التسول الحديث

[Eng lola hamdy]

السلام عليكم ورحمة الله وبركاته

فى الحقيقه الموضوع دا بقيت كل ماروح حته الاقى حد بيتكلم عنه ..........فتحت الراديو بالصدفه لقيت مش عارفه مين كدا بتتكلم فيه ........احمد المسلمانى قال حاجه بسيطه عنه امبارح .........ولما كنت فى الجمعيه سمعت حد عندنا برضه بيتكلم فيه


ايه هو بقى ؟؟

الموضوع هو ثقافة التسول اللى بقت موجوده عند كتير من المصريين ....... بس مش التسول فى صورته المعهوده اللى كنا متعودين عليها زمان لما نلاقى مثلا واحد بيشحت وجلبيته مقطعه ومادد ايديه وبيقول لله يا محسنين

دلوقتى التسول بقى فى صوره اشيك شويه ..........الناس اللى بتبقى قاعده فى بيوتها ومستنيين الجمعيات الخيريه ولا وزارة الشئون الاجتماعى تجيبلهم فوس ........انا مش بلوم على الناس دول قد ما بلوم على المجتمع ككل ........المجتمع اللى حول الناس الى شحاتين لما بقى يعودوهم على فلوس كل اول شهر ولا صدقات ومعونات .........المجتمع اللى نسبة البطاله فيه بتزيد يوم عن يوم


مش عايزا حد يفهمنى غلط ...........انا اقصد الفكره نفسها ........ فكرة انى بقيت متعود ان فلوس هتجيلى من غير ما اتعب فيها فبقيت انسان تواكلى عايش عاله على المجتمع..........

فى مثل صينى شهير بيقول :
لا تعطينى سمكه ولكن علمنى الصيد

انا مش بفترى ولا بقول كلام من عندى بس دا موجود فعلا ......عن تجربه ونزول للناس فى القرى لقينا ان دى الثقافه السائده لدى الفقراء فى مصر ..........لما يلاقوا ناس جايينلهم يساعدوهم اول حاجه بتيجى فى بالهم انهم يبعتولهم فلوس كل شهر ...........او حتى يدولهم مثلا بقره او جاموسه يبيعوها ويخلصوا فلوسها ويرجعوا برضه معتمدين على غيرهم
احنا بقى اللى ساعدناهم على كدا بتشجيع ثقافة التسول دى

انت مثلا لما تدى لانسان مشروع يشتغل فيه ويتعلم ازاى يبقى منتج ومبدع وانسان له قيمه فى الحياه ويقدر يفكر ويكبر مشروعه ويفيد بلده فعلا احسن مليون مره من انك تستسهل وتديه فلوس وخلاص .


انا بعد كل الكلام دا فى سؤال محيرنى برضه
فى ناس بتشتغل بتكد وتتعب وتعمل كل اللى عليها ومع ذلك برضه مش قادره تكفى احتيجاتها الضروريه .........دول نعرفهم ازاى ؟؟

[لوليتا المصريه]

اولا احيك لموضوعك دة

لكن الظاهرة دى ممكن تكون موجودة

بس مش كتير اوى يعنى

وفعلا مشكله كبيرة ان دة يحصل

انا اعرف ان الحاجة اللى بتيجى بلاش

بتروح بلاش

انا معاك جدا

والله احنا عايزين نساعد الناس دى

يبقى نديهم مبلغ معين

ويستثمروه هما فى شغل

او

نعمل مشاريع ونشغلهم هما فيها

هما اللى يديروها
مدام هما قادرين على الشغل
يعنى مفيش فيهم حد عاجز او كبير فى السن
لا يقدر على العمل

انما يقعدوا فى بيتهم نايمين قاعدين واكلين

من غير تعب

اظن دة مايرضيش حد طبعا

ميرسى للموضوع وفكرته الجميله

بالتوفيق

اختك

[NERA 31]

شكرا على موضوعك الجميييييل

بس اللى انا اعرفه ان الجمعيات بتكون دارسة الحالة الاجتماعية للناس قبل ما تبعت لهم حاجة

