....... نظرة المجتمع.......

[smsma666]

اقتباس:
المشاركة الأصلية كتبت بواسطة ANgleena


السلام عليكم و رحمة الله و بركاته
شكرا يا salwa على الموضوع المهم الذى تعانى منه الاسر العربية
ليس من المهم أن يمر كل منا بهذه التجربة حتى يعترف بالحقيقة ولكن المهم ان هذه المشكلة يعانى منها الكثير ولعل محاولتك هذه تجعلنا نفكر فى تربية أبنائنا حتى لا نقع فى هذه المشكلة وليس بأبائنا لأنهم من المستحيل أن بتغبروا
REEM



رييييييييم ازيك ياقمرى يارب بخير وبجد شكرا ليكى على المرور الذى اسعدنى كثيرا
وقد صدقتى ليس من المهم ان نمر بالتجربه لكى نعترف بان هذه المشكله موجوده حقا واتمنى ما تتمنيه ان نفكر فى تربية ابنائنا والاباء والاهل جميعا من رابع المستحيلات ان نغير تفكيرهم حقا حيث ان تفكيرهم هذا هم متأسسون عليه منذ زمن لذا يعتبر صعب تغيير هذا الامر

شكرا لكى ريم على المرور الرائع
اتمنى ان ارى جديدك

*تحياتى*

[احمد يحي]

احييك اختى على ثقافتك واعتزازك بكرامتك ، وانا اتفق معكم تماما فالمرأة حُرمت من حقوق كثيرة فى البلاد العربية غالبا بسبب العادات العقيمة ، والجهل الذى عشش فى العقول .

لم أجد ما أصبركم به سوى قول رسولنا الكريم " الدنيا متاع وخير متاعها المرأة الصالحة "

وادعوك لقراءة مقالى ( كلمة حق ) منتدى النقاش والحوار الجاد

دمتى فى أمان الله

[BANOTA COOL]

كلامك صح المجتمع كلة بيظلم البنت

يسلموااااااااا الايادى

[smsma666]

اقتباس:
المشاركة الأصلية كتبت بواسطة lolla
شكرااااااا يا سمسمة على الموضوع الجميل

كلامك جميل جدا

ويمكن يكون فعلاااااا فى نسبة من البنات بيتعرضوا للظلم

واشكاله كتير منها الزواج المبكر

ومقصدش الزواج المبكر 15 .. 16 سنة

لكن للأسف الموضوع وصل دلوقتى لـــ 9 سنين

طبعاااااا انا فى البداية مصدقتش

بس فى فعلا دا بيحصل فى اليمن والله اعلم فين تانى ..

البنت بتتظلم لأن الرجل بيستغل قوته فى السيطرة عليها

ايا كان اب او زوج او اخ

نظرة الرجل لنفسه بأنه القائد والآمر والناهى

وان القرار الاول والاخير ليه

بيلغى شخصية المرأة تماما

لكن منقدرش ننكر ان فى ناس كتير اوى متفاهمين

وبيحترموا حقوق البنت وحريتها

خوف الاهل على البنات ( اكتر من الاولاد ) دا مش ظلم

دا بيحصل لان البنت غالية ودا شىء كويس

لكن لما تتحول الحكاية لتفرقة فى المعاملة او قسوة

او تساهل فى اخطاء الولد

كدا بيكون فى ظلم

مش بس للبنت كمان للولد لأن هما كدا بيضيعوه

التربية السليمة اكيد مطلوبة للجميع

شكراااااا يا سمسمة

تسلم ايدك

وفى انتظار جديدك




لولا شكرا ليكى ياجميل على المرور الجميل

والزواج المبكر مشكله كبيره جدا وظالمه جدا للفتاه كما ذكرتى فتاه تتزوج من سن 9 سنين وتتحمل المسؤليه وغيرها واحده اخرى فى نفس السن مستمتعه جدا بطفولتها تجرى وتلعب وتستمتع بكل لحظه من حياتها والاخرى مدفونه داخل شغل البيت والطبخ وما يحتاجه زوجها من طلبات
من رائ هذا هو اشد انواع ظلم البنات

وبالنسبه للبنات عند 15 او 16 فده برضه ظلم كبير جدا للبنات فى بنات بتكون مستمتعه بفترة المراهقه تخرج مع اصدقائها تتكلم براحتها تعشق حياتها اما الاخرى فتبقى طول اليوم فى بيتها محاطه بطلبات زوجها لا تستطيع الخروج ولا تستطيع اى شئ تكره حياتها فى بعض الاحيان
هو اصلا المفروض ان الجواز يكون بعد 18 لكن المشكله دى اصبحت لاشئ فى مجتمعنا فى ناس كتيير بتستخدم رشوه للماذون الذى سيكتب الكتاب وينتهى الامر وهذا ما تتحمله الفتاه بعد ذلك

