&*(العين الثالثة)*& يبدأ ثاني موضوع حسب طلبات الاعضاء

[Transporter]

[IMG][/IMG]




بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين


اليوم وبناء على طلبات العديد من الاعضاء مع اختلاف اعمارهم ستم طرح تاني موضوع يخص (العين الثالثة) والموضوع على قدر من الاهمية وبشكل ملحوط من مختلف الفئات العمرية


الموضوع المطروح : مراقبة الأهل لأبنائهم على الانترنت
(حق مكتسب \ امر واقع \ امرميئوس منه \ مزاياه \ سيئاته)


يدخل الابناء الى غرف نومهم ليلاَ بعد أن ينام أهلهم ليجلسوا ساعات طويلة تصل في كثير من الأحيان الى ساعات الفجر على شبكات الانترنت من دون أن يدري أحد مع من يتكلمون أو بالاحرى على أي موقع بالانترنت يدخلون ففي معظم البيوت يترك الأهل أولادهم يستعملون الانترنت على حريتهم كما يريدون من دون مراقبتهم لهم و مراقبة المواقع التي يدخلونها فالكثير من الأولاد يلجأون الى الكمبيوتر و يقضون ساعات طويلة عليه كوسيلة للتحادث و التعارف على أصدقاء و أشخاص جدد من بلدان مختلفة لكن هذه المحادثات البسيطة قد تتحول الى إدمان كبير على الانترنت خاصة و أن معظم صفحات الانترنت تحتوي على أفكار خطرة و مواقع إباحية مخلّة بالآدابوالأخطر أن الكثير من الأولاد لديهم كمبيوتر خاص بهم موجود في غرف نومهم حيث ينفردون به بعد نوم أهلهم ليدخلوا على تلك المواقع الإباحية التي تنشر الفسق و الخلاعة و التي تؤثر على تربية الطفل و سلوكياته و أخلاقه و التي تنعكس سلباَ على المجتمع .

الحقيقة لا نعرف سبب تغيب مراقبة الأهل عن أبنائهم أو بالأحرى هل هم يغفلون عنوةَ عن مراقبتهم مع أنهم يدرون خير دراية مساوئ الإستعمال الخاطئ للانترنت هل يعرفون أن كل ما يؤثر على طفلهم سيؤثر بالتالي على المجتمع الذي هو مرآة شعبه و خاصة أن هذا الطفل الصغير هو جزء هام من هذا المجتمع

اترككم مع مراقبة الأهل لأبنائهم على الانترنت وتفرعاته
(حق مكتسب \ امر واقع \ امرميئوس منه \ مزاياه \ سيئاته)



[IMG][/IMG]


تحياتي للجميع
والله خير معين وحافظ

[kitty cat]

انا برضه أول واحده ترد
أولا مش كل حد بيدخل علي النت يبقي بيعمل حاجه غلط
وأكيد ان الاهل يراقبوا تصرفات أولادهم حاجه بديهيه مش بحب أقول عليه حاجه غير انه خوف عليهم
مثال دلوقتي الساعه 2 صباحا بالادق 2ونص انا علي النت ومش هنام دلوقتي علشان أقدر أصلي الفجر فمن البديهي انهم يعرفو انا بعمل ايه ومن غير ما حد يسأل انا بقول لوحدي
أكيد الموضوع ده ممكن يضايق حد لكن أنا شايفه ان كله مميزات يعني مفيش مجال للغلط وبعدين لو انت مش بتعمل حاجه غلط تخاف منها ليه


أما بالنسبه للمواقع الاباحيه أو كده التربيه ليها عامل أساسي مع دور الاهل
يعني الاهل يكونوا بيراقبو وأذا حسو ان أولادهم بيضايقو من الموضوع ده
يبقي من بعيد والدين لازم يكون أساسي مش بس صلاه الجمعه

[just (o]

