البيه المشــرف

[همس ايمان]

بسم الله الرحمن الرحيم


عشان اكون صريحة كنت الاول بقول فيه هما مستقصدنى ليه وبشيل فى نفسى شوية بس مع الوقت واللى بشوفه فى المنتدى ده ربنا يعينهم بيتعبوا جدا جدا وفعلا مسئوليتهم كبيرة جدا بينسقوا الموضوع ويشيلوا المكرر ومفيش موضوع الا ومشرف او مراقب بيرد عليه ووينقلوا فى المكان المناسب له حاجات كتير كمان احنا يمكن مش عارفنها انا اسفة انى صريحة بس ده كل فى الاول قبل ما اعرف المعاناة اللى هما فيها

بجد انا بشكرهم كلهم على جمال المنتدى وذوقه وتنسيقه وروعة اعضائه ومشرفيه وجمال ردودهم ومشاركاتهم

[marwoo]

لا على فكره انا شايفه ان مفيش اى فرق عادى جدا المشرف زى العضو يمكن العضو مرتاح اكتر ولو الموضوع مكرر واتحذف ده شئ عادى وطبيعى بس انا عندى سؤال واحد حيجننى المفروض لما تحب تنزل موضوع تعمل بحث الاول عن الموضوع المفروض لو مكرر بيبان بس برده احيانا مش بيبان ويطلع مكرر طيب تعرف ازاى بقى ؟؟؟؟؟؟؟؟؟؟؟

[Transporter]

بسم الله الرحمن الرحيم
السلام عليكم ورحمة الله وبركاته



ايه يا ميرو الناس كلها قالت رائيها وانت فين رايك يا زعيم لازم تجاوب الناس دي بقى

[Mo chahin]

لو انت اكتفيت بالقدر دا من الاجابات
فانا لسه مكتفتش
حاسس ان فى ناس بتجامل وانا مش عايز دا
عايز اللى يدخل يتكلم يتكلم بصراحه
وعايز المشرفين هنا يشرفونى والاداريين كمان
عايزين نناقش الموضوع كأخوات مش كاعضو ومشرف
ومحدش يخاف من اى حاجه مع احترامى للجميع
لان كلامى هيكون فيه توجيه وهتكون مناقشه شريفه بعيد عن اى اتهامات
فى انتظار باقى الاعضاء واقصد هنا اعضاء يعنى مشرفين واداريين واعضاء

[Transporter]

بسم الله الرحمن الرحيم
السلام عليكم ورحمة الله وبركاته


وتفتكر يعني ايه يخوف في الموضوع علشان الناس تخاف منه يا ميرو الموضوع يعتبر موضوع اجتماعي يعني مش موضوع خوف و رهبة وياريت لو تدعي المشرفين والمراقبين يجو يناقشوا موضوعك وجه ليهم دعوة للموضوع

[Mo chahin]

بص يا جميل
انا مقولتش ان فى حاجه تخوف ماللى انت تقصدها
بس انا حبيت اقول كده لان فى ناس فعلا بتخاف تتكلم مع حد ادارى
خوفا من انذار او ما شابه
ولا انا غلطان ؟؟
بأذن الله انا هوجه دعادوى حالا عشان الناس تيجي تناقشنى فى الموضوع دا
وشكرا ليك يا جميل
نورت

[Transporter]

بسم الله الرحمن الرحيم
السلام عليكم ورحمة الله وبركاته


مفتكرش يعني اني لما اعترض على اسلوب مشرف او مراقب وشايف فيه نوع من الاخلال باي شيء او اي قانون او حق في المنتدى يتوجه لي انذار او شيء من هذا القبيل وبعدين يا سيدي حتى لو حصل المهم تكون قولت كلمتك مش هانموت يعني الواحد يقول اللي عنده ولا يخشى لومة لائم طالما في كلمة حق وفيه وعي وفيه فعلا شيء يستحق والا ايه يا ميرو

[SiLver Spectra]

الإشراف تكليف و ليس تشريف

طبعا المشرف زيه زي العضو

و الإدارة و المراقبة برضو

أنا في يوم من الايام (في آخر رمضان إلي فات) كنت لسه مسجل

و كنت عضو عادي زي اي عضو

و الحمد لله من غير معرفة شخصية لاي حد من المنتدى

اترقيت يوم بعد يوم لحاد ما وصلت للإدارة



المشكلة في الأعضاء إلي بتزعل عشان مثلا نقلتله موضوع لقسم تاني

أو حذفتله موضوع منقول في قسم الاقلام

بيزعل و كأنك مثلا مستقصده!!

و الموضوع ابسط من كدا بكتير

بس العضو يحاول و يعرف خطأه و المشرف أو الإداري هيشيله فوق راسه


شكرا على الموضوع يا ميرو

إحترامي...

[حنونة]

انا والله ما بفكر كده و عمري ما فكرت كده
مع العلم ان اول مرة دخلت
في المنتدى ده
واحطيت موضوعين اتنقلوا فثانية
بس ما قلتش حاجة
مع اني جديدة مبفهمش في حاجات المشرفين
وامت يشيل ولمت ميشلش
يعني قلت مادام شالهم يبقى فى حاجة غلط

[yasmine refat]

السلام عليكم **

أكيد طبعا المشرف زي العضو

كلنا بنخضع لنفس القوانين

ومفيش مشرف هيحط عضو في دماغوا

لأنو أصلا بينا وبين الأعضاء أيه علشان نعمل كده

أحنا بنرتب أقسمنا وبنوجه الأعضاء ولو أي حد عندوا أي مشكلة يقدر يطرحها في قسم الشكاوي

وأحنا والمراقبين والأداريين هدفنا واحد الرقي بالمنتدى

وأكيد ده مش هيحصل إلى بيكم

فهدفنا ديما أنحنا نبرز ونشجع المبدعين والمثقفين والمؤثرين تأثير أيجابي فيكم

وده واضح من التكريمات

وشكراااااااا على الموضوع ميرو

أختك