خزعبلات طفولية

[Aya 7ekaya]

فى جملة بتقول " الاطفال أحباب الله" طبعا الجملة دى إشاعة ومالهاش علاقه بالواقع إطلاقا واللى عنده اطفال او حواليه اطفال هيعرف قصدى كويس

ديما الاطفال بيكون عندهم خيالات او افكار طفوليه مصدقينها ولما يكبروا بيعرفوا أنها كانت خزعبلات عبيطة

مثلا انا كنت فاكرة إن الناس اللى اكبر منى فى يوم هيصغروا وانا هكبر ابقى اكبر منهم ف لو حد زعلنى أو زعقلى كنت أقوله ماشى لما اكبر وانتو تصغروا هبقى ازعقلكم بردو

بنت اختى فاكرة إن مكرونه اللسان عصفور بتيجى أننا نقطع لسان عصافير كتير وناكلها مثلا

ايه هى اغرب الخزعبلات الطفولية اللى سمعتوها أو كنتم مصدقينها وانتم صغيرين ؟

[شاعر الحب الحزين]

هههههه حلوة الفكرة

انا بقى كنت بصدق إن الممثل بيموت في المسلسل
واستغرب لو شفته في مسلسل تاني

وكنت فاكر ان الناس في رمضان بيفطروا المغرب
وبيصوموا عند أذان العشاء

مش قادر افتكر أي شيء تاني من خزعبلات الطفولة

بشكرك جدا آية على المساحة دي من الكلام والذكريات
وفي انتظار المزيد من خزعبلات الطفولة لأعضاء منتدانا الحبيب
الله يعطيكي العافية ويسعد قلبك ��

[واد حبيب]

الأطفال فعلا احباب الله
بس مش علي الذكور علي البنات بس
تفكير الاطفال بيكون جميل فعلا والله ياريت الايام تعود للخلف
افكار جميل بتكون عفويه وصادقه
تسلمي يا آية علي موضوعك

[بحر القمر]

جميل الكلام عن الاطفال
يارب تسلم ايدك

[أزهار]

انا اخواتي الكبيرات بناتهم في عمري ما كنت مستوعبة ان امي امهم لانهم هم أمهات
ومرة تزوجت اخت صديقتي فقلت لماما الله يرحمها ليت عندي اخت متزوجة زي نوف فاخواتي قالوا ليه احنا مو مالين عينك
ربي يحفظهم لي ولا يحرمني منهم

موضوع جميل بجمال بسمة الاطفال وبراءتهم

[*فجر الاسلام*]

والله ما فاكره ي ايه بس كانت أجمل ايام
يارتنا ما كبرنا وعرفنا الحقيقه هههه

[فــــــــــرح]

انا عن نفسي طفولتي كانت ٢٤ ساعة لعب
وحركة مكنتش بقعد حرفيا ولو قعدت كنت بلعب برضو
وكان عندي صوتين بسمعهم في وداني ستات كبار
بيرددو كلام مش فاهماه بس كنت بسمعهم اكنهم
جارات وبيتكلموا مع بعض بس اي الحوار معرفش
كنت بسد وداني واغمض عيني وتختفي الاصوات
وكان عندي خوف من الطيارات رهيب لما نكون فالشارع واسمعها
واحس عشان مركزه معاها صوتها عالي جدااا برضو بسد وداني
واغمض عيني …

في حاجات كتير برضو بس ربنا امر بالستر لاني كنت مجنونة اعتقد
مش طبيعية هههههههه ومازلت شويا

[Å Ṁ i ŗ â ® Ṁ ä r Ø]

هم احباب الله وكل حاجة
ربنا يهديهم بس ويسيبونا ننام شوية

وانا صغيرة كنت بصدق جدا جدااااا
حكاية ابو رجل مسلوووخة
يارب يموت اللي اخترع القصة دي
كان ظالم
كنت بستنا ابو رجل دة كل يوم يجيلي وانا نايمة
وامنا الغولة دي كمان
اعوذ بالله من دي قصص

حلو الموضوع يا قمر رجعتيني لحكاوي زماااان

[~♥ Queen sozan♥~]

بنت اختى فاكرة إن مكرونه اللسان عصفور بتيجى أننا نقطع لسان عصافير كتير وناكلها مثلا


دي حقيقه
ههه كل الاطفال عندهم نفس الفكره

يدوم نبض قلمك مميز

[☆ شهـــاب ☆]

القصص الطفولية دي كتيييير اوي ولما بنفتكرها دلوقتي بنقعد نضحك

وفعلا قصص الرعب عشان العيال تنام دي كانت اكتر حاجة بتخوفني وانا صغير

وحاليا بحاول اطبقها مع ابني

بسبب للاسف بيضحك ويفرح لما اقعد احكيهالة

جيل صعب جيل الايام دي

لا بقا يخاف من حاجة ولا يهمة القصص دي كلها من كتر اليوتيوب والموبيلات

فكرة جميلة وذكريات رائعة يـ آيــه

تحياتي ليكي ولطرحك الجميل الرائع ، ،