لك الله يا وطـني

[ساحر الأحزان]

السلام عليكم ورحمه الله وبركاته

من فتره قبل الحرب بين (أوكرانيا وروسيا ) ومنحدر الأسعار كان بيبتدي في صعود
برغم أننا في وقت ذروه كرونا ما مرت لينا تلك الظروف القاسيه من غلاء المعيشه
وأرتفاع جنوني في اسعار السلع ومشتملات السلع ؟
وبرغم ان رفع الأسعار شمل معظم دول العالم
ألا أنه أثر علينا جامد في مصر لأن تقدير رفع السلع بيتم جزافي
وبشكل عشوائي غير مدروس مما أوجد طبقه قاحله
داخل المجتمع المصري أصبحت تحت خط الفقر لما تعانيه
من قله دخل مع أرتفاع جنوني للأسعار والخدمات
التي تقدم في وقت ما نكون فيه في أمس الحاجه
للتعاون بين المستوردين والتجار وأصحاب
الخدمات التي تقدم السلع بمشتملاتها من أعلاف وبقوليات وحبوب ومجمدات ولكن ؟
هناك حلقه فارغه أصابتنا جميعا وبعد أن تم التعافي من وضع كورونا ..الذي مر علينا بسلام
وقعنا الأن بين شقي الرحي دائره مطحونه متطلبات أكتر من الدخل مع قله دخل الفرد
المصري عن باقي أقرانه في الدول المجاوره ...

ومع هذا أستغنت معظم الأسر المصريه عن كثير من الأغراض المهمه لها حتي تستطيع
التغلب علي تلك الأزمه الطاحنه وأصبحنا رقابنا تحت سكينه الدولار تلك العمله التي
سببت لنا المتاعب جميعا لأنها أصبحت تتدخل في معظم السلع التي يتم أستيرادها
من الخارج مع وضع الصندوق الدولي مقصلته التلمه فوق رقابنا ..
مع تقليل قوه الجنيه والعمل علي تعويمه وخفض قيمته وذلك كان بمثابه لطمه قويه
علي وجوهنا وضعنا فيها الصندوق الدولي الذي يريد أن يتحكم في مواردنا وأن يملي
علينا شروطه من منطق القوه فنحن أمامه نمد يدنا له حتي نستطيع أن نوفر
أقساط الديون المتراكمه علينا وأصبحنا في موقف محرج أمام الأشقاء بسبب الأزمات
التي نمر بها وبسبب تخفيض قيمه عملتنا المحليه وهو ما يقابلها برفع أسعار
جنوني فوق طاقه وقدره مستوي المواطن العادي والبسيط
والذي يبحث عن ملاذ أمن يستطيع من خلاله أن يوفر متطلبات الصرف
علي أفراد أسرته ..وها نحن ننتظر القرار الرشيد من أصحاب القرار
وأن تعلن حكومتنا عن خطتها للعمل علي سد العجز والتضخم
الذي في اذدياد متراكم وأن تعلن عن خططها لكبح جماح أرتفاع الأسعار
وما يوازيه من أرتفاع للدولار ...
دمتم سالمين

[واد حبيب]

اكتر حاجه خربت البلد كلها هوه صندوق النقد الدولي ده
ومش عارف الفلوس اللي بتجي منه ومن الخليج غير دخل البلد بيروح فين
عوزين مكان كويس في مصر علشان نشحت فيه ولا كل الشعب هيشحت

[أمير عسكر]

إلى الله المشتكي
الوضع أصبح صعب بل مزري
اتفق معاك مديرنا والانتظار سيطول
لك خالص الود والتقدير

[Lamees]

والله ربنا يرحمنا
مصر بقت قد الدنيا
وسجل يا تاريخ

[العاشق الذى لم يتب]

هتقول لمين ومين يسمع
وحكومة ايه اللى ممكن تدخل
والحكومة هايصة ولايصة
وغرقانة فى شبرمية
ولابتفكر فى مواطن ولايحزنون
بس شغالة تكدب عليناهى وقنواتها واعلامها
الخلاصة زى ماقولتهافى العنوان
لك الله يامصر
اللهم ارفع البلاءوالغلاء
وارحم المستضعفين
تحياتى سيادةالمدير
ولكل الاحبة هنا

[Aya 7ekaya]

المشكلة الوضع بيزداد سوء وبسرعه شديدة الناس فعلا مش لاحقه تاخد نفسها
ومحدش عارف نهاية الأزمة دى ايه
ربنا يتولانا برحمته فعلا

[طبيب الهوى]

أخي الحبيب أمجد
سردت لنا كارثة نحيا فيها
ولا نعلم إلا أين ستأخذنا
لنا الله يا أخي
حسبي الله ونعم الوكيل وكفى
تحياتي لفكرك القيم وقلمك المميز
أبو عصام

[☆ شهـــاب ☆]

انا مش قادر اعيش الحالة دي لاني برة مصر

بس بسمع كتير من اهلي والوضع الصعب هناك

ودة للاسف سبب ازدياد الجريمة والعنف

ربنا يسترها وتعدي البلد من الازمة دي على خير

تحياتى ليك يا محترم على الطرح المهم دة

[M e s k]

وربنا مش صعبان عليا غير الناس الغلابه

قلبى وجعنى من كتر معاناة الناس
ربنا يرحمنا برحمته الواسعه
تسلم استاذنا ع موضوعك القيم الحيوى

[دمعه حائره]

الناس كل ماتتاقلم علي مستوي ينزلوا بينا للي بعده
وفعلا الحكومه دي فشلت ولازم تتغير