الحلقه الأولي من (مسحراتي بنات مصر) مع (‏alison sweeney)

[A . y . a]

الله عليكي يا ميرو

مفاجئتين جامدين ورا بعض :d

بس ياحرام طحنوك يا طارررك

بما انه سالوك تقريبا نفس اللي كنت هساله

هسالك سؤال اموت واعرف اجابته

بص يا سيدي

انت كنت خارج ورجعت وفتحت الباب ودخلت بقى وقلت السلام عليكم

تلاقيه الوالد الكريم حفظه الله يقولك:

ايه ده انت جيت يا طارك يا ابني ومستغرب جدااااااا

وطبعا انت هتقوله اه جيت

سؤالي بقى:

ليه البهبهات بيسالوا السؤال الظريف ده

يعني احنا قدامهم اهو يسالو ليه!!!!

مستنية اجابتك وهدورلك على اسئلة رخمة برضو واجي :d

[SiLver Spectra]

اقتباس
المشاركة الأصلية كتبت بواسطة princessa

اقتباس مش معقول سيلفر متدبس نورتنا يا سيلفر اولا : كل سنة وانت طيب

و انتي طيبة يا برنسيسة

اقتباس السؤال الاول: انت قبل ما رمضان يجى كنت بتاكل خفيف ولا لأ؟

باكل خفيف على طول
^_^

اقتباس السؤال التانى: وانت صغير كنت بتعمل مقالب ولا لأ؟

أيوه كان عندي هواية حدف المشابك من البلاكونه

و اي حاجه تانيه بقى...مايه بطاريات الي يجي في ايدنا

كان في حاجه أحلى من الي فات دا كلوا

كان عندنا كشاف قوي

كنت بحب أنور على الناس الي ماشيه بيه من فوق بالليل

اقتباس السؤال الثالث: انت كنت بتصوم وانت صغير ولا لأ؟

أول مره صومت و أنا 8 سنين صمت نص رمضان

اقتباس السؤال الرابع:انت بتشجع نادى ايه؟

ماليش نوادي متعصبلها

^_^


نورتي يا برنسيسة

[الملكة كيلوباترا]

و عودت مع الاسئلة

اكلتك المفضله ؟؟

قريت كام جزء من القران ؟

اختار خمس اعضاء تتمنى تتسحر معاهم؟

لو فى منحت ليك كلمه تمنى
حتتمنها لمين ؟

يا ترى الجوع والا العطش مايثر معاك اكتر؟؟


اهدى 10 فوانيس ل 10 اعضاء

ايه هى هواياتك ؟؟

[الحان الورد]

طـاااارق
منـــوووور والله
احنا كده بقى مسهرين النهاردة
لي عوودة بالاسئلة
ان شاء الله

[SiLver Spectra]

اقتباس
المشاركة الأصلية كتبت بواسطة dr.marmar





ياعيني ياطارق
دي الناس مستنيه انك تقع من زمان
طارق طارق طارق

أيون أيون أيون

شوفتي بقى ما صدقوا

^_*

اقتباس شويه أسئله ليه اشتركت في بنات مصر مع انه اسمه بنات ؟

يعني قولت بقى بنات و مصر كمان

أكيد هتعرف على موزز
هههههههه

و الله جت بالحظ يا مرمر

و لاقيت ولاد كتير فيه فعرفت إنه مفتوح

و اسم بنات فقط لجذب الإنتباه

طب سؤال ليكي يا مرمر

ليه شاركتي في شباب مصر؟
ههههههههههههههههههههههه

اقتباس ايه رأيك في المنتدي دلوقت؟

هحطلك نفس إجابتي على سؤال طمطم


و الله زي الفل

في ناس ليها نشاط رائع


و قريب هنميز ناس جديده تستاهل


لكن بصفة عامة أنا مش من النوع الي بترحم على الماضي

الماضي بتاعك مش هيكون الماضي بتاع غيرك


و الماضي بتاعك هو الحاضر بتاع غيرك الي ممكن يقولوا عليه وحش

و برضو الحاضر بتاعك الي ممكن ما يعجبكش ممكن يبقى الماضي بتاع غيرك الي هيفتكره بعد شهور


يعني الموضوع نسبي


و مافيش فترة أفضل من الأخرى


النسبية بترجع لكل عضو


و باستمرار في ناس بتيجي جديده و ناس بتمشي لظروفها الخاصة

(هي دي سنة المنتديات)

