كسوف العنف

[قلم بلا حبر]

بسم الله الرحمن الرحيم
السلام عليكم
لم أقصد بـــ (( كسوف العنف )) المعنى المتداول لكلمة (( كسوف )) انما قصدت انعدام الرؤيه لما خلف الكسوف
كالشمس فى كسوفها ,, تنعدم رؤية أشعتها ,,,
والعنف فى المجتمعات الفقيره سمه بارزه قد تغلب احيانا على اشعة الشمس التى بالكاد قد تصل الى طرقات الشوارع نظرا لتلاحم ما يسمى بــ (( المنازل )) لآنها فى حقيقة الامر هى مجموعه من الصوامع التى تختزن بداخلها بلحم كثيف من البشر الذين يطلق عليهم اصطلاحا (( سكان العشوائيات ))
انه عالم كان ولايزال فى خضام كسوف عن الظهور فى الافق الاعلامى والمجتمعى ,,, سادت نبرة التكتم على التفاصيل لعقود طويله وهاهى ذا تبدأ فى الانقشاع شيئا فشيئ
فبالآمس كان هنالك اعمال مست من الداخل ظاهرة العنف والعشوائيات ,, واليوم يرتبط بالآمس ويحاول التقاط ما يسمح به من مشاهد لذاك العالم المرتبط دوما بالفقر ,,,
نقلت لنا عدسات الموسم الصيفى بضعا من تلك الطقوس اليوميه لبنى العشوائيات ,, والتى وللآسف ووجهت بعاصفه من الانتقادات نظرا لما كشفت عنه من مأأسى ,, هى فى الحقيقه قشور من الحقيقه
لكن بالقطع أصحاب الزى (( السينييه )) قاطعوا وبشده تلك المشاهد والماظر المروعه ,, التى قد تؤثر بالسلب على نفسية اولئك الصغار ,,,
احدى المفارقات التى من السهل ان تجدها فى الصحف اليوميه ,, او برامجنا الليليه التى بالكاد تحاول سلخ الحقيقه الى أقل سمك ممكن حتى يتاح عرضه
فبالغت تلك الدوامات التى تختلف فى المسار وتتحد فى الهدف فى تناول قضية العنف التى اقتنصت السينما المصريه قشورا منها فى افلام الموسم الصيفى الآن
ففى اتفاق شبه كامل وعلى خلاف المنهج الذى اعتدنا عليه كل صيف ,, رأينا العديد من الفنانين و النقاد و ذوى الحق من الطبقه المتوسطه فما فوق ,, رايناهم جميعا قد اتفقوا على استنكار واستهجان بل ومقاطعة فيلم مثل ابراهيم الابيض نظرا لكم العنف الموجود فى السياق الدرامى للعمل
لست مع منع عرض السلوك السيئ كما انى لست ضد تقوية الدفه فى مسار السلوك الحسن ,, الوجهان لعمله واحده تسمى (( الحياه ))
لا اعتقد ان ما من مصيب الا واخطأ ؟
واذا كان العلم قد قام فى تاسيسه ولايزال على العنصر المجرد المسمى بالتجربه ونقلها بعد ذلك للمحيط حتى يتاح للجميع الانتفاع منها
فعلى النقيض ينبغى عرض التجربه السيئه حتى يتاح للجميع توخى الحذر منها
اذن فأين الحق فى مقاطعة لتجربه هى بالكاد تقتطع من الواقع والحقيقه بعض (( وليس كل )) المشاهد التى يحيا بداخلها غالبية الشعب المصرى
ان من يمسك بقلمه ليخط وهما فليحيا اينما وجد قلمه ,,,, لكن ان تحيا فى مجتمع وتمسك بقلمك فلا رؤيه لك سوى ما يجاورك من واقع تلمسه وان لم تكن بالقرب منه
وعلى هذا جاء فيلم كأبراهيم الآبيض ,,, ليعلن انه قد اقترب من الواقع حتى لو كان هذا الاقتراب على استحياء نظرا لصعوبة عرض الحقيقه كامله
تعجبت كثيرا وانا اتابع هذا المعد فى برنامجه وذاك المذيع فى حواره وفصيل من الكتاب قد تخلوا عن مصداقية الطرح لديهم وتناسوا ان عبقرية العالميه تتدفق من مصداقيتك مع الواقع
فجالوا وصالوا منددين بموجة العنف التى اجتاحت أفلام الصيف ,,
كلمات عندما تصل الى مسامع اناس هم بالاكيد يشاهدون يوميا ما يفوق هذا ويتعايشون مع احداث هى فى الآخير لن يسمح بعرضها على شاشات السينما
فكيف بعد هذا ويطل علينا أصحاب الكلمات (( السمينه )) ليعلنوا ان شيئا من هذا لم يحدث
ان نتقبل ممارسات السياسه ,, فهذا امر مقبول الى حد ما وقد يحدث فى الكثير من دول العالم وأخرهم ضرب العراق بناءا على مسرحيه هذليه سميت بــ (( المشروع النووى العراقى ))
لكن ان يصبح الآديب والكاتب مشاركا فى تعتيم الواقع ليفاجأ أصحاب الزى الــ (( used )) بأن أخر أمل لهم قد ينكر واقعهم اذا ما تأثرت مصالحه ومكاسبه
نعم هو ذاك الشارع ,, هى تلك الآحداث ,, لكن المختلف ان ماتراه فى السينما كان دائما جزء من الحقيقه
وهنا أتساءل ,,,,,,
عندما كانت تطالعنا تقارير البيت الابيض عن الحرب الآخيره على قطاع غزه ,, كنا نستشيط غضبا من هذا التعتيم وهذا التضليل الاعلامى بالرغم من ان الحقيقه واضحه جليه
الا يمكن ان نشعر به الآن فى ظل واقع يراه الملايين وينكره المئات
انها الطبقه المهمشه ,, فهى ليست بفقيره ولا ثريه ولا يمكن وضع أساس لحالتها الاقتصاديه ,, فالجريمه فى الغالب قد تسيطر على الوضع الاقتصادى فيها ,, وهذا ما جاء فى سياق فيلم (( ابراهيم الابيض ))
الا ان الظلم الحادث فى تلك المناطق والذى استفز مشاعر الآخوه (( مرهفى الاحساس )) هو فى النهايه نتيجه لظلم أفدح منه قد وقع على هؤلاء البشر منذ طرقهم لأبواب الحياه
اذا كانت تلك الصوره المشوشه فى (( ابراهيم الابيض )) قد استثارت طبقة (( مرهفى الآحساس )) فالعقل يقول ,, اذا كانت تلك الحياه واقعه بالفعل وتلك الآحداث قد أصبحت بهذا القرب ,, فأين ذاك اليوم الذى قد يفيض بـ (( تسونامى العشوائيات ))
بداية الحل لآى مشكله هى الآعتراف بالمشكله ذاتها