يعنى احيانا بيكون البيت مفيهوش غير واحدة مسنة الطبيعى انهم هيبعتوا لها فلوس

لكن مس بيبعتوا لبيوت فيها شباب وممكن يشتغلوا

[Eng lola hamdy]

شكرا يا لوليتا على ردك ورايك ونورتى الصفحة وكل سنة وانتى طيبة

[Eng lola hamdy]

شكرا يا نيرا على ردك وحطى ........... علشان عيزاكى
وكل سنة وانتى طيبة

[Transporter]

بسم الله الرحمن الرحيم
السلام عليكم ورحمة الله وبركاته

صباح الخير والله موضوعك غاية في الروعة بجدا بس انا عاوز اعقب على شيء قالته اختي لوليتا المصرية انها مش ظاهرة بنشوفها كتير يعني ممكن تكون في مصر مش بنشوفها كتير الله اعلم لاني مش عايش في مصر لكن بسمع يعني من الناس

تعالى شوفي التسول اللي بيرفع الضغط بجد تلاقي ناس ما شاء الله والله بقوله دا مش مجرد كلام او مرة او مرتين اي حد في دول الخليج عارف الكلام دا تلاقي ناس قاعدة في عربية ليكزس او مرسيدس اس او بي ام دبليوم يا دوب لسه موديل 2009 وكيسها عليها ومشغل كاسيت ومنعنش نفسه ويلاقيكي ماشيء وهو منفوخ اوي على الناس ويقرب منك بالعربية ويفضل يدعيلك دعا يمكن محدش يكون دعاه ليكي قبل كده

ويفضل يمجد فيكي للصبح احنا طبعا عارفين هو هايقول ايه في الاخير ومنتظرين بقى ويروح قايلك والله يا حبيب او يا خويا او يا مصري يا حلو يا بتاع المساعدة والهمة وكلام فاضي كده صياعة بقى ممكن عشرة ريال او عشرين ريال احسن انا غريب عن هنا وراحت فلوسي واتقطع بنزيني ومادري ايه طيب يعني سبحان الله كل اللي راكبين احدث عربيات ومتبرفنين ولابسين ساعات بشيء وشويات هم اللي اتسرقوا داخل عربياتهم وجاي على الغلبان يشحت منه شوي جاي يستعبطه

او تلاقي واحدة جايالك اخر جمال وتفضل تسبل في عيونها وتتمايع علشان في الاخر تقولك ساعدني يا غالي واسخم شعار لو قالت ليكي انا فلسطينية وانا بقولها من هنا مفيش فلسكيني بيعمل كده اولا لاني معاشرهم من جواهم ومن عائلاتهم وبعدين هو فيه مساعدة بمبلغ معين دا يتحط مبلغ ما يعادل او يزيد عن 200 جنية ايه الحلاوة دي

الاصعب بقى والصورة السيئة اوي اوي اوي تلاقي فرفة مصرية عاملة عصابة نصب في الشارع والمشكلة ان مكانها مش بتيغير لانهم اغبياء كمان يتمركزا في شارع واحد و كل واحد رايح وجاي يمسكوه مع انهم لابسين احسن لبس وغالبيتهم شباب يعني ويناديكي واول ما يوقف ادامك يلقب فاتن حمامه وامينة رزق ويقولك السؤال المعتاد والغبي الاخ مصري والا عربي هههههههههههههههههه وانا بقى اورح عامله هندي او اردني وسبحان الله من الغباء بيصدق ويقولك ساعدني باي شيء ويعيك ويقولك بقى الفليم الحصري اللي فاهمينه كلنا انا جيت عمره وجوازي راح ورحت تالسفارة الت لي روح لم فلوس وارجعلي علشان اسفرك اساسا انت لو رحت لسفارة هاتسافر من غير ولا كلمة وفي خلال يوم او يومين

انا بكره اي مصري يعمل كده بره او غير مصري دي عالم خسيسة وبتسيء لاي شخص وتقوليلي تسول انت اللي بتشوفوه صور اقل بقليل من معنى التسول دا اسمه نصب واستكراد واستعباط

[لوليتا المصريه]

