....... نظرة المجتمع.......

[SiLver Spectra]

إنتي تناولتي قضية إجتماعية حساسة بإستفاضة و باسلوب رائع

على فكرة إزدواجية المجتمع موجوده في كل المجتمعات

لأن الطبيعي إن الراجل بيحب يفرض نفسه و بيميل للسيطرة

بس درجات الإزدواجية بتختلف

أعتقد إن مافيش مجتمع إزدواجي أكثر من مجتمعنا

لو بدأنا زي ما بدأتي موضوعك

تربية البنت

البنت فعلا تربيتها اسهل من الولد

المشكلة في ايه؟

المشكلة إن البنت اقل خطأ بترتكبه بتبقى في نظر المجتمع جريمة كبرى

و دا بينعكس سلبا على البنت و أهله...بيخيلهم عايشين في حالة طوارئ

أما الولد

تربيته اصعب

لكن ما حدش بيحاسبه أو مافيش عليه أنظار

فيعمل الي هو عايزه ..(يدخن يشيش يسهر ....

و الأهل بيريحوا دماغهم منه

هي دي إزدواجية المجتمع إلي بتنشأ من التربية و بتمتد في كل مظاهر الحياة بعد كدا


لو هتقولوا إنتوا مظلومين...

فأنا بجزم و بقول إنتوا فعلا مظلومين

بنات كتير بيتمنوا يبقوا ولاد...و العكس غير صحيح
:germany-flag:

لفت نظري الرأي الأول : إلي كان بيقول إحنا لازم نتغير

إلي لازم يتغير هو فكر الرجال

إلي هما بيتحكموا بدرجة كبيره في فكر المجتمع

لكن البنات لو وقفوا للصبح في مظاهرات...

ممكن ياخدوا شوية حقوق من المحكمة لكنها مش هتحل الظاهرة ....لأنها فكر إجتماعي

و الفكر الإجتماعي دا مش جاي من اللاشيء

بتدخل فيه تركيبة المجتمع الثقافية و الدينية و العادات و التقاليد

تركيبه معقدة جدا صعب إنك تعالجها

فهتجبيها كدا أو كدا هيفضل المجتمع ذكوري

و النصر لنا
ههههههههههههههههههه

و الله أنا أتمنى إن المرأه تاخد حقوقها أكثر من كدا

دا حتى أحيانا عند بعض الناس إسم المرأه عندهم بيبقى عيب أو بيبقى فيه نوع من الخجل!!!!

شكرا على موضوع و طرحك الرائع يا سلوى

أنا متابع الموضوع

إحترامي...

[smsma666]

اقتباس:
المشاركة الأصلية كتبت بواسطة مونه
اه فعلا يا مهند اننا اتقدمنا في العلم بس محدش يقدر ينكر ان الحاجات دي بتحصل والبنت بتتظلم فعلا
وزي ما ذكرت سمسمه انو البعض مش الكل
وفعا كل اللي في الموضوع بيحصل يا مهند
ومهما الزمن اتغير بالعلم وكده المجتمع لسه فيه العادات دي



شكرا مونه على حسن المتابعه والرد وانا معاكى فى كلامك انه لسه فى عادات وتقاليد ظالمه للبنت ولم تنتهى حتى الان

*تحياتى*

[ANgleena]

السلام عليكم و رحمة الله و بركاته
شكرا يا salwa على الموضوع المهم الذى تعانى منه الاسر العربية
ليس من المهم أن يمر كل منا بهذه التجربة حتى يعترف بالحقيقة ولكن المهم ان هذه المشكلة يعانى منها الكثير ولعل محاولتك هذه تجعلنا نفكر فى تربية أبنائنا حتى لا نقع فى هذه المشكلة وليس بأبائنا لأنهم من المستحيل أن بتغبروا
REEM

[smsma666]

اقتباس:
المشاركة الأصلية كتبت بواسطة القلب الطيب
أزيك ياسمسم**

طبعاااااااا ماقدرش مردش على موضوع زي ده**

كما هو واضح قصدك من الناحية الأجتماعية

طبعا أعطاء حريات زياده للولد والدلال الزائد

وتضيق الحصار على الفتاة ومعاملتها بقسوة

لي أثار سلبية على الطرفين

وبتخلق مجتمع غير متوازن بيتم فيه تبادل للإدوار وأحيانا أنعدام دور طرف مهم أو أنحرافه

