....... نظرة المجتمع.......

[smsma666]

السلام عليكم ورحمة الله وبركاته
موضوعى اليوم هو عن نظرة المجتمع فى البنت وهنا مش هدافع عن البنات او هقوم بشن هجوم على الاولاد انما سنعرض مواقف لا يستطيع احد ان ينكرها ولكم الحكم
ابدأ القول
مجتمعنا ظالم للفتاه فى كل شئ ولا يحاول الا قليلون ان يعدلوا ولا يظلموا الفتاه ولكن الاغلبيه ظالمه لها وان اخذنا مواقف لتحكى وتشهد هذا الظلم
نبدا

*الاسره*

فى اغلب الاسر ((خصوصا الصعيد))نجد الاباء لا يريدون البنات ويدعون ربهم دائما ان ياتى المولد ولد وليس بنت بحجة ان البنت تربيتها صعبه او متعبه مع العلم انه العكس فالبنت تربيتها اسهل ما يكون كل ماهى بحاجه اليه هو بعض من الرفق فى التعامل لا اكثر ومن هنا تظهر امثال شعبيه تلك الامثال التى تمثل جزء كبير من حياتنا ونذكرها فى كل موقف
هو مثل شعبى يردده دائما الناس عندما يجدوا شخص لديه بنات
(( يامخلف البنات ياشايل الهم حتى الممات ))
ليه سؤال مطروح ليه مش بنقول يا مخلف ونسكت لو صحيح نقصد ان التربيه عموما صعبه ليه بنذكر البنات بس
ليه دايما البنت هى مصدر التعب والهم ليه نسينا كلام رسولنا صلى الله عليه وسلم
مش هعلق على الكلام لكنى هترككم مع حديث لرسولنا الكريم
عن جابر بن عبد الله رضي الله عنه قال: قال رسول الله صلى الله عليه وسلم

من كان له ثلاث بنات يؤويهن ويكفيهن ويرحمهن فقد وجبت له الجنه البته فقال رجل من بعض القوم : وثنتين يارسول الله قال وثنتين .
وزاد فى روايه حتى ظننا ان انسانا لو قال واحده؟؟ لقال واحده . ((سنده صحيح))

هكذا امرنا رسولنا الكريم وفى هذا الحديث نلاحظ ان رسولنا الكريم (ص) اثار انتباهنا لامرين وهما
ان انجاب البنات خير لا شر
انه يجب تربية البنات التربيه الصالحه ونستنتج ان التربيه الصالحه هذه لن تاتى الا بالرفق واللين وبعض الشده احيانا اى ان هذا هو ما تشمله التربيه الصالحه هى موازنه بين الشده واللين هكذا امرنا رسولنا الكريريم (ص) ولكن واسفاه على مجتمعنا البنت ليس لها حق فى اى شئ وان حدث شئ فكل الذنب يلقى عليها من الطبيعى ان تخطئ البنت فهى فى النهايه بشر لكن الذى ليس طبيعى هو ان يكون الخطأ خطاها كل مره واذا تركنا انها غير مخطئه واتجهنا

****انها مخطئه****

هنقول طيب وفيها ايه البنت دى مش بشر طبيعى انها تغلط وطبعا غلط عن غلط يفرق لكن فى امور بسيطه ممكن البنت تغلط فيها ومش مستاهله خالص اننا زى ما بيقوله

(( نعلق لها المشنقه))

البنت لما بتغلط مفروض تكون نادمه على فعلتها لكن هناك شعور اخر يكون مسيطر عليها انما هو شعور بالخوف وليس ذلك الخوف الذى ينتج من مواجهة الاخرين لانها مخطئه

