سامحيني

[M.Tourk]

سامحيني لما كنت أرفض أنام ..
وإني ألعب كل حبة، وإني ما أسمعش الكلام
كنتي شايلة فوق همومك، كنت عايش والسلام
سامحيني لو في مرة كنت أشخط وأقول ..
اصحي يا أمه أنا مش صغير، أنا عندي شنب وليا طول
كنت حابب أني أغير، كنت ليه إنسان عجول ..
مع إنك إنتي وصية من الرسول
سامحيني لو كنت نسيت إني أقول ..
عن سهرك يوم جنب مني، عن مشاكلي والحلول
عن صبايا وصغر سني، عن شقاكي والحمول
سامحيني يا أمي إني، كنت بانسى كل دول
كنت فاكر بس إني، بره حضنك هابقى راجل
الهموم هتخف مني، كنت نار تغلي فى مراجل
صدقيني يا أمي إني، لما غبتي فى ليلة عني ..
الحياة مرت كأني ..
ضيف غريب وخلاص مهاجر
سامحيني لو كنت قولت، فى بعدي عنك هبقى راجل
لما غبتي فى يوم خسرت، فاعذري الإبن اللي فاكر
وعد منى إني توبت، لو سنين هتعب وأعافر
مش هنساكي يا أحلى ست، ده انا لو نسيتك أبقى كافر
m_t

[☆ شهـــاب ☆]

الله على كـلامك الجميـل واحساسـك الراقـي بوالـدتك وبكل امهاتنـا

الله يرحمهـا ويحسـن اليهـا ويجعل مثواهـا الجنة ، وجـوار الحبيب صلى الله عليه وسلم ،

تحيـاتي ليك أخي الكريـم وتقديـري على جمـال ما سطرت وقدمـت ، ،

[واد حبيب]

كلام جميل طالع من قلب مليان بحب والحنين
ربنا يرحمها يارب
تسلم علي كلماتك الجميله
تقبل تحياتي

[ساحر الأحزان]

رحمها الله برحمته الواسعة وغفر لها وادخلها جناته
ورحم جميع موتانا جميعا
ربنا يصبرك علي الفراق
ويغفر لها ويدخلها جناته

[Å Ṁ i ŗ â ® Ṁ ä r Ø]

الله يرحم والدتك وكل امهاتنا يارب ويرزقهم الجنة
كلمات جميلة اخي الكريم تحياتي ليك

[كريم عاصم]

ربنا يرحم والدتك وأمهات جميع المسلمين

ويرحم أمى اللهم أمين
كتبت فأخرجت مابداخلك
عليك بالدعوات أخى

دمت فى حفظ الرحمن