اسئله جريئه عن صاحبك .. ادخل .. جاوب .. صارح

[ألاء الرحمن]

السلام عليكم ياحلويين .. انا جايبه كم سؤال جرئ عن اصحابكم .. عايزه كل واااااااحد يرد بصرااااااااااااااحه
واتفضلوا الاسئله اهى ...

1-هل لك صديق
2-منذ متى وانتم اصدقاء
3-كيف تعرفت على صديقك
4-هل تقدر على الحياه بدونه
5-ماهى عيوبه ؟ وماهى مميزاته ؟
6- هل حب صديقك لك يجعله يتمسك بك لاقصى درجه؟ ام انه من الممكن ان يتركك فى يوم من الايام ؟
7- هل انت صادقته لانك تؤمن بمعنى الصداقه ام لان هذا شئ طبيعى فالانسان اجتماعى بطبعه ؟
8- اذا رايت صديقك يفعل شئ خطأ قد يضر بسمعته وبالتالى بسمعتك .. فهل تستمر معه على ان تنصحه .. ام تتركه ؟؟
9- اذا قامت بينكم مشاجره .. فمن يبدأ الصلح ؟؟
10- قالوا دائما ان الصديقان لابد ان يكون احدهما قيادى والاخر تابع .. فأيهم ترى نفسك ؟؟
11- اذا قالوا لك ان صديقك قال عليك كذا وكذا .. واذا تأكدت ان كلامهم صحيح .. ماذا سيكون رد فعلك ؟؟
12- وجهه كلمه الى صديقك

ياجمــــــــــــــــــــــــــــــاعه انا عايزاكم تبقوا صريحين جدااا فى الاجابه .. وبتمنالكم السعاده فى حياتكم وان شاء الله تكونوا دايما فى وفاق مع اصدقائكم ورمضان مبـــــــــــــــــــــــــارك ..

[Mo chahin]

والله يا آلاء كان نفسى اجاوبك على اسئلتك
بس اعذرينى بقى
لانى فعلا ماليش اصدقاء ولا حتى صديق واحد
بس حبيت اشكرك على موضوعك الجميل

[ألاء الرحمن]

اقتباس المشاركة الأصلية كتبت بواسطة mr. M ! R o والله يا آلاء كان نفسى اجاوبك على اسئلتك بس اعذرينى بقى لانى فعلا ماليش اصدقاء ولا حتى صديق واحد بس حبيت اشكرك على موضوعك الجميل

طب ليه اخى مش عندك اصحاب . انا بعترف ان الواحد يلاقى الصديق اللى بمعنى الصديق ده شئ صعب بس الواحد لازم يدور لانه مينفعش يعيش وحيد .. وان شاء الله تلاقى الصديق الوفى .. نورت الموضوع اخى بمرورك الكريم .. اهلا بك

[just (o]

السلام عليكم ورحمة الله وبركاته


-هل لك صديق


الحمد لله


2-منذ متى وانتم اصدقاء


عندي اصدقاء من روضة وعندي اصدقاء من سنتين بس


3-كيف تعرفت على صديقك


مش عارفة صدفة جميلة جمعتنا



4-هل تقدر على الحياه بدونه



(كل من عليها فان ويبقى وجه ربك ذو الجلال والاكرام )

الحياة دايما بتستمر عمرها ما تقف على شخص

5-ماهى عيوبه ؟ وماهى مميزاته ؟


كل واحدة وفيها عيبها وفيها ميزتها لكن اعتقد انه الميزة العامة فينا كلنا اننا مؤمنين بالصداقة دي وانه ايا كانت الظروف او العوائق هتستمر الصداقة وانه على الرغم من ان الظروف جعلت كل واحدة فينا في بلد مازلنا على اتصال دائم ومشاركة للافراح والاحزان


6- هل حب صديقك لك يجعله يتمسك بك لاقصى درجه؟ ام انه من الممكن ان يتركك فى يوم من الايام ؟



من الصعب التخلي عن الصديق


7- هل انت صادقته لانك تؤمن بمعنى الصداقه ام لان هذا شئ طبيعى فالانسان اجتماعى بطبعه ؟



اعتقد لان الانسان اجتماعي بطبعه لاني اكيد اتعرفت وبتعرف على اشخاص كتير لمجرد الاجتماعيات لكن بيكون منهم قلة ينفعوا اصدقاء بالمعنى الحقيقي للصداقة



8- اذا رايت صديقك يفعل شئ خطأ قد يضر بسمعته وبالتالى بسمعتك .. فهل تستمر معه على ان تنصحه .. ام تتركه ؟؟


