م بحتفظش بذكريات

[شاعر الحب الحزين]

م بحتفظش بذكريات لو عاجبك

لو مش عاجبك م تحبنيش

قوللي اني مليش مكان في قلبك

وابعد عني ب حبك م تجرحنيش




م بحتفظش بذكريات بتيجي لوحدها

في غنوة شغالة سمعناها ف يوم سوا

لو صادفت حد بيحب حاجة كنت بتحبها

لو سمعت نفس اسمك بتيجي ف بالي هوا

وتفيد بإيه الذكريات للي الحنين جواه انتهى

زي طبيب مريضه مات ولسه عنده ثقة في الدوا




م بحتفظش بذكريات مبلتزمش بمواعيد

أنا ما بين الاتنين مكاني

ساعة ابقى قريب وساعات بكون بعيد

لو بعدت م احبش ارجع تاني




م بحتفظش بذكريات
بنسى كل اللي فااااات
الحنين جوايا ماااااات
الإحساس بقى ف سبات
الصوت واخد وضع السكات
انا ببقى انا ساعات ساعات
ازاي عايزني احتفظ بذكريات



ش . ح

[☆ شهـــاب ☆]

اجمـل حاجة فـ الدنيـا هي الذكريـات الجميلة يـ شاعرنـا الراقـي

الله يريح بـالك ويملئ حياتك بالذكريـات الطيبة اللي تسعـدك ،

تحياتـي وتقديـري ليك ولكلمـاتك الراقـية وتميـزك الدائـم ، ،

[واد حبيب]

الدنيا كلها عباره عن ذكريات واحنا عايشين فيها
تسلم يدك علي كلماتك الجميله

[Lamees]

بنحتفظ بالذكريات رغم عنا
الذكريات وأصحاب الذكريات هنا في القلب
وطبيعي أن يحتفظ العقل بكل ما يخصهم
لانه غاليين ولكن هناك ذكريات كرهناها واردنا محوها
ولكن هيهات هيهات

راقي الطرح والمضمون خالد
سلمت الأنامل والاحساس
الراقي
تحيتي

[كريم عاصم]

زي طبيب مريضه مات ولسه عنده ثقة في الدوا
الله عليك عجبنى أوى وصف تلك الشطر من شعرك
وصف يلخلص محتوى النص بالكامل

ده الذكرى الخالدة وسوف تظل كما فى وصفك للطبيب
فهى فى الوجدان لا نًنسى هى المرآة التى ترى بها ذاتك
أيا كانت فالذكى تكون مع الإنسان حتى الممات
تعبيرك جميل جدا خالد وقلم مميز
تمتعنا دائما بقلمك ويسبفه إحساسك
خالص تحياتى أيها الراقى المحترم
كريم

[حـيـــــآة ❤]

تسلم ايدك ي خالد ♥️✨

[شاعر الحب الحزين]

تسلملي كل العيون الحلوة
اللي قرأت كلماتي قبل ما اقرأها
كل الحب لكم جميعاً يا رفاق الروح ❤️

لي عودة للرد ان شاءالله ❤️
شكري وتقديري وامتناني ♥️

[ساحر الأحزان]

جميل شعورك واحساسك شاعرنا الجميل
قلت واحسنت من جميل قلمك المميز
تحياتي وتقديري لك

[~♥ Queen sozan♥~]

ازي هتكمل من غير ذكريات حتي لو حزينه
لو موجعه لازم تفضل معانا

كلمات جميله منك يا شاعر

[أزهار]

شعر جميل باحساس جميل ربي يسعد قلبك شاعرنا الحزين