انما ان نتبرأ من مشكله تتفاقم يوميا فهاذ احرى باتساع نطاق ضررها ليس فقط على سكان العشوائيات ولكن فى الآخير المجتمع كله سيكون فى بؤرة ضرر تلك الموجه من العنف

لكن دعونى اطرح سؤالا ,, ماذا لو

ماذا لو ,, شاهدنا اليلم او الآفلام وتعجبنا من طريقة تفاعلنا مع المجتمع ,, وكيف يتسنى لنا العيش فى ظل تلك الظروف المأساويه التى يحيا فيها اولئك البشر المنتمين معا فى نفس الوطن ؟

ما هذا الجمود الذى اعترى العلاقه بين من بداخل (( الآسوار )) ومن يقف مشاهدا لها من الخارج

هم يتناحرون ,,, يتشاجرون ,, يتزاحمون ,,, لكن فى النهايه ... اذا كان اليوم يشهد مسافه بين هذا وذاك ,, فمن يعلم غدا ماذا يحمل بين طياته لمن بداخل (( الآسوار ))

تعلمنا ان امراض المجتمع وان كانت خاصه بشريحه او طائفه معينه فهى بالآكيد ستنتشر فى ربوع المجتمع ككل ,, والتاريخ يحمل لنا صوره التى لاتكذب فهى واقع اصطدم به الاقدمون ,, ومن المفترض ان يراعيه الحاليين ,, ليتجنب ضرره من سيخلفنا على تلك الارض

اذا كان هنالك من يتشدق بان سينما صيف 2009 قد تغالت فى عرض العنف ,,, وانه ليس متاحا لها ان تنشر هذا (( الغسيل )) على م{اى ومسمع ممن حولنا

فكان الاحرى بهم ان يشاهدوه هم ,, كل فى موقعه ,, وكل حسب ما يستطيع بذله من اجل هؤلاء ,, قبل ان يصبحوا عارا يستنكره هذا وذاك

أتعجب من قبول (( انقاذ الجندى رايان )) بما حمله من مشاهد هى اكثر دمويه من مثيلاتها فى السينما المصريه ,, من اشلاء تطاير ,, وأعضاء تتناثر ,, وقتل بدون هواده

هل لآنها حرب ,,, ؟

انا من مؤيدى عرض مثل تلك المشاهد فهى قد تقود الى مجتمع ينبذ العنف ,, ومن يشاهد الآفلام التى تناولت الحروب يجد ان مغزاها يتلخص فى عرض كم الخسائر التى تلحق بالطرفين ,, وكيف لنا جميعا ان نصل الى السلام لتجنب ويلات الحروب

كنت أنتظر ان يقابل عرض الواقع المصرى بشئ من الاهتمام ,, فاذا كنتم لاتشاهدوه,, فاجعلونا نعرضه لكم

أتذكر حين مره كنت أركب بصحبة اخوه من ليبيا ,, وللصدفه اضطررنا ان نغير مسار الرحله من الاسكندريه الى القاهره ,, بدلا من الصحراوى ,, نتخذ الزراعى ,, وهالنى ما سمعته

لا اجزم بأن الجميع لديه معلومات عن مدن ومراكز مصر ,, لكن بالقطع تبقى ه8نالك من المدن التى حمل التاريخ اسمها نتيجة بطولات قام بها أصحابها ,, مثل بورسعيد او الاسماعيليه او السويس او رشيد ,, وغيرها من المدن المصريه

وتلك المدينه التى مررنا بها فى طريقنا تسمى (( زفتى )) قديما تصدى اهلها للمحتل الانجليزى واوقفوا زحفه ,, وتنامت الى أذهانهم فكرة التحرر ,, فقرروا الاستقلال بمدينتهم عن ذاك المحتل البغيض ,, واسموها حينذاك بــ (( جمهورية زفتى ))

الان حين تمر بشوارع تلك المدينه لن تصدق ,, كما حدث من الآخوه الليبيين ,, فهم قد اعتقدوا انها عشوائيات ,,, وصدمت بتلك النظره ,, اذا كانت تلك مدينه ولها هذا التاريخ ,, وتصنف على انها عشوائيات ,, فما بالك بالعشوائيات نفسها

اذا كان هنالك من عدل فالعدل يعم على الجميع بينما الظلم قد استأثر لنفسه بتلك الشريحه من الناس

