هزار تقيل

[شاعر الحب الحزين]

واقفين مع بعض بنضحك ونهزر
وكل شوية يعلى صوت ضحكتنا أكتر
للأسف قد ما ضحكني قد ما خلاني اتأثر
خلاني أرجع لذكرياتي وف كل موقف أفكر



هزار تقيل مني وكان رد على هزاره
كلمة مني كلمة منه جاب كل أسراره
كشف نفسه بنفسه بس فقد كل أعذاره
ياااه ع الحقد مسيطر على قلبه وأفكاره



وفي الآخر يقولي مكنتش بتكلم بجد
كنت بهزر معاك وكلامي كان مجرد رد
لأ مش كنت بتهزر كل هزار الدنيا ليه حد
كان باين ف عنيك حقيقة كلامك والقصد


هزار تقيل قلب ضحكتنا زعل ودموع
هزار تقيل خلاني بعدت من غير رجوع
من يومها بقى خفيف هزاري وسط الجموع
أخاف الوجع يتكرر تاني وانا لسه م الأولاني موجوع



ش . ح