العمياء أم الشعلله

[nooody]

اسمحوا لى أن أبدأ موضوعى بأن أقص عليكم طرفه ذات صله وثيقه بموضوعى




قام أحد المحررين بكتابه الخبر المراد نشرة على ورقه صغيرة وكان الخبر


يتعلق بتعزيه أحد الوجهاء :


( انتقل الى رحمه الله تعالى أمس الاحد ...... عن عمر يناهز الستين عاما

وسيصلى عليه عصر هذا اليوم ان شاء الله .... ) الى ان انتهى الخبر عند

( .... رحمه الله رحمه واسعه واسكنه فسيح جناته ) .




دخل المحرر الى رئيس التحرير ليحصل على موافقه لنشر الخبر , الصحيفه

كانت على وشك الصدور والامر فى عالم الصحافه يحتاج الى سرعه

كتب رئيس التحرير على نفس الورقه الصغيرة ( ان وجد له مكان)

اى ان وجد له مكان فى صفحه التعازى .



وعلى الفور اتجه المحرر الى المطبعه , كانت طريقه الطباعه وقتها تعتمد


على طريقه الطباعه بالحروف المعدنيه المنفصله , قام عامل الجمع بصف

حروف الطباعه جميعها بما فيها تعليق رئيس التحرير ( ان وجد له مكان )

صدرت الجريدة ووقعت المصيبه




( رحمه الله رحمه واسعه واسكنه فسيح جناته ان وجد له مكان )

ولك ان تتخيل كم الاخطأ اللغويه والاملائيه التى تقع فيها الصحف نتيجه

وقوعها تحت ضغط الوقت




والامر لايقتصر على ذلك لكن مجرد نقطه واحدة فقط كفيله ان تغير معنى


جمله بأكملها , واذا كنت قد التمس بعض العذر وليس كل للعامل الذى


قام بجمع الخبر السابق وطباعته لان عمليه الطباعه وقتها كانت بدائيه


لم يكن هناك اى دور للتكنولوجيا او الحواسيب



ولكن ما هو العذر الذى يمكن ان نلتمسه لمحرر هذا الخبر وعلى فرض


ان المحرر قد اخطأ فجميعنا يخطأ فأين المدقق اللغوى ؟ اين المراجعين؟








( سوق السلوك وراء ..........)


سوء السلوك ..... حرف واحد غير معنى الكلمه


هذا المثل وغيرة مما يسىء الى الجريدة بالدرجه الاولى ناهيك عن


انعدام المصداقيه والضرب على نغمه واحدة فى عرض اخبار الفضائح


التى تملىء اركان وجنبات الصحف ما نطلق عليه ( الصحافه الصفراء)


صحافه اختلاط الخصوصيات بالعموميات .




كل ذلك من شأنه ان يهدد مستقبل الصحافه , فالصحافه ليست مهنه اللهث


وراء الربح المادى وتحقيق زيادة فى التوزيع ظنا من الجاهل انه يسعى


وراء ما يسمى ( السبق الصحفى ).




اصبحت هناك نظرة الى الصحافه على انها مهنه للارتزاق فى المقام الاول


وليس على انها رساله تؤدى تجاة مجتمع




فدائما اشبه الصحافه بالشمعه وشرط ان من يحملها تقع عليه مسئوليه ان


يحافظ عليها دائما مضأة ولا يسمح لتيار الهواء ان يطفأها حتى لا تتحول


الى صحافه عمياء تنساق وراء كل ما هو كاذب


وايضا يحافظ على ان لا تسقط من يده فتحرق كل شىء حولها وعندها


تتحول الى صحافه الشعلله التى لاهم لها سوى الاثارة

[SiLver Spectra]

موضوع جميل يا هند


على فكرة دا مش في الصحافة فقط

في كل حاجه

حتى المنتديات ....(شاهد ما لم تشاهده من قبل )..(للعائلات فقط) و الحورارات دي

كلها ليها غرض واحد

و هو الربح

و كمان في ظل انحصار دور الصحافة

و ضعف الاقبال عليها بعد إنتشار النت و الفضائيات

لجأت كتير من الصحف و المجلات (للصفار)

عن طريق الجرائم و الفضائح و الأخبار الكاذبة


لكن بالرغم من دا كلوا و مازات في صحف قوية ظاهره من فترات

زي المصري اليوم و الدستور و روزاليوسف و الشروق مؤخرا و غيرهم....

علاوة على الصحف الحكومية المعروفة

شكرا يا هند على الموضوع الرائع

الصحف القفراء أو تسميتها بالسوداء افضل

بالتوفيق....