اقتباس مين الي غاب عن المنتدي تقله ارجع تاني ؟

و الله ناس كتير

منهم ميرا صاحبتك

دي كان ليها قلم رائع

و في ناس كتير مميزين مفتقدينهم

و عندك همس الروح

هترجع إن شاء الله يمكن بعد العيد و الله أعلم

اقتباس اتكلم عن طارق في سطرين ؟

طارق شاب بسيط

سيبكم من الصورة الرمزية الكبيره و عربيات الشرطة و الجمجمة
ههههههههه

ليه قناعاتي و بحب افكر في كل حاجه من غير حواجز أو زي ما بيقولوا من غير ما أحجب عقلي

اقتباس موقف مؤثر في حياه طارق ؟

دي الأسئلة بتاعت كرسي الاعتراف

خلينا في المنتدى هنا

أحيانا في أعضاء أو مشرفين بيصعبوا عليه

^_^

اقتباس طارق لو مكنتش دخلت طب اسنان كنت تدخل كليه ايه؟

فنون تطبيقية


كان نفسي ابقى مخرج

عشان أخرج فيديو كليبات ليه و أحط رقمي على الشاشة
هههههههههههه


لا بس بجد بحب أخرج الفيديوهات أو بالأحرى بحب أمنتج

اي حاجه في الجرافيكس بحب أشغل نفسي بيها

مش عشان أنا محترف لكن أنا بحب الجرافيكس


و ضربت في دماغي مره أتعلم 3d max


الكلام دا من سنتين


و كنت نزلت دروس من كلية هندسة و جمعت دروس كتير


كنت بفكر أعمل زي المفتش كرومبو

ههههههه

و الله الحاجات دي مش صعبة

بس عايزه صبر كبير

و جهاز يبقى في امكانيات تشيل الجرافيكس العالي و تبقى سريعة في التنفيذ

الي صعب هي الافلام الأنيميشنز الأجنبية

دي الي بيبقى التصميم و التحريك فيها صعب و معقد جدا

اقتباس اقرب شخص لقلب طارق؟

أمي

اقتباس أقرب عضو لطارق؟

كتير و الله

اقتباس وكفايه كده وهرجعلك ماتخفش

و ليه نخاف

انتي تنوري في أي وقت

^_^

[SiLver Spectra]

اقتباس ممكن تضرب حد بالالم ؟؟

عملتها مره و أنا صغير مع واحد صاحبي

بس صعب عليه وقتها و حسيت إني ارتكبت جريمة

ضرب الألم ما أحبوش طبعا

الله أعلم ابني ممكن أعمل فيه ايه

بس بصفة عامة أنا مش بتاع ضرب

أنا أليف و باكل الأعشاب

^_^

اقتباس بتحب حاليا ؟؟

بحب نفسي...

كل سنة و انتم طيبين و رمضان كريم

اقتباس حد خدعك قبل كده ؟؟ و عمل ايه فيك

شوفي يا طمطم ماحدش بيخدع حد غير لو كان هيسرقه

غير كدا مش بيبقى خداع بقدر ما بيكون كذب


هتقولي ايه الفرق

الفرق كبير

الخداع يعني بيتكلم بدون قلب و بدون أي هدف غير إنه عايز ينصب عليك

لكن الكذب ممكن يكون بيتكلم من قلبه بس بيكذب مثلا عشان يخبي عيوب فيه


وات ايفر

اقتباس امتى اخر مرة حسيت بالظلم

أكيد اتظلمت كتير

و لما بتظلم مش بسكت و بتكلم

لكن إمتى آخر مره

مش فاكر بصراحة

اقتباس لو معاك طقية الاخفاء هتعمل بيها ايه

هخفي نفسي من المنتدى عشان ما حدش يسأل

مع إن الطقية دي معايا
ههههههههههه


يعني ممكن أدخل بيت الجيران


و نبص على الأوض فيها ايه
هههههههههههه


بس مش هعمل حاجه تانيه


مش هسرق مثلا

^_^

اقتباس ايه الحاجة اللى متقدرش تفرط فيها

كرامتي

اقتباس عاكست كام بنت قبل كده

و الله و لا مره


هستفيد ايه من المعاكسة


لو في مكسب واحد من بكره الصبح هنزل أعاكس


شخصيالما بشوف شاب بيعاكس ببقى عايز أضربه للبنت

اقتباس ايه اكتر سؤال رخم مش عايزنى اساله لك

انتي ما سبتيش حاجه

ما شاء الله

ما قصرتيش معانا

^_^

اقتباس و اخيرا و ليس اخرا ايه حل المسابقة بتاعتك ههههههه

ما عرفتيش تحليها يا هندسه

و عامله فيها اتجنير و انج طمطم و بتاع
هههههههههه

قولي انتي الحل و أنا اقولك

^_*

بالتوفيق....

