تعرف تعيش فيها بالف جنيه!!!!!!!!!!!!

[marwoo]

معلش بس الواحد حاسس انه مخنوق وبصراحه المواضيع دى بتخفف شويه كان الواحد بيفضفض
انا معرفش المواضيع دى بقى غلط اننا نطرحها فى المنتدى ولا عادى نتكلم
بصوا انا مش حغلط فحد بس حنقل واقع ممكن يكون صعب بس وااااقع لازم نقوله لسبب ان الساكت عن الحق شيطان اخرص ولو متكلمناش حنفضل كده طووووووول عمرنا مش بنواجه الحقيقه وبنخاف نتكلم عاموما اسيبكم مع الموضوع

لو شاطر .. تعرف تعيش فى مصر بـ 1000 جنيه فى الشهر

بيان المصروف اليومى والشهرى
- عيش بلدي : 1 جنيه يومياً = 30 جنيه شهرياً
(بس لازم تلحق دورك فى طابور الفرن وتلحق شغلك فى نفس الوقت ربنا معاك )

- حليب : 4 جنيه يومياً = 120 جنيه شهرياً
( عدد واحد لتر يومياً ويارب ميطلعش بودرة سيراميك ويكفى العيال )

- فول : 8 جنيه إسبوعياً = 32 جنيه شهرياً
( كيلو فول اسبوعيا يعنى 125 جرام يوميا رضا والحمد لله )

- جبنة بيضاء : 20 جنيه إسبوعياً= 80 جنيه شهرياً
( كيلو في الأسبوع 125 جرام يوميا انت عايش )

- بيض : 5 جنيه إسبوعياً= 20 جنيه شهرياً
( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد )

- خضار :10 جنيه إسبوعياً= 40 جنيه شهرياً
( عبارة عن صنف واحد بس + كيلو طماطم + ليمونه وحزمة جرجير أسبوعيا )

- فاكهه : 5 جنيه إسبوعياً= 20 جنيه شهرياً
( عبارة عن كيلو برتقال أو قشر موز مرة أس! بوعيا عشان العيال تفتكر إسمه )

- شاى : 10 جنيه شهرياً
( لزوم الكيف اللى بيذل والضيوف الرزلين )

-سكر: 4 جنيه إسبوعياً= 16 جنيه شهرياً
(عدد واحد كيلو أسبوعيا .. لزوم الكيف اللى بيذل والضيوف اللى معندهمش دم )

- أرز : 4 جنيه إسبوعياً= 16 جنيه شهرياً
( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام )

- زيت طعام : 10 جنيه إسبوعياً= 40 جنيه شهرياً
( لتر اسبوعيا علشان تشرب بق على الريق يزيت معدتك ويستعمل كبديل للخضروات )

- مكرونة : 8 جنيه إسبوعياً= 32 جنيه شهرياً
( عبارة عن عدد 4 كيس 400 جرام أسبوعيا .. خلى العيال تنبسط )

- دجاج : 20 جنيه إسبوعياً= 80 جنيه شهرياً
( عدد واحد دجاجة أسبوعيا للعائله .. أظن معقول )

- لحم : 30 جنيه إسبوعياً= 120 جنيه شهرياً
( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا )
- بقوليات : 10 جنيه شهرياً
( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا )

- توابل : 10 جنيه شهرياً
( عبارة عن دقيق + ملح + كمون + فلفل + كسبرة + وممكن تديها خل براحتك )

- صابون : 15 جنيه ش هرياً
( عبارة عن صابونه واحدة للحمام + صابون مواعين + مسحوق للملابس ( النظافة عموما )

- مواصلات : 2 جنيه يومياً= 60 جنيه شهرياً
( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا )

- حلاق : 10 جنيه شهرياً
( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونهاللى هتحلق بيها دقنك ( نعيما ياباشا )

- مصروفات مدرسية : 10 جنيه إسبوعياً= 40 جنيه شهرياً
( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ )

- دكتور : 30 جنيه شهرياً
نمرض بالدور طبعا .. عدد أربعة أفراد

مرة واحدة للفرد كل 4 اشهر وربنا يستر

- أدوية : 50 جنيه شهرياً
( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة )

- فاتورة التليفون : 10 جنيه شهرياً
( اشتراك الهيئة فقط .. هنرد بس ومش هنتكلم .. ماعدش ينفع كلام )

- فاتورة المياه : 10 جنيه شهرياً
( للأسف ده لو فلوسك على أدك ويبقى لازم تشرب مياه ملوثة بالمجارى )