لـــــــــــــــــــــــــاــــــــــ

انما هو خوف من عقاب لانها تعلم ان امامها لن يستمعوا الى وجهة نظرها او انهم سيستمعون الى الذى حدث انما سيكون امرا روتينى هى اخطاءت فمن الطبيعى ان تجد الجميع يلومنها بطرق مختلفه كالاهانات المختلفه
بالله عليكم كيف لهذه الفتاه ان تحب عائلتها وهى ترى عدم اهتمام او مبالاه لوجهة نظرها وفى الناحيه الاخرى تجد ان الجميع يهتمون لامر اخوها مثلا ترى الفرق الواضح بين المعامله بينه وبينها فهل يجب عليها ان تسكت ولا تتكلم والذى يزيد الامر سوء اننا فى بعض الاحيان نجد تدخل غريب من الاخ ويقف فى صف اهلها مع العلم انه يجب ان يكون من احن الناس عليها يجب ان يكون صديق قبل اخ ذو تحكمات عليها واهانات لها وطبعا الاهل يوافقون حيث انه معهم فى رايهم
وفى الواقع هناك نوعين من الفتيات فى تقبلهم لهذا الامر فى منهم من يقول عادى الامر يحدث دائما وليست هذه المره الاولى انا اتعودت .....
وهناك الاخر الذى تكون فيه الفتاه عدوانيه تتعلم الحقد وتصبح كارهه لعائلتها تتمنى لو ان اهلها يتقبلوا كلامها وينقشونه معها تتمنى لو ان هناك ذرة تفاهم واحده لكى توضح وجهة نظرها
تلك الوجهه التى لا يستمع احد اليها تك الوجهه الغير منظور فيها تبقى الفتاه تتمنى وتتمنى ولكن هل هناك من يسمعها ؟؟

لحظه ......... لحظه ................ لحظه ..............

هناك من يسمعها ويحس بها ويعلم انها تصرخ من داخلها متمنيه ان يسمعها احد ولكن هل يبالى اجابتنا معروفه بالطبع لا ولكن لماذا انها تريد مساحه لتتحدث لا اكثر اهذا بالكثير عليها هل هذا حقا كثير عليها ليتنى استطيع قول لا ليس بالكثير ولكنى اجد واقع يصدمنى وياليتنى استطيع قول نعم هذا كثير عليها واكون بذلك ظالمه لحقها طيب نقول ايه كثير والا مش كثير بجد كل اللى البنت محتاجه له هو شوية تفاهم مش اكثر نرى الاثار السلبيه التى تظهر على البنت بعد الحاله الميؤس منها التى تعيشها وتتحول تدريجيا من

مظلومه >>لظالمه
من
محبه >>لكارهه

وكل هذا يمكن ان نتجنبه بكلمه طيبه او معامله برفق لا اكثر طبعا فى ناس متفقه وناس مش متفقه معايا ولكنى اعود واقول البشر ليسوا جميعهم نوع واحد ذو تصرف واحد ورد فعل واحد بس اللى مافيش حد يقدر ينكره انا التصرفات دى بتحدث حقا فى مجتمعنا
فلنترك المعامله ونتحدث عن كلام الناس عن البنت
اول كلمه يطلقها الناس على البنت وهى كلمه

(((((((((عانس)))))))))

سالت نفسى مرارا وتكرارا ما معنى هذه الكلمه وليه الناس اطلقتها على الفتاه التى تتاخر فى الزواج نسمع الناس يقولون دى بنت فلان الفلانى دى عنست طيب لو البنت سمعت ياترى هيكون ايه شعورها وهى سامعه الكلام ده عنها طيب نتوقف

لحظه.......
لحظه.......
لحظه.......

هو الجواز ده مش قسمه ونصيب هو البنت لها دخل فى الموضوع هى زيها زى غيرها منتظره لكن الفرق الوحيد انه لم يحن ميعادها لكى تتزوج لا اكثر ليه بنجرح شعورها بالكلام ده واحنا عارفين ان اقل كلمه بتجرحها ده بقى ظلم والا لا لحقها وشعورها ليه احنا مش بنهتم بشعورها ؟ ليه بنكون السبب فى دمعه هتنزل منها وفلب يملؤه حزن ؟ليه بنستمتع جدا بالموضوع ده؟
المشكله الحقيقيه ان الكلمه دى مالهاش معنى احنا بس بنقولها علشان نعيب فى البنت ونجرحها ونعقدها فى حياتها مع ان الكلمه ليس لها معنى واضح والكل يعرفه انما هى مجرد توقعات من الناس
فى ناس معتقد ان كلمة عانس مشتقه من كلمتين هما

