حلقه جديده من برنامج الحكايه ومعانا (Å Ṁ i ŗ â ® Ṁ ä r Ø )

[واد حبيب]

السلام عليكم ورحمه الله وبركاته
عوده بعد غياب طويل مش لسبب معين علشان كنت مكسل بس
عوده من جديد مع حلقات الحكايه ومعانا عضوه جديده لكن نشيطه جداا
دمها خفيف واسلوبها راقي
معانا ومعاكم ومع الزوار والمشاهدين
المتالقه في سماء المنتدي

Å Ṁ i ŗ â ® Ṁ ä r Ø

السلام عليكم
وعليكم السلام ورحمه الله اتفضل يا عررررب

اهلا بيكي في المنتدي
اهلها وسهلا يا سيدي قولنا اتفضل

امته سجلتي في المنتدي
قريب خالص من 20 يوم

ومين عرفك علي المنتدي
صديق

اي اللي عجبك في المنتدي علشان تسجلي فيه
يعني الأول توصية التصديق
ولما دخلت لقيتة هادي مش متعفرت زي غيرة

انتي لسه مسجله قريب وعامله نشاط عالي هل هيدوم ولا الفتره دي بس
اظن هيدوم ان شاء الله

اي الاقسام اللي بتعجبك في المنتدي
الاسلاميات والخواطر والتاريخي

مين العضو اللي شد انتباهك بموضيعه هنا
لو كل مواضيع الشعر الحصري دي من كتاباتة يبقا شهاب
وكليوباترا وامير عسكر ومسك وشهاب تفاعلهم وتواجدهم حلوو اوووي

لقيتي تشجيع اول ما سجلتي ولا لا
أكيد من المدير امجد ساحر الاحزان
وردودكم وتفاعلكم واستقبالكم كان رائع

المنتدي بيمثل اي
لغاية دلوقتي بيمثلي مكان محترم بطلع فية طاقتي ووقت فراغي
مفيش كلام وحش مفيش ناس بتكره بعض ودة شيء حلوو اووي

هل هنشوف ليكي موضيع بقلمك
صعب لاني مش شاعرة او كاتبة بس هحاول

واي الأقسام اللي هتكتبي فيها
الخواطر

اي اكتر قسم بيعجبك في المنتدي
تاني يا كابتن ما احنا قلناهم

لو قولتلك امسكي اشراف علي قسم تختاري قسم اي
المرأة لانة نايم خالص

اي الفرق بين المنتدي وبين الفيس من وجهه نظرك
الفيس بحس فية كدب كتير غير المنتدى

كانتي دخله المنتدي لسبب معين ولا كانت عوزه تستفيد
توصية من صديق وبعدين اصبح للتعارف و المشاركة والاستفادة أكيد

المنتدي بنسبالك ايجابي ولا سلبي
ايجابي جدا أكيد

ليكي اصدقاء في المنتدي ولا لسه بتتعرفي
يعني شوية شوية لسة بنعافر

مين العضو اللي قلبك بيرتاح له هنا
كتير والله مجموعة كدة لما بشوفهم موجودين بحس ان المنتدى حلوو

عضو تقولي له انت ملك المنتدي
لا مفيش مينفعش لو المنتدى ملك واحد هتلاقية بيحارب لوحدة
ودة مكان لازم فيه عمل جماعي عشان يكبر ويكون احسن

اختاري 5 اعضاء بيعملو نشاط في المنتدي
شهاب
مسك
امير عسكر
كليوباترا
ساحر الاحزان
في طبعا اكتر بس انت عايز خمسة

اي اكتر حاجه عجباكي في المنتدي
زي ما قلتلك في صدق وادب وناس مش بتكره بعض وحاحات حلوة كتير

كده خلاص المنتدي
يا مسهل

كتير من الاعضاء ميعرفوش انتي مين عرفي الاعضاء عليكي اسمك وسنك ودراستك وخريجه اي ومن اي بلد
اسمي اميره من المنصوره كليه تجارة طبعا زي الشعب كله
لما كانو بيقولو ما تسال ست عن سنها كنت فين حضرتك
بهزر طبعا انا 28 سنه

دخلتي الكليه اللي بتحلم بيها ولا لا
لا بس مجموعي وصل لحد كدة ووقف

انتي شخصيه رومانسيه ولا اجتماعيه
اجتماعية

ست بيت شاطره ولا فاشله
فاشلة

اي طموحك في الحياه
اكون ست اعمال مليونيررررة

شايفه انك تقدري تحقكي اللي بتحلمي بيه ولا لا
والله نص الحلم اتحقق وبقيت ست
لسة بقا هدور على الفلوس والاعمال