- فاتورة الغاز : 5 جنيه شهرياً
( الحمد ل! له .. غاز طبيعى .. الله يكون فى عون اللى عنده أنابيب (10 جنيه للأنبوبة ) وممكن تطلع فاضية )

- فاتورة الكهرباء : 20 جنيه شهرياً
( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع )

- قمامة : 10 جنيه شهرياً
( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟ )

- بواب : 15 جنيه شهرياً
( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص )

- صيانة : 30 جنيه شهرياً
( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ )

- ملابس : 100 جنيه شهرياً
( عبارة عن الصيفى والشتوى داخلى وخارجى واحذية وشرابات وكلونات واتصرف بقى )

------------ --------- --------- --------- ---
الإجمـالى : 1081 جنيه شهرياً
------------ --------- --------- --------- --

أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنية بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شرالمرض

إيجار الشقة طبعا قانون جديد وللأسف مالهوش قانون .. كل واحد وبخته .. ومش ها نحسبها كل واحد يقعد عند أمه.

وبالمناسبة .. عيد الام ربنا يخليها ويديها الصحة .. كل سنة وهى طيبة

عيد الكحك ..! مضر ومالهوش لازمة

عيد اللحمة ..مضر ومالهوش لازمة

حلاوة المولد .. السكر مضر و مالوش برضه لازمة .. ولو على الحلويات رمضان كريم وخيره كتير

أخ خ خ نسيت احسب زكاة الفطر بس مش عارف هادفعها ولا هاخدها ؟

عموما هاقولكم على قائمة الممنوعات والمحظورات .. متقربوش منها علشان تعرفوا تتنيلوا وتكملو الشهر

ممنوع .. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا )
ممنوع .. المعلبات .. تونه - بلوبيف - لانشون - سالمون – فول - وطبعا البسطرمة والزيتون والمخللات

أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى! الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل

ممنوع اللحوم بانواعها.. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكا ومؤمن وكوك دور .. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحنا ماعملناش حسابه فى مشتروات الدوا .. وطبعا مش محتاج أقولك وافكرك انك مامعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ .

خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بأنواعها.. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

اهم حاجة ماتروحش لدكتور ومتجبش مدرس ولا ادوية وإياك من المع جنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

طبيعى انك مش هتقرب من الفواكهة خالص زى البرقوق والمانجووالبطيخ والفراوله والكيوى والخوخ والعنب والتفاح حتى الكاكا والحرنكش والنبأ والقصب والدوم والتوت ممنوع سيادتك

وطبعا معجون الاسنان والحلاقة والشامبو والبلسم كلها رفاهيات ماليكش فيها زى البصل والتوم والبطاطس كلها أساسيات ماليكش فيها برضه .. وماتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية كانت فى العصور القديمة فترة من الزمن .. وإن الواقع زى ماهما شايفيينه دلوقتى .

حتى الإعلانات حاولوا تفهموهم إنها مجرد

ألوان مبهرة وتكنولوجيا فى علم التصوير وتخيلات .. ممكن تحصل بعدين فى يوم ما .. زى ماحصل فى امريكا وكندا وفرنسا والمانيا واوروبا كلها .. وان الحاجات دى علشان لما الناس دى ييجوا عندنا يلاقوا منها ويعرفوا يعيشوا .. وإن الحاجات دى مش لينا ..

[kitty cat]

