كلمتين محشورين في ظوري

[عبير العود]

السلام عليكم و رحمه الله و بركاته
****************

معلش كلمتين محشورين في ظوري لازم اطلعهم

طبعا انا بنت زيي زي اي بنت في الدنيا بحب البس كويس و اكيد بتبسط لما احس ان في حد منجذب ليا

و ده بيديني ثقه في نفسي زياده او عالاقل بحس انه في حد مهتم

بس لحظه هل فكرتي الكلمه اللي بتتقالك دي وراها ايه

اكيد مش هقولك يعني حطي نفسك في قمقم
و معلش احنا بنات صغيرين مش عواجيز يعني فمتلبسنيش عبايه بالعافيه
ممكن نلبس لبس كويس و محترم في نفس الوقت و مناسب لسننا
و علي فكره اللي بيعاكس يا بنات و الله مش بيبقي يعني واحد معجب ولا بيدوب في جمالك و جاي يخطبك علي رأي مسرحيه ريه و سكينه>جاي يخطوبني اغريه اغريه
هههههههههههههههههههههههههههه
ده بيبقي بيقضيها و دي الكلمه الوحيده اللي توصف
و مش معني انك تتعاكسي تبقي مش محترمه
في ولاد بتعاكس تناحه وخلاص المهم انك متحطيش نفسك في موقف مش حلو
او متكونيش انتي اللي اديتيه الفرصه بلبسك او مشيتك او ضحكك بصوت عالي
و اكبر دليل علي كلامي
انا ليا زميل بيلعب اسكواش معايا>>بلي مسافات طويله :Sport-073:
و بعتبره اخويا يعني
كنت ماشيه في النادي من كام يوم
لقيته ماشي هو وصاحبه ورا بنتين
قولتله يا لهويي بتعاكس
و ضحكنا احنا الاتنين
بس اقولك علي حاجه
هي اللي غلطانه
هي اصلا اللي راحت كلمته و قالتله انها معجبه بيه
و بعدين ممشياه وراها فكراه خلاص بقي هيجوزها بعد بكره
بس عارفين انا ليه عملت كده
لسبب واحد بس
عشان اعرفها هي ايه بالنسباله
و انه بيتكلم عنها مع اصحابه
و انها زي اي واحده ممكن يعاكسها
و ده عشان انا و الله خايفه عليها
و نفسي البنات تبطل تصدق اي كلام يتقالها
و متنجرفش ورا حد
اللي عايزك هيجيلك لباب بيتك
ده الشخص المحترم اللي ترتبطي بيه
و طول منتي عارفه انتي بتعملي ايه
و ماشيه ازاي
ولابسه ايه
تاكدي انك مش غلطانه و لازم توقفي اي حد عند حدو لو غلط
بس عالاقل تبقي متاكده ان الغلط مش منك
معلش طولت عليكم
بس الموضوع فعلا استفزني و حمسني للكلام
الموضوع مش ملطوش وفعلا محتاج مناقشه
فارجو الاهتمام و الصراحه في الرد و التعبير
...اختكم نوني...

[smsma666]

موضوع جميل نونى
وبالنسبه لموضوع اللبس ده فعلا مش لازم ان البنت تلبس عبايه علشان تكون محترمه ومش بقصد بكلامى انها تلبس ضيق وتمشى جسمها كله واضح (واسفه على التعبير ده)
انا قصدى ان المهم انها تلبس لبس يكون واسع ولا يبين اى شئ وهناك اختيارات كثيره مثلا التونيكات وانا مش ضد العبايات ولا حاجه بس مش لازم انى البسها طالما انى عارفه انى بلبس لبس يرضى ربنا اقدر انزل فيه فى اى مكان
وبالنسبه لموضوع المعاكسه دى انا بجد شايفه ان البنات هى اللى بتعطى فرصه للولد انه يعاكسها بلبسها او بحركات الدلع اللى فى الشارع ومش معنى كده ان الاولاد ملايكه ومش بيعاكسوا المحترمه لا بيعاكسوه برضه بس المحترمه تمشى من غير ولا كلمه ولا تعطيه اهتمامها لكن التانيه ربنا ما يجعلنا منهم تلتفت وتقول كفايه قلة ادب وهو يرد ويحصل حوار والموضوع يبدا ونهايته اكيد سودا وهى بتكون عارفه انه مش هيتجوزها ولا يفكر فيها حتى بس بتبقى فرحانه انها بتتعاكس او حد مهتم بيها وخلاص بغض النظر عن مين الحد ده

