&*(العين الثالثة)*& يبدأ اول موضوع تم التصويت له

[Transporter]

[IMG][/IMG]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين



اعزائي اعضاء منتدى بنات مصر الكرام اهلا وسهلا بكم في اول موضوع يتم طرحه من خلال مجموعة موضوعات (العين الثالثة) ومن خلال هذا الموضوع اتوجه بكل الشكر والتقدير الى جميع الاعضاء اللذين شاركو في احياء وتشجيع سلسلة مواضيع (العين الثالثة) للحوار الجاد والهادف واتقدم بجزيل الشكر لطاقم الادارة والمشرفين والمراقبين اللذين ساهموا باداء ارائهم وتشجيعهم للموضوع مما اثرى على قيمته واكد اهميته وفقكم الله جميعا لما فيه الخير والمصلحة للجميع وبأسم الله نبدأ اليوم اول مواضيع (العين الثالثة) والذي حاز على اكثر الاصوات حتى وقت اغلاق التصويت.


الموضوع المطروح : اخطاء الشباب طيش و واخطاء البنات جريمة لا تغفر
(في نفس الحالة) لماذا


كما هو ملعوم لدى الكثير من ابناء وطننا العربي وليس وطننا الرسمي الذي ننتمي اليه نظرا لكون هذا الموضوع عام وواقعي بشكل كبير ان هذا المجتمع يفرق في تعاملاته بين كلا من الشباب و الفتيات

فاذا تم ضبط احد الشباب وفتاه في وضع مخلا مثلا اعزكم الله وعافاكم من هذا الابتلاء نجد ان اشياء غريبة تحدث بصرف النظر عن اهمية الوضع لكلا منهما فنرى الشباب يحصل على البراءة في فترة قصيرة وبسرعة ويتغاضى المجتمع عن خطأه ويتناساه وكان لم يكن بالمرة ويواصل الشاب حياته بكل حرية وافتخار

في حين يتعامل نفس المجتمع ونفس افراده مع الفتاه المخطئة على انها مجرمة و منحرفة فقد اخطأت في حق نفسها واسرتها و مجتمعها ودينها ونجد الكل في حالة ترقب للنيل منها ويتم الحكم عليها بالاعدام نفسيا وشعوريا وحسيا وتصبح من المنبوذات طوال حياتها حتى فرصتها في الزواج تقل وقد تنعدم بعد ان تسقط جميع حساباتها لدى اي شاب يفكر في الارتباط بها

فنحن البشر لانستطيع ان نصفح ونجدد البسمه في حياة ناس ماتو وهم احياء يرزقون و كان الله وهو خالق كل شي وفوق كل شي جل وعلا يرضى ويغفر للكافر العاصي والملحد وتارك الصلاة وشارب الخمر وغيره من العاصيين بشتى انواعهم .

فهل من العدل ان تتحمل الفتاه وحدها هذا الوزر وهذا الخطأ وتدفع ثمنه طوال حياتها وهل نطلق العنان للشاب لكي يجرب مرة تلو الاخرى وتصبح فتياتنا مجرد وسيلة للتجربة والتسلية بين الشباب لكي يخطئ بحجة الطيش والنزوات وتتحمل الفتاة هذا الوزر للابد و ما هي مسئولية المجتمع والاسرة والاشخاص المعنين (الشباب والفتيات) بالحالةالواقعة ضمن الاطار الاجتماعي ؟

للاسف مجتمعنا يحرر الرجل ويلقي اللوم على الفتاه فاصبح المجتمع ذكورى بحت .

[IMG][/IMG]

واعو الله لكم التوفيق والفلاح
ودمتم مع تحيات (العين الثالثة)

[kitty cat]

يعني دلوقتي هنناقش موضوع
اقتباس



:- اخطاء الشباب طيش و واخطاء البنات جريمة لا تغفر
(في نفس الحالة) لماذا


أحب أقول رأيي
أولا ده مفهوم غلط لأن الغلط غلط مفيش فرق
لكن النظره للبنت علي انها كائن رقيق وبريء هي السبب في انها لما تغلط بتكون متهمه بصوره أكبر
يعني الناس منتظره من البنت انها مش بتغلط
لكن الولد زي ما بيقولو ا ايدك منه والقبر يعني مش منتظر منه غير انه يشرب سجاير ويعاكس بنات الناس وكل الحاجات دي
ف العادي بتاعه انه يغلط
طبعا مش الكل دي هيه القاعده حاليا
ولكل قاعده شواذ
بجد الموضوع مميز ومهم جدا كعادتنا ب transporter

[marwoo]