بيان المصروف اليومى والشهرى
- عيش بلدي : 1 جنيه يومياً = 30 جنيه شهرياً
(بس لازم تلحق دورك فى طابور الفرن وتلحق شغلك فى نفس الوقت ربنا معاك )
مش شرط كل يوم
- حليب : 4 جنيه يومياً = 120 جنيه شهرياً
( عدد واحد لتر يومياً ويارب ميطلعش بودرة سيراميك ويكفى العيال )
خلي ولادك مايحبوش اللبن كده وفرنا قول 50 جنيه
- فول : 8 جنيه إسبوعياً = 32 جنيه شهرياً
( كيلو فول اسبوعيا يعنى 125 جرام يوميا رضا والحمد لله )
وماله
- جبنة بيضاء : 20 جنيه إسبوعياً= 80 جنيه شهرياً
( كيلو في الأسبوع 125 جرام يوميا انت عايش )
اللي وفرناه في اللبن صرفناه تاني
- بيض : 5 جنيه إسبوعياً= 20 جنيه شهرياً
( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد )
بيض ايه اللي ب20 جنيه في الشهر دي الكرتونه ب 20 جنيه
- خضار :10 جنيه إسبوعياً= 40 جنيه شهرياً
( عبارة عن صنف واحد بس + كيلو طماطم + ليمونه وحزمة جرجير أسبوعيا )
ممكن تبقي كلها ليمون
- فاكهه : 5 جنيه إسبوعياً= 20 جنيه شهرياً
( عبارة عن كيلو برتقال أو قشر موز مرة أس! بوعيا عشان العيال تفتكر إسمه )
ايه الاسعار دي انت تجيب موزه وبرتقاله وتخلي اعيال يشموها
- شاى : 10 جنيه شهرياً
( لزوم الكيف اللى بيذل والضيوف الرزلين )
مش بشرب الشاي وممنوع الضيوف اللي عاوز يجي يجيب مشاريبه معاه
-سكر: 4 جنيه إسبوعياً= 16 جنيه شهرياً
(عدد واحد كيلو أسبوعيا .. لزوم الكيف اللى بيذل والضيوف اللى معندهمش دم )
قولنا مبنشربش شاي
- أرز : 4 جنيه إسبوعياً= 16 جنيه شهرياً
( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام )
هنعمل دايت ومش هناكل أرز كل يوم
- زيت طعام : 10 جنيه إسبوعياً= 40 جنيه شهرياً
( لتر اسبوعيا علشان تشرب بق على الريق يزيت معدتك ويستعمل كبديل للخضروات )
ايه الحاجات دي مش بنسمع عنها
- مكرونة : 8 جنيه إسبوعياً= 32 جنيه شهرياً
( عبارة عن عدد 4 كيس 400 جرام أسبوعيا .. خلى العيال تنبسط )
يا أرز يا مكرونه أركزوا
- دجاج : 20 جنيه إسبوعياً= 80 جنيه شهرياً
( عدد واحد دجاجة أسبوعيا للعائله .. أظن معقول )
أنفلونزا الطيور ممنوع الدجاج
- لحم : 30 جنيه إسبوعياً= 120 جنيه شهرياً
( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا )
جنون البقر ممنوع اللحم
- بقوليات : 10 جنيه شهرياً
( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا )
مش أحنا جبنا فول هيه حدوته
- توابل : 10 جنيه شهرياً
( عبارة عن دقيق + ملح + كمون + فلفل + كسبرة + وممكن تديها خل براحتك )
مش هنستعملها في حاجه
- صابون : 15 جنيه ش هرياً
( عبارة عن صابونه واحدة للحمام + صابون مواعين + مسحوق للملابس ( النظافة عموما )
4 صابونات كفايه 1 كل اسبوع
- مواصلات : 2 جنيه يومياً= 60 جنيه شهرياً
( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا )
دي بأه ملكيش حق فيها ورجلينا نستعملها في ايه (المشي رياضه)
- حلاق : 10 جنيه شهرياً
( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونهاللى هتحلق بيها دقنك ( نعيما ياباشا )
طيب طيب نعيما
- مصروفات مدرسية : 10 جنيه إسبوعياً= 40 جنيه شهرياً
( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ )
عشره جنيه ليه ان شاء الله ماهما عايشين في نعمه في البيت
- دكتور : 30 جنيه شهرياً
نمرض بالدور طبعا .. عدد أربعة أفراد
بالعيشه دي مفيش اسباب للمرض
بتعمل رياضه وأكللك صحي
وأذا لاقدر الله حد تعب الدواء يفضل لباقي العيله
مرة واحدة للفرد كل 4 اشهر وربنا يستر

- أدوية : 50 جنيه شهرياً
( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة )

- فاتورة التليفون : 10 جنيه شهرياً
( اشتراك الهيئة فقط .. هنرد بس ومش هنتكلم .. ماعدش ينفع كلام )
صله الرحم تزور قرايبك بس يا ريت تخفف
- فاتورة المياه : 10 جنيه شهرياً
( للأسف ده لو فلوسك على أدك ويبقى لازم تشرب مياه ملوثة بالمجارى )
وماله علشان متقوليش ان انا بخيله
- فاتورة الغاز : 5 جنيه شهرياً
( الحمد ل! له .. غاز طبيعى .. الله يكون فى عون اللى عنده أنابيب (10 جنيه للأنبوبة ) وممكن تطلع فاضية )لو سمحتي الانبوبه بخمسه جنيه بس

