انا عايزة أبقا أباجورة المنتدى

[Å Ṁ i ŗ â ® Ṁ ä r Ø]

طبعا لاحظنا في الفترة الأخيرة ناس عمالة تتقدم وتعلى لفوق بسرعة الصاروخ في منتدانا العظيم
والترقيات شغالة على ودنووو وتعيينات اييييييية لوز اللوز

ومشرفين اية بقا
ومراقبين اية حلاوة الحلاوة
وجوكر كمان
يا سيدي على الابداع والفن

وانا طبعا وغلابة زي حالاتي كتير قاعدين نسقف زي اللي في حفلة وفرحانين بالمطرب الشعبي
طبعا انا مش معترضة على رؤية الإدارة والتقييم والكلام الجميل دة
بس دول شوية غل وحقد وحسد موجودين جواية ف قلت لازم يطلعو بقا

لا واللي زاد وغطا كمان

شاعر الحب الحزين يديني انا سبعة ونص من عشرة ف الشعر
وتاني يوم مراااااااااقب على طول
وطبعا انا مش ناسيالة السبعة ونص دي مدى الحياة
لغاية لما يعوضني بقا

و شهاب بية اللي كل يومين ادخل اقولة مبروووك
ما بين مشرف
ل مشرف عام
ل في اي بي
ودلوقتي جووووكر كماااااان

وانا اية بقا باللون البرتقالي
عاملة زي اليوسفندياية رايحة جاية ف المنتدى

ومسابقة الشعر طلعت مركز تاني وعملت اعتصام
دلوقتي ما شاء الله بقيت مركز تالت ف مسابقة الكاتب المميز

يعني مستقصدني وكل يوم يرجعوني خطوة لورة

طبعا انا عايزة كل المعذبين ف المنتدى يجمعوا معايا ويايدوني في حملتي ضد الإدارة والمراقبين والمشرفين
والمرة الجاية هجيب اساميهم كلهم
وليا طلبات محددة لازم تتنفذ ياما هنام ف المنتدى ومش خارجة

ومطالبي هي

١) يتحط تحت اسامي بدل عضوية التمييز اباجوووورة المنتدى
عشان احس بالتغيير

٢) تغيير لوني من اللون البرتقالي لاي لون تاني
بدل ما انا شبة قفص المشمش كدة

٣) يتحطلي ٢٥٠ مشاركة نظير الظلم اللي بتعرضلة والحرمان اللي انا فية

٤) اجتماع طاريء للسيد المدير العام والسادة المراقبين والسادة المشرفين
للنظر في شكوتي وبعدين يطلعو بيان للرد على طلباتي
والا سوف يتم التصعيد

والله ولي التوفيق

اختكم المعذبة البرتقالية
أميرة اللي حياتها مريرة

[Aya 7ekaya]

ازيك يا يوستفندايه قصدى يا اميرة
بصراحه انا معاكى بأيديك انتى لازم تبقى اباجورة المنتدى و يتغير لونك ل اللون الفحلوقى و يبقى معاكى صلاحيات تطفى النور بليل بعد ما الاعضاء تنام بما انك اباجورة وكده
و 250 مشاركة مش كفاية علشانك انتى تستحقى 2505280 مشاركة هدية لانك هتبقى اباجورة تخترق من أجل الآخرين
نايس خزعبلاية ضحكت كتير بصراحة انتى مكانك هنا ف قسم الخزعبلات تعملى شغل جامد

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة Aya 7ekaya ازيك يا يوستفندايه قصدى يا اميرة بصراحه انا معاكى بأيديك انتى لازم تبقى اباجورة المنتدى و يتغير لونك ل اللون الفحلوقى و يبقى معاكى صلاحيات تطفى النور بليل بعد ما الاعضاء تنام بما انك اباجورة وكده و 250 مشاركة مش كفاية علشانك انتى تستحقى 2505280 مشاركة هدية لانك هتبقى اباجورة تخترق من أجل الآخرين نايس خزعبلاية ضحكت كتير بصراحة انتى مكانك هنا ف قسم الخزعبلات تعملى شغل جامد

