ليه الفراعنة كانوا مش بيلبسوا . . . ( الهبدة الكبيرة )

[Å Ṁ i ŗ â ® Ṁ ä r Ø]

طبعا ليا فترة طويلة ما نزلت شيء وقلت لازم اول ما ارجع اهبد مع الهبيدة
وعرفت طبعا أن في جوائز ومكافآت ونجوم وحركات وانا مادية وبحب الحاجات دي اوي
وبمجرد مشاركتي دهين فانا اعتبرت نفسي من الفئة الأولى الكسبانة
وليا كل مميزات الفئة الأولي في الجوائز يا سيادة المدير
واظن دة من حقي بصفتي عضو برتقالي وقلم راقي وكدة يعني

وطبعا هبدتي هي سؤال بس جة في بالي
ولقيت علية ردود أساتذة ودكاترة وبهوات كبار كدة
وكلام مجعلص كدة ما يلزمناش احنا الهبيدة
لذلك مسموح بالهبد بكل انواع واشكالة وألوانة

هو ليييييييييية كل مقابر وحاجات الفراعنة اللي اكتشفوها مفيش فيها أي فرعون أو فرعونة لابسين شتوي

ليييييييييية كل لبسهم قصير ومقطع ومخرم وحاجات كدة استغفر الله
ما مرش عليهم شتا ولا برد خالص
يعني معداش عليهم شوية تلج كدة ولا شوية مطر ولا شهر يناير ولا فبراير
دة الواحد لما بيخرج من تحت الدش بيجيلة لفحة برد

فلازم بقا نشوف هبدددددد كتير ومحدش يجاوب أجوبة منطقية وعقلانية عشان جو الادب والسلوك العام والحاجات الكبيرة دي بيرفعلي ضغطي

[نجم الحبيب]

علشان كانو شبه الهنود بياكلو شطه كتير مش بيحسو ببرد
حلوه منك في انتظار جديدك دايما

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة واد حبيب علشان كانو شبه الهنود بياكلو شطه كتير مش بيحسو ببرد حلوه منك في انتظار جديدك دايما

يعني هو معقول كان في شطة ايام الفراعنة

انا فاكرة الشطة دي اختراع جديد نزل مع النسكافيه

[حـيـــــآة ❤]

تصدقي سؤال مهم و مصيري

[*فجر الاسلام*]

مش طايقين خلاقاتهم زي ما بيقولو الصعايده هههه

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة حـيـــــآة ❤ تصدقي سؤال مهم و مصيري

مش كدة والنبي
عشان بس نبقا عارفين الامراض اللي في جتتنا دي جاية مني

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة *فجر الاسلام* مش طايقين خلاقاتهم زي ما بيقولو الصعايده هههه

سبب برضة
ما شاء الله شوية اجابات زي الفل
هبد اورجانيك

[نجم الحبيب]

اقتباس المشاركة الأصلية كتبت بواسطة Å Ṁ i ŗ â ® Ṁ ä r Ø يعني هو معقول كان في شطة ايام الفراعنة انا فاكرة الشطة دي اختراع جديد نزل مع النسكافيه

الفراعنه كان عندهم الشقه والنسكافيه بيعملو نسكافيه ويحطو عليه شطه مكان السكر
كانت صحتهم حلوه عننا ولاد الاي

[☆ شهـــاب ☆]

اقتباس المشاركة الأصلية كتبت بواسطة Å Ṁ i ŗ â ® Ṁ ä r Ø هو ليييييييييية كل مقابر وحاجات الفراعنة اللي اكتشفوها مفيش فيها أي فرعون أو فرعونة لابسين شتوي ليييييييييية كل لبسهم قصير ومقطع ومخرم وحاجات كدة استغفر الله ما مرش عليهم شتا ولا برد خالص [

انا بس نفسي اعرف انتي بتدخلي نفسك ف المسائل الشخصية دي لية

دي حياتهم وهما احرار فيها احنا مالنا

عموما انا هسأل واستفسر واشوف في اية وارجع اقولك

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة ☆ شهـــاب ☆ انا بس نفسي اعرف انتي بتدخلي نفسك ف المسائل الشخصية دي لية دي حياتهم وهما احرار فيها احنا مالنا عموما انا هسأل واستفسر واشوف في اية وارجع اقولك

وانت زعلان لية هما من بقيت قرايبك
وبعدين احنا اصلنا فراعنة فلازم نعرف يمكن نتعلم
ايوة اعرفلي وتعالى تاني مستنياك