السلام عليكم ورحمة الله وبركاته

اكيد مراقبة الاهل في غاية الاهمية فكثير من الانحرافات تحدث على النت وبسببه

لكن قبل المراقبة تكون التربية ففي البداية على الاهل زرع الاخلاق والقيم في اولادهم
فهم لا يستطيعون مراقبتهم في كل وقت وحين

لذا فلينزرعوا في ابنائهم الوازع الديني والاخلاقي الذي سيمنعهم من الوقوع في الخطأ في كل وقت


وهناك ملحوظة مهمة المراقبة لا تكون واضحة وصريحة
حيث يخبر الاهل ابنائهم انهم يراقبونهم ويترصدون تحركاتهم
فهكذا يشعر الابناء انهم موضع اتهام

ولا يخفى على احد سن المراهقة وتمرده

اذا كانت المراقبة تحولت الى اتهام فهم بذلك يدفعون ابنائهم للخطا دون ادراك

وكما قالت كيتي تقارب الساعة الثالثة ولم ننم بعد
لذا من احق اهلنا معرفة ما نفعل حتى يطمئنوا ولكن مبدا الثقة في الابناء
وفي النفس ايضا حيث انهم واثقون مما زرعوا في ابنائهم هو ما دفعهم للنوم وتركنا بعد عرفوا ما نفعل

وبهذا فان المراقبة مفروضة ولكنها في نفس الوقت مشروطة بشروط محدددة

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين



اهلا يا كتي دايما سباقة بالخير كده انا معاكي يا ستي ان الاهل يراقبو بس فيه اهالي غير مبالية باي شي طيب كلامك حلو اوي معنى كده انه حق مكتسب وامر حتمي وواقع مفروض عليهم بس نادر التحقق وفيه ناس كتير بتضايق انها تراقب اولادها وكمان اولادها بتتضايق علشان بندخل بقى في حوارات كبيرة حرية التصرف والشخصية المستقلة وكده مفيش فينا ثقة وشوية الكلام اللي فيه كتير بيقولوه

طيب الاهل لو راقبوا ايه ميزة المراقبة دي وايه عيبها ولو ما راقبوه ايه الميزة في عدم المراقبة ومساوئها

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين



اهلا يا just انت كمان رايك في محله بس نفس كلام كيتي بقوله فيه كتير برفضوه كاولياء امور حتى مراجعة ابنائهم في اللي بيعملو او بيمارسوه دا بتسميه ايه هل ثقة هل اطمئنان لتربيتهم لاقصى حد جل من لا يسهو يمكن نيسوا يعلموه شيء مهم من امور الحياة العادية ممكن يغير اتجاهه فجأة ومش شرط ان لاهل بيعلنو المراقبة دي يعن ييقولك يا ولد او يا بنت انا حاطك تحت مجهر وبراقبك بيه او ماسك ليكي عدسة بتابع بيها اخبارك عن قرب او مركب كاميرات مراقبة لا فين فن في المراقبة والرقابة وفن في تعديل السلوكيات السلبية بطرق مختلفة من قبل الاهل

[حروف مبعثره]

بالظبط يااحمد فى اهالى غير مباليه وفى اهالى بتكتفى بالسؤال بس بالنسبه لى اهلى بيثقوا فى ومن وقت لاخر بيشوفوه بردو انا بعمل ايه

بس فيه ناااس والله لو ابنائهم فضلوو سنين مايتحركوا
ولا يبالوا ايه الى بيعملوه

المهم ماراح اطول وليا عوده مره تانيه

[فــــــــــرح]

انا من رأئي يا محاورنا الفاضل احمد
ان من حق الاهل يرقبوا ابنائهم
بس طبيعة المراقبة لازم تختلف بحسب المراحل العمريه
يعني لما براقب الطفل مش زي لما براقب المراهق
ولما براقب المراهق مش زي لما براقب الشاب ..
يعني الطفل مثلا لازم الام تقعد معاه عشان توجهو
عالمواقع المناسبه لسنه وتفكيرو
اما المراهق وهو الاصعب فطريقه مراقبتها ليه
حتكون با انها تبين للمراهق اي كان جنسه
انها واثقه فيه وتوضحلو خطورة السن اللي هو فيه
وطبيعته وازاي يستغل دخوله عالانترنت
يعني تراقبه بطريقة الحوار بين الام والمراهق
اما الشاب فالمفروض يكون كبر وفاهم وعارف الحاجات دي
,,,,,

