حد يقوللى أنتى غلط

[just (o]

شوفي الحلال بين والحرام بين يعني لو الواحد ذو خلق وايمان واعتقاد سليم اي حاجة هتخالف مبادؤه او هتهز معتقداته هيبتعد عنها حتى لو كان مكبوت ومخنوق ونفسه يكلم حد زي ما بتقولي مستحيل يتنازل عن اخلاقه الا لو كانت اخلاقه مهزوزة من البداية يعني انتي لانك حسيتي انه اللي بيحصل في الشات ده حاجة غلط بعدتي عنه لكن ميصعبش عليكي اللي لسة بيدخلوه على الرغم من اخطاءه لانهم عارفين الغلط واستمروا عليه دي اول نقطة

تاني نقطة الاهل اكيد طبعا الاهل ليهم دور كبير في الموضوع لكن في حكايه الشات مش غلطتهم زي ما قلتي انهم بيكبتوا عيالهم لا لان لو هم مانعين عن عيالهم يكون ليهم اصدقاء لازم يتوقعوا انه عيالهم يبحثوا عن متنفس تاني لكن مش هيكون حاجة غلط لو هما غارسين في اطفالهم معتقدات ومبادئ سليمة لكن لو هم مهملين اطفالم ومش مربينهم كويس وكمان كابتينهم اكيد هتكون النتيجة غلط لكن مش الغلط على الاهل بس لانه حتى لو الاهل ما نبهوش عيالهم فالمجتمع اللي هم فيه هينبهم يعني انا اهلي عمرهم ما جابولي سيرة الشات ويمكن حتى ميعرفوش هو ايه ومع ذلك عمري في حياتي ما دخلت شات ولا حاولت ليه ؟ لاني سمعت عنه كتير من اللي حواليه يعني من الاخر ساعات يكون فيه ناس بتتدخل الشات مخصوص عشان الفساد صحيح فيه ناس بتدخل كمتنفس زي ما انتي دخلتي لكنك ابتعدتي علطول ما استمرتيش عني


يعني قاصدي من الكلام الكتير ده وسامحيني على الكلام الكتير والتطويل انا اسفة انه مش لازم تنبهي بتوع الشات لانهم عارفين انهم بيعملوا حاجة غلط والسبب في اللي بيحصلة مش بيبقى الاهل بس لا دي عوامل كتير


وشكرا على الحوار المهم جدا

[yasmine refat]

أولااااا أحيكي على هذا الموضوع وجرأتك في طرحه من خلال تجربة شخصية

لو هنتكلم عن الشباب دلوقتي

التربية في الأغلب ورقم من خيالي 80%من العائلات تربيتهم سيئة جدااااااا وأهم حاجه التربية الدنية تكاد تكون معدومة

مفيش تعليم كويس مفيش محاولات للكشف عن مواهب الشباب

في إنعدام للثقافة الجنسية وكأنها حاجه مينفعش تتعلم وعليها مليون خط أحمر ولو فتح بقوا عيب عيب عيب

وفي رغبات الواحد مش عارف أزاي يوجهها وفضول

مفيش محاولة للإستماع

وزي ماذكرتي البنت ممنوعه في بعض العائلات من إبدأ الرأي لإنها بنت

وفي شباب عندوا طاقه وإندفاع نحو الحياة

الطاقة دي لو ملقتش مكان تخرج منو هتكبت وبعدها هيجي إنفجار

في شباب محتاج أهتمام

ولو ملقهوش هيدور علي بطريقة غلط

دي أعتقد ممكن تكون أسباب

بس هنرجع ونقول في سن معين كل واحد ميقدرش إلا يلوم نفسوا على أخطأوا

يعني أنتي قلتي من 17 لين 30

أعتقد دول مش صغار حتى لو متعرضين للمذكور فوق فعندهم عقل يميز الخطأ من الصح

ومعلومه مهمة إنك أما تعمل حاجه زي كده أنت بدمر حياتك

ومفيش حاجه تستحق

وجوبني بصراحه

أما كنتي بتشفي المناظر المخله مكنتيش بتنكسفي من نفسك

مكنتيش بتحبي إنك تبطلي

بس سعادتك وضعف نفسك كان بيخليكي تدي أعذار

ولعلمك ده مش الشيطان ده نفسك وبس

مش كل غلط نقول الشيطان

وأعتقد أما تجوبي على السؤال هتعرفي إن السبب فين

وشكراااااااااااا على الموضوع

أختك

[بنت فرسان]

موضوع حلو
وجزاك الله خير الجزاء عنا

[سوزانا2011]