هم الغالبيه فى الكوارث وهم القله النادره فى الاضواء ,,,,

هل واقعه المأساوى لا يستحق حتى ان نشاهده ولو على سبيل الاطلاع

واذا كان الادعاء بان مشاهد العنف قد تجاوزت الحقيقه ,, فهاهى الحقيقه من الشارع التى لم يستطيع الفيلم ولا أى فيلم أن يعرضها

أرجو من أصحاب المشاعر (( الناعمه )) بألا يشاهدوا ما سيأتى من مقاطع ,, فهى جزء مما يحدث لكن بعيدا عن سيناريو السيناريست ,, الواقع تحت سطوة الرقيب

لنبدأ بمقوله تداركتها فى فيلم (( ابراهيم الآبيض )) صدقها المخرج بالفعل ,,, حينما حاول مرارا وتكرارا غرس المعنى القائل بعدم اللجوء الى القتل ,,,فالفيلم لم يتعرض لعنف القتل ,, بالرغم من سقوط قتلى فيه ,, لكن فى الاخير القتل الذى اعتمده الفليم قد يكون مألوفا نظرا لخطورة تجاره مثل المخدرات ,, وما يشهده اى فيلم يروى احداث تلك الطائفه ,,

لكن مشهد الذبح فى الشارع وامام الماره ,, هو من العنف الذى يشهده الواقع وبكثره اذا كانت الآطراف عائلات وليس اشخاص

ان احكام الاعدام التى تتوالى فى محاكمنا المصريه هى التى تعبر وبصدق عن تيار العنف الذى يشهده الشارع المصرى والذى قد يتطور ان لم يكن هنالك معالجه موضوعيه للآسباب التى تخلق مثل هذا التيار

دعونى أعرض لكم بعض المشاهد التى استطعت الحصول عليها من خلال ال (( youtube )) وهى من الشارع بدون مونتاج او رتوش او مقص الرقيب

هى تعكس العنف الذى رفضه النقاد و أصحاب الياقات البيضاء ,,,

فنجعل الشارع يعبر عن نفسه ,, واعاود التحذير ان المشاهد مؤثره وأكثر دمويه من (( ابراهيم الابيض ))

وطبعا مش حوصيكم تقفلوا الصوت ,, لان عشوائيات السينما مش بتعر ض الآلفاظ الموجوده فى الشارع ,, انما الشارع فيه بلاوى

المشهد الآول لشخص يذبح فى وضح النهار امام مرأى ومسمع من الناس وقاتله يقف الى جواره يدخن السجائر (( حدثت فى ابو سليمان بالآسكندريه ))

[youtube]المشهد الثانى لثلاثه يتناوبون على ضرب فتى بالمطاوى فى وضح النهار (( الواد اخر ما زهق ادارى تحت العربيه بس حيروح فين الغلبان ))

[youtube]المقطع الثالث ,, لخناقه فى العشوائيات مش زى الىل عرضها الفليم لان هنا الضرب حقيقى وبيموت ,, فى الفيلم كان بيعور بس ,, طبعا اللى بيتخانق بسلاح بيقولك (( لو مش موته حيموتنى هو )) شوفوا الراجل والعيال الصغيره وهى ليها دور >>>> بيقولوا انها فى امبابه

[DO3AA]

العنف دا بقى سمة اساسية للناس
صحيح العنف موجود لكن الافلام يمكن عملت صدمة وفعلا مش بنصدق اللى فى بعضها يعنى معقول دا موجود والعنف جامد اوى بالشكل ده؟
يمكن العشوائيات منتشر فيها العنف علشان اللى ساكنين فيها تقريبا معدمين
مش عارفه ايه سبب العنف بصراحة..لكن الاعلام بيهئ لنا ان المخرجين او المؤلفين عايزين يعملوا فرقعة وخلاص
اوك مصدقين ان فى عنف بس انا عن نفسى مش ببقى متخيلة انه بالكم ده
فيلم ابراهيم الابيض المشهد اللى فيه خناقة احمد السقا..بصراحة يرعب كل ما اجى اغمض عينى اقول لا عايزه اشوف ايه بيحصل فى الاماكن دى
حاجه مش معقولة
الاعلام بدل ما يركز على المشكلة ويحاول يشوف حل والمسئولين يتحركوا شوية(والمفروض ان ده دور الاعلام اصلا بيكشف المشكلة وبعدين يدور على حلول)لا هاجم اللى عرضوا المشكلة اصلا وقالوا انها السينما السوداء لانها بدأت تعرفنا بحاجات مكناش نعرف عنها حاجه ولا كان ممكن نتخيلها اصلا وبتعرضها بصورة مش مفروض ان الناس تشوفها
الفيديو اللى حضرتك عرضتوا..مش متخيلة ازاى واحد يموت واحد كده وواقف هادى وكمان بيدخن
ايه اللى وصله لكده ..لدرجة انه يقتل وميبقاش فارق معاه
والناس بتتفرج!!هو حاجه عادية يعنى مشهد متعودين عليه محدش فيهم بيعمل حاجه
ايه اللى وصل الناس للحالة دى؟
واللى بيقتلوا الولد ..هوه القتل بقى سهل اوى كده؟
مش لاقيه اى كلام ممكن يتقال ولا حتى حل
الكلام فى الموضوع ده كتر سواء فى البرامج او الصحف
لكن كل ما بيزيد ..بتزيد معاه موجه معارضة ليه او لطريقة عرضه
المشكلة ما اخدتش الاهتمام الكافى دا اذا كان فى اهتمام اصلا
وزى ما حضرتك قلت المشكلة دى هتتفاقم واثرها هيبقى علينا كلنا
موضوع جميل جدا اتكلمت فيه عن مشكلة بتزيد يوم عن يوم ومدعم بمقاطع فيديو مش عارفة اوصفها لانها عنيفة ومفزعة(مشوفتهاش كلها)
دمت بخير
بارك الله فيك
وجزاك الله خيرا

