ذرة غرور

[شاعر الحب الحزين]

معنديش ذرة غرور
أنا عكس كل شعور
لو بانلك ظلامي
إعرف ان قلبي مليان نور
متصدقش خصامي
خصامي حب بيرفض الظهور
وإن كان ع كلامي
اللي اتكتب ولمست فيه الغرور
أيوة صح كان كلامي
بس كان تأدية أدوار بين السطور
لكل الشخصيات احترامي
إلا اللي خان ملوش مكان وسط الحضور
صابر على حالي وأيامي
صابر على كل خذلان خلى القلب مكسور
ياللي بتشمت بحزني وآلامي
وبتعزف لحن سخريتك بكل أشكال الغرور
اعزف لحن الوجع لكل الأسامي
بكرا يعزفولك وجعك بتعجبني الدنيا لما تدور



حاجتين يخلوا حبايبك يخسروك
الصراحة والغرور لو بينتهم
منهم اللي لو صارحتهم بكدبهم يكسروك
ولو كدبت واتغريت تعجبهم كلهم
لو جاملتهم يصدقوك وبصدقك يفضلوا يغروك
ولو صارحتهم تبقى غلطان انك صارحتهم



ش . ح

[☆ شهـــاب ☆]

الله يبعـد عننا الغرور والمغرورين

طبـع سيء يدمر اي علاقة طيبة او مودة بين النـاس

كلمـات جميلـة وبسيطة وتدخل القلـب يـ محترم

تحيـاتي ليك يـ شاعرنـا المميـز ،

[أمير عسكر]

والله كلامك مظبوط حاجة تحير اللبيب
الناس دايما تعشق المجاملات ومتحبش الصدق والصراحة
وفي ناس تحب اللي يكلمها بغرور وتبرر وتقول دا ثقة بالنفس الله عليه مزيون
لكن عن نفسي بتعامل بشخصيتي أنا ومش باهتم بكلام حد حلو وحش لنفسي
مادام متمسك بأخلاقي وديني ومش بعمل الغلط ولو عملته بستغفر

عجبني أوي الكلام يا خالد ربي يسعدك ويشرح صدرك ,, أمين

[ساحر الأحزان]

شاعرنا الجميل

كفانا الله شر الغرور

احسنت صاحب القلم الجميل

دمت بخير

[Å Ṁ i ŗ â ® Ṁ ä r Ø]

كلمات جميلة يا شاعر
برافوو تحياتي ليك

[كريم عاصم]

شاعر الجميل أحساسه عالى

مع تنسيق الأبيات ورقيق الإحساس
أما الغرور فهو المكسور

والقلب الجميل اللى حب بأخلاص
ونيته الصافية بالنبض باص
حتى تألم وشعر بعدم الوفاء
من غرور وإيذاء
فالنيجه الانتصار للوقاء
والهزيمة للغرور

وربنا يكفيك شر الغرور

تحياتى لشاعرنا الجميل خالد
دمت غالى

كريم