الحلقه الأولي من (مسحراتي بنات مصر) مع (‏alison sweeney)

[noona]

اهلا اهلا بكول ...

منورة المسحراتى النهاردة ..

كل سنة وانتى طيبة يا جميلة

وشوية اسئلة كده على الماشى

"
"

1 - ايه اخبار اليوم فى رمضان معاكى ؟ احكيلنا بتقضيه ازاى ؟

2 - بتساعدى فى البيت والمطبخ ولا لاء ؟ وبتعرفى تعملى اكل ولا مقضياها اكل وفرجة بس ؟

3 - يا ترى فطرتى ايه النهاردة وناوية تتسحرى ايه كمان شوية ؟

""

4 - وصلتى ازاى للمنتدى هنا ؟ وايه اللى عجبك فيه وخلاكى تسجلى وتشاركى ؟

5 - ايه رايك فى المنتدى فى رمضان ؟ وفى غير رمضان ؟

6 - ايه اللى مش عاجبك فيه ونفسك تغيريه ؟

7 - هلى انتى شايفة نفسك كول على طول فعلا ولا مش على طول :vb38: ؟

""

كفاية عليكى شوية الاسئلة دى دلوقتى ..

ربنا معاكى :vb19:

[Mo7aMaD 3aLa2]

اختيار جامد جدااا يا دكتور مروة

اهلا يا رنا

كان عندى كم سؤال

1- اية سبب تسجيلك فى المنتدى

2- انتى فى كلية اية

3- مين اقرب اعضاء ليكى فى المنتدى

4- مين اكتر عضو او عضوة تحسى انة شخصيتها قريب/ة من شخصيتك

5- ناوية تقضى العيد فين وازاى السنادى

6- قلتى كلمة بحبك لحد قبل كدة...لو اة...امتى واية ظروفها


كفاية كدة

وكل سنة وانتى طيبة

[Dr.nour]

فينك يا كول روحتى فين
استنى منى شويه اسئله
على مزاجك

[doiss]

هههههههههههه
انا جي اتفرج بس ههههههههههه
طارق قام بالواجب بصراحة ههههههههه
اجمل حاجة اسئلة بعد الفجر محدش بيبقي عارف بيجاوب بيقول اية والاجابات بتبقي طالعة بزهق :vb8::vb8::vb8:
جي تاني
موفقة يا مرمر في الاختيار ,

[Şenyorita ®]

اقتباسالمشاركة الأصلية كتبت بواسطة SiLver Spectraكويس و الله عشان الواحد يفش غله فيها بالأسئلة بتاعت امبارح

أنا مفكرك هتبعتي سؤالين تلاته

^_^


هههههههههههههههههههه اي خدمة
انت بتسيحلي

بسم الله


1) ليه اخترتي اسم كول على طول بالذات؟ و ايه علاقته برنا؟ و ليه مش بالانجلش cool 3ala tool

لا مالوش علاقة بيا نهائيا بس لقيته ماشي مع بعضه عامل قافية قمت مسجلة بيه
بس حاليا مش حاباه جدا وكنت عايزة اغيره بس قولت الناس مش حتعرفني حبيته اوي الفترة الأخيرة
وقولت مستحيل اغيره :cv24:
مش فارقة انجليش او عربي كله واحد
بس لقيت العربي اسهل وانا بسجل لسه ححول الكيبورد لأنجلش ^^

و ليه ما يبقاش كول على عرض أو كول على ارتفاع؟

ايه السؤال العجيب ده علشان يبقى ماشي مع بعضه ^^

2) رنا بتحب الدراسه؟
ال بحب الدراسة ال
لا مش بحبها بحس اني محبوسة في البيت دا غير النغمة المعتادة
قومي يا رنا ذاكري وسيبك من التلفزيون ^^

و هل هتقدر تتواجد في المنتدى خلالها و لا هتبقى زي السنه الي فاتت....اسمها كان بيطلع في المتواجدون بالحظ ؟