استمر معه على ان انصحه الى ان يعدل عن فعله


9- اذا قامت بينكم مشاجره .. فمن يبدأ الصلح ؟؟


على حسب المخطئ

10- قالوا دائما ان الصديقان لابد ان يكون احدهما قيادى والاخر تابع .. فأيهم ترى نفسك ؟؟



لا اعتقد انه فيه تابع و قائد في الصداقة الصديق بيساند صديقه اذا كان على صواب ويمنعه عن الخطأ


11- اذا قالوا لك ان صديقك قال عليك كذا وكذا .. واذا تأكدت ان كلامهم صحيح .. ماذا سيكون رد فعلك ؟؟




الحالة الوحيدة اللي ممكن اتاكد فيها انها تقولي بنفسها انها قالت عني وفي هذه الحالة اعتقد اني هاطالبها بتفسير وتبرير مقنع وعلى حسب التفسير هتكون ردة فعلي




12- وجهه كلمه الى صديقك


في اتنين منهم الف مبروك

والباقي وحشتوني



شكرا جزيلا لك على الموضوع الجميل

[DO3AA]

1-هل لك صديق

الحمد لله

2-منذ متى وانتم اصدقاء

من 6 سنوات
3-كيف تعرفت على صديقك

كنا فى المدرسة ونفس الصف
4-هل تقدر على الحياه بدونه

لا مش هقدر ربنا ما يحرمنى منها^_^
5-ماهى عيوبه ؟ وماهى مميزاته ؟

عيبها انها مش مرنة مع الناس لكن معايا انا لا احنا روح واحدة..مميزاتها طيبة وقلبها ابيض واخلاقها ما شاء الله وسباقة لطاعة ربنا ومخلصة ووفية
6- هل حب صديقك لك يجعله يتمسك بك لاقصى درجه؟ ام انه من الممكن ان يتركك فى يوم من الايام ؟

الحمد لله هى متمسكة بيا وانا متمسكة بيها..لا تسيبنى لا خالص ان شاء الله لان صداقتنا قائمة على الحب فى الله واحنا بنحب بعض جدا
7- هل انت صادقته لانك تؤمن بمعنى الصداقه ام لان هذا شئ طبيعى فالانسان اجتماعى بطبعه ؟

احنا صاحبنا بعض علشان بنحب بعض فى الله وعلشان نعين بعض على طاعة ربنا
8- اذا رايت صديقك يفعل شئ خطأ قد يضر بسمعته وبالتالى بسمعتك .. فهل تستمر معه على ان تنصحه .. ام تتركه ؟؟

انصحها فى الاول وان مرجعتش عن اللى بتعمله يبقى مضطرة اسيبها لان المرء على دين خليله
9- اذا قامت بينكم مشاجره .. فمن يبدأ الصلح ؟؟

الحمد لله 6 سنين مع بعض ولا اتخانقنا مرة واحدة حتى مع بعض لان لما حد فينا بيشد التانى بيرخى ومش بنحب نجادل لو اختلفنا بنسكت ونقول الاختلاف فى الرأى يعنى مفيش اختلاف بيحصل اصلا علشان نخاصم بعض بسببه
10- قالوا دائما ان الصديقان لابد ان يكون احدهما قيادى والاخر تابع .. فأيهم ترى نفسك ؟؟

اعتقد انى القائد....وهى نفسها بتقول كده
11- اذا قالوا لك ان صديقك قال عليك كذا وكذا .. واذا تأكدت ان كلامهم صحيح .. ماذا سيكون رد فعلك ؟؟

ولو انى متأكدة انها ان شاء الله عمرها ما هتقول عنى حاجه وحشة ..بس لو عملت كده هعاتبها لانى بحبها واعرف سبب كلامها ده وهفضل معاها بردو
12- وجهه كلمه الى صديقك

ربنا يخليكى ليا يا حبيبة قلبى ومايحرمنى منك يا اكتر انسانه شفتها فحياتى فى الاخلاص والوفاء لصديقتها..ربنا يكرمك ويحفظك ويرزقك الجنة ويديم بينا الود والحب..بحبك فى الله.

شكرا على الموضوع الجميل ده يا الآء
بارك الله فيكِ
وجزاكِ الله خيرا

[محمد الشريف]

-هل لك صديق

بفضل الله ونعمه لى صديق .

2-منذ متى وانتم اصدقاء

منذ الطفولة وحتى اللحظة .

3-كيف تعرفت على صديقك

من المدرسة الابتدائى .


4-هل تقدر على الحياه بدونه

الحياة لاتتوقف على الصديق بقدر الاعتماد على النفس


5-ماهى عيوبه ؟ وماهى مميزاته ؟

من مزياه ملازمتى وقت الشدائد وعيوبه لا أنشغل بها .
فالكمال لله وحده .