ومثلك لا استطيع نكران ان هناك متفهمون فى حياتنا ولكن الظالمين لحق الفتاه هم الاغلبيه فى هذا المجتمع
تعرفى والله لو تمسكنا بالتربيه السليمه للنوعين ولد وبنت وطبقنا كلام ديننا فى عدم التفرقه سنجد مجتمع تطور تطورا كبيرا

شكرا لك لولا على مرورك الجميل نورتى الموضوع

[smsma666]

اقتباس:
المشاركة الأصلية كتبت بواسطة هيرو ميرو
اه فعلا يا جماعة الموضوع ده مزعل بنات كتير بس للاسف مجتمعنا فى عصر سى السيد البنت م تخرجش من بتها غير على بيت جوزها او لما تموت!!!!!!!!!!
ياريت كل البنات والشباب تثبت العكس للمجتمع الن البنت م تقلش عن الولد غير فى الاجتهاد و العمل واثبات النفس



شكرا لك على المرور الجميل

وعصر سى سيد لسه قاعد وموجود بس مش بحذافيره اوى زى زمان لاننا عمرنا ماهنلاقى امينه خارجه دلوقتى وسى السيد مسافر وهيرجع يطلقها ههههههههههه (( معلش اندمجت مع الفيلم ))
فى ناس دلوقتى بقت متفتحه وبتعدل بين الولد والبنت
بس حبيت انبهك لحاجه ان البنت عمرها ماهتكون زى الولد ابدا الرجال بطبيعة الحال قوامون على النساء هكذا قال لنا الله سبحانه وتعالى وفى امور كثيره لم تفعلها المرأه لعدم قدرتها على فعلها مثلا لذلك القضاء صحيح ان المرأه دخلت القضاء ولكن هى تحكم فى القضايا البسيطه ولكن لن تجد امرأه تحكم فى قضية قتل مثلا تعرفوا ليه لان المرأه قلبها ضعيف هيقعد القاتل يبكى لها شويه وبعد كده هتقول له براءه وده طبعا هيعمل خلل جامد بس ده ما يمنع ان فى امور كتيره برعت فيها المرأه

شكرا لردك الجميل نورت الموضوع

[smsma666]

اقتباس:
المشاركة الأصلية كتبت بواسطة سلمى سام
شكرا على الموضوع الرائع


الاروع هو مرورك شكرا لك سلمى على المرور الجميل
نورتى الموضوع

[smsma666]

اقتباس:
المشاركة الأصلية كتبت بواسطة M.A

موضوع اكثر من رائع

لكن الموضوع واخد اكبر من حجمة...

بالفعل حقوق المرأة كانت منتهكة...وظلم المجتمع ليها كبير...بس دة كان زماااان..

دلوقتى احنا اللى عايزين نطالب بحقوق الرجل..ههههههه

لو هتتكلمى على مجتمعنا الشرقى...هتلاقى ان المراة دلوقتى بقة وزيرة وبتصل لاعلى المناصب..ودة دليل على عدم الظلم والمساواة

لو بصيتى بقى على العالم بصفة عامة...هتلاقى انة بقى مفيش فرق بين الرجل والمرأة خالص...لدرجة انهم برة بيدخلو الجيش

الجزء التانى من الموضوع بيتعلق بتكوين الشخص نفسة...ودة اكيد هتلاقى فية اختلاف...لان تكوين الرجل مش زى تكوين المرأة

وبالتالى هيختلف اسلوب التصرف ورد الفعل

مثلا لما واحد يعمل حاجة غلط رد الفعل عليها مش هيكون زى ما واحدة تعمل نفس الحاجة..دة شىء طبيعى

وحكاية عانس .. دى مجرد صفة

ولو بصيتى من ناحية تانية هتلاقى مليون صفة بتخص الرجل ولو سمعها بردة هتدايقة

مثلا لو واحد رب اسرة لكنة فقير...الناس ممكن تقول علية شحات..الكلمة بتذكر ع الرجل...وعمرها هتذكر على زوجتة...وغيرة كتييييير

....واخيرا انا حسيت ان الهدف يعنى من الموضوع دة ان رد الفعل والتعامل مع الاخطاء يكون واحد مع البت والولد

ودة شىء مستحييييييييل طبعا لاختلاف التكوين وبناء الشخصية بالنسبة للاتنين

واظن ان التكوين وبناء الشخصية دول مش من فعل الرجل..وانما هما من خلق ربنا .. واكيد لهم حكمة للتوافق واحداث عملية تكامل فى الحياة الانسانية