اقتباس المشاركة الأصلية كتبت بواسطة القلب الطيب أولااااا أحيكي على هذا الموضوع وجرأتك في طرحه من خلال تجربة شخصية لو هنتكلم عن الشباب دلوقتي التربية في الأغلب ورقم من خيالي 80%من العائلات تربيتهم سيئة جدااااااا وأهم حاجه التربية الدنية تكاد تكون معدومة مفيش تعليم كويس مفيش محاولات للكشف عن مواهب الشباب في إنعدام للثقافة الجنسية وكأنها حاجه مينفعش تتعلم وعليها مليون خط أحمر ولو فتح بقوا عيب عيب عيب وفي رغبات الواحد مش عارف أزاي يوجهها وفضول مفيش محاولة للإستماع وزي ماذكرتي البنت ممنوعه في بعض العائلات من إبدأ الرأي لإنها بنت وفي شباب عندوا طاقه وإندفاع نحو الحياة الطاقة دي لو ملقتش مكان تخرج منو هتكبت وبعدها هيجي إنفجار في شباب محتاج أهتمام ولو ملقهوش هيدور علي بطريقة غلط دي أعتقد ممكن تكون أسباب بس هنرجع ونقول في سن معين كل واحد ميقدرش إلا يلوم نفسوا على أخطأوا يعني أنتي قلتي من 17 لين 30 أعتقد دول مش صغار حتى لو متعرضين للمذكور فوق فعندهم عقل يميز الخطأ من الصح ومعلومه مهمة إنك أما تعمل حاجه زي كده أنت بدمر حياتك ومفيش حاجه تستحق وجوبني بصراحه أما كنتي بتشفي المناظر المخله مكنتيش بتنكسفي من نفسك مكنتيش بتحبي إنك تبطلي بس سعادتك وضعف نفسك كان بيخليكي تدي أعذار ولعلمك ده مش الشيطان ده نفسك وبس مش كل غلط نقول الشيطان وأعتقد أما تجوبي على السؤال هتعرفي إن السبب فين وشكراااااااااااا على الموضوع أختك

مشكورة جدآآآآآآآ لردك
لمستى فيه حاجات يمكن أنا مركزتش عليها شوية
وهيا دى لغة الحوار البناءه
واسمجيلى أعقب على ردك بالآتى

سوء التربية ده عيب شعب مش أسرة فى حد ذاتها زى أنتى مقلتى 90%
ولو قلنا منهم 60% خوف علينا من المجتمع و30% رد فعل طبيعى للجهل
بكل شئ جديد يبقى الغلط لازم يكون كبير جدا
وكمان يا أختى العزيزة أنا أتكلمت عن الموضوع بغرض الوصول لنقطة معينة
اه هيا شجاعة ان اى حد يخلى من مواقفه فى الحياة دروس لغيرة
لكن فى الوقت نفسه انا قلت الشات العام بعتباره كان اول اتصال ليه بالانترنت
لكن مش المواقع الأباحية . الشات العام موجوده فيه كل أنواع الكلام
وبكل أشكالة وفيه اللى يقبله واللى بيرفضه

تقدرى تحدديلى نسبة من الناس بنات او شباب متعرضوش للشات العام ؟
مستحيل تكون قليلة بالعكس أتوقع تكون كبيرة جدآ
وطبعآ نفوسنا بتأمرنا بالغلط زى مقلتى لكن برضه أنا نفسى أمرتنى بالصح
وقت محسيت بالخطر وفهمت أن فى شئ غلط
من حقك تغلطى لكن مش من حقك تستمرى فى الغلط
وأفتكر الأباحية ليست منصرفة لتصوير واحد بمعنى أنها ليها أشكالها وأنواعها

والموضوع ده فى الغالب بيخص الشباب لأنهم معرضين للوقوع فيه
بنسبة أكبر والبنات معرضين للوقوع فى شباك الشباب اللى عارفين أنهم هيقعوا فى الحفره

الحمد لله أتعلمت ومازلت بتعلم كل يوم
لكن سؤالى اللى ضاع منك
هما مين يعلمهم لو مش قادرين يحكوا اللى جواهم
لو محرومين من الكلام والشعور بالأمان
تفتكرى اللى جواهم ده مش بيولد خوف وضعف
ليه رمينا عليهم ذنب أرتكاب الحطأ وليه ميكنش عذر
ولو كل الناس صح ............ يبقى مين هيتعلم من مين؟
الحقيقة صعبة جدآ والحياة أصعب متستاهلش نبكى عليها
لكن من حقنا نعيشها بالإيمان وبالاحترام
لكن مين يعلمهم ده؟ المشكلة مش أم وأب ولا صديقة أو صديق
المشكلة كيان أنسان عارف أنه بيغلط
لكن غير مدرك لضياعه

[سوزانا2011]

عزيزتى just أشكرك جدآ على مشاركتك الجميلة دى
وأتمنى دايمآ يكون فى مواضيع تجمعنا
تحياتى لكى ولكل عضو علق على الموضوع أو شارك برأية

[yasmine refat]

