كل سنه وانتم طيبين يا شباب ويابنات

[مسلمه]

بسم الله الرحمن الرحيم

اللهم صل على محمد وعلى آله وصحبه أجمعين

السلام عليكم ورحمة الله وبركاته


رمضان قرب يا جماعه كل سنه وانتم طيبين

طبعا السؤال اللى الكل بيسأله هو ياترى حضرت لرمضان؟؟؟؟؟

طيب ليه منسألش نفسنا ونقول ياترى حضرت للقاء الله عز وجل حضرت ايه من صيام ومن صلاه ومن ايمان ومن زكاه ومن صدقه كام صدقه عملتها ياترى حضرت ايه ؟؟؟؟؟؟؟

ده سؤال بسأله لكل الاعضاء ياترى حضرت ايه للقاء الله عز وجل كل واحد يسأل نفسه ويجاوبنى؟؟؟؟


وعلى فكره انا كتبت الموضوع ده هنا علشان لو حطيته فى المنتدى الاسلامى محدش هيدخله وانا عارفه ان هنا الاعضاء بتدخل كتير فأنا بعتبره موضوع نتناقش فيه سويا

ومنتظره ردكم يا اخوانى واخواتى

اختكم مسلمه

[روميو مجنن البنات]

انا عن نفسى بحضر لسه
بجد توبيك روعه زاى صاحبتو
ويارب نشوف كل الناس كده مبسوطه فى رمضان وربنا يغفر لنا جمعيا
ثاانكس على التوبيك
ننتظر عطر قلمك

[مسلمه]

شكرا ياروميو ربنا يبارك فيك

بس مقولتلناش حضرت ايه ؟؟؟

عموما ماشى ربنا معاك ويقويك

[مسلمه]

على فكره بالنسبه ليه

الحمدلله بصلى الخمس فروض وان كنت مقصره

والحمدلله ساعات بصوم انا بقول الصراحه وربنا شاهد على كلامى

والحمدلله بقرأ القران وبحضر دروس علم فى المسجد

وربنا يقوينا ويسبتنا جميعا انشاء الله

[مسلمه]

معلش ياجماعه انا هقوم دلوقتى وبكره انشاء الله هشوف ردودكم

تصبحوا على خيرا انشاء الله

[شاعر الاقصى]

انا فيه موضوع مش عاجبني يا مسلمه

ازاي الواحد بيقرب بس لربنا في رمضان هو بقيت الشهور دي مش بتاعة ربنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Mo chahin]

والله عندك حق يا محمد
وبعدين فى تعليق على كلامك يا مسلمه
ازاى بتصومى ساعات ؟؟
ومش بتصومى ديما ؟؟

[مسلمه]

اقتباس المشاركة الأصلية كتبت بواسطة شاعر الاقصى انا فيه موضوع مش عاجبني يا مسلمه ازاي الواحد بيقرب بس لربنا في رمضان هو بقيت الشهور دي مش بتاعة ربنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فعلا عندك حق مينفعش طبعا ان الواحد يقرب لربنا فى رمضان بس رب رمضان هو رب بقيت الشهور

رمضان علشان نقرب اكتر واكتر ونغتنم الفرص اللى ربنا مديهالنا زى ليله القدر مثلا

وان رمضان اوله رحمه واوسطه مغفره واخره عتق من النار

ورمضان ربنا جعلنا فيه مغفره لذنوبنا لكن منضمنش ان احنا نعيش لرمضان كل سنه

يارب اكون قدرت اوضح ولو جزء بسيط

[مسلمه]

اقتباس المشاركة الأصلية كتبت بواسطة mr.miro والله عندك حق يا محمد وبعدين فى تعليق على كلامك يا مسلمه ازاى بتصومى ساعات ؟؟ ومش بتصومى ديما ؟؟

غير صيام رمضان طبعا

اقصد السنن زى الاتنين والخميس كده يعنى

[روميو مجنن البنات]

والله يا مسلمه انا بجد بش محضر بس محاضر احبس نفسى فى الفندق طوال رمضان لانى فى شرم ولو طلعت عرتكب معاصى كتير