اي تكتر حلم بتحلمي بيه ونفسك يتحقق
اسافر اوروبا

مين اقرب شخص ليكي في البيت
والدتي

ترتيبك الكام بين اخواتها
الصغنتوتة

هل بتفكري تشتغلي ولا القاعده في البيت احلي
لا أنا عايزة ابقا مليونيرة وانا في البيت

ماذا تفتقدين فى حياتك
حاليا اهلي

ما هى الصفه التى لا تستطيعى تغيرها فى نفسك
مزاجيه

- ما هى اكبر اخطائك
آني بزعل امي كتير

و هل تغتفر فى حق الغير
اللي بيغلط فيا لا

اي الميزه اللي فيكي مش عند باقي الناس
لية يعني هو أنا جاية من كوكب تاني

اي العيب اللي فيكي ونفسك تغيريه
قلبي صعب شوية ويكون عنيف احيانا

تفضلي الجواز عن حب ولا تقليدي
عن حب أكيد

قولينا اي موصفات شريك حياتك
شهم جدع طيب محترم يحترمني ويحترم اهلي كدة يعني

اي السبب اللي ممكن ترفضي اي عريس بسببها
يكون شايف نفسة

حبتي قبل كده لا لا
الحمد لله حبينا واتحبينا

اي اصعب بنسبالك الفراق ام الخيانه
الخيانه

لو حبيبك خانك هتعملي اي
هولع في •••••••••• بلاش اقول عشان الرقابة

مين اكتر شخص بينصحك في حياتك
صديقي وامي

كلمه انت مال اهلك تقوليها لمين
بقولها كتير لأي حد بيدخل في حياتي الشخصية

كلمه لاعضاء المنتدي
استمرو أنتو كويسين اوي وحبو بعض

كلمه لواد حبيب مقدم البرنامج
لا انت مش عايز كلمة
مسيرك تيجي هنا وانا اللي اسالك
اشكركم طبعا حوار متعب شوية طويل بس كان جميل

انا مفيش حد بيسئلني انا اللي بسئل بس هههه
تسلمي علي الاجابه الجميله
تقبلي تحياتي لكي

[ساحر الأحزان]

اميره اهلا وسهلا بكي

برغم انها منتسبه قريب لينا

الا انها روحها حلوه وجميله

ونشاطها جميل جدا

من ردود وتشجيع

الاستضافه عرفتنا عليها عن قرب

اتمني لها دوام التوفيق بحياتها ومعنا داخل المنتدي

جميله الاستضافه حبيب

مع اميره

تحياتي وتقديري لكم

[M e s k]

اى الاستضافه القمرررر دى
روحها جميله ونشيطه
عن نفسي بحبها جداااااا

تسلم يا كبير عرفتنا على جوانب من شخصية ميرو
وكمان من المنصوره احلى واجدع ناس

نورتى الاستضافه يا قمررر

[Aya 7ekaya]

اهلا أميرة
مبسوطة بوجودك هنا

شخصية مرحة و ودودة ودى احلى حاجه
منورة المنتدى

[☆ شهـــاب ☆]

حوار جميل اوي وممتع واسالة وأجوبة راقية

وكفاية اوي انها من بلدي

واشكرك على ذكر اسمي واسامي الباقيين طبعا بالخير

وانتي مميزة فعلا ونشطة جدا اتمنالك دايما التميز والتوفيق

احسنت يا حبيب ويا اميرة حلقة مميزة تحياتي ليكم

[Å Ṁ i ŗ â ® Ṁ ä r Ø]

مشكوووورة جدددا على الحلقة الجميلة دي
حوار كان ممتع ولذيذ
وشكرا ليكم كلكم على كلماتكم الجميلة ليا
واتمنى اني اكون زي ما بتقولو كدة

[Lamees]

المنتدى منور يا استاذه اميره
لقاء جميل ومميز
مجهود حلو منك واد حبيب

[أمير عسكر]

أميـــره منوره الدنيا
نشاط ولطافة وخفة ظل
وجودها بهجة ربنا يسعدها

مراقبنا الجميل أسعدتنا باستضافة جميله
فشكرا لكما مع خالص ودي والتقدير

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة lamees المنتدى منور يا استاذه اميره لقاء جميل ومميز مجهود حلو منك واد حبيب

بنوركم جميعا ربنا يخليكو

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة أمير عسكر أميـــره منوره الدنيا نشاط ولطافة وخفة ظل وجودها بهجة ربنا يسعدها مراقبنا الجميل أسعدتنا باستضافة جميله فشكرا لكما مع خالص ودي والتقدير

مشكوووورة اوي على كلماتك الجميلة دي