وكما هو واضح دلوقتي هروب الرجل من الأسرة أنفاق الأم على الأسرة الخيانات وجرائم القتل,,,,

وغيرها من الحجات الي بتدل على وجود خلل في المجتمع

الي بيحصل سببه عرف

والعرف مش سهل أنه يتغير بس مش مستحيل

الأهم أنو يكون عند الجيل المربي القادم وعي كاف ونية صارمة للتغيير

بس في نقطة مهمة**

المساوة بين غير المتساوين ليست مساواة

سيرني بس:spain-flag:

دلوقتي في نساء بيدعوا للمساواة المطلقة

ودي في حد ذتها هتعمل خلل في المجتمع

الله خلق الرجل بتركيب معين والمرأة كذلك

وخلقهم مختلفين في غرائز وحجات كتير

فأما أجي أقول إن المرأة عادي لو كانت بتاخد مرتب أكبر تشتغل وتصرف والراجل يعد في البيت ويربي

أبقى أنا هنا لعبت في الطبيعة الي خلقنا ربنا عليها

أما ققلك المرأة عادي أنها تلعب ألعاب قوة زي الرجل

برضوا هكون إدخلت في الطبيعه

المساواة بتكون كما ذكر في الكتاب والسنة كما تمليها علينا ميولنا غرائزنا فطرتنا

منحولش نساوي في حجات مينفعش نتساوى فيها

وشكراااااااااااا على موضوعك ياعسل

أختك



شكرا ياسمين على ردك الاكثر من رائع وفعلا موضوع اننا نعطى حريات زائده للولد دون مسئوليه او وعى ينعكس كل هذا على مستقبل هذا الولد و بالسوء اتعرفين اين المشكله المشكله ان الاهل لا يدركون ان مع كل ذرة حريه ياخذها الولد يجب ان تكون مصاحبه لها مسؤليه كى لا تضره ولكن واسفاه على مجتمع يظن ان هذا هو الافضل له وان البنت ليس لها حق فى اى شئ

وبالنسبه لموضوع المساوة بين غير المتساوين ليست مساواة
انا معاكى انه لا يجب ان نعطى حريات زائده ولكن ليس هذا ما نطلبه اننانطلب بعض الحريات وليست بكثير وكلنا نعلم ان الله سبحانه وتعالى جعل الرجال قوامون على النساء فى قوله تعالى فى سورة النساء الايه 34
((الرجال قوامون على النساء بما فضل الله بعضهم على بعض ))

ولكن كل ما نريده هو بعض التفهم والاستماع الى كلام رسولنا الكريم واحاديثه عن البنات وكيفية تربيتها
ومعاملتها برفق واكيد انا ضد اننا نعطى حريات زائده للبنت لان هذا ممكن ان يضرها ايضا ويمكن اكتر من الولد كمان (اكيد انتى فاهمه قصدى )
المجمل ان كل شئ زائد عن حده يضر
واتمنى حقا ان ننتهى من هذه المشكله ويسود مجتمعنا عدل وان يعاملوا الاهل بناتهم ليس على انهم بنات لذا تلقائيا لا يجب ان يكون لهم اى حق انما يعاملونهم بما يستحقوا ويحاولوا ان يعدلوا قدر الامكان بينهم وبين الاولاد

وشكرا لكى ياسمين على المرور الجميل والرد الرائع الذى اضاف كثيرا

*تحياتى*

[smsma666]

اقتباس:
المشاركة الأصلية كتبت بواسطة سعودي كول ........ 2009
( السلام عليكم ورحمة الله وبركاته)
أخـــــــــوكــــــم من المملكة العربية السعودية ......... وبكل صــــــلاحـــــه هذا المـــوضوع حـــاصـــــل ..........
مـــــــــــشكـــــــــــــور عــــلى الــــــــــمـــــــــوضــــــــوع يـــــــــا قشـــــطــــــــة........