[SiLver Spectra]

الناس دي المفروض تاخد إعدام

يخربيت الجنون


كنت لسه راجع من فيلم طير إنت و مزاجي عال

بعد الموضوع بصراحه باقيت في قمة الإستياء


واضح إن فيلم إبراهيم الأبيض مأثر فيك جامد ...مش أول مره تذكر إسمه
^^

أغلب الناس إلي باخد رايهم في الفيلم قالوا إنه فيلم وحش و دموي

شخصيا كنت بدافع عن الفيلم...مش عشان بس بيجسد الواقع

لكن المفروض أنا داخل الفيلم و متوقع إلي هشوفه

و عارف مثلا إن الفيلم من نوع الجريمة و فيلم دموي

ما آجيش و أقارنه بفيلم كوميدي


لكن عامة الناس بتدخل الفيلم عشان تضحك على أي هبل

زي هبل محمد سعد!!


دي من جهة

لكن من جهة تانية

الافلام دي هل بتحل مشكلة؟

و لا عبارة عن تشويه للسمعة فقط

يعني إيه المكسب منها غير الإرادات؟

هل فعلا في مكسب من عرضها؟

ممكن فعلا تسيب اثر للوعي لناس معينه

و ممكن تشجع ناس تانيه لما يشوفوا أحمد السقا بطل الفيلم بلطجي



الافلام دي بتتنشر لكل العالم

يعني البلطجة و العشوائيات قضية كلنا عارفينها كمصريين أو كتير مننا و عارفين البلاوي إلي فيها



هل في دول تانيه غير مصر بتنشر غسيلها في الصحف و الجرايد و الأفلام ؟

أو خلينا نقول دول عربية

أغلبهم بتكتموا على كل الجرايم

دا حتى الافلام الأمريكاني أغلبها بيظهر فيها الأمريكي هو البطل الشجاع العادل الطيب

في حين الافلام و الإعلانات المصرية بيطلع فيها المصري أهبل و عبيط و بلطجي

من سنيتن كانت صحيفة الدستور نشرة مقاله عجبتني

كان في شركة أدوية سعودية عملت نسختين لإعلان عن منتج معين مش هقدر أوصفهولك هنا

النسخة السعودية للإعلان كانت محترمة

أما النسخة المصرية .......




في دول غنية و بيحصل عندها أبشع الجرايم

و فين لما يتسرب فيديو تعذيب عن طريق الخطأ و يوصل للجنة حقوق الإنسان و يتنشر على قناة أجنبية

زي الفيديو دا



يعني مش شرط يكون السبب في الفقر

الفقر بيكون دافع للجريمة فعلا في حالة كان الشخص مريض

يعني عمر ما يكون إنسان طبيعي و فقير و يقلب بلطجي!!



المهم....أنا دلوقتي مش بيضايقني إثارة القضية

إلي بيضايقني إن بعض الأخوة بتقارن

يعني يشوف عمرو أديب بيتكلم و ال10 مساءا بتتكلم و بتجيب جرايم و فضايح و 90 دقيقة و البيت بيتك و غيره

فيجي و يقولك شوف مصر...شوف البلد بتاعتهم مخروبة إزاي!!

دا إلي فعلا يضايق


إن واحد يبقى عايش في دولة متكتمة و يفكر إن بلده خالية من الجرايم و يقارنها ببلد فيها درجة كبيره من الحرية الإعلامية

دا إلي بيخلي ناس كتير تنتقد الفيلم و تعتبره تشويه للسمعة و للبلد

و بصراحة ليهم حق لما الفيلم دا يعرض في كل البلدان

لأنك هنا بتخرج من دائرة المحلي و نطاق دولتك

لو هي مقالة في جريدة أو تقرير إعلامي...ماشي

لكن يبقى فيلم و يعرض في الدول

كل إلي هيخرج من الفيلم هيستاء من الشعب المصري ككل

إذا كنت أنا خرجت من الفيلم مستاء من فئة العشوائيات

فطالما الدول متكتمة يبقى من واجبي أتكتم أنا كمان

إذا كانت دي سياسة أكبر الدول إلي بتدعي بالحرية

و لا أطلع أنا المسخره و إلي باخد على أفايا وسطهم!!


المفروض لما أحب اثير القضايا دي أثيرها في نطاق محلي

سواء إتخذوا قرار أو ما عملوش حاجه

لكن نشر الغسيل في الافلام أنا هبقى معاه لما الاقي دول تانية بتنشر غسيلها فيه بنفس درجة المصداقية


فأنا بصراحة متردد مابين....

تأييد حق نشر القضية بإعتباره تسليط الضوء على العشوائيات لحلها

و بين رفض عرضها في الدول و القنوات بإعتباره تشويه لسمعة المصري و للبلد أكثر من ما هي متشوهة

ممكن تسميه حب للبلد....




لو جيت تدور على جذور المشكلة

أو ايه إلي بإيد الحكومة تعمله

nothing

إذا كانت العيال في المدرسة بتخرج و معاها مطاوي و سرنجه

ثقافة الفتونة ....مربوطه بثقافة الشتيمة

إذا كان السب بقى هزار

يا ابن الكذا و الكذا....

فطبيعي الفتونة تبقى ظاهره بيفتخر بيها ناس معينه من أصحاب العقول المريضه


و تحط معاها شوية جهل و فقر....و يبقى بلطجي (فول أوبشينز)

و في الآخر يطلع شيخ و يقولك الأجانب ما عندهومش أخلاق!!!!!!!


