بدور في الماضي

[شاعر الحب الحزين]

بهرب من يومي وبكرا
وبدور في الماضي
على كتاب الحنين والذكرى
لقيت الكتاب فاضي



لقيت صحاب وحبايب ياما
مبقاش ليهم أي وجود
دنيا خدت كل واحد ف دوامة
لما بقى صعب لنفسه يعود
بقت تريحنا كلمة مع السلامة
حاطين بيننا وبين الدنيا حدود


بدور في الماضي على حبيب وفي
وصاحب أصيل بالصحوبية مكتفي
لقيت الوفاء بريء من حبايبي
والشدة لما ظهرت خلت الأصحاب تختفي
لوحدي صفيت م شفت حد جنبي
مفيش حد هيحس بيك لما نجمك ينطفي



سجن الحياة بابه مفتوح
تقدر تخرج بمزاجك وتروح
بس تعمل إيه لو مسجونة الروح
في كيان محاوطه الألم والجروح
معاد خروجها متحدد في وقت مش متحدد
حكمها ثابت الاستئناف فيه مش مسموح


ش . ح

[ساحر الأحزان]

عيش ايامك بكل امان واطمئنان
عبرت بإحساس جميل شاعرنا
كما تعودنا منك جميل الإحساس العذب
دمت بسعاده

[شاعر الحب الحزين]

اقتباس المشاركة الأصلية كتبت بواسطة ساحر الأحزان عيش ايامك بكل امان واطمئنان عبرت بإحساس جميل شاعرنا كما تعودنا منك جميل الإحساس العذب دمت بسعاده

دمت نقي القلب والكلمة والشعور
أشكرك لروحك الجميلة وردك القلبي
سلمت والنبض الطيب يا طيب القلب
أسعدتني حضوراً وقولاً أخي الغالي أمجد
شكري وتقديري وامتناني ♥️