رساله الي سياده الرئيس

[ساحر الأحزان]

السلام عليكم ورحمه الله وبركاته

برقيه ورساله ألي سياده الرئيس (عبدالفتاح السيسي )

من مواطن ينتمي الي طبقه كانت متوسطه الدخل الي طبقه بقت تحت خط الدخل ..بمراحل
سيدي الرئيس أناشدك نيابه عن نفسي ونيابه عن طبقه الكادحين ألي بالعيش الحاف راضيين
أن تعمل سعادتك علي وقف أرتفاع الدولار ووقف أرتفاع الأسعار لأن سيادتك أنا مشوي من أرتفاع الأسعار
وحالي الأن لست من حاملي اليورو ولا الدولار ؟

لقد جالي عقده نفسيه من الدولار لأني ولا بشيله ولا بتعامل معاه ولا ليه بيه اي صلا بعت ما قعدت داخل
الديار الدولار سعادتك جننا مش عاوز رفع راتب الشهر ولا اي ذياده بس وقف لينا جنون الدولار
كل شيء وكل ذياده في أي سلعه يقال السبب الدولار ؟

سعادتك أحنا بقينا بين نارين ولا عارفين نشتري ولا عارفين نوفر أي شيء الشباب حيعنس والبنات
حتعنس والزواج حيقف مهو سعر الدهب بقي نار لانه مربوط مع الدولار
أسعار الأجهزه الكهربائيه للعرايس كأن سعرها خده الغراب وطار
والخشب بتاع الشقق وتجهيز الغرف بقي سعره ضرب نار
سيدي الرئيس أنا شاب ومواطن داخل البلد أديت الخدمه العسكريه والحمد لله
غير موظف في أي جهه حكوميه ..
وشغال قطاع خاص
تثبيت مفيش تأمين مفيش .
طيب حضرتك أذاي نعيش

أرجو من سيادتك النظر لمشاكلنا بعين الأعتبار لأن مستقبلنا علي حافه الأنيهار
والسبب سعادتك أرتفاع الأسعار مع الدولار ...
نرجو سياده الرئيس وقف تعويم الجنيه وكفايه مرمطه في الجنيه بتعنا ,,,

أحنا معاك نجوع ونتقشف ونضغط علي نفسينا ولا الحوجه للبنك الدولي ..ولا قرض البنك الدولي
نرجو منك تاني عدم تعويم الجنيه لان الريال والدولار والدرهم والدينار ******************ي نازلين
فيه شتيمه وتهزيء وقله قيمه الجنيه زعلان وبعيط وجاله أنهيار عصبي ونفسي وجاله أكتئاب وتعب
أعصاب
من تعويمه فضلنا نعوم فيه لما خلاص بقي أخف من ريشه الطير

تلك رساله محمله بألامنيات والتحيات والنظر فيها حتي يتم لكم الدعوات يا سياده الرئيس
من مواطن بسيط عاوز في بلده يعيش

[واد حبيب]

اولا لا داعي للكلام فاحنا كلنا والحمد لله تحت خط الفقر
انا كل يوم بقول مبارك كان حرامي ازاي واحنا كنا عايشين في مستوي احسن من ده بكتير تقريبا كل حاجه زادت في مصر والناس تعبت بجد ومفيش فايده من اي حاجه واللي بيزيد مش بيرخص تاني
مصر مليانه بموارد ولكن فيها ناس عوزين نفضل كده
ربنا يكرمنا ونلاقي مكان كويس نشحت فيه انا وانت

[أمير عسكر]

ويغني الحال وإن كان السؤال إلى متى
لكن أمس أو قبل أمس نزل الدولار قليلا وكذلك سعر الذهب
لكن غلا الاسعار وجشع التجار لا زال كما هو ولا مبشرات يكون عندهم دم
هي رسالة نتمى يكون له صدى وأذان صاغية
تسلم مديرنا شرحت الحال فدمت برضا الرحمن

خالص تحياتي وتقديري

[العاشق الذى لم يتب]

ياسيدى ناجى ذوالجلال
فهو الذى بيده اصلاح الحال
اللهم فرج عن مصروالمصريين
امجد
صباح الانوار

[Å Ṁ i ŗ â ® Ṁ ä r Ø]

الله يسترها على بلدنا من الحال السيء دة
لاننا وصلنا فعلا للقاع الناس تعبت وهتنفجر
الازمة الأكبر في جشع وطمع الناس التجار المستغلين الوضع دة
دول اكتر ناس لابد من وقفة قوية ضدهم
برافوو ساحر موضوع وكلام قوي وقيم

[حـيـــــآة ❤]

انا من موقعي هذا بقولك
النفسيه ف الدماار قولت يابت قومي اتمشي عالبحر الىبتقعدي فيه
روحت لقيتلك كل دا مردوم وهيعمل كوبري
الله !
مش كفاية كباري بقا ولا اي
حتى البحر اكله زي ما اكل رزق الناس والبلد
جبر يلم العفش كله

[دمعه حائره]

ياريتهم كانو سابونا علي حالنا اهو كنا عارفين نعيش
وبتكلم مين ملناش غير ربنا يخرجنا من الازمه دي علي خير
تسلم ياامجد قولت اللي في قلوبنا

[نبيله]

لنا الله
ولا حول ولا قوة الا بالله

اللهم اصلح حال البلاد والعباد يارب العالمين
طرح قيم دمت بخير

[احساسى صحيح]

الله المستعان يا امجد
ربنا يكون في عون الناس ويلطف بينا كلنا
ويعدى المرحلة دى على خير
تسلم على مجهودك

[☆ شهـــاب ☆]

حال من سيء الى اسوأ كل يوم اكتر من الاول

ربنا يزيح الغمة عن بلادنـا وتتفك الضيقة

احسنت اخي الكريم على جميل ما قدمت ، ،