جربت تزحق حيطة قبل كدة ؟؟؟

[توتة الكتكوتة]

اكيد عمرك ما هتحاول مجرد المحاوله انك تزقها
لانك عارف انك مش هتقدر تحركها من مكانها
اهي الحيطه دي بقي اعتبرها حلم حياتك
ما هو كلنا عندنا احلام نفسنا نوصللها
بس لو اعتبرنا الحلم هدف
يبقي ممكن نحققه
وبالاراده هنحققه



اتنين بيحبوا بعض
والظروف لسه مسمحتش انهم يرتبطوا رسمي
لو الشاب هنا حط البنت دي هدف عايز يوصلله
يبقي هيشتغل وهيطلع عينه كمان علي ما يوصللها
وهيوصللها
وساعتها هيكون حاول يزق الحيطه



ولاد وبنات كتير شايفين ان اهاليهم متزمتين اوي
يعني بيقسوا عليهم دايما
وللاسف تسأل اى واحد او واحده فيهم عن السبب
يقوللك من غير سبب هو بابا كده عنده كل حاجه لا
بس لو كل ولد وكل بنت فكر يقعد يتكلم مع اهله بهدوء
حط التفاهم مع اهله هدف له
يحاول يقنعهم انه من جواه عارف فين الصح وفين الغلط
ساعتها ممكن موقف الاهل يتغير
وتزيد الثقه والتفاهم في نفس الوقت
ويبقي حاول يزق الحيطه



شاب حياته متأسسه علي المخدرات

يصحي الصبح ينزل من بيتهم علي المكان اللي فيه صحابه
ويفضل معاهم يشربوا مخدرات لحد باليل يرجع بيتهم
ينام ويصحي تاني يوم يعيد اللي عمله اليوم اللي قبله
وعلي كده تفوت سنين شبابه اللي هي المفروض احلي سنين عمره
علي الفاضي
وكل ده عشان هو شايف انه خلاص ميقدرش يبطل الادمان ده
شايف ان الادمان حيطه مبتتزقش
مع انه لو فعلا قرر يبطل اللي بيشربه ده
هيقدر ومش بس هيزق الحيطه
لا ده هيهدها



المخدرات حيطه:vb39::vb39:
البطاله حيطه
غياب الثقه حيطه
الظروف حيطه


كل دي حيطان بنلاقيها في وشنا
واقفه بتستفز ارادتنا
رافضه تخلينا نكمل طريقنا
فينا اللي عمره ما بيفكر يزقها
وفينا اللي بيحاول عشان علي الاقل يبقي نال شرف المحاوله
وفينا اللي بيهدها
وهو ده اللي بيكمل طريقه زي ما بيحلم

ها هتقدروا تزقوا الحيطة :cv21::cv21:ولا ؟:Sport-114::Sport-114:

[القلب الشجاع؟]

وضوع مميز


اسمحيلي ان اقدم تحياتي لكي عليه

[misho]

الله عليكي بجد عجباني اوي فكرة موضوعك

عارفة لو الامل موجود جوانا وقبله يبقي موجود الايمان بالله سبحانه وتعالي والثقة فيه جوانا

والله حاجات كتير هاتتحل...لو كل واحد حاطط هدف قدام عينه ويقول لنفسه ان لازم اوصله هحاول مرة واتنين وتلاتة

اني اوصل لان ربنا معايا...والله اكيد هيوصل ربنا سبحانه وتعالي بيقف معاه ويسانده

زي الامثلة الكتير اللي انتي قولتيها الي بيحبوا بعض ماتيأسوش حبكم ان شاء الرحمن هيكمل بس فكروا صح حاولوا تبقوا لبعض ساعدوا بعض حط هدفك البنت اللي بتحبها وانت هاتعمل المستحيل علشان توصلها

اللي بيشرب المخدرات فكر انك هاتبقي احسن من كدة بكتير ومستقبلك احسن لو سبتها ماتقولش مش قادر يبقي اكمل بقي وخلاص لا فكر كويس في مستقبلك وكل حاجة حلوة هاترجع حياتك تاني لما تبطلها صدقني هاتقدر بالارادة والعزيمة

الحل كله موجود ان تبقي مؤمن بالله سبحانه وتعالي وتحط قدام عينك هدف وتحاول توصله لانك لما توصله صدقني هاتحس بسعادة عمرك ماحسيتها قبل كدة...

مشكووورة يا قمري علي موضوعك الجمييييل

تحيااتي

[just (o]

السلام عليكم ورحمة الله وبركاته


ان شاء الله هنقدر نحقق اي حلم طالما عندنا عزيمة وامل وايمان وتوكل على الله سبحانه وتعالى


اي حاجة ممكن تتحقق لو الانسان اخذ بالاسباب وخطط لها كويس وتوكل بعد كده على ربه

وشكرا جزيلا لك

[توتة الكتكوتة]

فعلا احنا بأردتنا هنقدر نعمل اى حاجة عايزنها

وحقيقى نورتو التوبيك

متحرمش من تواجدكم

[sokara]

موضوع مميز
واكيد كل واحد فينا بداخة طاقة لو استغلها صح
هيحطم على حيطان الياس
ولكن الهروب بكلمة قدرى والمخدرات
بيحطم نفسة
والقدرة والطاقة بتكون بالعزيمة والايمان بالله والتقرب لله تعالى
وقتها بس كل الحوائط ستحطم
تقبلى مرورى
ورمضان كريم
وتمنياتى للمسلمين تحطيم كل حوائط اليائس
بالايمان والتقرب لله تعالى

[احلى وهم]

بالامل والصبر اكيد هنقدر على كل الحيطان

[توتة الكتكوتة]

سوكرة واحلى وهم وجهة نظر جميلة

ونورتو التوبيك

[حنونة]

لو الواحد يصبر و يكون عنده امل

في تحقيق طموحه

و عنده اراده

اكيد حيحقق احلامه

[احلى ابتسامة]

موضوعك مميز