لو عـــاكسك .. مرمطيه

[Mo chahin]

حآقولك كآم طريقه تحرق دم آو تودي في داهيه أي حد بيعكسك

ماهو جيل منيل بعيد عنك ياختي تكوني مشيه في حالك لا بيكي ولا عليكي يطلعك

الواد زي عفريت العلبه ويقعد يعاكس ويقرفك يعني زي الزقه مش بيهمد طبعاً دول

بنشفهم في كل حتة

فمثلا إذا صادفت واحد من الي بيعاكسو ويالهوووووي لو كان

من المراهقين والي لسه بياخد مصروفه من باباه وكمان وزنه زي الريشه

يعني يجي حوالي 40 كيلو وحاول يديكي رقم الموبايل بتاعه وكنتي في طريق

فرعي مافهوش زحمه ناس تعملي ايه ..؟!ّ انا اقولك تعملي ايه ..!ّ

أولا : هانصحك بحاجه وبعد كدا اقلك تعملي معاه ايه :

لازم يابنتى تتفرجي على مباريات المصارعه الحره وتتعلمي منها كام حركه منيله علشان تدمرى أي حد بيعاكسك..

لو كنتي مش بتحبي تتفرجي على المصارعه اشتركي في نادي وتعلمي لعبه الكارتيه و لا الجودو

زوئيه على الارض ... طبعا هاترميه على الارض بعد ما تديه سيف يد فى دماغه ترديه طريحاً على الأرض وياريت تكون ضربتك

له ضربه مخلبيه و قوية شويه بس اوعي تتكي على زمارة رقبته لا يفطس في ايدك و لآ حآجة بعد ما يكون مرمي على الأرض

حطى رجلك اليمين على بطنه علشان تحل البركه ورجلك الشمال استخدميها لتثبيت اديه بعد كدا اقلعي جزمتك

وطاااااااخ ومنين يوجعك لحد ما تطلعي البلا على جتته بس ياريت يكون لون الجزمه

فاتح لونها علشان ما تعمليش في وشه علامات فارقه يعني خليكي حنينه ... وفى الاخر تعمليله الفينيش بتاع الاندر تيكر




طيب لو قبلتي النوعيه دي مثلاً في حديقه او كافتريا او كازينو تعملي ايه الاول لو كان جاي بعربيه ياسلام

تبقى كملت تجيبي مسمار وياريت يكون كبير وتعالي جنب عربيته و إرسمي على الابواب وشنطه العربيه لوحه تستاهل

تتحط في متحف الشمع في فرنسا من حلاوتها يعني بعد ما ترسمي على العربيه بإيديكي الي تتلف في حرير ما يبآنش

لون العربيه الاصلي وياحلاوته لو كانت العربيه لصآحبه او ابوه او مأجرها ياخرابي

حاتطلع عنيه في تصليح ما آفسدته عملته السوده ..



طيب لو قآبلتيه مثلا في السوق اقولك تعملي ايه تخليه يمشي وراكي لحد ما تورم رجليه وتشوفي لسانه طالع لبرا 30 بوصه من التعب ...

ووشه بئى زي الطمطمايه من التعب خدي بقى رقم الموبايل والبيت و ما تنسيش كمان اسمه وروحي حالاً لمكان السفاره الأمريكيه و إكتبي رساله تهديد

بوجود قنبله في السفاره وانك فاعلة خير وان الي عملها واحد و تقولي اسمه و تكتبي رقم الموبايل بتاعه ورقم بيته

وسيبي الباقي على رجال الضفادع البشرية وحرس الحدود ورجال الأمن وكل من له صلة سوف يقومون بتغيير معالم وجهة ....

و احتمال البنتاجون يبعتو قوه من الكوماندوز تقبض عليه ويبقى يخلي المعاكسات الي قرف بيها بنات الناس تنفعه ..

طبعا حليني بقى لحد ما يثبت انه مالهوش دعوة بالتهديد دا و انه بريء لانه هايكون متهم لحد مايثبت العكس و ربنا لا يوريكم ...

بعد ما يخرج احتمال يتخرص عن الكلام خالص او يجيله حول او كساح او شلل اطفال او تلاقيه سارح في ملكوت الله ...





في طريقه تانيه بعد ما تآخدي رقم الموبايل بتاعه و رقم بيته تروحي اقرب إداره لمكافحه المخدرات واكتبي العبارة التاليه

(( كمية حشيش للبيع بسعر مغرى لعدم التفرغ ))


للحجز أو الاستفسار أرجو الاتصال على صاحب الرقم التالي وكتبي بقى رقم الموبايل و رقم البيت و أسمه ....


وبعد كدا ربنا يتولاه برحمته

واجرى واجركم على الله
ميرو

[L.O.V.E]

هههههههههههههههه
حلو اوى
مشكور

[هيا*HYA*]

ههههههههههههههههههههه
جميل بجد
انا فعلا كنت بلعب كاراتيه
بس ازاى اضرب واحد فى الشارع
ممكن بس لو اطاول عليا
بس انا بعمل حركه جميله بجد لما بكون راكبه ميترو او مينى باص
بتلاقى الرجاله كلهم بيحبوا يتلزقوا مع انى بلبس لبس محتشم وطول وكمان محجبه
بس اقول لمين ولا بتفرق معاهم
اه بص انا بمسك دبوس من الطرحه فى ايدى واللى بحس انه هيلزق فيا
اقوم اشكه بالدبوس واعمل هبله
لانه هو اللى ابتدى بقله الادب
لازم يتربى
ياريت كل البنات اللى بيعانوا زى من المشكله دى يجربوها
هتلاقى ولا واحد هيقربلك وانتى فى الاتوبيس
طالما اتشك مرة خلاص هيحرم يتلزق فيكى
جربوها وقولولى
اى خدمه

[Mo chahin]

ههههههههه
حلوة الفكرة
شكرا لمرور

[ايمان محمد]

ههههههههههههههههه جاااااااااااااااااااامد اوى

[BANOTA COOL]

هههههههههههههه

هو دة الحل وانا من بكرة هضرب جودو

[Mo chahin]

ب ياجماعه واللى البنات بتعاكسه يعمل فيهم ايه ؟
انا عن نفسى بطل جمهوريه فى كونغ فو سنه 2004
بس مش معقول هلعب لعبتى دى على انثى
ولا اقدر كمان اجيب دبوس ههه واشك بيه اللى تقرب منى
قولوا بقى يا بنات اللى كده ناصيبها ايه من العقاب دا .؟؟
ماهو حرام الشباب لوحديهم ينضربوا هههه

[دموع ف نهر الحب]

انا بلعب كراتية واللى بيفكر يضايقنى بخلية ينسى اسمة

[●•Young Eyes•●]

لا مش مهم عشان لو حد فال حاجة او جية جمبى ولا فيه حاجة بدهر ايدى علاطول يسلمووووو ميرو على الموضوع

[Mo chahin]

شكرا ندى ومريم للمرور