من هو ساحر الأحزان

[دمعه حائره]

السلام عليكم ورحمة الله وبركاته
اهلا بيكم أعضاء منتدانا الغالي
ساحر الأحزان أمجد الأخ الخلوق المحترم
أكتر شخص محدش اختلف علي أخلاقه ولا تعامله الجميل مع الجميع، إنسان يمتلك موهبه وأسلوب مميز وعنده إخلاص وعطاء للمنتدي لاحدود له، طول ال ١٣ سنه اللي تواجد فيهم في المنتدى ولحد دلوقتي قدر يمتلك حب وتقدير وإحترام الجميع، مفتكرش ليه أي مشكله مع حد غيري 😊،متسامح جدا، عايز تعرف أمجد كويس افتكر زمان لما حصد مركز أول في الانتخابات ونال ثقة وحب الكل،افتكر أيام الشكاوي ماكانت القسم الرئيسي في المنتدى ممكن نقعد فيه طول النهار وهو بحكمه وعقل يقدر يحل المشكله،روح شوف موضوع اسأل عن أختك واخوك وشوف كل يوم ينادي عليكم ،ادخل أي قسم هتلاقي ليه بصمه فيه، كلامي عنه مش هيوفيه حقه، زميل كفاح زي مابيقولي، ومن أول ماكان عضو جديد لحد الإداري والمدير العام وهو متغيرش وعطائه بيزيد، وظهر أوي وفائه للمنتدي لما رجع للإدارة في وقت صعب وقدر بمشاركه الموجودين وتشجعيهم إنه يرجع النشاط تاني، النهارده عايزه أقوله شكرا علي وجودك وعلي كل حاجه جميله بتعملها وعلي مساندتك واهتمامك بكل الأعضاء والأقسام، كان نفسي يكون ليا صلاحيات تكريم أقدر أكرمه التكريم اللائق بيه بس هسيب ده ليكم كل عضو يرد بكلمه في حقه ويفتكرله ايه وكمان يستحق إيه
عن نفسي اطلب تزويد ٥٠٠ مشاركه و٢٠ نجمه
وملقتش اكتر من وسام المدير العام المميز أقدر أقدمه اتمني يوافق
شكرا ياامجد تستاهل كل تقدير وإحترام🌹
ملحوظه الوسام من علي النت لو حد يقدر يصمم احسن ياريت

[M e s k]

ياااه مفيش كلام يوفيه حقه فعلا
شكرا لك مديرنا ترحيبك بينا
ومتابعتك المستمره وتشجيعك

وكمان سؤالك اما حد يغيب شوى


واشكرك كمان انك اعطيت لنا مساحه هنا نتبسط
تسلمى دمعه ع اللفته الحلوه منك

[Å Ṁ i ŗ â ® Ṁ ä r Ø]

موضوع جميل اوي بجد
اجمل شيء أن الواحد يتكرم وسط حبايبة
انا مش اعرف أمجد اوي بس من تعاملي البسيط معاة
حسيت أنه إنسان مؤدب اوي ومتعاون ومرحب بالجميع
ربنا يوفقك هنا وفي حياتة العملية ويحبب الناس فية دايما

[إيلاانا]

ومن يستطيع أن يقول غير ذلك
اجدت واصبتي أختي الحبيبة دمعة حقيقة أخي امجد إنسان محترم جدا
وإنسان خلوق كل أعضاء المنتدى سواء ويحرص على الاهتمام بهم والسؤال عنهم
فهو الأخ والصديق الحنون لكل من هنا
راقي في كل شي
اسعده الله وحفظه وحقق كل ما يتمناه
شكرا لك أختي الغالية الطيبة الراقية
على ذلك الطرح لشخصية اكن لها كل الحب والتقدير والاحترام
دعواتي لك بالسعادة الدائمة
دمتِ في حفظ الله
إيلانا

[Aya 7ekaya]

والله ي منه عندك حق فى كل كلمة
امجد من الشخصيات المحترمة و المخلصة فى حبها للمنتدى و بعد رجوعه للإدارة فعلا عمل فرق كبير اوى و ملحوظ
انا بضم صوتى لصوتك لأن امجد فعلا يستحق التكريم

[الملكة كيلوباترا]

الاستاذ امجد له الشكر على التشجيع وعلى تواجده المستمر فى هذا المنتدى واستمراره فى النشاط يعنى يستاهل تكريم خاص لانه بيشجع كل اللى موجود فى هذا المنتدى ومبروك على هذا التكريم

[*فجر الاسلام*]

ربنا يكرمه انسان محترم وبحاول ع اد ما يقدر يرجع المكان
يستاهل كل خير

[أمير عسكر]

ساحر الأحزان

الرجل الخلوق المحترم المقدر لكل جهد وأنا عن نفسي وأعتقد الجميع أحبه في الله
لدماثة خلقه وكرمه وكم أعتز به أخي نقدرة ونحترمه
كم أشكر له تشجيعه المستمر الف شكر أخي الغالي أمجد

وألف شكر أختي للفته الكريمه وأمجد فعلا يستحق التكريم

[واد حبيب]

أمجد من أفضل الناس هنا
نشيط ومحترم وعلي خلق عالي
ان شاء الله يستمر دايما
تسلمي يادمعه علي الموضوع

[فــــــــــرح]

احترم جدا مواضيع الامتنان والتقدير ..
واحترم اكثر اذا كان الموضوع مبادره من مبدعه مثل الاخت منه
وافيض احترام اذا كان من يستحق التكريم هو ( امجد )
ساحر فعلا لكن ليس الاحزان بل بالاحترام الذي بفرضه في كل تواجد له
اختلفت المواضيع والمشاركات ومازال امجد هو نفس الشخص المتعقل
الحكيم الذي يزن كلاماته وردوده ولا يكل بمكيلين ..
الشخصيات المحترمة مثل امجد تتسابق الكلمات في شكره ووصفه بما يليق به
وتعجز مهما طالت ..

شكر وتقدير انت اهلا له جداااا

مبادرة قيمة من الاخت منه اكرر شكري لها عليه