رباعيات ,,, بقلمي

[Şα3Đ..♥]

الهروب من الواقع اشبه بالجريمه
والسكوت عن حقك يبقي شيء مباح
مفيش اوضح مالخطوط المستقيمه
و الصراحه أصعب أنواع الكفاح

لسه بتقدر تلقي حيله
تهرب بيها من السؤال
الحجات المستحيله
عندك لسه مش محال ؟!

الطبيعي عند غيرك
ممكن يبقي ليك مخاطره
و المجازفه ف خط سيرك
ممكن بالنسباله فقره

العاهات المستديمه
مش ضروري ف الجسد
في نفوس بتبان سليمه
بس تعبانه من الحسد

احيانا ممكن السكوت
ميكونش علامه للرضا
ياما ف حياتنا فيه بيوت
رغم الهدوء متمردة

الشعر بالقافية
والفكره و المعني
ولو اتكتب عافية
هتصيبك اللعنة

اللي أبشع من الوباء
تلقي ف اصحابك كمبن
اسوء انواع البلاء
الصحاب الغدارين

حاسب خد بالك و ركز
فيه ف مشوارك مطب
إصحي احسن فجأه تعجز
قبل حتي ما تبقي شب

#بقلمي
#محمدسعد

[فــــــــــرح]

العاهات المستديمه
مش ضروري ف الجسد
في نفوس بتبان سليمه
بس تعبانه من الحسد



حقيقي فعلا كلمات جميلة بتحكي عن احوال كتييير
ممكن تكون انا
او اانت
او ناس صدفتنا فحياتنا
ابدعت صراحة

شكرا

[أمير عسكر]

جميله الكلمات يا سعد والأجمل المضمون
متماسكة ورشاقة في التنقل بين القافية
دمت بهذا الالق ، لك خالص الود

[ناطق العبيدي]

راقت لي كلماتك من أول عنقودلآخره

دمت في حمى الرحمن
تقبل وافرأحتراماتي

[☆ شهـــاب ☆]

كلمـات جميلـة وراقيـة

تحيـاتي ليك يـ محترم ولتميـزك كلمـاتك ونبضـك المميـز

[ساحر الأحزان]

عوده جميله

من صاحب القلم الجميل

محمد

صاحب الاحساس الجميل

تحياتي لك