اقتباس:
المشاركة الأصلية كتبت بواسطة سوزانا2011
المشكلة كيان أنسان عارف أنه بيغلط
لكن غير مدرك لضياعه





عجبتني الجملة دي جداااااااااااااا

أولا سوء التربية وكمان أغلب الإسباب الي ذكرتها هي تنسب للمجتمع وعاداته وتقاليده وأفكاره مش للأسرة بس

عدم التناقش مع الكبار **

منع الحديث في مواضيع معينة**

كلها ثقافة شعب

فالموضوع كبير زي ماذكرتي

ومش هيتحل في يوم ولا سنه وخاصة أنهم راضيين بما هم علي وشيفينوا صح

هم تربوا كده ونفع معاهم إذا هينفع مع عيلهم

ده تفكيرهم

إذا بقى إحنا نتأقلم معاهم

ونحاول نصلح دي الأخطاء أما نربي عيلنا

أصلوا مفيش غير كده

************************

أما بقى أني أحدد نسبة مدخلتش الشات برضوا صعبة

كتير بيدخل

بس خلينا في جملتك الأولى عارف أنه خطأ ومش مدرك بالضياع

أي واحده بتتكلم في الشات أي واحد بيغلط أي غلط أهلوا الناس الي حولي بيعرفوا

معتقدش

لأنوا عارف أنه لو حد كشفوا هيروح في خبر كان

ده بيعد في حاله من التوتر والقلق وبيحاول يخبي بكل الطرق

يعني هو مدرك أن الي بيعملوا غلط ولو حد كشفوا هيروح في ستين دهية

ده لو حدوا دلالة أنو مودي نفسو لطريق مش راجع منو

والنوعية دي أكيد بتتعرض للنصيحه بطريقة غير مباشرة أولا

أو على الأقل بيشوف نماذج غيروا

بس هو مش عايز يشوف وعامي عينوا

أنا هقلك مثال بسيط عن نفسي

أنا بحب أسمع أغاني والأغاني حرام ومحدش يقدر يقول حاجه غير كده

وعارفه إن لها تأثير


بس في نفس الوقت لأني بحبها مش عايزه أسمع حاجه تخصها أو أخلي حد ينصحني ولو حد أداني شريط بتخلص منو بكل الطرق

ده أسموا أيه ضعف مني أنا

وياريت تفهمي المثال ده

لوكل شوية نبص لنفسنا أنحنا ضحايا مجتمع ومحتاجين مساعده

هنغلط ونغلط ونغلط ونغلط ومش هنوقف

المشكلة مشكلة شخص عارف أنه خطأ ومدرك لنتيجه خطأوا بس مش عايز يبطل لأنه أضعف من أنو يسيب حاجه بيحبهااااااااا


وشكرااااااااااااااا على موضوعك

ووفقك الله لما يرضيه

بالتوفيق

أختك

[همس ايمان]

جميلة جدا لغة الحوار اللى بنا واننا بحاول نوصل للصح وان شاء الله هتنوصل له طالما فيه ناس بتفكر كدة


( المشكلة مشكلة شخص عارف أنه خطأ ومدرك لنتيجه خطأوا بس مش عايز يبطل لأنه أضعف من أنو يسيب حاجه بيحبهااااااااا )

صح هى دى المشكلة ازاى نبعد عن حاجة بنحبها بالرغم من انها غلط وللاسف مفيش حد بيحب النصيحة او يحب ان يتغير وللاسف كمان رغم وجود حملات كتير ضد المواقع الاباحية وكلام الشات وبرامج دعوية ومواقع دينية كتيرة جدا لكن تاثيرها ضعيف وحتى وسائل الاعلام والافلام والمسلسلات بتركز على شريحة معينة بس اما الانسان الفاشل جدا او الانسان المتدين جدا لدرجة التطرف مش بتدور على نماذج زينا عايشين حياتنا بنخرج ونتفسح ونعمل كل حاجة فى نفس الوقت عارفين ربنا وبنعبده وعارفين واجباتنا ايه اتجاهه ممكن موضوع بسيط زى ده يساعد غيرنا كتير ممكن نقوى ارداة شاب او فتاة بطريق غير مباشر

وجود ناس افكارهم كدة بيحاول على قد امكانيهم يساعدوا ويغييروا ولو حتى مجرد كلمة تنور طريق او تفتح باب لشخص هيكون ليها تاثير بس نحاول

[mamado5]

مشكوووووووووووووووور.على الموضوع

[سوزانا2011]

كلى شكر لكل من أبدى رأية وشارك بالرد على هذا الموضوع
قمت بطرحه لأنى شعرت بانه يجب الكلام عنه ولكنى لم اتوقع كل
ذلك الأهتمام
فشكرآ لكم جميعآ

[roty]

شكرا علي الموضوع الرائع