ازاي كل ده يحصل فينا

[واد حبيب]

كنت منصفا ياسيدي القاضي
علي كل من اتنزع في قلبه الرحمه والأخلاق والانسانيه علي كل من مات ضميره علي كل انسان علي هيئه شيطان
زمان كان في اخلاق واحترام والناس عايشه وسط بعضها ومش خايفه من حاجه كان كل الناس بتنام وابواب بيوتها مفتوحه مش خايفه من أي حاجه
دلوقتي كل الأبواب مقفوله بالف قفل والغدر ساكن معاك في نفس البيت بياكل ويشرب معاك
عمرنا زمان ما سمعنا عن حالات قتل ولا شاب قتل بنت وسط ولا شاب قتل اخوه ولا بنت قتلت أمها علشان عشقها
كان اختر ما بنشاهد هوه برنامج خلف الاسوار وكنا بنقول أي الجرائم دي ومفيش حد كان مصدق ان كل ده بيحصل لكن دلوقتي بنشاهد كل ده كل يوم وسط الشارع ووسط البيوت وبين الاخوه والصحاب
ازاي يموت ضمير البشر كده ازاي يتعدم الاخلاق والانسانيه وسط النساس
ارجع بينا يازمن الي أيام المحبه والصداقه والضمير الصاحي علطول
ارجع بينا يازمن علشان نعيش بامان وحب واستقرار
ارجع بينا علشان نرجع نقرب من ربنا من تاني ونعيش وسط أهلنا مش كل واحد ماسك تلفونه وقاعد في جنب ومش يقرب من اهله غير بتصل من تلفون
مش عارف ليه بيحصل فينا كل ده هل مات الضمير ولا بعدنا عن ربنا ومكتوب في البطاقه مسلم ومفيش عندنا ذره من الدين ولا من الأيام
مش قادر استوعب كل اللي بشوفه الأيام دي ولا قادر اصدق ان ده كل بيحصل من ناس مسلمه وعارفه ربنا كويس
ازاي ياعالم يحصل فينا كل ده وايه اللي وصلنا لكده

واد حبيب

[*فجر الاسلام*]

تقريبا احنا شرار القوم اللي هتقوم عليهم القيامه
سلم يارب

[أمير عسكر]

الغالي والقلب الطيب واد حبيب

عندما يكون الدين اخر ما يهمنا ، ويكون رب العزة بعيد عن قلوبنا
فلا تسل عن أخلاق ، فكلنا في فلك الشيطان إلا من رحم ربي
كنا دائما نقول أن البيت والآسرة والمدرسة هما دعائم التربية السليمة
فكلما صلح الأباء صلح الأبناء وكلما كانت المدرسة تربية قبل تعليم
كانت النتائج جيل صالح ،،،،،،،،،،،،،،،
لكن كما تري الكثير من الأباء وكذلك المعلميين يحتاجون هم إلى التربية
ففاقد الشيئ لا يعطيه ، ولا تنسى دور الإعلام الممنهج لذهاب الدين والأخلاق
وإذا كان من يسوق إلى البلطجة والإرهاب فنان وبطل ومن تسوق إلى الرزيلة والإنحلال
فنانه وراقصة يسند لها ادوار البطولة وتعليم البنات كيف تكون مومس لتصل إلى المال والشهرة
فلا تسل عن الإخلاق ولا تسل عن الدين ، من قتلت أمها لأجل رغبة ونزوة مع عيل ،
ومن قتل حبيبة في الجامعة ، ومن تخون زوجها لأجل المتعه مغلفة بأسم الحب
أوخيانة الوطن والدين والأمة أليس هذا من طرح الإعلام ونتاج من نشاهده ليل نهار

الأسباب كثيرة سيدي لكن أشكرك على الطرح
فلك خالص محبتي وودي

[Å Ṁ i ŗ â ® Ṁ ä r Ø]

الله يستر علينا ويعافينا
فعلا احنا اصبحا في زمن رهيب مرعب
ربنا يسلمنا واولادنا من كل شر
برافو على الموضوع المميز دة

[ساحر الأحزان]

أنتشار النت بصوره رهيبه واصبح معنا يبات معنا ويصبح معنا في كل وقت وايضا انتشار الفضائيات
وما تبث من مسلسلات وافلام

وايضا مع غياب الوازع الديني داخل النفوس فهي عوامل كثيره متداخله
ادت الي التباعد والتفرق مع نزع حميه الخوف علي الغير وتصاغر القيم
بداخلنا كلها عوامل مؤثره
في تكوين الشخصيات الحاليه
وادت الي الكثير من الجرائم
وكانه اصبح قتل النفس لشيء هين ويسير
احسنت حبيب المقال
تحياتي وتقديري لك

[إيلاانا]

من وقت ما طلعت وسائل التواصل والعالم في انحدار في أخلاقهم
ما شفنا خير من وقت ما شفنا النت لأنه مع الأسف يستخدم بطريقة سلبية
وصار مضاره اكثر من نفعه ما ادري وايش نقول صرنا نشوف اشياء مقرفة ومفزعة
آخر الزمان القابض على دينه كالقابض على الجمر
الله يسترنا فوق الأرض وتحت الأرض ويوم العرض
ويعافينا ممن ابتلا به غيرنا
اللهم ثبتنا على دينك
ولا حول ولا قوة إلا بالله العلي العظيم
تسلم أخي على الطرح
اسعدك الله ورعاك
إيلانا

[M e s k]

فعلا والله سمعنا عن حاجات كتيره غريبه ع مجتمعنا

زى ما يكون القيم الجميله اندثرت خلاص

لا حول ولا قوة الا بالله
ربنا يهدينا جميعا الى ما يحب ويرضى
تسلم ع الموضوع القيم

[Lamees]

مستني ايه من امه مغيبه

امه اخر همها الدين

وعلى فكره الفواحش والخراب اللي انت شايفه

ده كله موجود من زمان بس مكنش ظاهر

هو النت بس ساعد على ظهوره بشكل كبير

وانتشاره بشكل اكبر

والله المستعان محمد

[Aya 7ekaya]

علامات الساعة إن الشر ينتشر كده
وده رعب حقيقى إن ربنا يخسف بينا الأرض من غضبه وكل الكوارث اللى بتحصل زى الزلازل دى انذار من ربنا لينا يمكن نرجع ونتوب
للاسف بقينا ف غابه فعلا ربنا يطلعنا من الدنيا على خير

[واد حبيب]

اقتباس المشاركة الأصلية كتبت بواسطة *فجر الاسلام* تقريبا احنا شرار القوم اللي هتقوم عليهم القيامه سلم يارب

خليها تقوم علشان الناس تبطل تعمل ذنوب
تقبلي تحياتي