انا عصيت ربنا ومبسوطه اوى

[بنت بسيطه]

السلام عليكم ورحمة الله وبركاته
ازيكو
أنا النهاردة ياجماعة مبسوطة جداااااااا

لأنى بصراحة إنهاردة عصيت ربنا

ومهمنيش

جاهرته بالمعصية ومفرقتش معايا


طب وإيه يعنى
المهم اتبسطت وقضيت وقت جميل وخلاص


ايه دا ... إيه دا ....؟؟




مالكم كدا بتحتقرونى بينكم وبين نفسكم؟!!

انتو كمان زييى



أه زيى

أو كنتم زيى

وماتستغربوش أو ى كدا وتقولوا

لالالالالالالالا
دااحنا بنحب ربنا واستحالة نحاربه




لاء انتوا حاربتوه وبتحاربوه






طيب عيشوا معايا شوية فى المواقف دى كدا ونشوف سوا
هل إحنا بنحارب ربنا ولا لاء






أنا مبسوطة جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض


*********


أنامبسوط جدااااااا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى

**********


أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى

***********



أنا مبسوط جداااا


كنت فى شات روم واتعرفت على بنت ارتحت اوى فى الكلام معاها


وكلمتها مايك بس صوتها جميل أوى
وقعدنا نتكلم للصبح


**********


أنا مبسووووووطة جدا امبارح سمعت ألبوم المطرب .....
الألبوم تحــفة وأغانيه جميلة أوى فعلا كنت هموت وأسمعه
انتو عارفينى بأه
مينفعش ينزله جديد وميكونش عندى

**********



أنا مبسوط
حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غيرى

وع الأغانى ولا العروسة !!
والرقص اللى اللى رقصناه
ولا اللبس ولا ... ولا ......


**********


مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا

********



فرحاااااااان لأننا كنا ف رحلة امبارح
وحصل بأه شوية حاجات

اتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب

************



أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا

***********



أنا إشتريت حتة طقم إنما إيه يابنات روووعة
لو تشوفوا استايل البنطلون
ولا لون البادى جنان
مشفتش حد لابس منهم

********



انا منمتش امبارح كنت بأتكلم فى التليفون مع زميلى فى الجامعة
لحد الساعة 3 الفجر
وبعديها فضلت لحد الصبح أفكر فى الكلام اللى حصل

وبالرغم من كل الرعب اللى كنت فيه إن حد يصحى ويحس بيا
بس كنت فى قمة السعادة


من الآااااااااااااااااااااااخر

مبسووووووووووط /ة جداااااا لأنى ............................






عصيــــــت ربنا!!!





هاااا

فكرتوا انكم ممكن تكونوا بتعملوا زيى
أو على الأقل كنتم بتعملوا كدا
يعنى مش لوحدى دا حالنا كلنا



مش هو دا لسان حالنا ياجماعة لما بنعمل المعصية؟
مش دا
حالنا فى المجاهرة بالمعصية ؟




يعنى الحمد لله ربنا سترنا ومفضحناش
الحمد لله ربنا أحيانا ومقبضش روحنا واحنا بنعمل المعصية

مش نسكت بأه ونستر نفسنا
لاء

دااحنا بنخرج وبنجاهر بالمعصية وبنتمنظر بيها كمان !!

وبنقول لربنا
أنا عصيتك
وفرحان انى عصيتك
وهأحكى لكل الناس إنى عصيتك
ومش هيفرق معايا.......

(والله قلبى بينخلع وأنا بأكتب الجزء دا دا
وبجد مش قادرة أكمله
ربنا يغفر لى )


قدرنا ياجماعة نقول كدا ؟؟
قدرنا نغضب ربنا بالطريقة دى؟؟

يااااااااا الله على جهلنا وعلى سوء معاملتنا مع ربنا
وهو ستير لعيوبنا ولذنوبنا وإحنا والله لو ربنا حاسبنا كما يجب
كنا هلكنا دلوقتى من جراير أعمالنا


ياااااااه لما الواحد يفتكر أد ايه كان غافل وبعيد عن ربنا
ولما يفتكر ذنوبه وازاى ربنا كتب له الحياة علشان يكفر عنها




وتحسبونه هيناً وهو عند الله عظيم

يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية
وعلى فكرة أنا مش مكبرة الموضوع ولا حاجة
*******


دى تذكرة بسيطة ليا وليكم وأتمنى أكون قدرت أوصلكم قصدى

علشان لو فيه حد فينا لسة بيجاهر بالمعصية يتنبه وياخد باله
ولو كان حد فينا عمل كدا زمان
وربنا هداه دلوقتى لكن ماتابش
يتوب لأن الذنب لو ماتبناش منه ربنا هيحاسبنا عليه حتى لو كنا بطلنا نعمله