عجوز +انسه

اخذ من عجوز الحرف الاول واضيفت الى انسه فاصبحت عانسه
طبعا مافيش حاجه اكيده ان الكلام ده صحيح لكن حتى ولو صح ليه بنقوله ايه الافاده اللى هنستفيدها من الكلمه دى حقا الافاده تافهه اتعلمون فى وجهة نظرى ان الناس يقولون هذه الكلمه لمجرد نقل كلمه لا معنى لها من الاساس والكلمه تقال من دون وعى او فهم انما تقال اتوماتيكيا
وتبقى الفتاه وسط مجتمعنا محاطه بالعادات والتقاليد وكلام الناس الذى يكاد يقتلها
واخيرا وليس اخرا البنات انقسموا نصفين ولقد اخذت برائ عضوتان معنا فى المنتدى فى هذا الموضوع
فى الحقيقه كل واحده منهم لها رايها الخاص ولن اذكر اسماء
الاولى تقول :
لازم نتغير ونخلص من العادات والتقاليد انا دلوقتى لوحدى بقول لازم نتغير بعد كده هنبقى 2 ,4,3،..... وهنبقى كتير واكيد هنتغير مش هنبقى كده على طول
هذا بالنسبه لرائ الاولى
اما الثانيه فبصراحه رايها مرح جدا واضحكنى عندما سمعته منها هو رائ طريف لن اتحدث وساترككم مع الرائ
الثانيه تقول : خلى الاولاد يغلطوا اكثر واكثر واللى هنا فى المجتمع يبرروا لهم تصرفاتهم لحد ما يروحوا عند ربنا ويكون حسابهم عسير احسن يستاهلوا خليهم براحتهم علشان يقعوا فى شر اعمالهم واحنا خلينا ساكتين وصابرين
هههههههههههه طبعا شكلها حاقده على الاولاد جدا

وفى النهايه يجب علينا ان نحترمها ولا ننظر لها بتلك النظره الظالمه التى تقيدها وتجعلها فى حالة حزن دائمه
حتى تقوم بواجبها
كام: ترعى ابنائها وتوجهم للطريق السليم
واخت: تشارك اخواتها فى ارائهم وتكون من اكثر الناس حبا لهم
وزوجه:تساعد زوجها على تحقيق ذاته واماله
وابنه:تحب عائلتها وتعمل على رعايتهم فى مراحل كبرهم

وصراحه لن اجد كلام انهى به الموضوع اجمل مما قاله المنفلوطى عن المرأه
ان الحياه مسرات واحزان اما مسراتها فنحن مدينون بها للمرأه ؛لانها مصدرها وينبوعها الذى تتدفق منه ، واما احزانها فالمرأه هى هى التى تتولى تحويلها الى مسرات،او تروحها عن نفوس اصحابها على الاقل فكأننا مدينون للمرأه بحياتنا كلها

اتمنى الموضوع ينال اعجابكم واتمنى اسمع ارائكم

*تحياتى*

[أنثـے مًنْ الّخٍـْيـِالْ→♀]

بالرغم أن الأمور ممكن أن تكون أبسط من ذلك بكثير
وأن زرع القيم الدينيه لدي الفتاه منذ الصغر
هو السبيل الوحيد لحمايتها والحفاظ عليها
..
كل ذلك بخلاف أن أي خطأ بسيط ممكن أن تخطئه الفتاه يقابله عقاب شديد من الأسره كلها
ويقابل ذلك التغاضي عن أخطاء الولد والتعامي عنها
مما يشعر الفتاه أنها مراقبه من كل الأسره
بل وأنها مضطهده من الجميع وخاصه في مرحله المراهقه

والتي تحدث فيها تغيرات لدي الفتاه

..


بل نري بعض الفتيات يتعثرن في مشيتهن في الشارع من كل ما تراه في المنزل

ومدي الرعب الذي تشعر به حال خروجها الي الشارع
هذه الفتاه تعاني من الاضطهاد في المنزل
وعندما تخرج الي الشارع تسمع المعاكسات بكلمات خادشه لحيائها
بل وتجرحها
من شباب تربوا مثلما تربي أخوها

...


اضطهاد في الشارع أيضا بل وفي كل مكان تذهب اليه

هذه الفتاه هي حطام نفسي لمن نقول عنها أنها نصف المجتمع

تشعر بالقهر الشديد من كل هذا المجتمع

بدون استثناء
وتشعر برغبه عارمه في الانتقام وتحطيم كل شيئ


هذه الفتاه عندما تبلغ "العشرين" من العمر تصبح عاله علي الأسره

فالبيت كله قلق ينتظر "ابن الحلال"
الذي سوف يأخذها منهم ويريحهم وهذا الابن الحلال لابد أن يكون بمواصفات الاسره وشروطها

وليس هي
والكثير من الفتيات يحلمن بهذا الابن حلال
ليس لأن لهن أحلام البنات في الحب والرومانسيه