في البداية حدخل كتير في النص يوم واحد وفي الاخر مش حدخل خالص

3) كول بتحب تعد فين في الصف ( أدام و لا ورا و لا جنب الشباك ؟)

لا ورا علشان اشوف كويس وفي الحصص الفاضية اعرف ارغي مع صوحابي

4)عرفينا عندك كام أخت و أخ و ترتيبك الكام و ياريت اساميهم كمان

طشيب

ياسمين : 18 (فنون جميلة )
رنا : 15 ( اولى ثانوي )
مهند : 11 (6 ابتدائي)

5) قولي يا رنا بصراحة

دلوقتي انتي ماشيه في شارع و طلع عليكي واحد ثبتك و قالك هاتي الشنطه و الا هشقك...و ما كنش في حد ماشي في الشارع غيركم

هتعملي ايه؟

حرميهالو وحمشي
هيه بصراحة حصلت قبل كدة بس كانت رايحة الدرس وراكبة لقيت واحد قعد جمبي ومعاه شنطة
لقيته بيطلع من الشنطة تقريبا مطواة او سكينة مرزتش انا بصيت بصة كدة و بقيت مرعوبة
بس طبعا مش حسبهالوا بسهولة انا دورت وشي الناحية التانية ولا كأن فيه حاجة وهوه بقى بيقربها كل شوية مني وبيبينهالي وانا بستهبل بس انا قعدت اقرأ ايات وكدة وربنا طلعني منها بسلام ومن ساعتها وبخلي بابا يوصلني ^^

كفاية كدا و ليه عودة

^_*

تنور في اي وقتش

[Şenyorita ®]

اقتباسالمشاركة الأصلية كتبت بواسطة حنوناخيار جامد يامروه

بجد كول دى من احلى الاعضاء ومنوره المسحراتى

يارنوشتى وعشان انتى حبيبتى انا مش هسالك

كفايه اسئلت طارق ربنا معاكى ومنوره المسحراتى ياقمر

بالتوفيق اختك حنون


يا سلام عليكي يا حنونتي
انا دايمة بقول انتي اللي فيهم
نورتشي التوبيك يا جميل

[SiLver Spectra]

يا بختك يا عم ...عندك مهند في البيت

بنات جيلك هيقطعوا نفسهم مسلسلات تركية و انتي عندك جاهز في البيت
ههههههههههه

طيب يا رنا قولي بقى

1) مين علمك الفوتوشوب؟ و لا هواية لواحدك مارستيها؟

2) ايه سر انجذابك لقسم الستالايت؟

3) مرتاحة في قسم الصور أكثر و لا الترحيب؟

4) طيب خدي الموقف دا

لو مامتك عملت تورته في التلاجه لسه ما حدش أكلها

و انتي شوفتيها و حبيتي تاكلي منها

و جيتي تطلعي التورته راحت واقعه على الارض

ايه موقفك ساعتها

هتلميها و تحطيها في التلاجه تاني عشان ما تاخديش العلقة و لا هتجري و تسيبي التورته واقعه و تعملي نفسك ما وقعتيش حاجه؟

[شموسه]

ايه ده مش معقول رانوشا القمرايه منورة الكرسى النهادره ( احسن عشان نطلع عليها القديم والجديد ههههه ) احم احم يا عينى صعبت عليا عشان كده هاسالها قليل هههههه

هل يا رنوش بتصومى السته البيض ؟؟

هل يا رنوش بتصومى فى الايام العاديه كده من غير سبب ولا هو رمضان وخلاص ؟؟؟

هل بتروحى تصلى التروايح فى الجامع ولا بتصليها فى البيت ولا ما بتصليهاش خالص زيى هههههه ؟؟