شـــــــــــــــــــــــــــــــــكرا يا نونى على الموضوع الجميييييييل

وادعو من الله ان يحفظ بناتنا ويحميهم من كل شر

[عبير العود]

اقتباسالمشاركة الأصلية كتبت بواسطة smsma666موضوع جميل نونى
وبالنسبه لموضوع اللبس ده فعلا مش لازم ان البنت تلبس عبايه علشان تكون محترمه ومش بقصد بكلامى انها تلبس ضيق وتمشى جسمها كله واضح (واسفه على التعبير ده)
انا قصدى ان المهم انها تلبس لبس يكون واسع ولا يبين اى شئ وهناك اختيارات كثيره مثلا التونيكات وانا مش ضد العبايات ولا حاجه بس مش لازم انى البسها طالما انى عارفه انى بلبس لبس يرضى ربنا اقدر انزل فيه فى اى مكان
وبالنسبه لموضوع المعاكسه دى انا بجد شايفه ان البنات هى اللى بتعطى فرصه للولد انه يعاكسها بلبسها او بحركات الدلع اللى فى الشارع ومش معنى كده ان الاولاد ملايكه ومش بيعاكسوا المحترمه لا بيعاكسوه برضه بس المحترمه تمشى من غير ولا كلمه ولا تعطيه اهتمامها لكن التانيه ربنا ما يجعلنا منهم تلتفت وتقول كفايه قلة ادب وهو يرد ويحصل حوار والموضوع يبدا ونهايته اكيد سودا وهى بتكون عارفه انه مش هيتجوزها ولا يفكر فيها حتى بس بتبقى فرحانه انها بتتعاكس او حد مهتم بيها وخلاص بغض النظر عن مين الحد ده

شـــــــــــــــــــــــــــــــــكرا يا نونى على الموضوع الجميييييييل

وادعو من الله ان يحفظ بناتنا ويحميهم من كل شر



اللهم امين
و كلامك فعلا صح يا سلوي
انا عن نفسي الحمد لله بلبس لبس كويس
ومناسب لسني
بس محترم
يعني ممكن الواحد يبقي روش بس بادب
و طبعا اشكر ليكي كلامك الجميل و اهتمامك يا قمر
دمتي بخير
...نوني...

[محمد الشريف]

عبير العود

و نفسي البنات تبطل تصدق اي كلام يتقالهاو متنجرفش ورا حداللي عايزك هيجيلك لباب بيتكده الشخص المحترم اللي ترتبطي بيهو طول منتي عارفه انتي بتعملي ايهو ماشيه ازايولا بسه ايهتاكدي انك مش غلطانه و لازم توقفي اي حد عند حدو لو غلطبس عالاقل تبقي متاكده ان الغلط مش منك

**********

فكرة الطرح جيدة تجاه البنات عموما وفى اتباعهن للفضائل بكل تأكيد لتسلمن من

الوقوع فى أدنى خطأ فالوقاية خير من العلاج ولنا أن نتصور أن الجبال الشاهقة تتكون من الحصى

فلابد من توخى الحذر جيدا من صغائرالتصرفات وهناك المثل الشائع :

( من نظر إلى العواقب سلم من النوائب ) .

فلتتحصن البنات بالصفات والخصال التى تزيد من رصديها فى مواجهة نفسها

وتعصمها من الشياطين بنوعيها الإنسى والجنى

ودعائى مخلصا لله بأن يستر كل من تتمسك بفضائل الشيم ومحاسن الأخلاق وطيب الخصال

يقول الله تعالى :

" ذلك الكتاب لاريب فيه هدى للمتقين "

مع أطيب التحايا

[عبير العود]

السلام عليكم ورحمة الله وبركاته

اخي الفاضل
محمد الشريف
كلام رائع و اروع ما فيه تاكيده بالكتاب و السنه
مشاركتك اضافت ليا
دمت بخير

[SiLver Spectra]

اشربي كوباية مايه بسرعة و تعالي عشان الكلمتين يتزبلطوا
^^

شوفتي بقى التناقد بتاعكم

يعني عايزين يتبص عليكم و في نفس الوقت ما تتعاكسوش!!

اختاوا واحده من الإتنين

نبص و نعاكس و لا ما نبصش و ما نعاكسش؟

^ *

و الله ما بعاكس بنات

افرح البنت بنفسها ليه يعني هههههههه

ايه إلي هيجيني من المعاكسة!!

لو كان في مكسب واحد من بكره هنزل الشارع أعاكس

^^

نصائح مهمه يا ناريمان

أحييكي على الموضوع

مع إني مش ضد إن البنت تعترف بحبها أو بإعجابها في حدود معينه

لكن ضد العلاقات السازجه

بالتوفيق...

