البيه المشــرف

[Mo chahin]

البية المشــــــــــــــــرف








البيه المشرف..... بيحذف زي ما هو عايز ويحرر مشاركات برااحته خاااااااالص......مفكر انه مبيغلطش...ومستحيل حد يمسك عليه غلطة واحدة...











البيه المشرف ..فاكر انه علي راسي ريشة ...وعمر ما بيتمسحله مواضيع ولا يتحررله مشاركة...طبعا ما هو البيه المشرف









سعادة البيه المشرف..يلف في كل حتة في المنتدي...ويشيل اللي ميعجبهوش ويخلي اللي بيعجبه....وان حطّ عضو في دماغي....يبقي يا ويله......









ديكتاتور ودا طبعه...واللي مش عاجبه يبقي يدوق من غضبه

















السلام عليكم يا أخوننا...طبعا عنوان الموضوع يخض...والكلام اللي فوق يخض اكتر


بس بصراحة كدة وبدوووووووون مجاملة؟


عمرك انت او انتى قلت / ي الكلام ده عن مشرف/مشرفة ولو في سرك حتي؟












والله يا جماعة الحكاية مش كدة خاااااالص...ده كلنا زي بعض...عضو ولا مشرف...تفرق ايه؟


ما المشرف اللي بتقول عليه كدة كان في يوم من الايام عضو جديد ..وبدأ زي ما بدأت بمشاركة واحدة ...


يعني زيه زيك


بس هو يفرق عنّك في حاجة واحدة...انه شايل مسئولية انت مش شايلها





موضوع عايز تنسيق بينسقه...موضوع علمي أو اسلامي عايز مصدر موثوق فيه...يا بيطلب من صاحب الموضوع يجيببه يا اما بيدور هو عليه..وكل ده عشان المعلومة في الأخر توصلك جاهزة وصح وموثوق فيها







حتي يا عم لو نقلك موضوع لقسم تاني...فيها ايه يعني...ما كدة أحسن برضه...بينظم الأقسام عشان تقدر توصل للي انت عاوزه بسهولة






ولو يا سيدي حذفلك موضوع...وماله..أكيد هو شايف حاجة انت مش شايفها....مفيهاش حاجة يعني


حتقوللي اشمعني المشرف مش بيتحذفله...

لا المشرف بينحذفله برده لانه بيغلط زى ما قولت ذيه ذينا














وأخييييييييييييرا


المشرفين يا جماعة ناس زيهم... زينا يعني...وشايلين علي راسهم مسئولية والله هو المستعان







وخلي الموضوع ده فرصة اللي شايل من مشرف ولا مشرفة يقول وبصراحة
( مع الاتزام بأداب الحوار الراقي)



تحياتى

ميرو

[doiss]

السلام عليكم
7
سيترك الموضوع بأذن الله للتعبير عن مدي حرية الاعضاء في النقاش
السري او العلني .
مع مراعاة
عدم الاساءة او الاشارة لأفراد بعينهم او شخصهم
وانما طبقا لمضمون وشروط الموضوع وهو التعبير الحر الذي لا يؤذي مشاعر الاخرين او المساس بهم من بعيد او قريب
حتي لا يخرج عن سياق النقاش الهادف .
مع العلم بتكرارة الاا انة يستحق النقاش المجدي .
7
بالتوفيق للجميع .

[شاعر الاقصى]

انا بالنسبالي مش بتفرق يا مستر

انتا بتحسنه اننا في محمكه عادي جدا جدا

المشرف لو حذف موضوع اكيد لصالح منتدانا ده ولا رايك ايه ؟؟؟

بس مشرف من عضو من اداره كلنا عائله نسعى من اجل تقدم المنتدى

وشكرا لك

وموضوع فعلا مميذ عشان الاعضاء بس يأخذوا فكره سهله

والسلام عليكم ورحمة الله وبركاته


وصباحكم سعيد باذن الله المولى

[Mo chahin]

شكرا يا سيدى ليك ولمرورك الكريم

[Mo chahin]

والله يا محمد فى ناس مبتفكرش ذيك
فا عايزين نعرف آراء الناس هنا
وفى الاخر هقول رأيى بدون مجامله وبكل صراحه
وشكرا ليك يا محمد يا فنان

[حروف مبعثره]

لا الحمد لله مبحطش فى دماغى لانه اكيد فى حاجه غلط لو اتحذفت عااادى
وبالنسبه حد حاططنى فى دماغه بردو مبيفرقش انا بمواضيعى موجوده وهو اذا كان فى شئ مخالف بيحذفه غير كده خلاص
بس انا مالى اى عدواه مع حد الحمد لله

[Şenyorita ®]

والله يا جماعة المشرفة زي اي واحدة عادية
وبيتحذفلها مواضيع برضه كتيرررررررررر >> بلاش فضايح
بس زي ماقولت اتوثق فينا و حملونا شوية مسئولية
وبس
تقبل مروري

[Mo chahin]

شكرا ليكى سوليداد
ومتشكر ليكى يا كول وربنا يكون فى عونك

[Transporter]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين


المشرف هو نجم الكواليس الذى يعمل بهدوء تام وبشفافيه مطلقه ويحترم ويقدر المسئولية التى اوكلت اليه ويجب ان يتفانى باخلاص فهى مهمة تقوم على التفانى والاخلاق المحافظة على قسمه طبقا للقوانين الموضوعة ولابد ان يتمتع بحس قيادى وثقافه عاليه خاصة فى القسم الذى يتولى عليه الاشراف ليكون اهلا للرد بكافة مستويات الاعضاء التى تطرح المواضيع فى قسمه ولا بد ان يستخدم ادوات الاشراف الفعالة والجيدة واللينة وهى المراقبه والمتابعة والتخفز والاصلاح والتحسين والتطوير المستمر فى العمل الموكل اليه بكل امانه مراعيا اولا الله فى عمله وعدم مجاملة الجنسية او الجنس او الصديق او ما غير ذلك فاذا كان كذلك فالجميع يجبر على احترامه ويقدر مكانته ومسئوليته وواجب المشرف تجاه قسمه وباقي الاقسام الاخرى هو نفس واجب اي عضو عادي بالمنتدى تجاهها لا اكثر من ذلك

[BANOTA COOL]

عندك حق كلو بيغلط
ويا جماعة موضوعك بيتنقل لقسم المواضيع المكررة والمشابهه انا حاسة ان القسم دا اتعمل مخصوص علشانى انا دا القسم كلة فى مواضيعى انا بس دا انا بيتحذفلى مواضيع يا جدع وافضل اجيب من هنا ومن هنا واشوف الى ناقص واعمل وفى الاخر بعد دة كلة بيتحذف
بس دة لصالح المنتدى وعلشان الحاجة برضو متتررش كتير دة حرام المنتدى والادارة والاعضاء الله يكون فى عونهم انهم مستحملين كل الاعضاء دول بعدين المنتدى مليان ناس والمشرفين حبة قليلين يعنى المفروض نعزرهم

ومعلش علشان طولت

يسلموا على الطرح المميز