لماذا انا هنا ..؟؟

[Mo chahin]

والله ما فارقه يا نهى
تسلمى لمرورك الكريم والجميل

[مسلمه]

باين عليك عندك هموم ومشاكل كتير بس معلش كله بيعدى

واصبر انشاء الله ربنا ينورلك طريقك ويسعدك انشاء الله

[kitty cat]

ايه التفاؤل اللي دخل مره واحده ده

كل زمن فيه الكويس واللي مش كويس
انا عايشه في الدنيا علشان استمتع بيها من غير ما أغضب ربنا
وربنا يخليك بلاش التشاؤم ده
وبعد الشر عنك ياسيدي احنا محتاجينك بلاش تحت التراب دي

[Mo chahin]

هههههههه
عارفه بضحك ليه ؟
بقالى 20 سنه بسمع كلمه اصبر دى
وبقالى 20 سنه بسمع بكره ربنا يعدلها
وبقالى 20 سنه زى مانا
عادى يعنى
عشان كده بقولك مش هتفرق فى حاجه
لو الدنيا اتعدلت او متعدلتش
ما كده كده عايشينها غصب عننا

[kitty cat]

ايه كل الاسي ده
ده انت فنان المستقبل
بسم الله الرحمن الرحيم
"عسي ان تكرهو شيئا وهو خير لكم "صدق الله العظيم
وكمان مره أصبر

[مسلمه]

افهم من كده انت عندك 60سنه ههههههههههه يعنى 20 و20 و20

ياراجل ياعجوز هههههههههه انا بهزر معاك

انت لسه شباب 20سنه تفائل كده بكره تتجوز وتخلف وتنسى حاول تتقبل غيرك وتوقع خيرا انشاء الله

وطول مانتا مع ربنا ربنا مش هيضيعك ابدا وربنا يرزقك الزوجه الصالحه الزريه الصالحه

[Mo chahin]

يابنتى انتى صغرتينى كده خمس سنين
انا 25 سنه
بس اللى حصلى حصلى وانا عندى خمس سنوات
ومحدش يسأل ايه اللى حصل
دا كلامى ليكى يا نهى والواحد فعلا عجوز والله
مبقاش قادر يتحمل ماللى شافه وبيشوفه
لدرجه ان الواحد فكر فى الانتحار بس خوفت اموت كافر
وانا مش عايز كده
عشان الحياه متستاهلش انى اموت عشانها كافر يعنى
وكلامى ليكى يا كيتى
ادينى صابر
صابر عشان مفيش حاجه اعملها غير انى اصبر
وعايش عشان ربنا عايزنى اعيش مش عايش عشان حاجه
واهى دنيا والسلام

[مسلمه]

بص ياميرو علشان تخرج من الحاله دى صدقنى واللهى بجد ده الطريق الصح هو

انك تصلى وتقرا القران وتقعد تدعى ربنا وتفضفض معاه هو اكتر واحد عالم بيك وانشاء الله ربنا هيكرمك

وثق دائما ان ربنا بيقول انا عند ظن عبدى بى فليظن ماشاء فانت احسن الظن بالله

زاسأل الله العظيم ان يفرج كربك وانا عندى دعء جميل اوى هيريحك هقولهولك

[Mo chahin]

الحمد لله الواحد على قد ما بيقدر بيقرب من ربه
بنصلى وبنقرا القرآن
انا حافظ تلات اجزاء
الحمد لله يعنى
وهستنى منك الدعاء

[مسلمه]

الدعاء ده واللهى انا مجرباه انا لما بكون مضايقه والدنيا مقفله فى وشى وبقوله بحس براحه غريبه وبنسى همومى كلها وهو


الللهم انى عبدك ابن عبدك ابن امتك ناصيتى بيدك ماض فيه حكمك عدل فيه قضاؤك اسألك بكل اسم هو لك سميت به نفسك او انزلته فى كتابك او علمته احدا من خلقك او استأثرت به فى علم الغيب عندك ان تجعل القران العظيم ربيع قلبى ونور صدرى وذهاب همى.......

وبعدها تقرأ شويه قران وتدعى ربنا وخليك ديما مع ربنا هتعيش مستريح ديما