[kitty cat]

فعلا طارق عنده حق
ومين اللي قال ان البنات كلها عايزه حد يبص عليها
بس فعلا موضوع اللبس ده مهم جدا
كل ما أجي أقول لواحده صحبتي كده
تقول " مش مهم اللبس المهم نيتي كويسه وأخلاقي كويسه "
يا ستي انتي علي راسي من فوق بس الناس مش هتقعد تدور علي النيه كل واحد ليه اللي قدامه
اللبس المحترم موجود مش هنكر انه قرب يختفي من المحلات لكن موجود وشيكك وكل حاجه مش شرط انك تلبسي ضيق وقصير علشان تكوني حلوه
ومعلش هطول عليكي
لكن الاهل عليهم عامل كبير جدا
المفروض نقرب من ربنا أكتر ويشوفوا بناتهم لابسين ايه قبل ما يخرجوا
شكرا يا قمر علي الموضوع
وتقبلي مروري

[حروف مبعثره]

عبير موضوعك روعه ومش شرط فعلا ان البنت تتعاكس من لبسها فى نااس عايزه تقضى وقت وخلاص
اما البنت الى بتحكي عنها دى من كلامك هيا كمان بتقضيها

وكل واحده عايزه تسلم نفسها من الاحراج ده تتقى ربنا فى نفسها وفى النااس
وكل شاب بردو يتقى ربنا فى بنات الناس

ومش لازم يعنى لو هى غلطانه يجاريها فى الغلط ولاايه
يسلمواااااااااااا نونى

[عبير العود]

اقتباسالمشاركة الأصلية كتبت بواسطة SiLver Spectraاشربي كوباية مايه بسرعة و تعالي عشان الكلمتين يتزبلطوا
^^
شربت بيبثي>>>:barcelona-flag:

شوفتي بقى التناقد بتاعكم

يعني عايزين يتبص عليكم و في نفس الوقت ما تتعاكسوش!!

اختاوا واحده من الإتنين

نبص و نعاكس و لا ما نبصش و ما نعاكسش؟

^ *

و الله ما بعاكس بنات

افرح البنت بنفسها ليه يعني هههههههه

ايه إلي هيجيني من المعاكسة!!

لو كان في مكسب واحد من بكره هنزل الشارع أعاكس

^^

نصائح مهمه يا ناريمان

أحييكي على الموضوع

مع إني مش ضد إن البنت تعترف بحبها أو بإعجابها في حدود معينه

لكن ضد العلاقات السازجه

بالتوفيق...






اولا شكرا جدا علي اهتمامك و مشاركتك
ثانيا
احانا مش عايزين الصبيان يبوصلونا
بس البنت غير الولد يا طارق لما بتسمع كلمه كويسه في حقها بتحس انها مبسوطه بس لو خدت بالك هتلاقيني قايله فوق
هل انتي عارفه الكلمه دي وراها ايه؟!
زي مقولت مش حبا فيها لكن هو بيبقي بس بيقضيها
و علي فكره الكلام ده انا واخداه من علي لسان ولد و رغم انه بيعاكس الا انه بيحترم البنت المحترمه
يعني مش بنعمم في ولاد كويسه
زي طارق كده:netherlands-flag:
ههههههههههههههههههههه
تسلم يا غالي علي رأيك

[عبير العود]

اقتباسالمشاركة الأصلية كتبت بواسطة kitty catفعلا طارق عنده حق
ومين اللي قال ان البنات كلها عايزه حد يبص عليها
بس فعلا موضوع اللبس ده مهم جدا
كل ما أجي أقول لواحده صحبتي كده
تقول " مش مهم اللبس المهم نيتي كويسه وأخلاقي كويسه "
يا ستي انتي علي راسي من فوق بس الناس مش هتقعد تدور علي النيه كل واحد ليه اللي قدامه
اللبس المحترم موجود مش هنكر انه قرب يختفي من المحلات لكن موجود وشيكك وكل حاجه مش شرط انك تلبسي ضيق وقصير علشان تكوني حلوه
ومعلش هطول عليكي
لكن الاهل عليهم عامل كبير جدا
المفروض نقرب من ربنا أكتر ويشوفوا بناتهم لابسين ايه قبل ما يخرجوا
شكرا يا قمر علي الموضوع
وتقبلي مروري




كلام مظبوط يا كيتي سلملي مرورك و مشاركتك يا قمر
نوني