تسجيل الدخول والرد ع المواضيع

[7laa]

هااااى عليكم
انا زعلانه جدا منكم لأن كل واحد يدخل على اى قسم يقوم يعمل مشاركات ب سجل دخولك ب كذا ويقوم خارج
يعنى مثلا قسم عالم الطفل . اللى يدخل يعمل مشاركه
سجل دخولك ب اسم طفل ويخرج .طيب ما ترد ع المواضيع طالما سجلت دخول . بجد دى حاجه مزعلانى

قمت واخده بعضى وروحت لمديرنا أ. ساحر وحكيتله الحكايه . قام قالى طيب كل مشكله ولها حل متزعليش

بس كده . قمت روحت ل المراقب العام أ. واد حبيب
بصلى كده وقالى متزعليش كل مشكله هنحلها بالحب
بس كده .قمت روحت أ. طبيب الهوى قالى بس ريحى اعصابك واقعدى ف الهوى شوى كده ولا حاجه مستاهله .قمت روحت للجوكر قلت هيجبر بخاطرى
قالى متزعليش حاضر هبقى أرد انا ع المواضيع .

بس كده . قمت روحت لشاعر الحب الحزين
قعد يفكر كده شوى وقام قايلى اوعى يكون عندك فكر
انا هكتب قصيده اعرفهم غلطهم ولا تزعلى
بس كده . قمت رايحه ل همس الحنين وانا أجر اذيال الخيبه
قالتلى حببتى اوعى تزعلى احنا كلنا بنمر بالمرحله دى
بكره كل حاجه هتتصلح ياروحى. قمت روحت
لصمت السكون فضل ساكت ساعتين وف الاخر قالى
عليكى بالصمت الرهيب .يا لهوى انا مبعرفش اسكت

بس كده. قمت روحت لخلود قالت ولا تزعلى انا هعمل لهم اكله جامده تكبس ع مراوحهم كلهم .
قمت روحت لاميره مارو قالت يا خبر الحل بسيط اعملى زيهم ولا تزعلى نفسك ولا تردى ع مواضيع حد
. قمت روحت ل جيست احمد قالى اسمعى ياحلا
معدتيش تعملى مواضيع وريحى الامخوخ ولا تزعلى
بس كده.... قمت روحت لكوين سوزان
قالت انا بقا هجيب م الاخر فرحت وزغرطت
قالتلى اى حد هيدخل يعمل تسجيل دخول وميردش
ع المواضيع انا هعلقه ع باب المنتدى وهذنبه لغاية
أما يبان له صحاب بجد استحسنت الفوكيره

ومسحت دموعى وضحكت هههههه

[واد حبيب]

في بعض الموضيع كده ليها تفاعل خاص من الأعضاء
من النهارده مفيش حاجه هتتحل بحب كله بضرب
موضوع جميل منك
تسلم يدك