هل هو حل أم معصـيه

[ساحر الأحزان]

بسم الله الرحمن الرحيم
فيه قضيه مهمه جدا حابب اتكلم عن جزء فيها وهي قضيه تشغل الكثير من الناس
تلك القضيه هي (الانتحار )
قيام الشخص بقتل نفسه يمكن من فتره قريبه شفنا ألي رمي نفسه من فوق برج الجزيره
والي رمي نفسه من فوق سور القلعه ..
والسبب بيكون اما مشاكل عاطفيه
أو مشاكل مع الأهل والمشاكل ولا حتخلص ولا حتنتهي من حياتنا ولكن ؟هل حل أي مشكله بيكون بالأنتحار
وأزهاق النفس بنعمل شيء يخالف كلام الله ﴿

قول الحق -تبارك وتعالى-: أعوذ بالله من الشيطان الرجيم وَلا تُلْقُوا بِأَيْدِيكُمْ إِلَى التَّهْلُكَةِ[البقرة:195].
ربنا سبحانه وتعالي امرنا بعدم رمي انفسنا ألي التهلكه
ولكن نحن بفعلتنا نعصي الله سبحانه وتعالي
يمكن ما دفعني للتحدث في تلك القضيه من يومين بالظبط شاب في مقتبل العمر
كان متزوج وحصل خلاف بين اهله وبين زوجته علي اثرها تركت زوجته البيت
وراحت عند بيت اهلها وهنا حصلت المشكله هو بيحب زوجته وبيروح يصلحها
تيجي البيت عنده تقعد شهر او اقل وتروح بيت اهلها تاني ..
أخر مره زعلت وراحت بيت اهلها والقعده طولت هناك
وحاول يصلحها ولكن ؟هي رفضت ترجع بسبب معامله حماتها ,,
ويقوم رجع من شغله وأخد جرعه حبوب مبيدات
وتم نقله الي المستشفي ولكن للاسف بعد عمل الأسعافات الأوليه لم يتم أنقاذه
وفاضت روحه الي خالقها في الساعات الأولي من صباح يوم الأحد ...
بعد أن ذهب ألي خالقه وترك غضه في نفس أهله ومحبيه
أخوتي برئيكم كيف نعمل علي علاج ذلك
الانتحار ليس نهايه الحياه ؟
ولكن الموت علي معصيه قد يكلف صاحبها الكثير
تحياتي للجميع

[Mo chahin]

اقولك على حاجه ؟

انا جيت عليا فترة حسيت بيأس وكآبة شديدة ودا كان من كم سنة
لدرجة انى فكرت فى الانتحار حرفيا .
بس قلت هو انا هبقى لا عشت دنيا ولا نولت اخرة ؟ اقصد جنة الله باذن الله
ربنا يكتبهالنا جميعا ويصلح احوالنا
الاحساس دا انا عارفه كويسه وعارف مدى صعوبته لاني عشته بكل ما فيه من اذى
لما الامور بتهدى بتلاقي نفسك استرجعت نفسك ورجعت تعيش
صحيح مش زى الاول لانك بتكون متلصم .. لكن الى حد ما عايش
عايش على ارضاء الله عز وجل عسى ان تكون نهايتك نهاية سعيدة بتتمناها من ربنا

موضوع فعلا شائك وحساس جدا يا امجد
ربنا يزيح عنا جميعا

[big bốss]

ضعف العزيمه لدى الشخص و ضعف الايمان هما سبب الانتحار

الانسان لما يفشل فى مجابهة مشاكل الحياه بيختار الهروب أما للمخدرات أو الانتحار

لازم كل اب و ام يغرسوا فى أولادهم القوه اللازمه علشان يجابهوا الحياه

موضوع جميل يا امجد

[حـيـــــآة ❤]

بصراحه انا عديت بالموقف كتير و بيبقا غصب عن البني ادم وفعلا كنت بفكر زي اول كومنت
أنه لا طولت دنيا ولا اخره
بعدين كله بيتعدل الحمد لله
بس انا مبقدرش الوم اي حد يفكر ينهي حياته لانه بيكون فترة ضعف شديدة اوي و مالهاش علاقه بضعف الدين علفكرة
ربنا يرحمنا جميعا
و يسترها عاي الجميع

[واد حبيب]

يا باشا دي ناس متخلفه ليه انا انتحر علشان مشكله مهما كانت هيه
الحياه كده كده هتموتنا براحه ليه نتعذب في الدنيا والاخره

[*فجر الاسلام*]

مافيش اي مبرر لقتل النفس غير لو مريض وليس علي المريض حرج
ومريض دي يعني عقله رايح منه مش عنده شويه اكتئاب
الناس مابقاش عندها صبر ولا تحمل
جيل ما يعلم بيه الا ربنا

[^^khL oUD]

الموضوع دا تعب نفسيتي جدا م كتر م هو بيتكرر
ومعظمهم ناس تشوفهم طبيعين جدا بيضحكو ويهزرو مافيش اي حاجه
بتبقي تراكمات كتير جدا نفس ضعيفه مافيش امل ف الدنيا
انا مش لاقيه اي مبرر بصراحه للانتحار غير نفوس ضعيفه بجد
وف فئه معينه كدا بتقلد بس الموضوع بيدخل ف الجد اوي
فاكرين كدا استعطاف م ال حواليهم
مش عارفه اقول اي بجد
ربنا يعين ويرحم

[Aya 7ekaya]

ضعف ايمان مصدره المجتمع والتربية
ونتيجة قلة وعى من الأهل بردوا
و الموضوع ده منتشر كتير بين طلاب الثانوية العامة
بس لو بنتكلم عن قصه الشاب ف واضح أنه من البداية كان شخص سلبى مش قادر يحل مشكلته ف اختار السهل
ربنا يعافينا و يحسن خاتمتنا و ينجينا من فتن الدنيا

[بحر القمر]

البعد عن تعاليم الاسلام الوسطي
التفكك الاسري
عدم العداله

امور توصل لافكار هدامه ومجتمعات ضعيفه


تحياتي

[☆ شهـــاب ☆]

البـُعد عن المولى عز وجل وعن الديـن هو سبب كل دة

لازم كلنا نقرب من ربنا ونزرع في عيالنا كدة وعيال عيالنا عشان الجيل يطلع كلة كدة

ولازم المراكز اللي فيها شيوخ وعلماء معتدلين تكتر ويكتر اللقاءات والحوارات والمنصات التليفزيونية المحترمة اللي تكون تحت رقابة الدولة والازهر .

لان فعلا الحال والوضع اصبح صعب ولا ينتهي

ربنا يهدينا ويهدي شبابنا وعيالنا ويسترها علينا

تحياتي ليك يـ محترم على طرحك القيمـ ، ،