وطبعا دى كلها مواقف من وحى الخيال لكنها وااااقعية جدااااااا

بس حبيت أتكلم بصيغة المتكلم لأنها بتوصل أسرع وأفضل فى التعبير



منقول

[شاعر الاقصى]

بس كدا مش عصيان لله برده يعني انتي روحتي فرح هل ده معصيه

انتي روحتي اتفحستي شويه دي معصيه المعصيه انك تتجاهلي عيوبك واخطائك في هذه المواقف وشكرا لكي

[بنت بسيطه]

ماهوا ده اكيد مش معصيه بس على حسب الطريقه الاى بنكون عليها ماهوا ناس بتخرج تتفسح بس بيعملوا معاصى كتير اوى وهما بيتفسحوا يعنى الحاجات دى بتختلف من شخص لاخر بس انا باخد الامثله من جانب الموضوع الى بتكلم عنه شكرا لمرورك الكريم واضافتك

[احلى بنت في مصر]

لا يا حبيبي وانا كمان مبصوط اوي عشان روحت اتمشيت في البحر ههههههههههههه سخيف اوي وشكرا يا عم طيب عندك نكته ولا حج عوزين نضحك احنى طفشنين اوي يالله باى وماتضحكش اوكي يالله ههههههههههههههههه

[حفيدالفراعنة]

اقتباس المشاركة الأصلية كتبت بواسطة احلى بنت في مصر لا يا حبيبي وانا كمان مبصوط اوي عشان روحت اتمشيت في البحر ههههههههههههه سخيف اوي وشكرا يا عم طيب عندك نكته ولا حج عوزين نضحك احنى طفشنين اوي يالله باى وماتضحكش اوكي يالله ههههههههههههههههه

هههههههههههههههههههه

طفشانة من مين بس هههههههههههه

[حفيدالفراعنة]

"اللهم اغفر لي خطيئتي وجهلي وإسرافي في أمري وما أنت أعلم به مني، اللهم اغفر لي جدي وهزلي وخطئي وعمدي وكل ذلك عندي، اللهم اغفر لي ما قدمت وما أخرت وما أسررت وما أعلنت أنت المقدم وأنت المؤخر لا إله إلا أنت"، اغفر لي خطيئتي وجهلي وإسرافي في أمري؟ وما أنت أعلم به مني؟

[Transporter]

بسم الله الرحمن الرحيم
السلام عليكم ورحمة الله وبركاته



بصراحة هي المواقف عادية بس احيانا المضمون بيفرق على حسب الاشخاص فعلا يعني المهم نراعي ربنا في كل شيء سر وعلانيه يعني بالبلدي هانضحك على مين استحالة على اللي خلقنا ممكن شيء بسيط وفي عنينا تافه لكن ما ورائه ومضمونه ياعلم لفين يودينا

نسال الله العفو والعافية في القول والفعل
تحياتي

[محمد الشريف]

يقول الله تعالى :

((الَّذِينَ يَسْتَحِبُّونَ الْحَيَاةَ الدُّنْيَا عَلَى الآخِرَةِ وَيَصُدُّونَ عَن سَبِيلِ
اللّهِ وَيَبْغُونَهَا عِوَجًا أُوْلَـئِكَ فِي ضَلاَلٍ بَعِيدٍ).

ويقول تعالى :

" بل الإنسان على نفسه بصيرة ولو ألقى معاذيره "

ويقول المصطفى صلى الله عليه وسلم :

(إنما الأعمال بالنيات وإنما لكل إمرى ء مانوى )


بنت بسيطة

ولو كان طرحك لموضوعك من وحى التصور أو التخيل إلا أنه مما يصادف سلوكيات

الكثير من الناس ... وعلى كل حال تلكم دعوة طيبة للتبصرة وتدارك الأعمال وما ينبغى

تجنب ما يغضب الله . والتذكرة بأن الله سبحانه وتعالى لاتأخذه سنة ولا نوم وسبحانه

الرقيب البصير .ويعلم خائنة الأعين وما تخفى الصدور .

وجزاكم الله خيرا

[بنت بسيطه]

تسلموا على ردودكم ومروركم وانما الاعمال يالنيات والمواقف عاديه بس بتكون على حسب استخدام كل انسان وطريقته

[عابر الحد]

كل نسان يخطي وخير الخطيين التوابين
مت توب ياعاصي الله