اقتباس:
المشاركة الأصلية كتبت بواسطة Transporter

بسم الله الرحمن الرحيم

السلام عليكم ورحمة الله وبركاته

صباح الخير والله موضوعك غاية في الروعة بجدا بس انا عاوز اعقب على شيء قالته اختي لوليتا المصرية انها مش ظاهرة بنشوفها كتير يعني ممكن تكون في مصر مش بنشوفها كتير الله اعلم لاني مش عايش في مصر لكن بسمع يعني من الناس

اها انا بتكلم عن هنا فى مصر الموضوع دة مش منتشر كتير فعلا لان بالفعل فيه اسر كتير مش لاقيه الجمعيات دى اصلا والناس دى تستحق فعلا ان الجمعيات تساعدها انما لما تبقى اسرة فيها شاب وتيجى الجمعيات دى تديهم كل شهر مبلغ طيب شغلو الشاب دة علموه حرفه يكسب بيها قوته وقوت اسرته معاه

تعالى شوفي التسول اللي بيرفع الضغط بجد تلاقي ناس ما شاء الله والله بقوله دا مش مجرد كلام او مرة او مرتين اي حد في دول الخليج عارف الكلام دا تلاقي ناس قاعدة في عربية ليكزس او مرسيدس اس او بي ام دبليوم يا دوب لسه موديل 2009 وكيسها عليها ومشغل كاسيت ومنعنش نفسه ويلاقيكي ماشيء وهو منفوخ اوي على الناس ويقرب منك بالعربية ويفضل يدعيلك دعا يمكن محدش يكون دعاه ليكي قبل كده

ويفضل يمجد فيكي للصبح احنا طبعا عارفين هو هايقول ايه في الاخير ومنتظرين بقى ويروح قايلك والله يا حبيب او يا خويا او يا مصري يا حلو يا بتاع المساعدة والهمة وكلام فاضي كده صياعة بقى ممكن عشرة ريال او عشرين ريال احسن انا غريب عن هنا وراحت فلوسي واتقطع بنزيني ومادري ايه طيب يعني سبحان الله كل اللي راكبين احدث عربيات ومتبرفنين ولابسين ساعات بشيء وشويات هم اللي اتسرقوا داخل عربياتهم وجاي على الغلبان يشحت منه شوي جاي يستعبطه

او تلاقي واحدة جايالك اخر جمال وتفضل تسبل في عيونها وتتمايع علشان في الاخر تقولك ساعدني يا غالي واسخم شعار لو قالت ليكي انا فلسطينية وانا بقولها من هنا مفيش فلسكيني بيعمل كده اولا لاني معاشرهم من جواهم ومن عائلاتهم وبعدين هو فيه مساعدة بمبلغ معين دا يتحط مبلغ ما يعادل او يزيد عن 200 جنية ايه الحلاوة دي

دة استهتار وعدم تحمل مسؤليه طبعا

الاصعب بقى والصورة السيئة اوي اوي اوي تلاقي فرفة مصرية عاملة عصابة نصب في الشارع والمشكلة ان مكانها مش بتيغير لانهم اغبياء كمان يتمركزا في شارع واحد و كل واحد رايح وجاي يمسكوه مع انهم لابسين احسن لبس وغالبيتهم شباب يعني ويناديكي واول ما يوقف ادامك يلقب فاتن حمامه وامينة رزق ويقولك السؤال المعتاد والغبي الاخ مصري والا عربي هههههههههههههههههه وانا بقى اورح عامله هندي او اردني وسبحان الله من الغباء بيصدق ويقولك ساعدني باي شيء ويعيك ويقولك بقى الفليم الحصري اللي فاهمينه كلنا انا جيت عمره وجوازي راح ورحت تالسفارة الت لي روح لم فلوس وارجعلي علشان اسفرك اساسا انت لو رحت لسفارة هاتسافر من غير ولا كلمة وفي خلال يوم او يومين

انا بكره اي مصري يعمل كده بره او غير مصري دي عالم خسيسة وبتسيء لاي شخص وتقوليلي تسول انت اللي بتشوفوه صور اقل بقليل من معنى التسول دا اسمه نصب واستكراد واستعباط

