ساحر الأحزان مع أعضاء بنات مصر في رمضان مع مـريم

[ساحر الأحزان]

السلام عليكم ورحمه الله وبركاته

اخوتي أعضاء بنات مصر ونعود من جديد ببرنامج رمضاني نتعرف من خلاله علي يوميات الأعضاء
في رمضان
معي ومعكم صاحبه قلم مميز وتواجد راقي وفعال ونتمني عودته
بيننا من جديد
مع صاحبه الكلمات الشجيه والجميله داخل المنتدي

مريم

أهلا وسهلا بيك معنا مريم
ونبتدي الحوار
احكي لينا ما هي طقوسك مع قرب الشهر الكريم ؟
في البدايه السلام ورحمه الله وبركاته أخواني واخواتي الاعزاء
وكل عام وانتم بخير..
طقوسي ف دخول الشهر الكريم عاديه ونفسي تبقي اكثر من عاديه
بحب اصوم كتير قبله
ثانيا بحب اني ارتب اموري هعمل ايه ف الايام الخير بقسم المصحف
واقسمه علشان اقدر اختمه..
ثالثا بحب يكون ليا لبس معين رمضان ديما بقول عليه لبس رمضان بطلعه
قبل الشهر الكريم..
بخاف كتير اكون ناسيه امر او اطهر قلبي لدخول رمضان بحس ديما اني ناقصني شيء
من العبادات بس مش عارفه الله اعلم بالاعمال..
كيف تقضي يومك في شهر رمضان؟
بصحي اروح الشغل.. وانا راكبه بحب اقرا قران كريم وانا رايحه وجيه
بحب اسبح لله وعلي رسول الله..
وارجع اعمل فطار وبعدين نفطر وابدأ اصلي التراويح وبعدها التهجد
وبعدين بستني الفجر واصلي وانام علشان الشغل..

هل أنتي من محبي التزاور في رمضان من خلال الزيارات العائليه للأهل ؟
بحب الزيارات كتير جدا جدا وبحب تواجد اهلي لاكن للاسف
اكثريتهم في اسكندريه ومش بينفع يزرونا كتير
في اهل لينا ف نفس المكان لاكن كله عنده مشاغل فبتبقي صعب يكون تجمع باستمرار
كيف كانت طفولتك في شهر رمضان ومتي بدأت تتعود علي الصيام ؟
الحمد لله وشكر لله بصوم وانا خمس سنين لاكن متقطع علي حسب المقدره
لاكن دخولي المدرسه لاني كنت ف ازهر فكان الصيام جميل جدا
خصوصا مدرسين يدونا دروس وجوائز ومين اكتر حد صام فكان التشجيع جميل
كنت بحب رمضان كتير خصوصا ف المدرسه
أغرب وأطرف موقف حصل معاكي وأنت صغيره ووكمان وانت كبير في رمضان ؟
زمان وانا صغيره كانت مواقف كثيره بتحصل خصوصا لما بنسي واشرب او اكل
كنت بسمع ديما اني ال بيشرب او ياكل ناسيا فأطعمه الله.. فكنت بنسي فعلا بس كنت بكمل اكل وابدأ اصوم تاني
موقف وانا كبيره دخلت الجامع اصلي الظهر اخرت بعد الصلاه ودخلت اتوضي ف مصليه السيدات وهما بيقفلو الجامع بعد الصلاه مباشره ف قفلو عليا لحد العصر
كان صراحه جميل وقريت قران وصليت بس كان معاد البصمه عدي وافتكروني مشيت وشنطتي وحاجتي ف الشغل
قفلو ومشيو كمان كان يوم غريب وطريف وانا قاعده اضحك بس

لو حصل وقابلك موقف خصام قبل رمضان بتعملي ايه ؟
انا مش بحب الخصام ومش بخاصم بسهوله الا اذا كان موقف قوي وعلي حسب غلاوه الطرف التاني
لاكن للاسف مش انا بصالح لاكن قلبي مش بيصالح ودا مش بايدي
بتحتم المصحف كام مره في رمضان ؟
مرتين الحمد لله بسعي دائما لكدا
كتير من الناس بيكون خلقها ضيق وبتتعصب في رمضان والسبب عندهم الصيام ؟ما تعقيبك علي ذلك؟
غير مقبول بالنسبالي لاكن بقول يمكن مرضي او عندهم ظروف
لاكن دائما بقول رمضان شهر التسامح والعفو والمحبه.
ولو حد اتعصب او تطاول علي غيره فهيي النفس الاماره بالسوء..

في شهر رمضان المساجد بتملي في الفروض وخصوصا وقت صلاه العشاء والقيام والفجر
وبعد الشهر يختفي ذلك ما تعليقك علي ذلك ؟
بقول مش مشكله ربنا رب قلوب ومسامحه خليهم يصلو ويملو المساجد في اوقات عسي تكون ركعه ترفع ذنوبهم وهذه علاقه بين العبد وربه..


