ابو أدهم المفروس ؟؟

[abo adhem]

السلام عليكم ورحمة الله وبركاته
النهارده ياجماعه انا عايز اتكلم معاكوا على المجتمع اللى احنا عايشين فيه وصل لحد فين
مش عارف ابدأ ازاى بس كل اللى اقدر اقوله اننا بننزل لتحت ..... طيب ليه يعنى بننزل
اقولكم ايه ولا ايه تركب العربيه وتمشى تلاقى كل 50 متر خناقه سواق زنق على سواق
واليوم ينتهى فى القسم والفاظ ايه بقى متنقيه
تدخل مصلحه تعمل اى ورقه مهمه تتعقد وتطلع ما تعملش حاجه الا لو دفعت
تروح علشان تفطر اى سندوتش تلاقى دبان على السانوتشات والراجل اللى بيعمل السندوتش
اصلا شكله يقرف وهدومه مش نضيفه
الناس بقت مش طايقه بعضها اصلا
والزحام والموصلات والكهرباء والمايه والدواء ولاسعار والتجار والعيش والغلاء
كل ده
ياااااااااااااااااااااااااه طيب عايز تقول ايه ياعم انت
مش عارف بس حبيت اتكلم من الخنقه اللى انا فيها
يعنى هو كل ده اللى بيخلى الناس كده ولا ايه
احنا ليه بقينا كده تلاقى النهارده واحد عامل عزاء وامامه واحد عامل فرح
ايه ياعم ده ما تراعى جارك طيب ..... ياعم سيبك كبر
ما كناش كده ايه اللى بيحصل ده ايه السبب الغلى يعنى ولا التعيلم ولا الاخلاق
ولا التربيه ولا ايه طيب...... ما فى ناس حلوه ياعم ..... ياعم عارف والله
بس مخنوق وكله كوم وسواقين الميكروباص كوم دول بقى عايزين قاعده
اقولكم انا مخنوق مش عايز اتكلم علشان خلاص ها فرقع يلا سلام بقى
اللى عنده كلمه يقولها واللى ما عندوش خلاص مش عايز من وشه حاجه
خلاص بقى سبونى امشى ماحدش يحوشنى اشوفكم بعد رأيكم
ابو ادهم المفروس

[ranomaa]

ايه يا ابو ادهم كشكشها متعرضهاش
الناس يا ابو ادهم بقت كدا من ظروف الحياه
كل واحد همه يلاقي القرش اللي ميخلهوش يمد ايده لحد
الغلى والحوجه هيه اللي خلت الناس تمد ايدها علشان تعرف تعيش
واحد زي بتاع الاكل لبسه من نضيف
دا شئ طبيعي هيغسل هدومه فين بس
هو لاقي ياكل
وسواقين الميكروباص رغم انهم تبتين ولا يطاقوا
بس برضوا غلابه وكل تصرفاتهم غصب عنهم
لقمة العيش صعبه في الزمن دي
وكل واحد بيقول يارب موتني وانا مستور
يعني يا ابو دهم لو الاسعار على اد الناس
والتعليم كويس وكله في المعقووول والمتناسب
تفتكر ممكن تلاقي كل اللي بتشتكي منه دا؟؟؟!!!!
وعلى الرغم من كل دا وكل القرف دا
بس بجد مش هتلاقي احسن من الناس دي
كشكشها متعرضهاش
وجايز علشان الجو حر فدا مأثر كمان
اسفه للاطاله بس هو دا الحال

[abo adhem]

وحياتك ياغاليه مكشكشها على الاخر انا لو عرضتها ها فرقع المنتدى هههههههه
اقولك على واحد طيب اليوم من ركاب السيارات ذات النجمه المعروفه بأسم مرسيدس عمل ايه
الشارع اتجاه واحد وواقف الشارع علشان هو دخل غلط .... ياعم ارجع يهديك يرضيك مش عايز
برضوا كيفه كده هوه عارف انه ماشى غلط ولاكن برضوا مصمم تقوللى كشكشها طيب ده قاعد فى التكيف هههههههههههه
الموضوع كبير ومش ها يخلص كفايه عليكى كده اللى بعده يلا
سلام
ابو ادهم المفروس برضوا

[نزف الذكريات]

اقتباس المشاركة الأصلية كتبت بواسطة abo adhem تدخل مصلحه تعمل اى ورقه مهمه تتعقد وتطلع ما تعملش حاجه الا لو دفعت