اكيد الانطباع والصورة اللى بتتاخد عن مصر
بالاسلوب دة صورى زى الزفت
ياخونا حرام عليكو
وحتى لو مش مصرى ليه كدة وليه الاسلوب دة
دة الواحد مابيحسش بطعم الحاجة الا اذا تعب فيها
شكرا احمد لتعقيبك

اختك

[حروف مبعثره]

عمتا انا بكره فكرة التسول دى اولا لانها اصبحت مهنه للكثير اصبحت فن يتمرسه الكثير واصبح يدرس
فى عصابات
المهم
والله لو عمل ولو حرفه بسيطه افضل مائة مره من انه يكون متسول يعتمد على الاخرين فى حصوله على قوت يومه

لكن لا حياة لمن تنادى الكثير يراها اسهل حرفه قد تزاول خاصة ان التسول اصبح متعدد الاشكال

يعنى من فتره قصيره
كنت خارجه ولقيت واحد فى الشارع ماسك شنطه والملابس حولييه ملقيه فى كل جانب فضلت اراقبه من بعيد المهم
عرفت بعد كده انه بيعمل نفسه انه خبطته عربيه وكسرت كل وبهدلت كل الاشياء البسيطه الى كان بيتاجر فيها
وطبعا ده كدب هو الى عمل الحكايه دى عشان النااس تساعده

اما بالنسبه للجمعيات فهى المفروض بتدرس الحاله الاجتماعيه للشخص الى بتساعده

يسلموااااااااا على الطرح الراقى

[محمد الشريف]

ظاهرة التسول انتشرت بتوسع رهيب وأتخذت اشكالا وأساليب متعددة وباتت تلاحقنا حتى داخل أروقة

أعمالنا وتسللت لمنازلنا ومرورا بإشارات المرور والموصلات العامة ومحطات الانتظار ولم تعد قاصرة

على عمر معين فاحترفها الكثيرون ، وأنا عادة لا أتجاوب مع هؤلاء ... وعندما أصادف حالات

تستدعى المساعدة بلا طلب ولا ملاحقة ولا استدرار العطف بمعسول الكلمات وعظيم الدعاء

وما إلى ذلك من مختلف الأساليب والطرقالملتوية عندما تصادفنى وما أكثرها ... فأقوم

بالفعل وبلا تردد بعمل مايرضى الله مع تلك الحالات المتعددة من حولنا فهى حالات صارخة

تستدعى مساعدتها فهناك أسر توفى عائلها وترك زوجة وأولاد فى مختلف مراحل التعليم فخرجت

الأم لمواجهة ظروف الحياة لسد العجز الواضح فيما يصرف من قيمة المعاش لزوجها وتلك

الحالات غالبا ماتكون واضحة لدينا ويتسم أصحابها بعزة النفس ولا يلاحقون أحد فى اعلان

عن حاجاتهم الملحة والحرجة والتى غالبا تكون أولى وأحق .

مع الشكر

[yasmine refat]

أولا الجمعيات دي بتبقى فعلا محتجاها ناس

زي كبار السن المعاقين

مع ذلك مش معاها

لأن حتى دول بأمكاني ألاقي حرفه تناسبهم ويقدروا ينتجوا من خلالها

أما بقى حكاية التسول

المفروض منديش لحد

عايز أدي أروح لجمعية مكان متخصص

مش الي في الشارع

لأنوا أولا وأخرا أنا معرفش هيستخدموا الفلوس في أيه

والفلوس هتروح لمين

يعني لو طفل الفلوس هتكون لأسرتوا ولا في حد موزعهم

يبقى المفروض أما ساعد أتوجه للمكان الصحيح

وهي مشكلة موجوده في كل مكان ولها صور

تلاقي شخص في كرسي متحرك

وشخص تاني ماشي بورقة أنو مريض

وواحده مسكه عيلها وتشحت بيهم

والي أنتم عايزنوا

بجد الظاهرة تقهر

المصيبة أنحنا عندنا في جده وحده شحاته ماتت لقوا في بيتها أعتقد مايقارب المليون كانوا كتبين الخبر في الجريده

يعني تقدروا تقولوا الشحاته شغلانه مكسبة:ju4:

والله المستعان

مشكورة على الموضوع

أختك