شكرا لك على المرور الجميل نورت الموضوع

*تحياتى*

[lolla]

شكرااااااا يا سمسمة على الموضوع الجميل

كلامك جميل جدا

ويمكن يكون فعلاااااا فى نسبة من البنات بيتعرضوا للظلم

واشكاله كتير منها الزواج المبكر

ومقصدش الزواج المبكر 15 .. 16 سنة

لكن للأسف الموضوع وصل دلوقتى لـــ 9 سنين

طبعاااااا انا فى البداية مصدقتش

بس فى فعلا دا بيحصل فى اليمن والله اعلم فين تانى ..

البنت بتتظلم لأن الرجل بيستغل قوته فى السيطرة عليها

ايا كان اب او زوج او اخ

نظرة الرجل لنفسه بأنه القائد والآمر والناهى

وان القرار الاول والاخير ليه

بيلغى شخصية المرأة تماما

لكن منقدرش ننكر ان فى ناس كتير اوى متفاهمين

وبيحترموا حقوق البنت وحريتها

خوف الاهل على البنات ( اكتر من الاولاد ) دا مش ظلم

دا بيحصل لان البنت غالية ودا شىء كويس

لكن لما تتحول الحكاية لتفرقة فى المعاملة او قسوة

او تساهل فى اخطاء الولد

كدا بيكون فى ظلم

مش بس للبنت كمان للولد لأن هما كدا بيضيعوه

التربية السليمة اكيد مطلوبة للجميع

شكراااااا يا سمسمة

تسلم ايدك

وفى انتظار جديدك

[هيرو ميرو]

اه فعلا يا جماعة الموضوع ده مزعل بنات كتير بس للاسف مجتمعنا فى عصر سى السيد البنت م تخرجش من بتها غير على بيت جوزها او لما تموت!!!!!!!!!!
ياريت كل البنات والشباب تثبت العكس للمجتمع الن البنت م تقلش عن الولد غير فى الاجتهاد و العمل واثبات النفس

[سلمى سام]

شكرا على الموضوع الرائع

[smsma666]

اقتباس:
المشاركة الأصلية كتبت بواسطة SiLver Spectra

إنتي تناولتي قضية إجتماعية حساسة بإستفاضة و باسلوب رائع

على فكرة إزدواجية المجتمع موجوده في كل المجتمعات

لأن الطبيعي إن الراجل بيحب يفرض نفسه و بيميل للسيطرة

بس درجات الإزدواجية بتختلف

أعتقد إن مافيش مجتمع إزدواجي أكثر من مجتمعنا

لو بدأنا زي ما بدأتي موضوعك

تربية البنت

البنت فعلا تربيتها اسهل من الولد

المشكلة في ايه؟

المشكلة إن البنت اقل خطأ بترتكبه بتبقى في نظر المجتمع جريمة كبرى

و دا بينعكس سلبا على البنت و أهله...بيخيلهم عايشين في حالة طوارئ

أما الولد

تربيته اصعب

لكن ما حدش بيحاسبه أو مافيش عليه أنظار

فيعمل الي هو عايزه ..(يدخن يشيش يسهر ....

و الأهل بيريحوا دماغهم منه

هي دي إزدواجية المجتمع إلي بتنشأ من التربية و بتمتد في كل مظاهر الحياة بعد كدا

لو هتقولوا إنتوا مظلومين...

فأنا بجزم و بقول إنتوا فعلا مظلومين

بنات كتير بيتمنوا يبقوا ولاد...و العكس غير صحيح
:germany-flag:

لفت نظري الرأي الأول : إلي كان بيقول إحنا لازم نتغير

إلي لازم يتغير هو فكر الرجال

إلي هما بيتحكموا بدرجة كبيره في فكر المجتمع

لكن البنات لو وقفوا للصبح في مظاهرات...

ممكن ياخدوا شوية حقوق من المحكمة لكنها مش هتحل الظاهرة ....لأنها فكر إجتماعي

و الفكر الإجتماعي دا مش جاي من اللاشيء

بتدخل فيه تركيبة المجتمع الثقافية و الدينية و العادات و التقاليد

تركيبه معقدة جدا صعب إنك تعالجها

فهتجبيها كدا أو كدا هيفضل المجتمع ذكوري

و النصر لنا
ههههههههههههههههههه

و الله أنا أتمنى إن المرأه تاخد حقوقها أكثر من كدا

دا حتى أحيانا عند بعض الناس إسم المرأه عندهم بيبقى عيب أو بيبقى فيه نوع من الخجل!!!!