[the love rays]

انا قاعدة هنا ومش همشى غير اما اتسحر بلطبق دا

اهلا يا طارق وميرسى على الموضوع

[SiLver Spectra]

اهلا اهلا بطروووووق

أهلا أهلا بنهى

يادي النور

^_^

نسيوا يقولوا الفيل ابو زلومة كمان .. :vb19:

آه فعلا كمان


الفيل أبو زلومة


^_*

مش عارفة ايه النظريات دى .. اينشتين القرن 21 :445:

هههههههههههههههه

طبعا أمال

منور المسحراتى يا طارق ...

دا نورك و الله يا نهى

ونبدا ....

"
"
"


الأسئلة الرمضانية ...




1 - احلى اكلة اكلتها من اول رمضان لحد دلوقتى كانت ايه ؟
العزومات بيبقى فيها أكل كتير حلو

بناكل لحاد ما نتنفخ
ههههههههههه

بس تصدقي أنا بحب المكرونة الحمرا

أكله بسيطه بس بحبها في رمضان أو غيره


2 - جبت فانوس السنة دى ولا نورت الشمعة اللى عندك ؟؟
أنا بتاع فوانيس برضو


^_^


يعني لما بحب أجيب حاجه بجيبلي كماليات للكمبيوتر ...فانوس مين بس
هههههههه

3 - علقت زينة وانوار بمناسبة رمضان فى البيت عندكم ولا لاء ؟ :jester:

بصراحة لأ

دي بتبقى حالات نادره جدا بتحصل عندنا في الشقة

يمكن ايام تخرج أخويا الوسطاني

أيام ما أخويا الكبير ما طلع الخامس على ******************

^_^

أنا فاضي برضو أعد أعلق في زينه

4 - حتجيب لبس للعيد السنة دى ولا مش حتجيب ؟؟>> بما ان العيد قرب :vb19:

يالهوي

لسه بادري

لسه 19 يوم


أنا بجيب في آخر يوم أو اليوم الي قبل الأخير

5 - وايه اخبار الكعك والبسكويت ؟؟؟

أنا باكل بس


بس عامتا مش غاوي كحك و بسكوت


باكلهم بس لما ببقى جعان و مافيش حاجه تتاكل تلائيقي بتسلى عليهم


اسئلة منتدياتية :realmadrid-flag:




1 - كنت بتكتب بالسيلفر .. ايه اللى خلاك تغير اللون للاسود ؟؟

يا سلام على الملاحظه ...

ما أنا بكتب بالسيلفر أهو

يمكن ألوان الشاشة عندك ضربت بس

ههههههههههههههه

و الله غيرت عشان الإسود تقيل و أوضح من السيلفر الي بيبقى بهتان

بس في ناس كان عاجبهم السيلفر

و شكلك منهم

2 - ايه الرعب الامنى اللى انت عامله فى توقيعك ده ... شايف حرامية بتحوم حوالين المنتدى ولا حاجة ؟؟ :cv34:

هههههههههههههههه


آه


عشان ما حدش يسرق المنتدى فجبت عربيات المديرية كلها




3 - ايه الحلم اللى بتحلمه للمنتدى ونفسك تحققه ؟؟

بحلم يكون عندنا مشرفات كتير بنفس أخلاقك و عقليتك


اي خدمة

^_*


اسئلة مش رمضانية ومش منتدياتية .. :harhar1:




1 - لو لم تكن طارق لودتت ان تكون اسبكتارا (أكمل)
2 - أكتر حاجة أثرت فى شخصيتك ؟؟
أثرت في شخصيتي ازاي!!

خلت شخصيتي تعيط مثلا

قطتي لما انتحرت

^_^

3 - مبدأ بتطبقه فى حياتك دايمااا ؟

عامل الناس بعدل

4 - اشمعنى البطريق والفيل ابو زلومة ... وليه مش القطة المشمشية والثعلب المكار ؟؟؟ :077:

داخلين دماغي مش عارف ليه


^_^


ايه التعلب المكار دي


لكن البطريق و الفيل ابو زلومة


مستظرفهم


صحابي من ايام الجيزة

^_^


"


كفاية عليك كده دلوقتى

السهرة لسه طويلة ...:ju6:

شد حيلك انت بس وصحصح معانا ...

ومنوووور يا طارق

و لا يهمك يا نهى

نورتي سهرتي....