6- هل حب صديقك لك يجعله يتمسك بك لاقصى درجه؟ ام انه من الممكن ان يتركك فى يوم من الايام ؟

نحن سويا نتمسك ببعضنا البعض حبا واحتراما متبادلا
ومسألة الترك مرهونة بالظروف القاهرية .

7- هل انت صادقته لانك تؤمن بمعنى الصداقه ام لان هذا شئ طبيعى فالانسان اجتماعى بطبعه ؟

أنا لم أختاره فالظروف جمعتنا والإيمان بمعانى الصداقة أمر فطرى
والإنسان اجتماعى بطبعه .

8- اذا رايت صديقك يفعل شئ خطأ قد يضر بسمعته وبالتالى بسمعتك .. فهل تستمر معه على ان تنصحه .. ام تتركه ؟؟

يقول رسول الله صلى الله عليه وسلم :

" المرء على دين خليله فلنظر أحدكم من يخالل "

فالنصيحة له من فروض الصداقة فواجب نصحه

فإن استجاب كان ذلك أمرا محببا . فإن استمر على

الاعوجاج وعدم الاستجابة للنصيحة فتفقد الصداقة

اهم أركانها وأتركه .

9- اذا قامت بينكم مشاجره .. فمن يبدأ الصلح ؟؟

فى القرآن الكريم وسنة رسول الله الله صلى الله عليه وسلم

أن الصلح خير ، وأنه من الخير من يبادر ويبدأ بالسلام .

10- قالوا دائما ان الصديقان لابد ان يكون احدهما قيادى والاخر تابع .. فأيهم ترى نفسك ؟؟

ولماذا لاتتوازن بينى وبينه القيادية فى النصح والارشاد .

11- اذا قالوا لك ان صديقك قال عليك كذا وكذا .. واذا تأكدت ان كلامهم صحيح .. ماذا سيكون رد فعلك ؟؟

سأرجع عليه عندما أتأكد من ذلك فإن استدرك خطأه

وندم على مابدر منه كان خيرا والعبرة هنا بالسلوكيات

المعهودة بينى وبينه فلو استقامت أموره فلا أمانع .

12- وجهه كلمه الى صديقك

دام بيننا الصفاء والود والإخلاص

[زهـــ*ــرة النرجــس*]

1-هل لك صديق
نعم،الحمد لله
2-منذ متى وانتم اصدقاء
من الروضة
3-كيف تعرفت على صديقك
مش عارفة ،بس أعتقد أنها أول واحدة صاحبتها ووقفت جانبي
4-هل تقدر على الحياه بدونه
عادي ،بس ده مش معناه أني مش وفية ليها،بس ممكن تيجي حاجات تبعدنا عن بعض،ومش بايدنا
5-ماهى عيوبه ؟ وماهى مميزاته ؟
عيوبها أنها ممكن تكبر المشكلة أوي وانها ساعات بتسيبني وتقعد مع أصحابها الجداد،ومش بتحب الأصحاب اللي صاحبتهم
المزايا:قلبها طيب ،ممكن تسامحنيي على حاجة عملتها،ولو عملت خطأ بتعلمني وبتهون عليا،لدرجة اني بعتبرها أمي التانية في المدرسة،وبتحاول توعيني
6- هل حب صديقك لك يجعله يتمسك بك لاقصى درجه؟ ام انه من الممكن ان يتركك فى يوم من الايام ؟
لا أعتقد أنها ممكن تتركني في يوم من الايام
7- هل انت صادقته لانك تؤمن بمعنى الصداقه ام لان هذا شئ طبيعى فالانسان اجتماعى بطبعه ؟
أعتقد لأان الانسان اجتماعي بطبعه ،لأني لما صادقتها كنت صغيرة ومش فاهمة يعني ايه صداقة
8- اذا رايت صديقك يفعل شئ خطأ قد يضر بسمعته وبالتالى بسمعتك .. فهل تستمر معه على ان تنصحه .. ام تتركه ؟؟
لو الخطأ ده بتعمله دايمآ وبطبعها ومقتنعه بيهاهأنصحهاولو هي مش أقتنعت هأتركها لأني مش مستعدة آخد ذنوبها ،،أما لو كانت حاجة غصب عنها وعمرها ما عملتها هأنصحها
9- اذا قامت بينكم مشاجره .. فمن يبدأ الصلح ؟؟
غالبآ مش بنتخانق
10- قالوا دائما ان الصديقان لابد ان يكون احدهما قيادى والاخر تابع .. فأيهم ترى نفسك ؟؟
أعتقد اني التابع بس مش لدرجة أني أنفذ أي حاجة بتقولها لأننا كل حاجة هنعملها بنتناقشها مع بعض
ر11- اذا قالوا لك ان صديقك قال عليك كذا وكذا .. واذا تأكدت ان كلامهم صحيح .. ماذا سيكون رد فعلك ؟؟
أكيد اللي هأتقول عليا كده مش ممكن تكون صحبتي اللي عارفاها من زمان،ممكن تكون صاحبة لسه متعرفة عليه وهأفرح لأني ربنا خلاني أعرف حقيقتها قبل ما أصاحبها أوي وهأسيبها
12- وجهه كلمه الى صديقك
أنتي وحشاني أوي ونفسي أشوفك في أقرب فرصة

