اللى تقبل انه يكون مكشوف من جسم مراتك.. من حقنا كلنا نشوفه

[GLAMOROUS]

ياريت تقروا الحدوته دى الاول وف الاخر عايز اسألكوا كام سؤال

كان صديقي يهم بالجلوس بالدرجه الأولى بالقطار المتجه من القاهره الى مدينة أسوان حينما وجد أن وضعية الكرسي الذي سيجلس عليه هو والكرسي الذي بجواره مقلوبه ليواجها الكرسيين خلفهم فجلس و لم يقم بعدل الوضعيه لمجيئ رجل في العقد السادس من العمر يرتدي الملابس الريفيه ليجلس بالكرسي المجاور له ثم مجيئ زوج شاب وزوجته وكان يبدو عليهم أنهم حديثي الزواج ليجلسوا بالكرسيين المواجهين لهم وللأسف كانت الزوجه ترتدي بنطلون برموده قصير وبلوزه بحمالات تكشف عن ذراعيها وصدرها حتى نصف ثدييها تقريبا
فلم يلقي صديقي بالا" لهم وانشغل بقراءة الجريدة التي معه
ثم فوجئ بالرجل الريفي الكبير في السن والذي تبدو عليه علامات الوقار والاحترام
يرتكز بكوع ذراعه على عظمة فخذه واضعا ذقنه علي قبضة يده في مواجهة الزوجه التي تجلس بالكرسي المواجه له ونظرة عيناه مثبته نحو صدرها تكاد تخترقه لقرب المسافه وبصوره مفاجـئة تتضايق الزوجه وتثير غضب زوجها الذي غضب بالفعل وقال للرجل : احترم نفسك انت راجل كبير عيب اللي بتعمله ده وياريت تقعد عدل و تلف الكرسي

فما كان من الرجل الريفي أن قال للزوج الغاضب :أنا مش هقولك احترم نفسك انت وعيب عليك تخلي مراتك تلبس عريان انت حر يا رب تخليها تمشي ملط ما دمت انت قابل
لكن هقولك انت ملبسها كده عشان نشوفها ونتفرج عليها ادينا بنتفرج عليها زعلان ليه بقه بص يابني اللي تقبل انه يكون مكشوف من جسم مراتك من حقنا كلنا نشوفه واللي مستور من حقك انت لوحدك تشوفه
وان كنت زعلان اني مقرب راسي شويه اعمل ايه نظري ضعيف وكنت عايز اشوف كويس

وهنا لم ينطق الزوج وألجمت كلمات الرجل فمه واحمر وجه زوجته
خاصة بعدما تعالت أصوات الركاب اعجابا بالدرس الذي اعطاه الرجل الريفي للزوج الشاب
ولم يملك الزوج الا أن يقوم من مكانه ويأخذ زوجته ويغادرا عربة القطار

السؤال بقى..
انت شايف ان الواحد المفروض يراعى الناس والمجتمع اللى هو عايش فيه ف طريقه لبسه ولبس الناس اللى هو مسئول عنهم ؟
ولا ف نظرك ان كل واحد حر ما لم يضر ؟

ولو انت مكان الزوج ده كنت هتعمل ايه ؟

ولو انت مكان الراجل الكبير ده كنت هتعمل ايه ؟

السؤال موجــه للجميــع.. ومنتظره اعرف رأيكوا..

ارق تحياتى..

[Transporter]

بسم الله الرحمن الرحيم
السلام عليكم ورحمة الله وبركاته


تفتكر ردي هايكون ايه

[مسلمه]

موضوع جميل جدا جزاك الله خيرا

واللهى انا شايفه ان اللى يرضى انه يمشى مراته و لابنته ولا امه ولااخته بالمنظر ده

يبقى (ديوس) والعياذ بالله وربنا يعاغنا ويعفو عنا

وبالنسبه للراجل الكبير فطبعا طبعا غلطان لانه مغضش البصر والمفروض انه ميبصش عليها ولا يعمل كده علشان حرام المفروض يغض بصره وينصح زوجها بصوت واطى مش يفضحه وسط الناس


وشكرا على الموضوع الجميل ده

[عيون فلسطينية]