هل بتحاولى تقللى ساعاتك على الكمبيوتر فى رمضان عشان تتعبدى اكتر ؟؟

ايه اكتر مسلسل عجبك وليه ؟؟

نفسى عيدك يبقى عامل ازاى ؟؟

بتحبى رمضان اكتر ولا العيد ؟؟؟

هاه كفايه كده ولا ايه ههههههه

عموما كل سنه وانتى بخير يا قمر وكلكم بخير واكيد هرجع تانى باسئله تانيه هههههه

يللا مستنيه اجاباتك

[Şenyorita ®]

اهلا اهلا بكول ...
منوراني يا نونا
منورة المسحراتى النهاردة ..
دا نورك يا جميل
كل سنة وانتى طيبة يا جميلة
وانتي طيبة
وشوية اسئلة كده على الماشى
اتفضلي^^
"
"

1 - ايه اخبار اليوم فى رمضان معاكى ؟ احكيلنا بتقضيه ازاى ؟
اولا بصحى متأخر الساعة 1 او 1 و نص بصلي الظهر
بروق اوضتي طبعا و بعد كدة على الكمبيوتر ادخل عالميل مالقتش حد اطفي الكمبيوتر
واقعد اقرأ قرأن وبعد كدة ارجع اقعد تاني لغاية الفطار بعد الفطار بتفرج على مسلسل
وبعد مايخلوص بنزل اصلي التراويح او بصليها في البيت و لو منزلناش بقعد على الكمبيوتر^^ شوية واقوم اعمل اي حاجة على مامهند يقوم
وبعد كدة برجع اقعد لغاية مانتسحر واصلي الفجر وانام

2 - بتساعدى فى البيت والمطبخ ولا لاء ؟ وبتعرفى تعملى اكل ولا مقضياها اكل وفرجة بس ؟
ساعات وساعات يعني انا بصراحة مش بساعدها من نفسي كدة
لما هيا تنادي عليا بروح اساعدها ماما شطورة بتخلص لواحدها ^^
بعرف اعمل بطاطس ^^
3 - يا ترى فطرتى ايه النهاردة وناوية تتسحرى ايه كمان شوية ؟

فطرت رز وفراخ وحاجة عجيبة ماما بتعملها بتاخد كل الخضار فوق بعض
واحنا ناكل ومش فاهمين حاجة ^^
اه مش عارفة و شامة ريحة بطاطس معرفش ايه جمبها
اي حاجة وخلاص احنا
""

4 - وصلتى ازاى للمنتدى هنا ؟ وايه اللى عجبك فيه وخلاكى تسجلى وتشاركى ؟
عن طريق جوجل . روح الاخوة اللي بين الاعضاء
5 - ايه رايك فى المنتدى فى رمضان ؟ وفى غير رمضان ؟

حلو جداااااااا في رمضان وفي غيره
6 - ايه اللى مش عاجبك فيه ونفسك تغيريه ؟
مفيش حاجة كله على بعضو حلو
7 - هلى انتى شايفة نفسك كول على طول فعلا ولا مش على طول :vb38: ؟
انظري الى اسئلة طارق ^^
""

كفاية عليكى شوية الاسئلة دى دلوقتى ..

ربنا معاكى :vb19:
يا رب

[Şenyorita ®]

اختيار جامد جدااا يا دكتور مروة

اهلا يا رنا
ازيك يا محمد

كان عندى كم سؤال
اتفضل
1- اية سبب تسجيلك فى المنتدى

كنت بدور على منتدى مصر علشان افهم كلام الاعضاء^^

2- انتى فى كلية اية
لسه مش دخلت كلية
3- مين اقرب اعضاء ليكى فى المنتدى

عبير العود

4- مين اكتر عضو او عضوة تحسى انة شخصيتها قريب/ة من شخصيتك
لا مفيش

5- ناوية تقضى العيد فين وازاى السنادى

اول يوم بيت العيلة تاني يوم بخرج مع صوحابي وتالت يوم في البيت

6- قلتى كلمة بحبك لحد قبل كدة...لو اة...امتى واية ظروفها

لا مش قولت

كفاية كدة

وكل سنة وانتى طيبة

وانت طيب