حبيبة قلبي
ايوة كدة اتلمو عليا ضد الظلم والطغيان
انا بس قلت طلبات مبدئية لما اشوف الإدارة هتعمل اية
ولو حصل اي تقصير في حقي صدقيني هصعد الموضوع لأعلى مستوى
أباجورة بقا لمبة جاز المهم اي حاجة تنور بدل البرتقالي دة
تسلمي حبيبتي الله يديم عليكي الضحكة الجميلة

[واد حبيب]

انتو هتعملو عصابه هنا ولا اي
انا بطالب ساحر يخليها فانوس المنتدي احسن
وبعد كده يتم حظر اميره وايه حكايه ههههه
بجد جميله منك ياميره واسلوبك جميل والله
تسلم يدك بجد

انا بقترح ان نسميكي
شجره المنتدي هههههه

[أزهار]

يا عمري ابجورة المنتدى فلة منورة اميرة اللي حياتها مريرة هههههههههههههه بسم الله عليك
عجبني مرة اسمك الفني
بصراحة مطالب مشروعة بس شوي متواضعة .. رافعة قضية ومصاريف محامي ودوخة في المحاكم عشان 250 مشاركة
ارفعي سقف مطالبك لحدود السماء وحلي اللي ما يشتري يتفرج
ربي يسعدك ضحكت موت من الموضوع واسلوبك ربي يسعد ايامك ولا يحرمك روحك الحلوة المرحة

[ساحر الأحزان]

سوف يتم النظر في طلب الاباجوره

من قبل اداره المنتدي

وسوف يصدر بيان في القريب

لتوضيح السبب لليوسفيه الاورنج
اياجوره المنتدي في المستقبل القريب

انتظرونا للتوضيح

[☆ شهـــاب ☆]

يــا نهــار أأبيض

دة انتي حالتك صعبة خالص

مكنتش اعرف ان الحسـد ممكن يعمل كل دة

بس عمـوما انتي والله تستاهلي أأأأكيد كل خير وتستاهلي اكتر

بس بدون اعتصامات وعمل حزب المعـذبين فـ الأرض وكل البـلاوي دي

خزعبـلاوية حلوووة اووووي يـ أأميـرة ،

بجـد ضحكتي الواحـد واسعدتينـا بالموضوع الحلو اوي دة ،

تحياتي وتقديري ليكي على مجهودك ومواضيعك الراقيـة

[☆ شهـــاب ☆]

اقتباس المشاركة الأصلية كتبت بواسطة ساحر الأحزان سوف يتم النظر في طلب الاباجوره من قبل اداره المنتدي وسوف يصدر بيان في القريب لتوضيح السبب لليوسفيه الاورنج اياجوره المنتدي في المستقبل القريب انتظرونا للتوضيح

أهو شفتي

اسرع تلبية رغبـات وطلبـات فـ التاريـخ

شكلك هتغيري قفص المشمش اللي انتي قاعدة فية

ربنـا يوفقك وطبعـا تحية للأدارة المحترمة في سرعة تلبية طلبات الاعضاء النشطيين المميزين

[(طائر الشرق)]

بلاش أباجوره

مش من حلاوة الكهربا

هيحصل تخفيف احمال هتقلب ضلمه

ونرجع من تانى ندور على نجفة المنتدى

التخطيط السليم من البداية شئ جميل

أما بخصوص حركة التنقلات والترقيات

ربنا يديمها علينا نعمه ويبقى فيه

تورتا وجاتوه ولحمه نستفيد بأى شئ

نورتى يا أباجوره

[مهيب ملاك]

ليش اباجوره خيتي

ليش ما يكون كلوب المنتدي المضيء

قديش مهضومه الخزعبلايه

خيتي اميره

يسلمو