[SiLver Spectra]

اقتباس
المشاركة الأصلية كتبت بواسطة ALISON SWEENEY

اقتباس اقتباسعشان ....كنت في المنصورة ايه بتقول ايه كنت فين فى اه فى المنصوره لامافيش حد هيعرف ههههههههههه طيب انا هسكت دلوقتى علشان اسيبك ترد لكن مش هسيبك ولى عودات مش عوده واحده بس اعمل لنا اعلان فوق كده عنك علشان اللى ما يعرفش يعرف ويدخل ههههههههههه

الحمد لله

صاحبي الظابط نفذ الي قولتله عليه

المهم ماتجيش بكره متعورة

كراسي بقى و سفر بتطير
ههههههههههه

أحلام سعيده يا سلوى

قاعد بنيم واحد واحد فيكم

^_^

[SiLver Spectra]

ياطارق يامحمد ياعباس منور والله**



دا نورك يا ياسمين
أشوفك تاني تقولي ياسمين رفعت:Sport-114:
ياسمين رفعت السكري ههههههههه


عامل أيه تمام**



نفسي أعرف النجمتين دول بتوع ايه


بدور في آخر المشاركة يمكن بيكون قصدك على ملحوظه تحت زي ما بنشوفها في الكتب


مش بلاقي حاجه


دي علامة الجودة ؟


^_^

نســـــــأل**



اتفضلي يا ياسمين


بتعرف تطبخ؟:germany-flag:
بعرف أسلق بيض


مره سلقت البيض و حطيته تحت الحنفية عشان يبرد و كانت البلاعه مسدوده


رجعت لاقيت المطبخ بقى حمام سباحة


من بعدها اعتزلت سلق البيض


و بعدين رجعت تاني أكمل مشواري الفني


و باقيت بسلق البيض و بعدين أحطه في مايه ساقعه من التلاجه


^_^



شغل المطبخ عامل معاك أيه؟



شوفي أنا علاقتي بالمطبخ زي علاقتي بالحمام بالزبط


تقضية واجب مش أكثر


البنات بقى هما الي بيصاحبوا المطبخ


و تقولك بقى المطبخ دا حياتي


^_^



يلا بقى من ردودك حسيتك بدافع عن حقوق المرأه وعايز مساوه فأسألك سؤالين علشان أتأكد:vb8:



هو دا سؤال و لا أنا مش واخد بالي


^^


أيون بدافع عن حقوقكم ضد الفكر الي بيعتبر الأنثى فتنة متحركة!!


بما أننا في رمضان

أكتر حاجه بتحبها في رمضان؟



السهر فيه مفتوح

بتحب لمت العيله في رمضان ولا بتحب تكون لوحدك؟



يعني لمت العيلة بتبقى ظريفه


بس مش كل يوم طبعا


يعني مره كل فترة بتبقى حلوة


نسأل عن المنتدى**

هل كنت متوقع إنك تستمر للآن في المنتدى؟



بصراحة لأ


أنا اليوم الي اتعينت فيه مشرف


كنت ناوي أعتزل المنتدى دا


و كنت حاسس بالملل


سبحان الله


اليوم الي دخلت فيه بقرف و كنت جاي افتح رسالة كانت عندي و أرد عليها و أمشي


الاقي نفسي باقيت مشرف


لأني لو ما كنتش اتعينت وقتها


ما كنش هيبقى ليه نشاط تاني


و ما كنتش اتعينت خالص


فبالتالي ما كنتش وصلت لإلي وصلتله دلوقتي


مين من الأشخاص في المنتدى الي بيعنوا لطارق ومش هتقطع علاقتك بيهم إذا حصل وسبت المنتدى أو المنتدى قفل أي حاجه يعني؟



أغلب الناس في المنتدى


علاقتي بيهم طيبه


و أكيد مش هتنقطع


بس ان جيتي للحق


هي هتنقطع لواحدها لما ما يكونش في كلام يتقال أو شغل


و دا بيبقى عن غير قصد


لكن أتمنى علاقتي تبقى مع الناس دايمة


مين من الأشخاص نفسك تتعرف عليهم برى المنتدى ومحصلش للآن؟



كتير برضو ناس كويسه


خلينا في الولاد عشان ما يتفهمش كلامي غلط


^_^


عندك ضياء و سيد و هيثم و أحمد و محمد


عن شخصك**

طارق شخصيه حساسه ولا لأ؟!



أحيانا الكلام بيأثر فيه


بس مش نكدية و ما بصدق بقى أمسك جرح زي ناس



بحاول أهدى و أعدي الموقف و خلاص



مين من الأشخاص متقدرش تستغنى عنهم أو ترفضلهم طلب؟


أصحابي


وخلاص كفايه كده

ومنور والله

بالتوفيق

أختك

لا و لا يهمك

نورتي السهرة يا ياسمين

و سعيد بمشاركتك معانا

آه يا ظهري

^_^