احضنيني .. متسأليش !

[K A S E M]

احضنيني متسأليش !
فيه حاجات لو يوم سألنا
عنها هتتوه العقول ..
ليه ساعات الشمس ترفض
تيجي فجأه الليل يطول؟
ليه نفارق بعد صبري
واللي كان يصبر .. ينول ؟!
فيه حاجات عند النهايه
تبقى نسخة من البداية
المشاهد هيه هيه .. والمشاعر بالتضاد
ضحكة كانت في الميلاد
صوت بكي عمال يزيد
لمه برضه ..
وقلب ماشي زي لما جه .. وحيد !
بس هي عقولنا حقه
فالحه في الزيف والمعانده
فاكرة اول يوم جمعنا ؟
كنا في نفس المكان ده !
…
احضنيني جوه منك
قبل ما يحين الوداع
طمنيني بقربي منك
قبل التوهه والضياع
نفسي اغمض جوه حضنك
طفل لسه ما اتولد
مش مهم ارجع افتح
او هغمض للأبد ..
المهم .. إني احسك
ارتوي من ضي حسك
التقي روحي ف ربوعك ..
إغسليني بنور دموعك
وادفنيني بين ضلوعك
واسدلي فوقي الضفيرة
واكتبي .. قبل النهاية ..
حضن للمرة الأخيرة .