مشكلة مالهاش أي حل غير إن الناس دي تتثقف شوية و تبقى أكثر مسوؤلية

طب إزاي إذا كانت الأجيال بتتربى في العشوائيات ...

طبيعي العيال الصغيره دي لما بتكبر بتطلع زي الكبار ( أو خلينا نقول زي العيال الكبيرة لأن دول تفكيرهم لا يختلف عن تفكير الأطفال)


يعني من الآخر الحل في مستعمرة المسمسمين الخيالية بتاعتي
^^


موضوع هايل يا سيد

بس الفيديوهات صعبة فعلا....إذا كنت أنا شخصيا أثرت فيه و على مزاجي

لكن اسلوب الكتابة عالي ...كأنها مقالة في المصري اليوم


تحياتي...

[yasmine refat]

اقتباسالمشاركة الأصلية كتبت بواسطة قلم بلا حبر

انما ان نتبرأ من مشكله تتفاقم يوميا فهاذ احرى باتساع نطاق ضررها ليس فقط على سكان العشوائيات ولكن فى الآخير المجتمع كله سيكون فى بؤرة ضرر تلك الموجه من العنف

كلاااااااااااام جميل جدااااااااااا طبعا

المشكلة عمرها ماهتتحل إلا أما تبان على السطح

لازم نواجه المشاكل ونبينها علشان نقدر نحلها

مش نمشي زي النعام حطين رسنا في الأرض

ولعلمك النعام ده بيكون عارف إن الحولي عارفه مشاكله

مفيش حاجه بتستخبى

كل حاجه بتبدأ صغيرة بعدين بتكبر

والي بيخلي ديما في موقف هجومي

أنا مع نشر الغسيل مدام بطريقة محترمة وهدفها معلجة مشكلة مش أشهار وفضح بس

والدول المخبية فيها أماكن أخس من عشوئيات مصر

خوفهم على الصورة مانع من حلها

مفيش مانع أني أبين مشاكلي وأوضح الحال الي أنا في علشان الناس تتحرك

بس مش لازم أبالغ وأركز على النقطة دي

مع الأفلام طبعا لكن مش مع المبالغة فيها والبهارات الكتير الي بتتحطلها

لأني زي مافي ناس بتتفرج علشان تفوق

في ناس بتتعلم منها طريقة جديدة للجريمة

أعرض القضية أوصلها بس بطريقة محترمة وفي نفس الوقت أظهر أيجابيات

لأن الموضوع ده لي تأثير كبير على صورتنا

مش مثلا أما تتعرف المرأة المصرية إنها رقاصة

والشعب تافه وهمجي

وتبقى دي الصورة الي عند الناس بس

شكرااااااا على موضوعك وأستفزني بدرجه كبيره حتى أني مش عارفه أكتب

أهلا بيك في القسم تاني ياسيد

أختك

[Mo chahin]

الكلام كبير اوى هنا
اولا حبيت اشكرك جدا يا قلم على موضوعك المثير للجدل فعلا
ثانيا
ليا عوده بأذن الله للتفاعل مع القضيه

[قلم بلا حبر]

اقتباسالمشاركة الأصلية كتبت بواسطة DO3AAالعنف دا بقى سمة اساسية للناس
صحيح العنف موجود لكن الافلام يمكن عملت صدمة وفعلا مش بنصدق اللى فى بعضها يعنى معقول دا موجود والعنف جامد اوى بالشكل ده؟
يمكن العشوائيات منتشر فيها العنف علشان اللى ساكنين فيها تقريبا معدمين
مش عارفه ايه سبب العنف بصراحة..لكن الاعلام بيهئ لنا ان المخرجين او المؤلفين عايزين يعملوا فرقعة وخلاص
اوك مصدقين ان فى عنف بس انا عن نفسى مش ببقى متخيلة انه بالكم ده
فيلم ابراهيم الابيض المشهد اللى فيه خناقة احمد السقا..بصراحة يرعب كل ما اجى اغمض عينى اقول لا عايزه اشوف ايه بيحصل فى الاماكن دى
حاجه مش معقولة
الاعلام بدل ما يركز على المشكلة ويحاول يشوف حل والمسئولين يتحركوا شوية(والمفروض ان ده دور الاعلام اصلا بيكشف المشكلة وبعدين يدور على حلول)لا هاجم اللى عرضوا المشكلة اصلا وقالوا انها السينما السوداء لانها بدأت تعرفنا بحاجات مكناش نعرف عنها حاجه ولا كان ممكن نتخيلها اصلا وبتعرضها بصورة مش مفروض ان الناس تشوفها
الفيديو اللى حضرتك عرضتوا..مش متخيلة ازاى واحد يموت واحد كده وواقف هادى وكمان بيدخن
ايه اللى وصله لكده ..لدرجة انه يقتل وميبقاش فارق معاه
والناس بتتفرج!!هو حاجه عادية يعنى مشهد متعودين عليه محدش فيهم بيعمل حاجه
ايه اللى وصل الناس للحالة دى؟

الخوف من بكره يا دعاء

واللى بيقتلوا الولد ..هوه القتل بقى سهل اوى كده؟
مش لاقيه اى كلام ممكن يتقال ولا حتى حل
الكلام فى الموضوع ده كتر سواء فى البرامج او الصحف
لكن كل ما بيزيد ..بتزيد معاه موجه معارضة ليه او لطريقة عرضه
المشكلة ما اخدتش الاهتمام الكافى دا اذا كان فى اهتمام اصلا
وزى ما حضرتك قلت المشكلة دى هتتفاقم واثرها هيبقى علينا كلنا
موضوع جميل جدا اتكلمت فيه عن مشكلة بتزيد يوم عن يوم ومدعم بمقاطع فيديو مش عارفة اوصفها لانها عنيفة ومفزعة(مشوفتهاش كلها)
دمت بخير
بارك الله فيك
وجزاك الله خيرا

