شمس المشاعر

[نونه الصغنونه]

لملمت شمس المشاعر ثوبها وحان الغياب وابتدى حزنى يغسل بالالم وجهى ويدور.. وانكسر عكاز فكري وانا في عز الشباب وانحنى ظهر الصبر ياغايب وتاه الشعور.. اسالك بالله قلي ليه شديت الرحال وانت تدري ياشراعي ان هالعالم بحور.. من رحلت ومركبي ضيع مسارات الصواب كل ما قال الفرج تكسر امانيه الصخور.. ااااه لو تدري غيابك من بعدها ويش جاب؟؟؟ جاب هم في فؤادي كل ما اهدا يثور غرفتى صارت بدونك مظلمه فيها اكتئاب..والهدايا بدلت يا صاحبي ثوب السرور..وانجرح وجه المرايا واصبح الشباك باب..والامل ما جا على نفسه ولا فكر يزور..كنت ابي كلك عشاني وابقى لاحساسك ثياب..وان طغى طيشى عليه توزن بعقلي الامور..كنت ابي طفل الهوى يكبر بلا هم وعذاب..واكشفت ان الطفل يشكي من اوجاع وكسور..