شكرا على موضوع و طرحك الرائع يا سلوى

أنا متابع الموضوع

إحترامي...

شكرا لك طارق على المرور الجميل

وفعلا الراجل بيميل بشده الى السيطره
واخيرا فى حد اعترف ان تربية البنات سهله :clap::clap:
طيب وليه دايما اى غلطه بسيطه تتحول بسرعة البرق الى غلطه فظيعه لا يمكن ان تغتفر ؟؟ سؤال يطرح نفسه
وكمان اعتراف منك يا طارق اننا مظلومين بصراحه انا كنت متاكده انى لو حطيت الموضوع ده هنلاقى هجوم من الاولاد وهيقولوا اننا واخدين حقنا وكلام كتير وهو ده اللى خلانى اتردد كتير
لكن البدايه مطمئنه وموضوع ان البنت بتتمنى انها تبقى ولد فده حقيقى 100% انا مره كنت بقرا فى مجله وفى واحده ارسلت مشكله لها وفى الاخر قالت انا اتمنى ان اكون ولد علشان اعمل اللى انا عايزاه

وبالنسبه للرائ الاول يمكن الفكره لم توضح جيدا ولكنى اقول لك ان الرائ ده بيعنى اننا لازم نتغير عن التفكير بسلبيه يعنى كل بنت بتشوف انها اتظلمت اكبر شئ ممكن تلجئ له هو البكاء وتسكت يعنى الرائ ده يعنى اننا لازم نطلب بحقنا شويه

وبعد كل الكلام الجميل ده تقول المجتمع هيبقى ذكورى لالالالالالالالا انا كده هفكر فى موضوع المظاهره ده :vb14::vb14:

بجد شكرا ليك جدا على مرورك الجميل ورايك الرائع الذى اضاف كثيرا

*تحياتى*

[Mo7aMaD 3aLa2]

موضوع اكثر من رائع

لكن الموضوع واخد اكبر من حجمة...

بالفعل حقوق المرأة كانت منتهكة...وظلم المجتمع ليها كبير...بس دة كان زماااان..

دلوقتى احنا اللى عايزين نطالب بحقوق الرجل..ههههههه

لو هتتكلمى على مجتمعنا الشرقى...هتلاقى ان المراة دلوقتى بقة وزيرة وبتصل لاعلى المناصب..ودة دليل على عدم الظلم والمساواة

لو بصيتى بقى على العالم بصفة عامة...هتلاقى انة بقى مفيش فرق بين الرجل والمرأة خالص...لدرجة انهم برة بيدخلو الجيش

الجزء التانى من الموضوع بيتعلق بتكوين الشخص نفسة...ودة اكيد هتلاقى فية اختلاف...لان تكوين الرجل مش زى تكوين المرأة

وبالتالى هيختلف اسلوب التصرف ورد الفعل

مثلا لما واحد يعمل حاجة غلط رد الفعل عليها مش هيكون زى ما واحدة تعمل نفس الحاجة..دة شىء طبيعى

وحكاية عانس .. دى مجرد صفة

ولو بصيتى من ناحية تانية هتلاقى مليون صفة بتخص الرجل ولو سمعها بردة هتدايقة

مثلا لو واحد رب اسرة لكنة فقير...الناس ممكن تقول علية شحات..الكلمة بتذكر ع الرجل...وعمرها هتذكر على زوجتة...وغيرة كتييييير

....واخيرا انا حسيت ان الهدف يعنى من الموضوع دة ان رد الفعل والتعامل مع الاخطاء يكون واحد مع البت والولد

ودة شىء مستحييييييييل طبعا لاختلاف التكوين وبناء الشخصية بالنسبة للاتنين

واظن ان التكوين وبناء الشخصية دول مش من فعل الرجل..وانما هما من خلق ربنا .. واكيد لهم حكمة للتوافق واحداث عملية تكامل فى الحياة الانسانية

انا اسف للاطالة

وميرسى ليكى ع التوبيك الرائع