عارف يا transporter
كلامك صح اوووووووى ححكيلك مثلا موقف حصل وقدامى
بيت بسيط الحمد لله مكون من اب وام وولد وبنت
الولد وبالنت اتخطبوا حلو لحد كده تمااااااااااام
فترة الخطوبه لل2
مقارنه
الولد :يخرج يروح لخاطيبته يرجع الساعه 2 بعد نص الليل ( عادى جداااااااااا عند الاب والام)

البنت:
من المستحيل خروجها مع خطيبها لوحدهم ولو حصل بكتيرها اوى سا عتين وترجع البيت يعنى 9 ممكن تتهزق فيها (الرفض التام للاب والام)
طيب ممكن نعرف لييييييه مع ان لو فكروا فيها كويس المفروض ان اللى خرجت مع ابنه دى حتبقى ام عياله يعنى ام الاحفاد اللى حتربى الولاد اللى حيشيلوا اسمه يبقى ازاى تسمح ان مراة ابنك ترجع معاه الساعه 2؟؟؟؟؟؟؟؟ ازاااااااااااى !!!!!!!!!
ليه بتلتمسوا العذر للود والبنت لا
مش عارفه
مع ان ال2 عند ربنا واحد
ده انا بقولك كمان وضع خطااااب مش ناس حبيبه وفى الشارع ..........

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين



اهلا يا كيتي اهم شيء وقبل اي شيء يا رب يكون عصير الافتتاح عجبك لانه انا اللي مختار العصير دا وعاملو بايدي علشانكم هههههههههههههههه

نيجي بقى لكلامك يا حلوة
أولا ده مفهوم غلط لأن الغلط غلط مفيش فرق لكن النظره للبنت علي انها كائن رقيق وبريء هي السبب في انها لما تغلط بتكون متهمه بصوره أكبر يعني الناس منتظره من البنت انها مش بتغلط


رائيك طبعا اكيد محل احترام وتقدير طبعا بس يا ترى انت شايفة ان علشان البنت كائن رقيق وبرئ يكون هو سبب رئيسي يعني وهو الشباب مش كائنات بردو رقيقة وليها مشاعر واحاسيس وظروف معينة بتمر بيها نفس ظروف الفتيات وبالعكس فيه فتيات يمكن بتاخذ اسلوب رجالي اكثر من اي راجل بتخلي اللي ادامها ينسى انها فتاه وانت تفضلتي وقولتي الغلط غلط في كل الاحول يعني الغلط مفيش فيه فرق شرعا ودينا واجتماعيا

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين



اهلا يا مارو اول حاجة ازيك انت عاملة ايه يا رب تكوني بخير وعلى فكرة مواضيعك كتير هايلة وبتعجبني جدا مقولتليش العصير اخباره ايه معاكي كلكم شكلو طنشتوه والا ايه الحكاية


نيجي بقى لرائيك السليم واللي فتح ناجية تانية من الاخطاء الملحوظة موضوع الولد والبنت المخطوبين بصرف النظر عن ايا من هم الحالتين عندي واحد ليه لان الابن اللي بيطلع مع خطيبته للساعة 2 بالليل دي مسئولية اهلها ليها اب راجل يقدر يفرض سيطرته على الوضع هو ترك بنته للساعة 2 بالليل بره مع الشاب هو متحمل مسئولية ما يحدث وليس له حق الندم ثانيا الام المفروض هي وسيلة توعية للبنت بتفهمهما كصديقة ليها قبل اي شيء ايه سلبيات الموقف من حيث المجتمع والناس ومن حيث اهل الخطيب مفتكريش ان اهل الخطيب بيكونو راضيين عن الوضع 100% ثالثا الخطيب اللي هو الشاب من رايي انه غير مهتم مع انه بيحب لكن اللي يرضى على انسانة رايح تكون مراته شي زي دا ولو قدرنا وما حصل نصيب ايه الوضع هايكون لازم هايكون كلام كتير اوي في غير صالح البنت وبيتقال طبيعي دا كانت وكانت وكانت وكلام كتير الناس عارفاه

اما من حيث موقف اهل البنت ومنعينها من الخروج الا بمواعيد ورجوع بمواعيد انا بسالك انت كبنت تفتكري دا يضرك والا يحمي مصالحك ويقوي موقف ادام مجتمع ويقطع السنة ناس ممكن تتكلم عليكي باي شيء او يعلقو على اسلوب او نممط حياه البنت واللي بتعيشو

هنا اقدر اقول ان المسئولية بتقع على اكتر من طرف وكلهم وجب عليهم اعادة النظر وتحديد المسئوليات والاولويات لمن الغلبة اليوم .