[سلمى سام]

1-هل لك صديق
الحمدالله

2-منذ متى وانتم اصدقاء
من 6 سنوات

3-كيف تعرفت على صديقك
مش فاكره

4-هل تقدر على الحياه بدونه
لا لأنو صاحبتي هيه كل حياتي

5-ماهى عيوبه ؟ وماهى مميزاته ؟
عيوبها \ طيبة كتير وكدا بتقع في مشاكل
مميزاتها \ صادقة بكلامها بتسامح بسرعه بتفكر بمنطق بتخاف عليا كتير وبترشدني للحاجات الصحيحه وبتحس بيا حتى لو ما اتكلمت

6- هل حب صديقك لك يجعله يتمسك بك لاقصى درجه؟ ام انه من الممكن ان يتركك فى يوم من الايام ؟
مستحيل تتركني في يوم من الايام انا واثقة من ده

7- هل انت صادقته لانك تؤمن بمعنى الصداقه ام لان هذا شئ طبيعى فالانسان اجتماعى بطبعه ؟
انا اؤمن بالصداقه لأنها حاجه مقدسه مش اي حد يقدر ينجح في الصداقة

8- اذا رايت صديقك يفعل شئ خطأ قد يضر بسمعته وبالتالى بسمعتك .. فهل تستمر معه على ان تنصحه .. ام تتركه ؟؟
طبعا استمر حتى لو تنضر سمعتي وبحاول انصح واعمل كل اللي بقدر عليه

9- اذا قامت بينكم مشاجره .. فمن يبدأ الصلح ؟؟
ربنا ما يجيب المشاجرة بس لو حصل انا ببدأ

10- قالوا دائما ان الصديقان لابد ان يكون احدهما قيادى والاخر تابع .. فأيهم ترى نفسك ؟؟
انا مش شايفه ده بيحصل والصداقة ما ينفع فيه لا قيادى ولا تابع

11- اذا قالوا لك ان صديقك قال عليك كذا وكذا .. واذا تأكدت ان كلامهم صحيح .. ماذا سيكون رد فعلك ؟؟
ولا حاجه وكله كلام ومش هخسر صداقتي لمجرد كلام فاضي

12- وجهه كلمه الى صديقك
وحشاني اوووووى

[kokeeee2]

نفسى بس مشعندى ومش حفكر

[Mo chahin]

زمان كان ليا صديق وفى جدا وصادق جدا زى ما بيقولوا صاحب صاحبه
ويمكن مش هقولك كنت باخد رأيه فى بعض الامور .. لا كنت باخد رأيه فى الامور كلها
كان هو ضلى بمعنى اصح مكناش بنفارق بعض ابدا ويمكن اللى كان بيفرقنا عن بعض
النــــــــوم فقط لا غير
كنت ديما بعتمد عليه وكنت معتبره انا
بس فى لحظه غدر بيا غصب عنه وانا اصد الغدر هنا .. الفراق
فارقنى غصب عنه .. توفاه الله تعالى
الكلام دا من حوالى 8 سنوات
من ساعتها لا عايز اصاحب حد ولا يكون ليا صديق .. عشان بخاف يسيبنى ويفارقنى زى صاحب عمرى دا
دلوقتى لما باخد قرار باخده من نفسى وبدون استشارة لحد
عشان مفيش حد استشيره
عرفتى بقى الواحد خايف من ايه ؟
وعارفه ؟
مع ان الوحده صعبه جدا لابعد الحدود الا ان الوحده بالنسبالى افضل
والحمد لله على كل حال وادينا عايشين كده عايشين وكده عايشين بأمر الله
المهم ان ربنا يكون راضى عن الواحد فقط لا غير
بسم الله الرحمن الرحيم
يوم يفر المرء من اخيه وامه وابيه وصاحبته وبنيه وفصيلته التى تأويه
صدق الله العظيم

نهايه كلامى مخدش بينفع حد يا آلاء
دنيا فانيه