ولكن للخروج من سجن وعبوديه الأسره
وثم يأتي الابن الحلال ويلبي كل الاشتراطات
وأعتقد أن أهمها علي الاطلاق هو "مؤخر الصداق" المغالي فيه وحتي لايفكر أن يعيد الفتاه مره أخري الي المنزل






شكرا سمسمة ع التوبيك الرائع
و المشكلة اللى المفروض يكون ليها حل
و تغيير الافكار

[AmoOonA]

اولاد احب اشكرك ع الموضوع الاكثر من الرائع
فعلا احنا ديما مجتمعنا ظالم البنت ولو البنت مش غلطانه ديما بنخليها هي الغلط واحنا الصح
ليه المجتمع والاسره منعاملها معامله حسنه
وزي ما زكرتي ان
البنت هتتحول
مظلومه>>لظالمه
من
محبه >>لكارهه
ليه طيب كده
ليه الظلم ده يا ريت يكون من الاسره فقط او االمجتمع فقط
لأ
دول الاتنين ظالمين
ما ممكن البنت تتظلم كذا مره وف مره تقول ما انا ديما مظلومه وتعمل حاجه غلط فعلا

اما ع العانس فدي بقت الناس كلها بتقول الكلمه دي في الارياف والمدن
طيب ليه نجرح مشاعرها كده
دا الجواز قسمه ونصيب ثم دا كمان امر ربنا نعترض يعني ع حكمه
كل وحده فينا ليها نصيبها ما ممكن الذين يردودون هذه الكلمه تكون بنتها اختها اي حد من قرايبها اتاخر ف سن الزواج

وانا عايزه اقول حاجه طيب هي كده اجرمت لما متجوزتش لأ طبعا دا كله بامر ربنا


سلوي

بحب اشكرك ع الموضوع الاكثر من روعهههههههههههههههه
بجد موضوع هايل
وانتي اسلوبك جميل ف كتابتك

[Genius]

يا جماعه انتو ليه متصورين كدة
الزمن اتغير والناس متعلمه تعليم عالى
يعنى اكيد فيه عقل بيفكر ومحدش بيظلم حد
يا مونه لسه الدنيا بخير
تسلم ايدك على التوبيك الرائع

[AmoOonA]

اه فعلا يا مهند اننا اتقدمنا في العلم بس محدش يقدر ينكر ان الحاجات دي بتحصل والبنت بتتظلم فعلا
وزي ما ذكرت سمسمه انو البعض مش الكل
وفعا كل اللي في الموضوع بيحصل يا مهند
ومهما الزمن اتغير بالعلم وكده المجتمع لسه فيه العادات دي

[yasmine refat]

أزيك ياسمسم**

طبعاااااااا ماقدرش مردش على موضوع زي ده**

كما هو واضح قصدك من الناحية الأجتماعية

طبعا أعطاء حريات زياده للولد والدلال الزائد

وتضيق الحصار على الفتاة ومعاملتها بقسوة

لي أثار سلبية على الطرفين

وبتخلق مجتمع غير متوازن بيتم فيه تبادل للإدوار وأحيانا أنعدام دور طرف مهم أو أنحرافه

وكما هو واضح دلوقتي هروب الرجل من الأسرة أنفاق الأم على الأسرة الخيانات وجرائم القتل,,,,

وغيرها من الحجات الي بتدل على وجود خلل في المجتمع

الي بيحصل سببه عرف

والعرف مش سهل أنه يتغير بس مش مستحيل

الأهم أنو يكون عند الجيل المربي القادم وعي كاف ونية صارمة للتغيير

بس في نقطة مهمة**

المساوة بين غير المتساوين ليست مساواة

سيرني بس:spain-flag:

دلوقتي في نساء بيدعوا للمساواة المطلقة

ودي في حد ذتها هتعمل خلل في المجتمع

الله خلق الرجل بتركيب معين والمرأة كذلك

وخلقهم مختلفين في غرائز وحجات كتير

فأما أجي أقول إن المرأة عادي لو كانت بتاخد مرتب أكبر تشتغل وتصرف والراجل يعد في البيت ويربي

أبقى أنا هنا لعبت في الطبيعة الي خلقنا ربنا عليها

أما ققلك المرأة عادي أنها تلعب ألعاب قوة زي الرجل

برضوا هكون إدخلت في الطبيعه

المساواة بتكون كما ذكر في الكتاب والسنة كما تمليها علينا ميولنا غرائزنا فطرتنا

منحولش نساوي في حجات مينفعش نتساوى فيها

وشكراااااااااااا على موضوعك ياعسل

أختك

[سعودي كول ........ 2009]

( السلام عليكم ورحمة الله وبركاته)
أخـــــــــوكــــــم من المملكة العربية السعودية ......... وبكل صــــــلاحـــــه هذا المـــوضوع حـــاصـــــل ..........
مـــــــــــشكـــــــــــــور عــــلى الــــــــــمـــــــــوضــــــــوع يـــــــــا قشـــــطــــــــة........