[سلمى سام]

شكرا على الموضوع الرائع

[nooody]

اقتباسالمشاركة الأصلية كتبت بواسطة SiLver Spectra

موضوع جميل يا هند

على فكرة دا مش في الصحافة فقط

في كل حاجه

حتى المنتديات ....(شاهد ما لم تشاهده من قبل )..(للعائلات فقط) و الحورارات دي

كلها ليها غرض واحد

و هو الربح

و كمان في ظل انحصار دور الصحافة

و ضعف الاقبال عليها بعد إنتشار النت و الفضائيات

لجأت كتير من الصحف و المجلات (للصفار)

عن طريق الجرائم و الفضائح و الأخبار الكاذبة

لكن بالرغم من دا كلوا و مازات في صحف قوية ظاهره من فترات

زي المصري اليوم و الدستور و روزاليوسف و الشروق مؤخرا و غيرهم....

علاوة على الصحف الحكومية المعروفة

شكرا يا هند على الموضوع الرائع

الصحف القفراء أو تسميتها بالسوداء افضل

بالتوفيق....

هو فعلا الصحافه المطبوعه مهددة فى ظل انتشار الفضائيات والنت

بس انا ما اعتقدش انه ممكن يجى يوم تختفى فيه الصحافه المطبوعه

هقولك ليه

الصحف المطبوعه ليها قرأها اللى مازالت بتحتفظ بيهم

لان كتير من الناس عندهم (أميه التكنولوجيا) وبالتالى مش هيكون عندهم قدرة

لمتابعه الصحافه الالكترونيه فالاسهل بالنسبه لهم الصحف الطبوعه

يعنى عهد الصحافه المطبوعه مش هينتهى بسهوله

شكرا على مرورك يا طارق

[قلم بلا حبر]

موضوع جميل يا هند ,

واى حاجه ممكن تنقرض بشرط انقراض مؤيديها او مريديها

انتى اتحديتى ان الصحفاه المطبوعه مش حتنتهى فى وقت قصير ,,

أزمه زى الىل كانت فى ايران فى الانتخابات الرئاسيه ,و كل العالم بينقل اخباره عن طريق المدونات والمواقع الالكترونيه الايرانيه لكلا المرشحين ولجبهات محايده

تانى حاجه الصحف نفسها ليها مواقعها على النت

تالت حاجه ,, الجيل اللى اخد على قراءة الصحف يوميا بالاضافه لاميته التكنولوجيه أصبح فى مرحلة الشيخوخه

فلو قررنا ننسب الفرع للاصل ,, فيبئى الصحافه المطبوعه فى مرحلة الشيخوخه

كم سنه حيفضل تواجدها ,, الله اعلم

بس هى فعلا فى مرحلة الشيخوخه ,,, الا لو تم استحداث وسائل جذب ليها بعيده عن (( الشعلله ,, او العمى او الاصفرار ))

زى الراديو كان وصل لمرحله الشيخوخه ,, بس عمل عملية تجميل بالاذاعات الخاصه واتحول الى منصة التألق وأصبح احد الوسائل المسيطره على الاعلام المصرى

بس فى الآخير ,,, قاطرة التقدم لا تتوقف ولا تبطئ ولا تنحرف عن مسارها ,,, الا لا قدر الله لو فى حرب عالميه فالقاطره بتقف وممكن ترجع لورا كمان

انما فى السلام والتنميه محدش يجزم ايه اللى ممكن يحصل بكره

خالص تقديرى

تحيااااااااااااااااتى""""""""

[misho]

موضوعك مهم اوي يا هند فعلا وبتناقشي قضية مهمة اوي

انا شايفة ان الكدب منتشر اوي اوي في كل المجالات مش بس الصحافة

يعني الجرايد الصفرا دي مثلا بيبقي اهم حاجة عندها توزيع الجريدة والربح مش مهم نقول خبر صح ولا ندافع عن قضية

يبقي تعمل ايه نقول اي فبركة صحفية علي اي خبر مثير...والتوزيع هايزيد بفضل اللي بيدور علي الفضايح وعايز يشوف اي فضيحة

او اي خبر مثير مش مهم عنده بقي هو صح ولا لا

بس برضه في جرايد محترمة المهم عندها انها توصل الحقيقة وبس وبتبعد عن الفبركة الصحفية لانها عارفة كويس واجبها وعارفة ان هدفها اسمي من مجرد تقديم وجبة دسمة للقارئ وبس ...