- فاتورة الكهرباء : 20 جنيه شهرياً
( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع )
وفين التكيف قصدي المراوح
- قمامة : 10 جنيه شهرياً
( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟ )
وأنا مالي مفيش عندي حاجه بتترمي
- بواب : 15 جنيه شهرياً
( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص )
هخلي حد من العيال يشتغلمع البواب وينصص معاه
- صيانة : 30 جنيه شهرياً
( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ )
وأنا روحت فين احنا بتوع كله
- ملابس : 100 جنيه شهرياً
( عبارة عن الصيفى والشتوى داخلى وخارجى واحذية وشرابات وكلونات واتصرف بقى )

كل ده ب100 جنيه دول كتير قوي



بس فعلا الموضوع مهم
ونحمد ربنا علي النعمه اللي أحنا فيها
في ناس مش لاقيه نص المبلغ اللي بتقولي عليه ده وعايشين وراضين وربنا بيكرمهم فعلا
وأهم حاجه الرضي والحمد
الالف جنيه دي ممكن تعيش عيله كامله ومش عاوزه أقول شارع كامل بالرضي وبنشوف حالات كتيره كده
تقبلي مروري

[ألاء الرحمن]

لاحول ولا قوه الا بالله
وقال بنسأل السرقات زادت ليه .. دلوقتى بتلاقى اللى قتل واحد عشان 20 و 10 جنيه .. والله موضوع ملهوش حل والمشكله بتتعقد كل شويه .. شكرا اختى على الموضوع المؤلم

[شاعر الاقصى]

مش حتجوز كرمالك يامري

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين


انا هارد بمثال بسيط جدا صديق لي يعمل في الخارج وراتبه الشهري يعادل 7000 جنية مصري وللاسف يشكو من عدم مقدرته على الوفاء باحتياجات منزلة في الظروف الحالية فلكم ان تتخيلو ماذا تفعل 1000 جنية مصري

[marwoo]

كيتى بصى الرضا مهم طبعا بس كمان ربنا ادالنا عقل علشان نفكر بيه ونحسب حياتنا حتمشى ازاى مينفعش افقول اتجوز وافتح بيت ونخلف عيال ونجوعهم وكده امال بنفكر ليه وبعدين المشكله اكبر من كده انهى شاب دلوقتى بيشتغل بال1000
جنيه دول وحيقبضهم ازاى وحيوصلهم بعد كام سنه شغلالموضوع بيتعقد وبيصعب والناس ساكته ومبتتكلمش ليه معرفش

[lolo9292]

معلش بس اسمحيلي انتى بتتكلمى عن 1000 الف جنية ومش عاجبك امال يا ستى اللي بياخدوا 300 جنية يعملوا بيها ايه يرجعوها لصاحب الشغل تانى ؟؟؟؟؟؟؟؟؟؟؟؟؟اصلها بصراحة متقضيش مصلحة خااااااااااااااااااااااااااالص
المهم انا هركز علي نقطة كل الاعضاء الحقيقة اخصوها بالذكر الا وهى الرضا ثم الرضا ثم الرضا صدقينى لو فعلا حسيتى بالرضا هتلاقي الدنيا جنة وبجد والله .

[marwoo]

يا جماعه على فكره ان راضيه جدااااااااااااااااا والحمد لله
بس مش انتو مش فاهمنى تقريبا خاااااااالص
الواحد طبعا راضى بكل حاجه
بس معلش يعنى
الاسعار تزيد ونقول راضيين ولا ايه ههههههههه يبقى بصراحه نستحق اللى احنا فيه اه طبعا ترضى بالنصيب لكن الظروف اللى بتتفرض عليك بتهيالى محتاجه موقف مش عارفه انا مش عارفه افهمهالكوا ولا ايه؟؟؟؟!!!!!!!!

[زهرة الفل]

لا يا مروة انتى بتقولى المرتب 1000 جنيه ومش بيكفى
امال بقى لو تعرفى بقى ان فى ناس مرتبهم مش 1000 جنيه
ده مرتبهم 300 جنيه و600 جنيه يعملوا ايه دول
فلازم نحمد ربنا ونشكره على النعمة لكى يزيدها ربنا
واشكرك يا مروة للتذكير جزاكى الله كل خيرا

[kitty cat]

انا معاكي يا مارو ان الظروف مش وحشه بس
لكن
دي وحشه جدا وكل اللي تقدري تعمليه انك تشتغلي بجد ومترميش كل حاجه علي الظروف
وكمان الموضوع ده يخلينا نقدر أد ايه أهلنا بيتعبوا فمش لازم اننا نتعبهم أكثر من كده

وأذا كان علي الميزانيه يا ستي
أنا وضحتها فوق
وبميزانيه زي دي يعينوني رئيس وزراء