[smsma666]

اقتباس:
المشاركة الأصلية كتبت بواسطة طمطم المصرية

بالرغم أن الأمور ممكن أن تكون أبسط من ذلك بكثير

وأن زرع القيم الدينيه لدي الفتاه منذ الصغر
هو السبيل الوحيد لحمايتها والحفاظ عليها
..
كل ذلك بخلاف أن أي خطأ بسيط ممكن أن تخطئه الفتاه يقابله عقاب شديد من الأسره كلها
ويقابل ذلك التغاضي عن أخطاء الولد والتعامي عنها
مما يشعر الفتاه أنها مراقبه من كل الأسره
بل وأنها مضطهده من الجميع وخاصه في مرحله المراهقه

والتي تحدث فيها تغيرات لدي الفتاه

..

بل نري بعض الفتيات يتعثرن في مشيتهن في الشارع من كل ما تراه في المنزل

ومدي الرعب الذي تشعر به حال خروجها الي الشارع
هذه الفتاه تعاني من الاضطهاد في المنزل
وعندما تخرج الي الشارع تسمع المعاكسات بكلمات خادشه لحيائها
بل وتجرحها
من شباب تربوا مثلما تربي أخوها

...

اضطهاد في الشارع أيضا بل وفي كل مكان تذهب اليه

هذه الفتاه هي حطام نفسي لمن نقول عنها أنها نصف المجتمع

تشعر بالقهر الشديد من كل هذا المجتمع

بدون استثناء
وتشعر برغبه عارمه في الانتقام وتحطيم كل شيئ

هذه الفتاه عندما تبلغ "العشرين" من العمر تصبح عاله علي الأسره

فالبيت كله قلق ينتظر "ابن الحلال"
الذي سوف يأخذها منهم ويريحهم وهذا الابن الحلال لابد أن يكون بمواصفات الاسره وشروطها

وليس هي
والكثير من الفتيات يحلمن بهذا الابن حلال
ليس لأن لهن أحلام البنات في الحب والرومانسيه

ولكن للخروج من سجن وعبوديه الأسره
وثم يأتي الابن الحلال ويلبي كل الاشتراطات
وأعتقد أن أهمها علي الاطلاق هو "مؤخر الصداق" المغالي فيه وحتي لايفكر أن يعيد الفتاه مره أخري الي المنزل

شكرا سمسمة ع التوبيك الرائع
و المشكلة اللى المفروض يكون ليها حل
و تغيير الافكار

شكرا طمطوم على ردك الجميل وكلامك كله منطقى لقد اضفتى حقا للموضوع
وفعلا الفتاه بعد تلك المعامله والخوف من رد الفعل تمشى فى الشارع حقا تشعرى بها كانها زى ما بيقولوا عامله عمله ما تعرفيش ليه مع انها من افضل الناس ادب واحترام وتعرفى كمان المشكله الخجل برضه والكلام
من كثرة ماتتعرض له الفتاه من المعامله السيئه فى حياتها تصبح غير قادره على التعبير عن مشاعرها جيدا وخجلها يصاحبها دائما وليس خجل عادى انما خجل لدرجه كما ذكرتى التعثر فى الشارع

وموضوع ابن الحلال هذا لماذا لا يكون لها رائ فى اختياره ليس لانه مضغوط عليها من قبل اهلها انما كما تذكر الكثير من البنات علشان ارتاح

فعلا مشكله كبيره ان البنت ترتاح من اهلها مش عارفه ازاى بتقول كده لكنى واثقه من شئ واحد ان كلامها نابع من ضغط قوى عليها كل ما نتمناه ان هذه الفتاه لا يبقى فى ذاكرتها الانتقام من اى شخص
او يبقى فى ذاكرتها ان هذه هى المعامله الجيده للفتاه حتى لا ينعكس هذا على تربيتها لابنتها
وتعاد المشكله