في شهر رمضان تكثر المسلسلات الرمضانيه التي تكون عامل كبير في ضياع وقت العباده في الشهر
الكريم ما تعقيبك علي تلك الظاهر وكيف نساعد علي تجاوزها ؟
للاسف دي حرب دينيه محدش فاهمها وتلاعب بالناس ولهو الحمد لله مش بتفرج علي اي مسلسل
بعد رمضان لو حاجه شدتني اتفرج عليها عادي ف شاهد او اي موقع تاني
نخش علي الجزء الترفيهي
هل أنت طباخه ماهر ولا بتستعيني بصديق في تحضير الوجبات ؟
الحمد لله بحب اطبخ كتير واكلي حلو بشهاده الجميع
بس مش بحب حد يدخل معايا لو هطبخ حتي لو عزومه 30 شخص
بحب اطبخ علي هدوء وترتيب وروقان لو حد ضايقني مش بعرف ادي نتيجه زي ال نفسي فيها
ما هي الوجبات المفضله عندك في شهر رمضان ؟
ال بحب اعملها سمك ومشاوي واكل العادي
اي حاجه لحد رمضان بحب اعملها وتكون مفضله حتي لو طبق فول.
هل تؤيدي جو العزومات الرمضاني في الوقت الحالي ؟
لو كان في ؤلفه ومحبه وعزومات غير مكلفه علي رأي المثل الجوده بالموجوده اؤيدها
بلاش تكاليف لقمه هنيه تكفي ميه . انما العزومات التانيه مش بحبها ولا بحب رد العزائم دي قصاد دي.. بس بمحبه
أطرف وأغرب موقف حصل ليكي داخل المطبخ ؟
شاي بالنعناع المفروض اعمله حطيت بدال النعناع ملوخيه ناشفه وكان عندي برد زوكام
مقدرتش اشم
وعملت مره الكيكه بدال بيكنج بودر حطيت سان جورج بدالها طلعت بمطباط طريق بتاعت العربيات وحجر

ما هي أحب الوجبات عندك ؟
ال بقعد باكل فيها بمحبه ورق العنب والبط
والسمك دا لو هاكله كل يوم معنديش مشكله
وبكده نكون خلصنا الاستضافه الرمضانيه
مع مريم
شكرا جدا فقره جميله وخفيفه بتمني من الله ان يحسن ما بأيدكم ويرزقكم جميعا الرزق الحلال وما تتمنون
كل عام وانتم بخير
وشكرا ساحر لمجهودك
حلقه كانت لطيفه وظريفه مع مريم اشكرها كل الشكر عليها
ونشكركم أخوتي الاعضاء علي جميل اللقاءت منكم
وحسن الترحاب والاهتمام بالتواجد والمشاركه

[واد حبيب]

حلقه جميله واجابه بجد روعه
بعد كده لما تصلي ابقي صلي جنب الباب علشان محدش يقفل عليكي
كل سنه وانتو طيبين
في انتظار حلقات جديده وجميله زي الحلقه دي
تقبلو تحياتي لكم

[د/ عبد الله]

حلقة جميلة فعلا مع انسانة طيبة وخلوقة
إجابات قريبة من القلب وشخصية هادية متزنة
لكما مني خالص التحية والتقدير

[شاعر الحب الحزين]

شخصية رائعة شخصية ملتزمة
الراقية مريم راقية وصادقة في إجاباتك
استمتعت باللقاء وأضحكتني بعض الإجابات
بما يخص المواقف
في المجمل عرفنا جوانب جميلة ومعلومات رائعة
عن مريم التي لا تتحدث عن نفسها ولا تتحدث
كثيراً مع الأشخاص من حولها وتكتفي بالكتابة والردود
في الأقسام الأدبية.. وهذا ما يجعل استضافتها
فرصة للتعرف على شخصيتها والجوانب الأخرى في حياتها
كل عام وأنتي بألف خير مريم ينعاد عليكي بكل خير يارب ��

أخي الحبيب أمجد أحييك على اختيارك المميز
كانت الحلقة مسك الختام لكل استضافاتك للأعضاء هنا
كل عام وأنت بألف خير أعاده الله عليك بالخير واليمن والبركات ♥️
كل عام والجميع بألف خير ينعاد عليكم بالخير واليمن والبركات ♥️


الله يعطيك العافية على جهودك الطيبة
سلمت والنبض الطيب أخي الغالي أمجد
شكري وتقديري وامتناني ♥️

[مهيب الركن .]

لقاء ممتع مع اخت فاضله استمتعنا به كثيرا
تحياتى للجميع وكل عام وانتوا بخير وسعاده