واضح انك اتأثرتى يا دعاء مع انك بتقولى انك مش كملتى الماقطع

امال لو افترضنا ان بلكونتك هى نفس البلكونه اللى اتصور منها واحد من المقاطع دى ,, كنتى حتعملى ايه ؟

حقولك أنا ,,,

من صغرك كنت حتتعودى تسمعى شتيمه ,, كنتى حتشوفى واحد بيعور واحد ,, اكيد انتى نفسك كنتى ممكن تدخلى فى مشاكل مع اصحابك ,,, يعنى بمعنى اوضح كنتى حتكونى واخده مصل ضد العنف

الكيل بمكياليين الىل بنتهم بيه الغرب

هو نفسه اللى بنتعامل بيه فى نطاقنا كمجتمع واحد

فى طبقه عايشه فى الضلمه ,, والطبقه التانيه مش قادره تتفرج على الضلمه دى ,,,

واللى اعرفه كويس ,, ان اللى يوافق على الظلم يبئى مشارك فيه ,,,,

اذا كان اكتر من نص الشعب المصرى بئى غسيل وسخ المفروض منعرضوش ,, يبئى المفروض الاعلام يتغير اسمه ,, من الاعلام المصرى الى اعلام الساحل الشمالى

دى مصر ,, كلها على بعضها مصر ,,, زى ما فى كويس فى وحش ,,, حنقول حريه وغيرها ,, ليبئى لازم نعرف ان مفيش حاجه فى الحريه اسمها غسيل وسخ

بدليل ان واحد زى بيرلسكونى رئيس وزراء ايطاليا ,, بيمتلك اكبر قنوات اباحيه فى ايطاليا ,,, بدليل فضيحة ووتر جيت فى البيت الابيض ,, وبعدها مونيكا ,,,

الفرق بين غسيلنا الوسخ وغسيلهم الوسخ ,,,

ان غسيلهم فيه بقع

انما غسيلنا كله زفت ,, عايز بنزين علشان يطلع ,, او نولع فيه ونخلص ,,,

مشكوره على مرورك المميز يا دعاء ,,,

تحياااااااااااااااااااااااااتى"""""""""""

[BANOTA COOL]

يسلموا العنف بقى حاجة وحشة اوى

[.. בٓـيــًـًـًآءْ . .]

الاول
نورت بعودتك مره ثانيهـ بالقسم
ثانيا
بصراحه الموضوع الى عارضه
من اسوء المواضيع والمشاكل الى فى مصر
بصراحه الفيديوهات افظع ما يمكن
بالذات اول فيديو
انا بصراحه من الموقف
قعدت ابص اتاكد ان الى فى الارض
انسان مش حاجه تانيه
وماشاء اللهـ
على الناس واقفين بمنتى الهدوء
ولا اكن دى روح وانسان مدبوح قدامهم
ولا الاكبر الى دبحه
واقف هادى خالص وبيتكلم الناس
ولا اكنهـ عمل اى حاجه
بس اقولك الغلط مش عليهم
دول ناس اتولدوا واتربوا على كده
على خناقات وعركات
حتى اهلهم كانوا كده
االناس دى اول حاجه شافوا هى الدم
واول حاجه مسكوها كانت الهـ حاده

يبقى عايزهم فى الاخر مصيرهم ايهـ
غير كده
حيطلعوا داكتره مثلا ؟!
اكيد لا
حتى الاطفال الى واقفين بيتفرجوا
عليه عادى جداا
انا شفت المشهد دا قبل كده
بس مش كان انسان الى فى الارض
كان خروف ومدبوح فى عيد الاضحى !
انا مش بدافع عنهم
طبعا مليون فى الميه
ان دا غلط
والعنف عمره ما كان وسيلهـ
بس تقول لمين كده
لناس عايشهـ
طول حياتها فى جهل وتخلف
ولا حيفهموا حاجهـ من الى حتقولها
ولا فيديو التانى االى فيه
عشرين انسان على شخص واحد
الناس بردوا واقفه بتتفرج ولا حد قدر
يحوش عنه ولا حتى يطلبوا البوليس
لانهم خايفوا يكونوا فى مكانه
هما قادوا الشارع بالبطجيه
واسلوب العصايه
ولقوا الى يبقوا مستسلمين لموقفهم دا
ومش لقوا حتى حد واحد بيقولهم بيتعملوا ايه
يبقى ليه مش يبقوا كدهـ
ايه الى حيمنعهم
نيجى بقى لاعلمنا الهداف
الى صوته ليه صدى :sly:
ماشاء الله عليهم
أول ناس ينشروا
فضايح بلادنا
واضح فى كلامكـ ان فيلم ابراهيم الابيض
ماثر جدا
وماثر علياا انا شخصيا
بس انا مش معترضه انه يتعرض
بس عرضه دا
يتجزء منه حاجتين
الاولى :
ان الاول حيعلم
ناس فى العشوائيات
الحب اكثر فى اسلوب العصايه
وانا لو عملت كده ابقى بطل
ومحدش حيعرف يكلمنى ..! :dunno:
الثانيه:
انه بين لكل الناس ان المصريين
ناس هجاميه جاهلهـ
مش يعرفوا غير انهم يمسكوا اسلحه
بيضا وبس
طبعا دا مش صح
الهدف من عرض الفيلم
انه يكسب ايرادات عليا
وانه يعجب الناس
بس بردوا نبص للمنظرو الايجابى
دور كده معايا
مفيش ؟!
يمكن تكون هدف لحل المشكله
فى مصر عموما
يمكن حد مسئول يشوفهـ
ويوجد حل للمشكلهـ
بردوا بعيده ..!
بس اقولك على حاجه
الفيلم دا بردوا عمل حاجه
خلاك تفكر انك تكتب موضوع
عن العنف وخلانا كمان
نفكر ونشوف ايه الى وصلنا كده
تقدر تقولى لو انت مش شفت الفيلم دا
واتاثرت بيه
كنت كتبت او حتى فكرت فى الموضوع دا ؟:no:
طيب ننسى الفيلم شويه
ونخلينا فى موضوعنا
العنف بقى سمه
فى دم كل مصرى فى اى عشوائيات
حتاخد حقك ازاى لو مش كنت تعرف تضرب
او تتخانق
حيقولوا عليكـ انكـ
سورى اهبل لو خليك حد يضربك
وانت واقف ساكت
انا بشوف فى الشارع
وبسمع ام بتقول للابنها
الى يضربكـ اضربه حتى لو عورته مش مهم