شكرا طمطم على ردك الرائع

*تحياتى*

[smsma666]

اقتباس:
المشاركة الأصلية كتبت بواسطة مونه
اولاد احب اشكرك ع الموضوع الاكثر من الرائع
فعلا احنا ديما مجتمعنا ظالم البنت ولو البنت مش غلطانه ديما بنخليها هي الغلط واحنا الصح
ليه المجتمع والاسره منعاملها معامله حسنه
وزي ما زكرتي ان
البنت هتتحول
مظلومه>>لظالمه
من
محبه >>لكارهه
ليه طيب كده
ليه الظلم ده يا ريت يكون من الاسره فقط او االمجتمع فقط
لأ
دول الاتنين ظالمين
ما ممكن البنت تتظلم كذا مره وف مره تقول ما انا ديما مظلومه وتعمل حاجه غلط فعلا

اما ع العانس فدي بقت الناس كلها بتقول الكلمه دي في الارياف والمدن
طيب ليه نجرح مشاعرها كده
دا الجواز قسمه ونصيب ثم دا كمان امر ربنا نعترض يعني ع حكمه
كل وحده فينا ليها نصيبها ما ممكن الذين يردودون هذه الكلمه تكون بنتها اختها اي حد من قرايبها اتاخر ف سن الزواج

وانا عايزه اقول حاجه طيب هي كده اجرمت لما متجوزتش لأ طبعا دا كله بامر ربنا


سلوي

بحب اشكرك ع الموضوع الاكثر من روعهههههههههههههههه
بجد موضوع هايل
وانتي اسلوبك جميل ف كتابتك





فى البدايه شكرا لك مونه على المرور الجميل

وكلامك جميل وفعلا مع كثرة المعامله السيئه ستقوم البنت بفعل شئ خطا فعلا وذلك لانها ترى انها ان الجميع يعاملونها على انها دائما خطا فتقول فى بالها ولماذا لا اخطئ كده كده انا دايما خطا
والله يا مونه لو اتبعنا كلام ديينا وعملنا مساواه فى المعامله بين الولد والبنت ولست بكلامى اعنى حريه زائده للبنت لا انما اقول فقط ان نتحدث معها بالحسنى وبالكلمه الطيبه وان اخطاءت من المفترض ان تجد اهلها يصححون لها خطاءها بطريق غير الاهانات والمساس لشعورها بكلمات تضايقها سنجد مجتمعنا اصبح شكل تانى وسنجد هذه البنت حاولت بقدر الامكان ان تكون عند حسن ظن ربها واهلها والجميع ولكن نظل نتمنى وكما قال احمد شوقى

((وما نيل المطالب بالتمنى ))

وبالنسبه لعانس فكما ذكرتى ممكن من يرددون هذه الكلمه هم نفسهم لديهم هذه المشكله لكن اسمعى كلامهم لو حد قال الكلمه دى على اى حد يعرفوه هيقولوا ده قسمه ونصيب د حاجه بتاعت ربنا
ومبررات كتيره


شكرا لك مونه على المرور الرائع

*تحياتى*

[smsma666]

اقتباس:
المشاركة الأصلية كتبت بواسطة مهند محمود
يا جماعه انتو ليه متصورين كدة
الزمن اتغير والناس متعلمه تعليم عالى
يعنى اكيد فيه عقل بيفكر ومحدش بيظلم حد
يا مونه لسه الدنيا بخير
تسلم ايدك على التوبيك الرائع



فى البدايه شكرا لك مهند على المرور الجميل

وفعلا احنا اتقدمنا بس انت بتقول الناس اتقدمت والناس اتعلمت بس سبق وذكرت انا الموضوع مش شامل كل الناس فى الموضوع انا بتكلم عن موضوع معين وهو ظلم البنت وصدقنى الظلم ده موجود فعلا ودى حقائق موجوده فى الحياه صحيح احنا اخذنا حقوقنا فى امور كثيره من اهمها التعليم لكن ده لا يمنع انه لسه فى ظلم للفتاه واكتر انواع الظلم هى المعامله وكلام الناس الذى يقال
يمكن انت بتقول انه مافيش والناس تقدمت لانك لم تشاهد فتاه مظلومه او مجروحه من معامله سيئه
صدقنى الدنيا مليانه ناس مظلومه بس طبعا مافيش حد بيعرف كل حاجه

شكرا لردك مهند

*تحياتى*