[محمد الشريف]

أخى العزيز

Transporter

مسألة الإدانة للزانية وتحميلها كافة الأوزار وتضاءل موقف الشاب تجاه المواقف التى تغضب الله ،

من موروثات البيئة العربية التى تعاقبت عليها الأزمان بحيث صارت عرفا واعتياد ( وهذا أمر

مؤسف ومحزن ومخزى ) ... وبعيدا عن تلك الموروثات والأعراف

فأحكام القرآن الكريم

حيال تلك التصرفات

يقول تعالى :

( الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلَا تَأْخُذْكُم بِهِمَا

رَأْفَةٌ فِي دِينِ

اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ ).

فالعدل كما هو موضح فى القرآن الكريم أن العقاب يساوى بين المرأة والرجل

ولكن المؤسف تلك الانتقائية التى لم ينزل الله بها من سلطان أن يقتصر الحكم

على طرف دون الآخر .

وعلى أية حال فإن العقاب الدنيوى الوضعى ليس نهاية المطاف فسبحان الله الذى

توعد الزناة بعذابه يوم الحساب الذى لامحالة فيه

والله الهادى

مع تحياتى

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين



اخي محمد دائما ما تسعدني بمشاركتك في مواضيعي وتثري عليها قيمة كبيرة امام الاعضاء وصدقت حقا حين ذكرت ان هذا الامر من الموروثات العربية وهي موروثات سلبية بشكل فظيع وها نحن حتى الان نعاني من نتائجها السلبية والتي لا نعلم الى اين ستصل بنا بعد ذلك فهي في تمدد وتنتشر بشكل كبير بشتى الصور والاشكال ويستخدم فيها العديد من الاقنعة المزيفة الخبيثة
فاللاسف تناسينا لديننا وتناسينا لشرع الله وعدم اهتمامنا بكيفية تطبيقه الا في حالات تتماشى مع اهوائنا ورغباتنا ادت الى انهار مجتمعات بكاملها ولو هناك رادع حقيقي وقت حدوث الامر وشهد عليه العديد والعديد والله ما يتجرأ احد على اتيانه مرة اخرى فنحن البشر لا يخيفنا الا ضربة عصا تذكرنا بما اخطأنا فيه ولكن ..... لله الامر من قبل ومن بعد


تحياتي لشخصكم الكريم وشاكر مرورك كتشجيع لباقي الاعضاء

[فــــــــــرح]

عارف يا احمد ليه بننظر لغلطة الولد انها رجولة
وغلطة البنت انها انحراف؟!!!
لاننا قدمنا العادات والتقاليد على الدين
لو كان البنت بتختلف عن الولد في الغلط
كان ذكر ذلك فالقران..
هل يوجد ايه فالقران تدل على ان غلط البنت غير غلط الولد؟؟
طبعا لا
طب احنا نجي ايه قدام كلام ربنا!!!!

[فــــــــــرح]

عارف يا احمد ليه بننظر لغلطة الولد انها رجولة
وغلطة البنت انها انحراف؟!!!
لاننا قدمنا العادات والتقاليد على الدين
لو كانت البنت بتختلف عن الولد في الغلط
كان ذكر ذلك فالقران..
هل يوجد ايه فالقران تدل على ان غلط البنت غير غلط الولد؟؟
طبعا لا
طب احنا نجي ايه قدام كلام ربنا!!!!

[kitty cat]

هقولك انا كان قصدي ايه
كان قصدي ان البنت في عين الناس مش من المفروض انها تغلط وده زي ما اتعودنا (عادات وتقاليد ) زي فرح ما قالت تبقي لما تغلط تتحاسب ومش أي حساب لأ دي الغلطه دي تفضل وصمه عليها
طبعا مش أنواع الغلط ممكن نتساهل فيه
لكن المفروض ان نفس نوع العقاب يتطبق علي الاولاد
وبرضه زي ما أ- محمد الشريف قال

اقتباس ولكن المؤسف تلك الانتقائية التى لم ينزل الله بها من سلطان أن يقتصر الحكم على طرف دون الآخر .

انا مش بنكر ان الرجال كائنات وليها أحاسيس _لأ ابدا _ كل الحكايه انهم مش بتفرق معاهم
وأرجع تاني أقول أن ده بسبب العادات اللي أحنا عايشين فيها كل ما تيجي تقول لولد كلمه يقولك انا راجل
ياسيدي الرجل بتصرفاته وأخلاقه تمام زي البنت اللي حضرتك قلت عليها انها عايشه باسلوب رجالي
ايه اللي عمل فيها كده من وجهه نظر حضرتك أو ايه اللي خلي الناس تقول عليها كده
يارب مكونش طولت عليك