طب دا كلام يتقال لطفل صغير
ولا الاحلى يخلوه يتعلم ازاى يمسك سكينه
حاجه مفرحهـ اوى
طب كفايه كدهـ
احسن حنتوه بعيد عن الموضوع الاساسى :Argentina-flag:
معلش انا طولت فى الكلام
بس الموضوع مستفز اوى
مرسى ليكـ يا سيد
وتقبل مررورى

[حنـــــون]

موضوع صعب اوى بصراحه وفى كلام كتير جدا

ووجهات نظر هتكون مختلفه يعنى مثلا اناشايفه

ان الافلام الى زى فيلم ابراهيم الابيض افلام لا بتفيد

ولا اى حاجه بالعكس انا راى انها بضر اكتر يعنى لما

يبقى عندنا مشاكل زى الى موجوده فى الفيلم وبنعرضها

ماحدش هيشوف الفيلم من الفئه الى بيكلم عنها يعنى الناس الى

عايشه فى العشوئيات مش هتروح تتفرج على نفسها ولا هتهتم ولكن الى

هيتفرج اطفال واسره عادين يعنى هنعلم اطفال تانيه كل الكلام والاسلوب الى

موجودين فى الفيلم ومشكله العنف مش هتتحل بفليم ولا برنامج دى مشكله موجوده

فى كل مكان مش فى مصر مثلا اوى فى الدول العربيه بس لكن اننا يبقى السائد فى حياتنا

هو العنف نشوفوا فى الشارع وفى التلفزيون ونروح السينما كمان نشوفوا كده هتبقى الحياه

سوده جدااااااااااا المفروض بئه اننا نحاول نحلها نشوف ايه الواجب علينا تجاه الناس دى

ومش يبقى كلام فى فيلم ولا مسلسل او حوار ساخن جداااا وفى النهايه مش بنخرج بتيجه

وكل واحد بيرجع لحياتوا الطبعيه والمشكله بتفضل زى ماهى لا وكمان بتزيد المشكله ان كل انسان

مش بيعمل الى عليه ولا حد بيحاول يغير اى وضع موجود الجمله السائده( يعنى هو انا الى هغير الكون )

طوا ما دا هو مبدئنا هيفضل العنف والتخلف مالى البلد

بشكرك جداااااااااااا ااخى الكريم وبجد مش عارفه اقولك موضوع واسلوب جامدين جداااااااا

والفديوهات بجد ماقدرتش اكملها لانها صعبه جدااااااااا انا بتفرج وكنت متخيله انها اكيد دا مش حقيقى

بس للاسف حقيقى تحيااااااااااااااتى لك اختك حنون

[قلم بلا حبر]

اهلا بيك يا طارق شفت الفيديوهات يا عم ,, عنف عنف يعنى

بس تصدق بايه ,, فى اكتر من كده بكتير ,,,

اما عن قضية التعذيب اللى ظهرت فى الكليب بتاعك فالتعذيب فى الوطن العربى مش محتاج اعلام لانه واضح ,, وعنف السلطه سمه بارزه فى كل بلدانا العربيه بدون استثناء ,,,

نبعد عن التعذيب لانه فى الغالب بيكون فعل مالوش رد فعل ,, انما العنف اللى بتكلم عنه الموضوع عنف متبادل ,, يعنى زى ما قال محمود عبد العزيز (( دخلة انك ميت وانهم لميتون ))

نخلينا فى العنف

فى الغالب العنف بيرتبط بالفقر ,, وده حتى واضح جدا فى اغنى الدول كمثال امريكا ,, المناطق اللى فيها اغلبيه من أصحاب البشره السمراء ,, بتكون مناطق خطيره وفيها عنف وبتنشط فيها تجارة المخدرات ,, ودى حاجه لا انكرتها سينما هوليوود ولا حتى برامج الــ (( fbi ))

وواضح ليه المناطق دى بالذات اللى بتشهد العنف ده ,, لآن بالقطع مناطق (( الزنوج )) بتعتبر عندهم العشوائيات ,,

طبعا مقدرش أقارن بين عشوائيات مصر وعشوائيات امريكا او العشوائيات فى اوروبا

والا لو عايز تقارن ,, فيبئى تقارن انضف مناطق عندك هنا بالمناطق حتى المتوسطه اللى عندهم (( مفيش مقارنه ))

حتى مسار العنف واشكاله حتختلف من عندنا لعندهم

عندهم مثلا ,, حتلاقى فى حاجه اسمها العنف المنظم ,, بمعنى الجريمه المنظمه ,,, اللى بتسمى اصطلاحا (( المافيا ))

احنا الحمد لله موصلناش لده ,, وكلنا امل منوصلشى ليه ,, احنا العنف اللى عندنا عشوائى (( اسم على مسمى ))