ميرسييي ليكي يا نودي علي موضوعك المهم

تقبلي مروري المتواضع

تحيااتي

[BANOTA COOL]

موضوع جميل يا نودى

نسال اية الخطا ونلتمس العزر طبعا

انا حاسة انى دخلت قاعة النجوم كل المشاركات من مشرفين ومشرفات والادارة

[Mo chahin]

والله انا بحييكى جدا على موضوعك الجميل والمفيد جدا
وفعلا باقينا مش كويسين فى كل حاجه
كل واحد بيدور ازاى يأذى غيره محدش بيدور على انه ازاى يصلح من حال غيره

مرة تانيه احب احييكى جدا على مجهودك الوفير

[nooody]

اقتباسالمشاركة الأصلية كتبت بواسطة قلم بلا حبرموضوع جميل يا هند ,

واى حاجه ممكن تنقرض بشرط انقراض مؤيديها او مريديها

انتى اتحديتى ان الصحفاه المطبوعه مش حتنتهى فى وقت قصير ,,

أزمه زى الىل كانت فى ايران فى الانتخابات الرئاسيه ,و كل العالم بينقل اخباره عن طريق المدونات والمواقع الالكترونيه الايرانيه لكلا المرشحين ولجبهات محايده

تانى حاجه الصحف نفسها ليها مواقعها على النت

تالت حاجه ,, الجيل اللى اخد على قراءة الصحف يوميا بالاضافه لاميته التكنولوجيه أصبح فى مرحلة الشيخوخه

فلو قررنا ننسب الفرع للاصل ,, فيبئى الصحافه المطبوعه فى مرحلة الشيخوخه

كم سنه حيفضل تواجدها ,, الله اعلم

بس هى فعلا فى مرحلة الشيخوخه ,,, الا لو تم استحداث وسائل جذب ليها بعيده عن (( الشعلله ,, او العمى او الاصفرار ))

زى الراديو كان وصل لمرحله الشيخوخه ,, بس عمل عملية تجميل بالاذاعات الخاصه واتحول الى منصة التألق وأصبح احد الوسائل المسيطره على الاعلام المصرى

بس فى الآخير ,,, قاطرة التقدم لا تتوقف ولا تبطئ ولا تنحرف عن مسارها ,,, الا لا قدر الله لو فى حرب عالميه فالقاطره بتقف وممكن ترجع لورا كمان

انما فى السلام والتنميه محدش يجزم ايه اللى ممكن يحصل بكره

خالص تقديرى

تحيااااااااااااااااتى""""""""




بص هو ما فيش شك ان الصحافه الالكترونيه هيكون ليها تاثير على

الصحافه المطبوعه وخصوصا مع ارتفاع تكالف الطباعه واسعار الورق وغيرة




بس خلينا فى نفس الوقت نبص على الجانب الاخر

ماهو مش كل مواطن عندة كمبيوتر .. فى ناس مس لاقيه تاكل

مش معقول هفكر اجيب كمبيوتر واشترك فى النت عشان اتابع

الصحف الالكترونيه وانا مش لاقيه اكل فى حاجات ليها الاولويه

فى مقابل انى ممكن احصل على الصحيفه المطبوعه ( الورقيه)


بسهوله وثمنها مش مكلف , وممكن كمان اقرأها فى اى مكان

يعنى الصحيفه الورقيه سهل تداولها من شخص لشخص



اقولك بلاش دى

اختراع التليفزيون اكيد كان له تاثير على الاذاعه بس مش ادى الى انقراضها

والاجمل انهم خلقوا منافسه قويه بينهم كل منهم له متابعيه


اقولك كمان حاجه


اختراع السينما عمرة ما اثر على المسرح , السينما ليها ما يميزها زى ما المسرح له روادة

وبالنسبه لموضوع الصحافه المطبوعه , والصحافه الالكترونيه

فانا شايفه ان التطورات الرهيبه فى عالم التكنولوجيا هتطور من الصحافه المطبوعه

زى ما اتطورت منذ اختراع الطباعه بالطرق البدائيه وصولا الى احدث الطباعه

الل بتستخدمها المؤسسات الصحفيه دلوقتى

وان ما فيش تعارض بين الصحافه الالكترونيه والمطبوعه عشن اى واحدة فيهم تؤدى الى انقراض

التانيه بل بالعكس هم الاتنين هيكملوا بعض

شكرا على مرورك يا سيد

[nooody]

اقتباسالمشاركة الأصلية كتبت بواسطة سلمى سامشكرا على الموضوع الرائع



شكرا على مرورك