عوده جميله من صاحب جميل الاحساس بجميل الاحرف والمعاني العذبه احسنت محمد جميل بوحك تحياتي وتقديري لك

الاجمل هو وجودك المستمر يا غالي
تحياتي ليك