حقيقة أنباء إيقاف الهواتف المستوردة من الخارج في مصر مع بداية عام 2025

[JUST AHMED]

حقيقة أنباء إيقاف الهواتف المستوردة من الخارج في مصر مع بداية عام 2025



تداول مستخدمو مواقع التواصل الاجتماعي في مصر، أنباء عن إيقاف الهواتف المستوردة من الخارج، وذلك مع انطلاق العام الجديد 2025.

وانتشرت الكثير من المنشورات التي تتحدث عن تسريبات من خلال مصادر بالجهاز القومي لتنظيم الاتصالات تشير إلى اتخاذ قرار بقفل الموبايلات المشتراة من الخارج بواسطة الأفراد، أو المهربة من خلال التجار، بهدف دعم الاستثمارات المحلية.

ونوهت المنشورات على أنه يتوقع تطبيق القرار ابتداءً بهواتف الآيفون مع حلول عام 2025، حيث تسمح للهواتف بالعمل لمدة 90 يومًا فقط، ويشترط دفع رسوم الجمارك لعدم إيقاف شبكات الموبايلات.

تسببت تلك الأنباء في خلق حالة من الجدل، وتباينت ردود الفعل حيث استنكر المالكين للهواتف المستوردة ما تم تداوله، في حين أيد البعض هذا القرار حيث أن تطبيقه سيساعد في وضع حد لتهريب الإلكترونيات الذي يهدد الاستثمارات في السوق المصري.

حقيقة إيقاف الموبايلات المستوردة من الخارج
ونشر حساب باسم «Makarios Eshak» على فيسبوك، موضحا إجراءات إيقاف الهواتف المستوردة من الخارج وأهميتها، حيث دون ما يلي: «بخصوص موضوع قفل الموبايلات الجايه من برا.. كل موبايل ليه رقم خاص اسمه IMEI، وده زي رقم فريد للتمييز بين الأجهزة على مستوى العالم، حاجة زي الـ MAC Address بس للموبايلات».

وأضاف: «زمان كان فيه فرق كبير في سعر الموبايلات بين بره وجوه مصر، فكان الناس اللي مسافرة بتجيب موبايلات وهي جاية، والتجار نفسهم بدأوا يجيبوا أجهزة مهربة ويبيعوها بسعر أقل عشان يكسبوا.. وبعد التعويم، فرق السعر قل شوية لكن الجمارك والضرائب لسه مخليين فيه فرق، وده خلّى ناس تفضل تشتري من بره».

وأشار إلى سبب القرار المتوقع قائلا: «طيب ليه الدولة مش عاجبها الكلام ده؟ ودا حقها.. لأنه بيخسرنا فلوس الجمارك والضرائب على الموبايلات اللي بتدخل تهريب، وكمان بيهدد استثمارات المصانع اللي بتفكر تنتج موبايلات جوه مصر وتصنعها.. الحل؟ جهاز تنظيم الاتصالات بيبقى عنده لستة بأرقام الـ IMEI للموبايلات اللي دخلت رسمي، فلو فيه جهاز رقمه مش متسجل وظهر على الشبكة، الجهاز ده غالبًا جاي تهريب أو جاي مع حد زيارة. هنسيب الجهاز شغال 90 يوم (أو فترة مؤقتة) بس بعدها لازم تدفع الجمارك بتاعته لو عايز يفضل شغال، ولو مدفعتش هيقف على الشبكات».


كما كتب صاحب حساب «Ahmed Gamal Abdel Aziz»: «اللي عنده موبيل مشتريه من برة مصر، غالباً علي نهاية يناير مش حيشتغل غير لما تروح تدفع الفلوس ديه.. جهاز تنظيم الاتصالات بلغ شركات الموبيل آخر الأسبوع اللي فات أنهم يبتدوا ينفذوا الموضوع ده مع الآيفون كبداية.. أي جهاز مش من التوكيل المصري مسموح ليه ب ٩٠ يوم على الشبكة وبعد كده هيفصل».


جدير بالذكر أن الجهاز القومي لتنظيم الاتصالات لم يعلن قرارا رسميا بشأن إيقاف الهواتف القادمة من الخارج، ولا توجد أي تنويهات للمواطنين بهذا الصدد حتى الآن.

[JUST AHMED]

منهم لله انا جايبه من بره : (