انا اسف للاطالة

وميرسى ليكى ع التوبيك الرائع



فى البدايه شكرا ليك على المرور الجميل

نبدا بقى انت عايز حقوقكم لالا مش هنا الناحيه التانيه ههههههههه
وانت بتقول ان المرأه دلوقتى اخدت حقوقها وبقت وزيره كمان كلام جميل بس انا مش بتكلم عن المناصب اللى تولتها المرأه انا بتكلم عن الاصل عن المعامله والتربيه مافيش حد يقدر ينكر ان فى بنات كتيير بتتظلم من معاملة اب قاسى وام غير مهتمه واخ كل همه فرض سيطرته عليها دى حقايق مافيش حد يقدر ينكرها
وبالنسبه لموضوع الغلط هقولك احنا مش بنطلب اننا لما نغلط زى الولد يبقى تعاملونا زى الولد لا
البنت زى الجوهره اهلها دايما بيكونوا محافظين عليه فطبيعى تلاقى شوية شده عليها لكن اللى مش طبيعى هو انها دايما خطا انها دايما تستحق اشد عقاب مفروض البنت لما تغلط تلاقى اللى يوجهها وينصحها ويفهمها ايه اللى عملته غلط لكن هى بتلاقى حاجه تانيه بتلاقى زعيق واهانات وكلام يجرحها
احيانا بتكون البنت فعلا غلطانه لكنها مفهمه نفسها انها مش غلطانه ولما بتلاقى اهلها بالمنظر ده اكيد بتصر على انها مش غلطانه وهتبدا تاخد موقف من اهلها وهتبدا تدريجيا بالبعد عنهم وده اهم الاسباب التى تجعل البنت تغلط بجد ارجو ان اكون اوضحت الفكره

نيجى لموضوع عانس انت بتقول دى صفه طيب ليه بنقولها يعنى هى عانس زى عاقله او مرحه

كلها صفات لكن ليها معنى وبالنسبه للراجل انا مش شايفه اى كلمه بتضايقه للدرجه الناس بتقول شحات اوك انا معاك بس هو بيعرف يرد عليهم كويس يعنى ممكن يطلع للى بيقولوا كده ويعرفهم نفسهم كويس وممكن يحاول يزود اجره عن طريق البحث عن شغل اخر لكن عمرك شفت بنت واقفه فى الشارع وبتزعق مع اهلها علشان ظلموها او اهانوها عمرنا ما شفنا كده
علشان هى ما عندها الجراءه انها تعمل كده وكمان ديننا بيمنعها لكن تعالى شوف ولد تلاقيه هياكل والده ووالدته وبيتكلم باسلوب ويعلى فى صوته ويقول ليه وعلشان ايه وكلام كده لكن تلاقى الاهل بيمشوا الامور وممكن يكون هو غلطان كمان

انا كل نفسى ان الاهل يعاملوا بناتهم كويس ولما تغلط يكون فيه تفاهم لا اكثر
شكرا على المرور الجميل نورت الموضوع

[smsma666]

اقتباس:
المشاركة الأصلية كتبت بواسطة احمد يحي
احييك اختى على ثقافتك واعتزازك بكرامتك ، وانا اتفق معكم تماما فالمرأة حُرمت من حقوق كثيرة فى البلاد العربية غالبا بسبب العادات العقيمة ، والجهل الذى عشش فى العقول .

لم أجد ما أصبركم به سوى قول رسولنا الكريم " الدنيا متاع وخير متاعها المرأة الصالحة "

وادعوك لقراءة مقالى ( كلمة حق ) منتدى النقاش والحوار الجاد

دمتى فى أمان الله



شكرا لك على المرور الجميل
وجميل ان نرى من يعترف بان المرأه حرمت من الكثير من حقها بسبب عادات عقيمه
واتمنى ان الجهل الذى عشش فى عقول بعض الناس ان ينتهى ويجب علينا ان نبدا من انفسنا لانه كما ذكرت الاخت ريم انه من المستحيل تغيير فكر الاهل لذا فلنبدا من انفسنا وسنتغير باذن الله

شاكره لك مرورك الجميل نورت الموضوع

[Eng lola hamdy]

موضوع اكثر من رائع
شكرا ليكى

[smsma666]

اقتباس:
المشاركة الأصلية كتبت بواسطة قدامك مصرية رد التحية
كلامك صح المجتمع كلة بيظلم البنت

يسلموااااااااا الايادى



شكرا لكى على المرور العطر نورتى الموضوع