هو ده الكلام

وأقربه من يومين

يا أخى روحت أجدد اشترك النقابه
ومشكلتى أنى بنسى أجدده
فطلع عليه 4 سنين متأخره
أقولت أدفعهم !!!!
لاقيت مبلغ خرافى بجد خرافى
طبعا علشان بغرامه التأخير

وفى الاخر دفعت نص المبلغ
وجددت الاشتراك حتى 2009

" أنا من البلد دى "
" بلد أبويا وجد جدى "
" بلد أبويا وولدى بعدى "

ومصر بلدنا ست الكل

ولا تعليق علشان ممنوع الكلام فى السياسه

وسك على البوك

ههههههههههههههههههههههه

شكراً ابو ادهم يا غالى على الطرح الرائع

أخوك / نزف الذكريات

[abo adhem]

هههههههههههههههههه هو ده الكلام والله
شر الباليه مايضحك ياغالى وطبعا ممنوع الكلام
انا بس عايز اعرف ايه الحكايه حد يقولى احنا بقينا كده ليييييييييييييييييييييه بس
تسلم ياغالى للمشاركه
ابو ادهم

[hana]

يا مواضيعك الجامده يابو ادهم
ما الحياه حلوه اهه
الثانويه العامه قتلت حلم الطلبه
فضلوا الانتحار عن الحياه
اسئله من خارج المنهج واسئله تعجيزيه للطلبه
واخد مخنوق طلع خنقته على البشريه
العيب فى مين
العيب فى الطلبه اما نتيجه العينه العشوائيه89%
حتى نموزج الاجابه غلط يعنى اللى ربنا كرمه وحل صح يتصحح له السؤال غلط
كشكشها متعرضهاش
هو ده التقدم والديمقراطيه
اسكت يا لسانى

[abo adhem]

ايوه اسكتى احسن علشان الحيطان لها ودان حتى الثانويه بقت مشكلة الاجيال
فكرتينى بكلية الطب ياعينى على الدكتور لما يفضل يدح يدح مذكره لما يتخرج ويشتغل ب 180 جنيه :726:هع هع هع سلام بقى علشان الاكل على النار :Sport-007:

[همس الروح]

سلاموووووووووووووو عليكوووووووووووووو

ازيكم ياا جمااااعة ؟؟

الا هو انتوا لابسين النضارة السودا كده ليه يا جدعان ؟؟؟

اقلعووووهاااااا

الدنيا حلوة

و لونها بمبي

وشاعرنا الجميل بيقول

كن جميلا ترى الوجود جميلا

و لو بقه هانتكلم عن سلبيات البلد

يبقى مش هانسكت أبدا

و الضغط هايعلى

و الأعصاب هاتتفرتك

انا مش بقول نكبر الجمجمة

و نعلي الدماااغ

و ننفض

بس خلونا ايجابيين

ازاي بقه ؟؟

اسألكم سؤال

انتوا عملتوا ايه عشان تغيروا الواقع ده ؟؟

ربنا سبحانه بيقول

" إن الله لا يغير ما بقوم حتى يغيروا ما بأنفسهم "

انتوا بقه غيرتوا ايه ؟؟

عملتوا ايه ؟؟

انجازاتكم ايه ؟؟

محدش بقه يكون قاعد يندب حظه و كاره حياته و بعدين نقول هانعمل ايه

لالالالالا

احنا أمة عمل

لازم نشتغل

نقوم نغير اللي حوالينا

نعمل حاجة كويسة

نحاول نبتدي احنا طريق الألف ميل

و لازم يكون الأمل موجود

عشان

ربنا موجود

؛؛؛

يا رب مش اكون طولت عليكو

؛؛؛

سلاموووو عليكوووو

[hana]

يا همس
ما هما طلبه الثانويه العاميه كان عندهم هدف
بذلوا كل جهدهم
تعبوا وسهروا واتمنوا يحققه احلامهم
لحد لما جه اللى طفاها تفتكرى كان ايه الحل
يتصرفوا ازاى
ما هما حاولوا يغيروا الواقع ويشوفوا الحياه بنظره ورديه
جه اللى يسوده
تفتكرى الحل ايه
الحل فى طالب متفوق يفقد بصره علشان الامتحان صعب ومش من المنهج
مانا قلت اسكت يا لسانى

[rose]

ميرسي ابو ادهم على الموضوع


طيب هنعمل ايه هي الحياة بقت كده معرفش ليه الزمن
بقة صعب حتى الحصول على الحاجه الضروريه اللي
انت عايزة بقت مستحيله الزمن بقى ومن الغلاء المستمر
اللي ممكن الفقير ميلقيش فية لقمة عيش مش رغيف كامل

دمت بصحه وعافيه

اختك روزي