[زهـــ*ــرة النرجــس*]

السلام عليكم ورحمة الله وبركاته
الوالدين ممكن يكونوا مش بيراقبوا أبنائهم لأنهم عارفين أنهم ربوهم أحسن تربية وعارفين أخلاقهم وواثقين فيهم
وعارفين أنهم مش هيدخلو على مواقع اباحية أو شئ من هذا القبيل
يعني أنا مثلآ ساعات بكون على النت للفجر علشان لو نمت مش هعرف أصليه ،وبابا وماما بيكونو عارفين ان أنا على النت لغاية الفجر،ومش بيعترضو لأنهم واثقين فيا
ومش كل الأهل كده
فممكن تلاقي الوالدين مش بيهتموا بأبنائهم ،لأنهم معظم الوقت يكونوا مشغولين عنهم
فينتهز أبنائهم هذه الفرصة ويدخلو على النت على مواقع اباحيه(الا من رحم ربه)
أو ممكن يكون الأهل مش عارفين اللي بيكون على النت فيتركو أبنائهم

وشكرآ على الموضوع
ا

[7w0r al gana]

اصلا بابايا و مامتى عملين علينا مراقبه 24 ساعه
كل موقع و كل كلمه بتتقال على الميل بتوصل لبابه
و بعدان بابا عامل حاجه اسمها الفلتر بتجبش خالص المواقع الاباحيه
هو طبعا احنا مكناش نعرف بس احنا عرفنا لما بابا ساب الكمبيوتر مفتوح و موجود كل اللى انا فتحاه
ممكن الاهل يعملو كده و ولدهم مش حيحسو
الاهل هيعرفو ابنهم بيعمل ايه و الابن مش هيحس ان ابو مش واثق فيه
بس انا فعلا مديقتش لما عرفت
اصل كده معنه انهم خيفين عليه
ميرسى كتير على الموضوع

[just (o]

اقتباس المشاركة الأصلية كتبت بواسطة transporter بسم الله الرحمن الرحيم السلام عليكم ورحمة الله وبركاته اللهم صل على محمد وعلى آله وصحبه أجمعين اهلا يا just انت كمان رايك في محله بس نفس كلام كيتي بقوله فيه كتير برفضوه كاولياء امور حتى مراجعة ابنائهم في اللي بيعملو او بيمارسوه دا بتسميه ايه هل ثقة هل اطمئنان لتربيتهم لاقصى حد جل من لا يسهو يمكن نيسوا يعلموه شيء مهم من امور الحياة العادية ممكن يغير اتجاهه فجأة ومش شرط ان لاهل بيعلنو المراقبة دي يعن ييقولك يا ولد او يا بنت انا حاطك تحت مجهر وبراقبك بيه او ماسك ليكي عدسة بتابع بيها اخبارك عن قرب او مركب كاميرات مراقبة لا فين فن في المراقبة والرقابة وفن في تعديل السلوكيات السلبية بطرق مختلفة من قبل الاهل

لا طبعا ده بسميه اهمال من الاهل واستهتار كمان يعني الاهل ممكن يكونوا مربيين ابنهم وزارعيين فيه الاخلاق لكن مش مربيين الاشخاص المحيطين بيه واللي ممكن يقابلهم في النت ولا عارفين طباعهم ولا خبثهم زي ما فيه شياطين من نار فيه شياطين من الانس

من هنا اصبح مراقبة الاهل للابناء مش بس حق مكتسب لا ده واجب من واجباتهم تجاه ابنائهم عشان يحموهم