وش واحد

[شاعر الحب الحزين]

عدو ب وش واحد
أحسن من صديق ب وشين
غريب بمشاعره صادق
ولا قريب بيلعب ع الحبلين
العمر واحد والرب واحد
يخي انت ازاي واحد وانت اتنين
عيش زينا ب وش واحد
عيش زينا بلاش تعيشها علينا ب وشين



ب وش واحد عشت عمري
اختار موتي ولا اني أعيش ب وشين
ولا هدني غير اللي طعنني بضهري
اللي انا كنت ف ضهره مخلص أمين
العمر رايح أيامه بتروح وتجري
كله ممكن يرجع إلا العمر مبيرجعش بعدين



عدو قريب أحسن من قريب عدو
غريب طيب أحسن من حبيب عدو


ش . ح

[أمير عسكر]

صاحب الوشين هتروح من ربك فين

كلمات قوية شاعرنا توصف المنافق صاحب الوشين
ربنا يبعدنا عنه وعن هذه الأشكال
عبرت بمنتهى الدقة فسلمت اديك
خالص ودي وتقديري حببنا

[شاعر الحب الحزين]

اقتباس المشاركة الأصلية كتبت بواسطة أمير عسكر صاحب الوشين هتروح من ربك فين كلمات قوية شاعرنا توصف المنافق صاحب الوشين ربنا يبعدنا عنه وعن هذه الأشكال عبرت بمنتهى الدقة فسلمت اديك خالص ودي وتقديري حببنا

الله يبعدهم عنك ويبعدك عنهم
م يتعاشروش ولا بيصونوا العشرة

سمو الأمير الغالي
تسلم ويسلم نبض قلبك الطيب
أسعدتني حضوراً وقولا أخي الغالي
شكري وتقديري وامتناني ♥️

[ساحر الأحزان]

الوشوش تعبتنا

وحيرتنا معاها

للاسف خالد هذا هو الحال

احسنت شاعرنا الجميل
دمت بخير

[شاعر الحب الحزين]

اقتباس المشاركة الأصلية كتبت بواسطة ساحر الأحزان الوشوش تعبتنا وحيرتنا معاها للاسف خالد هذا هو الحال احسنت شاعرنا الجميل دمت بخير

اه والله الله يصلح الحال يارب
أحسن الله إليك أخي الحبيب أمجد
سلمت والنبض الطيب أبو المجد الغالي
أسعدتني حضوراً وقولا
شكري وتقديري وامتناني ♥️

[☆ شهـــاب ☆]

للأسف هو دة الحـال الاآن والغـالب الأعـم

الا القليل

الله يبعـدهم عنـا لانهم فعـلا اوقات كتيرة بيكونوا اصعب من العدو

تحيـاتي ليـك يـ شاعرنــا الراقي ولكلمـاتك المميـزة دومـا

[فــــــــــرح]

الكلمات صادقة جداااااا
بس انا بتعامل معاهم عادي
خصوصا اذا كنت عارفه انهم بوشين
بحب اجاريهم ..
الناس مش ملائكة
ممكن احنا احيانا ننقع في الفخ دا
اننا نكون بوشين والحياة تفرض علينا
اننا نصادف ناس لازم نتعامل معاهم بوش غير اللي فقلبنا
حاجة ممكن يكون اسمها نفاق اجتماعي..
نفعه اكبر من ضررة

واهي بتعدي

كلمات جميلة جدا وواقعية

مجرد رائي مختلف

^^

[~♥ Queen sozan♥~]

كلمات جميله منك

يدوم الابداع

وربنا يكفيني شر الناس للي بوشين ولا ون بقو كتيررررر اوي

[شاعر الحب الحزين]

اقتباس المشاركة الأصلية كتبت بواسطة ☆ شهـــاب ☆ للأسف هو دة الحـال الاآن والغـالب الأعـم الا القليل الله يبعـدهم عنـا لانهم فعـلا اوقات كتيرة بيكونوا اصعب من العدو تحيـاتي ليـك يـ شاعرنــا الراقي ولكلمـاتك المميـزة دومـا

الواحد بقى يخاف من الحب أكتر من الكراهية
اللهم آمين ويبعدهم عنك ويقرب منك كل اللي بتفهمه ويفهمك

سلمت وسلم نبض قلبك أخي الحبيب شهاب
أسعدتني حضوراً وقولا أخي الغالي
شكري وتقديري وامتناني ♥️

[شاعر الحب الحزين]

اقتباس المشاركة الأصلية كتبت بواسطة فــــــــــرح الكلمات صادقة جداااااا بس انا بتعامل معاهم عادي خصوصا اذا كنت عارفه انهم بوشين بحب اجاريهم .. الناس مش ملائكة ممكن احنا احيانا ننقع في الفخ دا اننا نكون بوشين والحياة تفرض علينا اننا نصادف ناس لازم نتعامل معاهم بوش غير اللي فقلبنا حاجة ممكن يكون اسمها نفاق اجتماعي.. نفعه اكبر من ضررة واهي بتعدي كلمات جميلة جدا وواقعية مجرد رائي مختلف ^^

يعجبني الرأي المختلف
والصراحة وصدق الرد والتفاعل
أوافقك الرأي فرح
احنا مش ملائكة بس برضه مش ب وشين
اللي نتعامل معاه بوشنا غير اللي في قلبنا
ده ذنبه هو وده التعامل اللي هو يستاهله
احنا كده ب وش واحد مش ب وشين
واللي مبقوش في قلوبنا نعاملهم بس مش بنجاملهم

بس بوافقك الرأي جداً يا فرح
وده لما يكون الشخص حد غالي عليك
غلاوته وصلته بيك أكبر من انك تقوله إنه ب وشين
بس اللي زي ده بلغي تعاملي معاه وبخليه للضرورة بس
أحسن عقاب للي ب وشين إنك تعامله ب وش واحد


سلمتي والنبض الطيب الراقية فرح
الأجمل حضورك وصدق تفاعلك الرائع
أسعدتيني حضوراً وقولا يا فرح
شكري وتقديري وامتناني 🌹