الخوف كل الخوف ليستثمر العنف العشوائى فى شكل عنف منظم ويبئى عندنا حاجه جديده اسمها (( المافيا )) والىل تابع تاريخ المافيا فى ايطاليا او امريكا وموطنها هناك فى شيكاغو ,, حيفهم يعنى ايه عنف منظم ,, متوغل فى صناعة القرار ,, واحيانا بيتحدى السلطات

فنحمد ربنا اننا لسه هنا بنتكلم عن شخص بلطجى اسمه (( ابراهيم الابيض ))

واكيد برده سينما هوليوود عرضت اكتر من مره وفى اكتر من شكل سطوة المافيا على صناع القرار ,,,

السؤال هنا حتى ,, مين اللى حيقود المافيا ,, ومين حيكون العضو فيها

اللى حيقودها فى الغالب واحد كان معدم ونما وترعرع من الاجرام

والعضو اكيد حيكون من معدم وبيدور على فرصته فى عالم الاجرام ,, علشان ينمو ويترعرع

اللى عايز اوصله ,, ان عرض الغسيل الوسخ أدعى لغسله علشان نخلص من الوساخه اللى فيه ,, ده لو مسكنا قوى فى المصطلح مع ان انا ضده

لان مصر بكل فئاتها واطيافها وطبقاتها المفروض ميكونشى فيها حاجه اسمها غسيل وسخ

ومنتحججشى بموضوع الغسيل الوسخ ,, لان حتى تاريخ الاباده للسكان الاصليين (( الهنود )) ابان تاسيس الولايات المتحده الآمريكيه ,, سجلت السينما الامريكيه تاريخها ,, مع ان المفروض انه وصمة عار لو طبقنا مبدأ (( الغسيل الوسخ ))

بس للاسف نفس النغمه ,,, لو حد قال ياجماعه مصر مينفعشى فيها كذا وكذا ,, حاجه من اتنين ,, يا اما عميل يا اما عميل برده

كلنا بنحب بلدنا ,, وكلنا عايزين نشوفها جميله

بس ازاى نجملها واحنا مش شايفين فيها حاجه وحشه

فى جمله بئى يا طروق فى ردك بجد استفزتنى وانت عارف انى متابعك من اول يوم سجلت فيه وعارف طريقة تفكيرك واتفاجأت بالجمله دى

اقتباس المفروض لما أحب اثير القضايا دي أثيرها في نطاق محلي

بئى فى القرن الواحد والعشرين ,, وفى عصر العولمه والقريه الواحده ,, والنت والستالايت والـ ((gprs )) تطلع الجمله دى منك

طب ازاى اناقشها فى نطاق محلى ,,, يعنى انشرها فى الصحف بس (( مثلا ))

طيب ما الصحف ليها مواقع على النت ,, وكمان مصر مش خاليه من العملاء لو افترضنا نظرية المؤامره ,, اللى حيخليهم يتحججوا بالفيلم ممكن يتحججوا باللى فى الصحف

والا نسيت ان فى كل القنوات الاخباريه حاجه اسمها (( فقرة الصحافه ))

بلاش الصحافه نخليها على قد الوزراء وصناع القرار بس

طيب ما هى قدامهم بقالها سنين ومفيش جديد

طيب يبئى الاحسن (( يبقى الوضع على ما هو عليه وعلى المتضرر يحرق نفسه زى الىل حصل فى قلعة الكبش ))

مينفعشى ,,

مفيش حاجه اسمها نطاق محلى ,, فى حاجه محترمه اسمها شعب بيناقش قضاياه

فى حاجه اسمها سينما مصريه بقالها اكتر من 100 سنه ,, عيب قوى انها تعتم على ظروف بتمر بملايين المصريين ,, والا لما ربنا يكرمنا ونغسل غسيلنا الوسخ حنبئى نعيب على السينما المصريه ونقول انها سينما لم تعبر عن واقع وهموم المواطن المصرى

فى حاجه اسمها الوعى الفكرى المصرى ,, مش معقول يشترك فى لعبه سخيفه اسمها ,, بلاش ننشر غسيلنا الوسخ

فكرتنى بزيارة اوباما ,, لما قالوا ليه الاعلام صور الشوارع وهى بتنضف ؟

وهم نسيوا اننا دوله فى المقام الاول عندها اكتر من تلت أثار العالم يعنى فى ملايين السياح زارونا السنين اللى فاتت دى

واكيد الناس دى معاها كاميرات وكانت بتصور ,, واللى مصورشى شاف

والله ده اسمه استخفاف حتى بالعقل المصرى ,,

هو احنا لسه مفكرين اننا عايشين فى كوخ ومحدش حيحس بينا لو اتكلمنا عن مشاكلنا بوشوشه

وفى الاخير لا يقشع الظلام سوى النور

ولن يكون هنالك نور مع تضليل وكذب ونفاق ,,,

دى مشاكلنا ودى حياتنا ,, لو مستعريين منها ,, يبئى نغيرها ,, نعدلها ,,,

ليه محدش سال نفسه ,, اغلب المصريين اللى بيسافروا الخليج بيرجعوا ناس فى غاية الاحترام

نفس الاجابه حتكون هى العلاج للغسيل الوسخ بتاعنا

اعتبرها تايد بالقوه الفوريه يا طارق ,,

تعليقك جميل وردك مميز ,,, بس حكاية التعتيم وعدم نشر الغسيل الوسخ قضيه وكلام مستهلك

فى ناس عايزاها (( صم بكم عمى فهم لا يعقلون ))

مظنش ان ده يصلح مع دوله بحجم ومكانة مصر

شكرا على مرورك يا طرووووق

تحيااااااااااااااااااااااتى"""""""""