بسم الله الرحمن الرحيم والصلاة والسلام علي اشرف المرسلين سيدنا محمد الصادق الامين
الراجل الي يرضا علي اهل بيته بالتعري يبقا ديوس والعياذ بالله
انا شايفه انو موقف الراجل الكبير موقف عقلاني هو نيته مش انه يبص عليها هو اكيد عايز يعلمهم درس ولو همس ليها لوحدها او لزوجها ما افتكر انها كانت حتتعلم من هدا الدرس واكيد في بنات وراجله شافو الي حصل ويمكن اتعلمو حاجه
ويارب نفوق بقا يا شباب بصو لاخواتكو وزوجاتكو بتطلع بيه قدمو لها النصيحه ولا تقبل علي نفسك ان تكون ديوس
يا فتاه الاسلام لاتقبلي علي نفسك ان تكون فرجه للناس وحافظي علي جسمك وعلي كرامتك

[ألاء الرحمن]

السلام عليكم
انا شايفه ان البنت اللى رضيت على نفسها تخرج بالمناظر دى يبقى مش محترمه ذاتها يعنى مش شايفه انها لؤلؤه ومفروض تتغطى عن عيون الناس ومادام هى مش محترمه نفسها يبقى عايزه من اللى حواليها يحترموها ؟؟؟ معادله غريبه جدا .. مفروض ان اللى لابسه كده تقفل فمها ومتتضايقش من الحاجات دى خالص لانها هى اللى عارضه نفسها .. شكرا اخى ع الموضوع الهام جدا

[لوليتا المصريه]

موضوع بجد تحفه

ودرس رائع اعطاه الرجل الشرقى الريفى

الذى هو بالفعل يعرف الله حق المعرفه

وذلك هو الذى يقال عليه كلمه رجل

انما الزوج دة بقى من الموقف دة يتقال عليه جوز الست

وربنا يهدى الجميع يارب

لان الناس بالفعل محتاجه انها تتقرب من ربنا شويه

ميرسى للموضوع

وبالتوفيق

اختك

[dr. faris]

بسم الله الرحمن الرحيم

يا غالى
مشكور ع طرح الرائع

قال المصطفى صلى الله عليه وسلم فى وصف: "بسلامته المحروس جوز الست" بالـ ديوث

حيث قال: "من راى فى أهله منكراً ولم ينهاهم فهو ديوث يحرم عليه ريح الجنة"، أو كما قال عليه السلام....

وبعدين المفروض أنك رااااااااااااااااااااااااااااااااااجل
والله راجل عندك: "نخوة وإحساس"
عندك دم بتحس بيه
الله يعينا على الزمن واللى بنشوفه فيه

مشكور ع طرح مرة أخرى
تحياتى
فارسـ

[فطيم]

السلام عليكم ورحمة الله وبركاته
أشكرك أخوي على الطرح المفيد
وبالنسبة للبس فأعتقد إن الإنسان لابد له من احترام نفسه أمام الآخرين على الأقل فنحن في مجتمع مسلم
وفي مثل دايما أسمعه فيما معناه كل زي ما إنت عايز والبس على مزاج الناس وبالنسبة لمزاج الناس ده أنا بعتقده هو احترام مشاعرهم لأن اللي حضرتها بتخرج بالشكل ده بتكون فتنة لجميع الشباب
ولابد إن نحنا دايماً نتذكر الآية في سورة النور التي تأمر المؤمنين والمؤمنات بغض أبصارهن

[GLAMOROUS]

اقتباس المشاركة الأصلية كتبت بواسطة Transporter بسم الله الرحمن الرحيم السلام عليكم ورحمة الله وبركاته تفتكر ردي هايكون ايه

اكيد هيكون رد رجل شرقي

مسلم Transporter

[GLAMOROUS]

اقتباس المشاركة الأصلية كتبت بواسطة مسلمه موضوع جميل جدا جزاك الله خيرا واللهى انا شايفه ان اللى يرضى انه يمشى مراته و لابنته ولا امه ولااخته بالمنظر ده يبقى (ديوس) والعياذ بالله وربنا يعاغنا ويعفو عنا وبالنسبه للراجل الكبير فطبعا طبعا غلطان لانه مغضش البصر والمفروض انه ميبصش عليها ولا يعمل كده علشان حرام المفروض يغض بصره وينصح زوجها بصوت واطى مش يفضحه وسط الناس وشكرا على الموضوع الجميل ده

شكرا ليكي ع الرد يا مسلمه

بس برضو غلط الراجل الكبير اقل من الزوج

قدم لينا درس كبير مقارنة بثقافته و فكره